محتار : ليسانس علوم قانونية و ادارية + شهادة الكفاءة المهنية للمحاماة

[kamelo31]

لدي ليسانس علوم قانونية و ادارية و شهادة الكفاءة المهنية للمحاماة ما تقترحون علي ان اعمل
درست و درست حتى مللت و حاليا سئمت من البطالة:mad:

[الدنيا]

انا تاني متخرجة 2012 و قاعدة دير تكوين مهني و لا لونساج ماتقعدش باطل

[kamelo31]

انا تاني متخرجة 2012 و قاعدة دير تكوين مهني و لا لونساج ماتقعدش باطل

ماذا تقصدين بالتكوين مهني ؟
فكرت بلونساج لكن دايما نقول ماقريتش باطل لازم نعمل في مجال دراستي ... فيما يمكنني ان استغل دراستي في لونساج ؟

[جون مكين]

خويا راهي نقابة المحامين فاتحت تربص روح دير وخدم على روحك

[kamelo31]

اولا بالنسبة لنقابة وهران لم تفتح بعد التسجيلات ربما اواخر سبتمبر او اكتوبر
ثانيا انا متخوف جدا من هذه المهنة و خاصة مدة التربص سنتين دون اي راتب ... و اذا عندك معلومات حولها افيدني بالايجابيات و السلبيات لاني كلما اسأل يعطوني غي السلبيات

[amine eco]

صراحة اخي تخصص حقوق ميهش مستقبل


بما انك لم تكمل ماجستير فاظن دراستك غير كافية هذه هي بلادنا

[kamelo31]

صراحة اخي تخصص حقوق ميهش مستقبل


بما انك لم تكمل ماجستير فاظن دراستك غير كافية هذه هي بلادنا

وين تقرا ماجيستير يا خويا في الجامعة تاع وهران غي ليهم و لولادهم .... ليسانس و الكابا جبناهم حتى عرقونا

[سامية كريم]

ايه انا متخرجة 2006 ودرك ما كان والو ربي يجيب الخير برك

[bibo002]

سوف أعطيك الحل يا أخي هي الخروج من هذه البلاد
فالبلاد التي لا تعطيك حقك مع أنك حقوقي لا مجال للعيش فيها اين هي العدالة
العدالة 00000000000 و المحاماة يجب عليك تبرير حجج على كذب
اخي اذهب اهجر هذه البلاد لعلك سوف ترتاح نفسيا
هذا ما لدي شكرا

[ASMA 19]

ya khoya rana kif kif blad miki wech rayeh dir

[kamelo31]

زعما حسبت روحي درت احسن اختيار لما قريت علوم قانونية و ادارية و زدت الكابا لكن ضيعت سنين في القرايا باطل ...
ماعندكش معلومات كيفاش ممكن نعمل في سونلغاز

[kamelo31]

سوف أعطيك الحل يا أخي هي الخروج من هذه البلاد
فالبلاد التي لا تعطيك حقك مع أنك حقوقي لا مجال للعيش فيها اين هي العدالة
العدالة 00000000000 و المحاماة يجب عليك تبرير حجج على كذب
اخي اذهب اهجر هذه البلاد لعلك سوف ترتاح نفسيا
هذا ما لدي شكرا

وين نروح خويا ؟

[أمير دي زاد]

مثلك صديقي ليسانس حقوق + شهادة الكفاءة المهنية لمهنة المحاماة راني بطال كيفك ربي يجيب الخير

[kamelo31]

مثلك صديقي ليسانس حقوق + شهادة الكفاءة المهنية لمهنة المحاماة راني بطال كيفك ربي يجيب الخير

رانا كيف كيف ههههه ممكن نعرف علاه
مادرتش المحاماة؟

[sidali1988]

الفئة الاكثر تهميشا هم الجامعيون لان فينا عقدة وانا منهم.....(لازم نخدم في مجال دراستي ولا مانخدمش).... ولكن السنين تمر ولا تنتظر احدا حتى تجد نفسك 40 سنة لا خدمة ولا دار لا زواج.... انا قررت اني ابحث عن مصدر رزق اخر ولو ادى ذلك الى احراق شهادتي ..كاين ناس كانو يقراو معايا في المتوسط وخرجو من هذاك الوقت راهم لاباس بيهم برزقهم وتاويلهم ربي يزيدهم .. ... حتى صرت اخجل ان التقي بهم واقول لهم اني مازلت ابحث عن عمل.... فتصير محل تنكيت في المقاهي .... لازم نفيقو شوية

[nexsus987]

نصيحتي لك يا صديقنا العزيز : أنت تعيش في احدى دول العالم الثالث، أنت تحس بأن حقوقك مهضومة ولا أحد يبالي بك، أنت ترى الظلم بأم عينيك ولكن ما باليد حيلة، أعتقد أن هذا هو ما نتوقعه في بلاد من هذا القبيل ! إن اهم شيء ينفعك الآن هو الصبر والهدوء، ثم أخرج رشاشك وأقذف جميع الطلقات عسى ولعل أن تصيب هدفا من الأهداف، بلغة اخرى لا تتوانى عن المشاركة في أي مسابقة حاول ثم حاول...إن أسوء أعدائك الآن هو الأفكار السلبية التي تجعل منك إنسان منهار وفاشل بلغة أخرى لا تقتل عزيمتك، إجعل من كل المصاعب التي تواجهك دافعا للتفكير والبحث عن حل وليس سببا للإنطواء على الذات والهزيمة،.....يجب أن تكون واقعي وبراغماتي حتى تجد لك مكانا في غابة الوحوش هذه.

[BELSYS]

يمكن أن تفتح مكتب للاستشارات القانونية و الادارية .... بسجل تجاري فقط ، تعمل في تقديم المراسلات و مختلف النصائح القانونية و يمكنك تحرى الحلال .....و بعد فقط ترد لي الخبر .................. بالتوافيق

[kamelo31]

يمكن أن تفتح مكتب للاستشارات القانونية و الادارية .... بسجل تجاري فقط ، تعمل في تقديم المراسلات و مختلف النصائح القانونية و يمكنك تحرى الحلال .....و بعد فقط ترد لي الخبر .................. بالتوافيق

اعتقد ان فتح مكتب للاستشارات القانونية غير ناجح في مجتمعنا لا ن الشعب تاعنا ماعندهش هاد الثقافة تاع استشارات قانونية فحسب رايي المحاماة احسن من هذا المشروع مشكور على كل حال

[أمير دي زاد]

رانا كيف كيف ههههه ممكن نعرف علاه
مادرتش المحاماة؟

السبب انني هذا العام فقط كملت الدراسة افريل 2014 كابا و زيد راني حاصل مع مشكلة الخدمة الوطنية

[sarl02]

لا تقلقو يا معشر الحقوقيين فلكل منكم نصيبه ورزقه ات لا محالة....انا خريج حقوق وكاباومحامي سابق وافتخر بهذه الشعبة التي درستها.....وانا الان اعمل خارج مجال دراستي الا اني احن اليه....والحمد لا اعرف احد من دفعتي راه قاعد بلا خدمة الكل اطارات في مختلف المجالات ....الصحة التربية الامن...الخ...لهذا كل واحد يصبر على رزقه فلا احد اتخرج من اخدم من...ووفق الله الجميع.

[ibra34]

يوجد الآلاف مثلك والحل ابحث عن أي مشروع خاص لأن الاعتماد على مناصب الدولة يضيع الوقت...

[هاجر المدانية]

السلام عليكم انا متخرجة ليسانس حقوق دفعة 2002 خدمت كل العقود بصح لحد الآن مازال ما لقيتش منصب عمل وكي قطعت اللأمل من دبلوم الحقوق الله غالب ماعنديش المال الكافي نفتح مكتب سجلت فالجامعة لغة فرنسية وراني ضرت سنة ثالثة الهام جاي نتخرج انشالله. ربي يفرج على الجميع.

[sec 88]

أنا أيضا متحصل على ليسانس حقوق دفعة 2012 + الكابا ... و بقيت لأكثر من سنة و أنا بطال أجري وراء مسايقات التوظيف . لكن بلا فائدة ..... في الاول كنت أرفض العمل لدى الخواص لكن بعدما رأيت أن الحظوظ في الظفر بوظيفة في القطاع العام شيه منعدمة قررت العمل لدى الخواص و هو ما أقوم به حاليا منذ حوالي سنة (أعمل عند محضر قضائي) ..... منها تربح الخبرة و تكون لديك شهرية أيضا .. أحسن من الجري وراء المسابقات
.
و بخصوص مهنة المحاماة فقد محيتها تماما من بالي و حتى لو فتحت دورة لاداء اليمين في ولايتي فلن أتقدم لها لعدة اسباب أهمها الجانب الشرعي و الديني لهذه المهنة
.

["راجية الجنة"]

نحكيلكم على قصتي
متخرجة في 2010 و حاصلة على كابا
قعدت اربع سنوات بلا خدمة
و جاتني فرصة بصح في منصب اقل من ديبلومي بكثييييييييييييير
عاملة مهنية مستوى اول متعاقدة بالتوقيت الكامل
ووين في البلدية
قبلت به و سكت خييير من مكانش
عندي شهرية مش بزاف بصح ربي باركلي فيها
و الاهم عندي رقم ضمان اجتماعي
و السنوات تتحسب في التقاعد
خير من يروح عمري خسارة حاكمة يدي بها
والي نقولوا هكة اقولي راكي هبطتي من النيفوا و ديجا مهوش منصب هذا و دراهموا قلال بطلي خير
هذا كلام واحد كان حاب يحطبني هو قالي زوج كلمات هدوما عرفت تفكيروا وبلي مهوش متواضع و الله مستعان
و انا بكل فخر راني نكسب في خبرة مهنية الله يبارك عندي عام و انا نخدم تعلمت امور كثيرة
اجتماعية و عملية
الانسان لازم يكون قنوع واي فرصة مهما كانت مهيش قد النيفوا نتاعك استغلها
لعل الله يحدث بعد ذلك امرا
على قد قناعتك على قد ما ربي يمدلك أكثر و أكثر
و انصحك بالتواضع ثم التواضع
ربي يرزقك من حيث لا تحتسب

[ATEF 23]

رب يعاونك الاخت راجية نظن درت مليح على الاقل تكتسبي خبرة رانا كيف كيف متخرجين في 2010 ومن نفس الجامعة ما تسمعيش لهدرة الناس يحبو غير يطيحو المورال انت اخدمي و كي تلقاي خدمة بالشهادة تيعك وعلاه لا.رب يوفقك اختي

[kamelo31]

نحكيلكم على قصتي
متخرجة في 2010 و حاصلة على كابا
قعدت اربع سنوات بلا خدمة
و جاتني فرصة بصح في منصب اقل من ديبلومي بكثييييييييييييير
عاملة مهنية مستوى اول متعاقدة بالتوقيت الكامل
ووين في البلدية
قبلت به و سكت خييير من مكانش
عندي شهرية مش بزاف بصح ربي باركلي فيها
و الاهم عندي رقم ضمان اجتماعي
و السنوات تتحسب في التقاعد
خير من يروح عمري خسارة حاكمة يدي بها
والي نقولوا هكة اقولي راكي هبطتي من النيفوا و ديجا مهوش منصب هذا و دراهموا قلال بطلي خير
هذا كلام واحد كان حاب يحطبني هو قالي زوج كلمات هدوما عرفت تفكيروا وبلي مهوش متواضع و الله مستعان
و انا بكل فخر راني نكسب في خبرة مهنية الله يبارك عندي عام و انا نخدم تعلمت امور كثيرة
اجتماعية و عملية
الانسان لازم يكون قنوع واي فرصة مهما كانت مهيش قد النيفوا نتاعك استغلها
لعل الله يحدث بعد ذلك امرا
على قد قناعتك على قد ما ربي يمدلك أكثر و أكثر
و انصحك بالتواضع ثم التواضع
ربي يرزقك من حيث لا تحتسب

انا في حيرة و ليس امامي سوى المحاماة

[كمال لمسيلي]

mercooooooooooooooooooooo