ذهبت الى مركز التجنيد قسنطينة كمتطوع ! للأسف

[no name rix]

السلام عليكم
كنت اليوم صباحا في قسنطينة لتسجيل كمتطوع
والكل يعلم أن المتطوع له حق اختيار الثكنة وهي موضوعة في اعلان داخل المركز
المهم لما دهبت للشباك الخاص بالمتطوعين أعطوني نعمر ورقة خاصة بالمتطوعين
لما انتهيت تكلمت معه بشؤون اختيار الثكنة قال لي خير واش حبيت (هذا السيد ناس ملاح )
امبعد قلتلوو حطني في المدرسة العليا للبحرية تامنفوست هو كيما راح يكتب ونطق لصاحبو ألتما
قالو تامنفوست اه و يقولووو لا لا قالوو بليدة قلت أنا للسيد هذاك ناس ملاح
قلتلوو بليدة ماتسعدنيش وامبعد قلتلوو نخير وحدة خلاف الاختيار الثاني كان ' بجاية '
للاسف قالي ابعثونا مايقبلوش في دفعة سبتمبر زيد قلتلو الاختيار الثالث ' الحراش'
نفس الشيئ هو لحق يكتب زاد قال لصحابوو هذاك لميفرحش ههههههه قالوو لا لا البليدة
+ زاد قال جميع المتطوعين نبعتوهم بليدة
هههههه قلتلوهم نقدر نستعد أوراقي التي دفعتهاا قلتلهم نروح في دفعة مارس (امبعد شدولي ديبلوم ماستر)
وقالي ارواح كي يموتلك السورسي (نسيت التاريخ بالظبط لقالي ارواح فيه)
وان شاء الله لقدر الرحمان تتحسن ظروفي في مارس نكون خارج الجزائر
رجعت الى ولايتي جيجل خائب الأمل وسؤالي في مركزنا بولايتي قالو لي ارواح في الاسبوع الاول في سبتمبر
باش تروح متطوع ؟ هل يفرضوو علياا ثكنة البليدة ؟؟ أو لي حرية الاختيار
.......

[BrahimWalid]

شوف أخي .. هادو هوما لعسكر كل واحد يخدم على حساب القوسطو تاعو
انا قالولي ماكانش منها متطوع أصلا .. لكنني سجلت و الحمد لله
عاود ارجعلهم اخي و اغتنم الفرصة كي يتبادلو لي بوست و جرب حضك مع عسكري أوخر
واش تحب اخي بلاد معوقة

[no name rix]

صح راني قريت الموضوع الخاص بيك
للاسف كل واحد والتعامل تعوو أنا هذاك لمعجبوش الحال
كان مكروشي مع واحد السيد ألتماا قالووو راني نخدم خدمتي ويصصح في كلاموو
تبانلي راهوو يفرض في شخصيته على الشعب الأعزل فقط
المهم لكتبهاا ربي ان شاء الله خير

[BrahimWalid]

صح راني قريت الموضوع الخاص بيك
للاسف كل واحد والتعامل تعوو أنا هذاك لمعجبوش الحال
كان مكروشي مع واحد السيد ألتماا قالووو راني نخدم خدمتي ويصصح في كلاموو
تبانلي راهوو يفرض في شخصيته على الشعب الأعزل فقط
المهم لكتبهاا ربي ان شاء الله خير
اخي هدوك أدنى رتبة في الجيش لي وقف قدامو يخاف منو .. و يجو يخوفو فينا حنا الشعب
الله غالب خويا مش ناس كل كيف كيف .. كاين لمليح و كاين الحاير .. صلي صلاة الاستخارة و عاود روح اخي
بلادنا لوكان جات بلاد حق راهم نحاو الحكومة الفاسدة منذ سنين ..

[mr_jalilo]

السﻻم عليكم

اخي العزيز قدر الله ماشاء فعل لعله خير لك.


+

انا ايوم سجلت عادي بتامنفوست والحمد لله.

[no name rix]

BrahimWalid
واش نقول ربي يهديهم وربي يعطينا الصبر فهذي لبلاد
mr_jalilo
أيا الحمد لله وان شاء الله مايكون غير الخير
.....
للأسف حتى الأشياء التافهة والمفروغ منها يدخلونك في متاهات

[khaoula la dentiste]

السلام عليكم
انا خالد من خنشلة ....استسمحكم في مشاركتي بهذا البروفايل لأنه تعذر عليا التسجيل في المنتدى باسمي الخاص فاستعنت بهذا البروفايل الذي يعود الى صديقتي...
اخي هل صحيح اشترط عليكم هم الثكنة و لم يعطوا لك الاختيار.....
لاني في هذا الاسبوع ان شاء الله اذهب اليهم و اسجل كمتطوع

[khaoula la dentiste]

انا خالد... خويا mr-jalilo
وين سجلت.. قصدي اي ناحية..هل هي الناحية الخامسة

[mr_jalilo]

khaoula la dentiste (http://www.djelfa.info/vb/member.php?u=445881)
*****************************

نغم اخي انا تابع للناحية الخامسة لكن لم اسجبل في فسطينة بل في عنابة انا من وﻻية سكيكدة.

[hicham43002]

يا اخي من سابع المستحيلات انك تقطن في ولاية جيجل وتريد ان تؤدي الخدمة الوطنية بتامنفوست فمن شروط اختيار الثكنة ان تكون بعيدة عن مقر سكناك ب 150 كلم اما بالنسبة لبجاية فنظرا للمشاكل التي لحقت بالمتطوعين في دفعة سبتمبر الماضية اصبحت لا تستقبل المتطوعين ومن اخري فيحق لك اختيار الثكنة التي تريد شرط ان تتماش مع الديبلوم وان تبعد عن مقر سكناك ب150 كلم وبالتالي تسطيع ان ترجع الى قسنطينة مرة اخرى وتطالبهم بالثكنة التي تريد او تنتظر بداية سبتمبر وتذهب الى مركز جيجل وتختار الثكنة التي تريد

[algeriano2009]

يا اخي من سابع المستحيلات انك تقطن في ولاية جيجل وتريد ان تؤدي الخدمة الوطنية بتامنفوست فمن شروط اختيار الثكنة ان تكون بعيدة عن مقر سكناك ب 150 كلم اما بالنسبة لبجاية فنظرا للمشاكل التي لحقت بالمتطوعين في دفعة سبتمبر الماضية اصبحت لا تستقبل المتطوعين ومن اخري فيحق لك اختيار الثكنة التي تريد شرط ان تتماش مع الديبلوم وان تبعد عن مقر سكناك ب150 كلم وبالتالي تسطيع ان ترجع الى قسنطينة مرة اخرى وتطالبهم بالثكنة التي تريد او تنتظر بداية سبتمبر وتذهب الى مركز جيجل وتختار الثكنة التي تريد

ماهي المشاكل التي حدثت أخي ؟

[algeriano2009]

أخي المدرسة العليا للبحرية في برج البحري الجزائر العاصمة و ليس جيجل.

[amine eco]

اخي نصيحة ارجع ليهم في وقت اخر ممكن تلقى خدامين تبدلو نفس قصة صرات للعضو هنا

[no name rix]

شكراا لكم لنصائحكم
للاسف صباحا ذهبت الى مركز التجنيد بولايتي جيجل
للاسف قالولي روح الى قستنطينة مع العلم أنهم قالولي أرواح في بداية سبتمبر لتسجيلك كمتطوع
هو كل واحد واش يقولك ههههه تحير فالبلاد
المهم قررت ربما الاسبوع المقبل أكون في قستنطية ونروح وين جات

[youcef ha]

نفس الشيء حدث لي قالولي حنا نوجهوك
سحبت الاوراق نتاعي و الآن عندي اتصالات مع بعض الاشخاص باش يسهلولي نختار الثكنة اللي راني حابها

[no name rix]

نفس الشيء حدث لي قالولي حنا نوجهوك
سحبت الاوراق نتاعي و الآن عندي اتصالات مع بعض الاشخاص باش يسهلولي نختار الثكنة اللي راني حابها

أخي حبيت نسقسيك
غير بليدة يبعثووو ؟؟ ولا غير النهار لكنت أنت فيه مع بنادم هذاك ؟؟

[youcef ha]

أنا ماقاليش على البلاصة لي راح يبعتوني المهم قالي حنا نوجوك مشي نتا لي تختار
أنا مكترتش معاه الهدرة رفدت الاوراق نتاوعي و خرجت

[idrissgcivil18]

ربي يفرج عليكم كامل اخي الكريم انا كنت متطوع في مارس الفائت في بجاية وصح هناك ضغط كبيررررررررر لهدا الشبب ترفض المتطوعين الان ربي يسهل امين يا رب

[khaoula la dentiste]

اخي نصيحة لك ان تنتظر في سبتمبر وتذهب الى مكتب الخدمو الوطنية الخاص بولايتك .. و بإذن الله تلقى اختيارك الذي اردته...

مع العلم انا ذهبت اليوم الى قسنطينة و كنت في فس وضعيتك أي اردت التسجيل كمتطوع و اختيار المدرسة العليا للبحرية.. في البداية تلقيت الرفض المطلق و لكن لم استسلم و بعد اصرار و الحاح كبير ومجدلات عديدة و صليت الاستخارة ودعيت الله القدير فلما رجعت اليهم نلت ما قدره الله لي.. و بإذن الله نلتقي في تمنفوست يا الأخ الكريم...و في أمان الله

[no name rix]

اخي نصيحة لك ان تنتظر في سبتمبر وتذهب الى مكتب الخدمو الوطنية الخاص بولايتك .. و بإذن الله تلقى اختيارك الذي اردته...

مع العلم انا ذهبت اليوم الى قسنطينة و كنت في فس وضعيتك أي اردت التسجيل كمتطوع و اختيار المدرسة العليا للبحرية.. في البداية تلقيت الرفض المطلق و لكن لم استسلم و بعد اصرار و الحاح كبير ومجدلات عديدة و صليت الاستخارة ودعيت الله القدير فلما رجعت اليهم نلت ما قدره الله لي.. و بإذن الله نلتقي في تمنفوست يا الأخ الكريم...و في أمان الله

ان شاء الله
للاسف ذهبت الى مركزي وقالولي اطلع الى قسنتطينة بففففففففف بالرغم من قبل قالولي ارواح عندناا
ماتفهم والووو
المهم أنا سوف اعوذ الى قسنطينة وأذهب في دفعة سيبتمبر مهما تكن الثكنة
لا أنوي لان هذه البلاد غير صالحة

[catalani89]

السلام عليكم و رحمة الله تعالى و بركاته
ذهبت يوم امس الى مركز الخدمة الوطنية بقسنطينة للتسجيل كمتطوع
جميع الذين سجلوا صباحا واستقبل منهم الملفات العسكري لم يسمحوا لهم بالاختيار
ومن حسن حظي تبدل هذاك العسكري و جا واحد ناس ملاح لابس سيفيل
هدرت معاه قاللي هيه وين حاب نبعتوك المرة الاولى قلتلوا الاغواط طيران
قاللي الاغواط انساها كي قلتلوا علاه قاللي افير ديبلوم -انا ديبلومي دروا-
قاللي نتا عندك الحق تخير ف la une -premiere region-
و اعطاني الاختيارات كانت شرشال الحراش القليعة تامنفوست و نسيت واش تاني
و انا بلا ما خممت قلتلو تامنفوست
و سجلت كيما حب ربي
في الاخير اخواني ماتنساوش الشدة في ربي و سورتو صلاة الاستخارة.

[no name rix]

بصحتك
هههههه غير أنا ضفرت فياا عاودت وليتلهم لقيت هذاك السيد لمايفرحش
قلتلوو نقدر نخير البلاصة قالي واش من بلاصة تحب قلتلوو البحرية تامنفوست ولا بجاية
وابعد قالي هماا دوك يبعتوك على حساب الديبلوم تعك
كي خرجت لقيتها البليدة بفففففففففففف
الله يكون الخير