رايحة نهبل

[مشكلتي]

السلام عليكم مشكلتي انو خطبت لشخص هو من عائلة مقربة و الموضوع كلو تم بسرعة و تحت الضغط اضطريت انوافق عليه بالرغم اني غير مقتنعة اطلاقا لما جا نهار الشوفة ما لقيتش حتى سبة نقولها لدارنا باش نرفض و قلت بلاك هو ما نعجبوش ولكن هو وافق و جا ودفع الشرط وخلاص قلت بلاك مع الوقت رايحة نقتنع ولكن بالعكس مع الوقت نزيد رفض للموضوع كلو صدقوني ما نحبش نحكي معاه وكل ما يكلمني ما نهزش عليه و حتى لما نهز ما نحبش نهدر و نحس بخنقة ودايما نتناسا الموضوع و ما نحبش لي يفكرني بموضوع الخطبة و الوقت راه يمشي و قرب العرس و انا مش متخيلة روحي باش نعرس معاه دارنا يدزو فيا باش نوجد تصديرتي و انا مش حابة عمركم شفتو وحدة مخطوبة و هي تعيسة انا من نهار تخطبت وانا في المرار حاجة ماني مسبنتها لا ماكلة لا خرجة لا قعدة نحب غير نرقد باش ننسا حالي راني كلي عايشة في غيبوبة مخبية الالم و ساكتة لانو حتى لو قلت لدارنا مش رايحين يفسخو الخطبة لان العايلة قريبة و هو انسان لاباس بيه ما كان حتى عيب او سبة لي نقولهالهم وزيد راني قريب عمري للثلاثين و هوما شايفينها فرصة عييت باش نقنع روحي بيه بصح ما قدرتش الله غالب ما ريحتش نفسي ليه والله يا خاوتي رايحة نهبل صليت استخارة دعيت ربي بكيت ليل مع النهار و مازالني في نفس الحالة حرت وش ندير.

[ليندة ياسمين]

ياااااااااااااو تزوجي وهني روحك


وزيد انت مراكيش جميلة جدا حسب مافهمت من كلامك لانك قلتي
( قلت بالاك مانعجبوش لكنه وافق )

وزيد لاباس بيه وباين فيه حبك من اول نظرة
ولكان هو عاقل وحنين ومثل ماتقولي لاباس عليه وعلاش ماعجبكش الحال ؟
لكان عندك رجل اخر في حياتك ومتعلقة بيه وفي نفس الوقت حابة تتزوجي من هدا العريس لانك حابة تتزوجي فقط
قولنا حتى نعاونوك ماتخبي والو

وزيد ممكن لما تتزوجي راح يعجبك الحال خاصة لما تجيبي طفل

[عمار لباد]

ya okhti og3di m3a ro7ek
w lazem tdicidi ya tacceptih w ta3tih 7a9o kamel men kolech
ya fodiha 3lik w kol wa7ed yro7 f trigo
khir men tekber ktar men rahi kbira

[dina.labelle]

يا أختي ننصحك نصيحة أخوية
متقوليش أنا منيش شابة و ملاحة تروحي تطيشي زوحك و تتزوجي بأي واحد و لي راهم يقولولك معندو مابقالك راكي برتي خلاه طفرت فيك راهم غالطييييين
باسكو نساو حاجة اسمها مكتوب
كل وجدة كاتبلها ربي شكون راح تديه
مي اختي متنسايش قبل متشاوري اي واحد شاوري مولاك استخيري الله هو من يدلك على الخير
و نزيد نقولك حننونة الحالة هده دائما موجودة و بنات بزاف مخطوبات تصرالهم هكدا
يكونو قريب يفسخوا الخطوبة مي
بعد الزواج حاجة واحد اخرى
اختي عيشي حياتك و ةجدي تصديرتك متغبنيش روحك بالنوم و الزعاف ز كلشي على ربي
و زيد نقلك حنونة تفكري بلي هدا الراجل خيرك من 10000000000000 وحدة تكوني مرتو معناها فيك حاجة تميزك على 100000000000000 وخدة من جيلك
أقتنعي قبل ما تقرري
احسني الاختيار
و جامي تندمي على حاجة قررتيها على اقتناع و ثقة
سلام

[الناصر لدين الله]

ربما يوجد شخص آخر في حياتك؟؟
وهذا التردد بسببه؟؟

[salem1985]

السلام والله الدنيا عيش تشوف العجب كاين ناس تتمنى السترة وكاين الي العجب مايعجبوش انا مانلومكش نلوم العائلة انتاعك انت راكي داخلة ل30سنة ومزال ماحسسوكش بالخطر انتاع العنوسة حمدي ربي راكي لقيتي الي يسترك وانسان محترم الناس راهي مالقات حتى نص راجل فيقي لعمرك اختي توكلي على ربي وفكري في حياتك خير من الي تندمي راكي مليحة كي راكي لقيتي بعد30 سنة وكاين الي يشوف فيك راهي العنوسة وديان وطوفان في هدا البلاد وحتى الي يعاود الزواج يتزوج بمولات العشرين نقظي روحك ختي راه الزواج مكتوب بصح السباب لازم وولد الحلال مايتردش خدام ومحترم ومتدين واش يخصك خير من الي تولي تتمناي السكير وما يرضاش بيك رب يوفقك

[Kawthar77]

لمادا هدا التفكير يا رجال ومادا تفضلون عنوسة في تلاتين او مطلقات في عشريين
اختى أنصحك وانتي في بداية والحل في يدك وليس بعد الزواج وبعد فوات الأوان ترجعي لوالديك بحجة لا تحبينه ولا تستطيعي العيش معه
وادا يوجد شخص اخر في حياتك سيكون زواجك مشكلة وليس حل واستقرار والله المستعان

[naamane3]

جلسة استغفار تذهب عنك جميع الهموم

[امل العاتر]

صليتي صلاة استخارة ..ارضي اذا بقدرك ولا تنسي قوله تعالى '' فإن كرهتموهن فعسى أن تكرهوا شيئا ويجعل الله فيه خيرا كثيرا""

[النجمة القطبية]

شوفي يا اختى لازم تكون عندك اسباب للرفض سبب مقنع مثلا ماشي مدين او غير مصلي او غير مقتنعه باخلاقه او معجبكش شكلا لدرجة كبيرة او عيب في العقلية او الظروف الاجتماعية
اما قولك انك غير مرتاحة دون اسباب هكذا فقط فانا انصحك نصيحة مجربة لا تلتفتى لتلك المشاعر كامل مرينا بيها
وصدقينى الزواج التقليدى افضل من زواج الحب والزوج اللى يحبك راح يرضيك ويعيشك ملكة مدللة
فكري مليح مش كل يوم تلقاى واحد مدين ومربي غير اللى لسانو الف متر :d:d اذا خطيبك مربي وناس ملاح توكلى على ربي وربي يسهلك
الزواج نعمة توكلى على ربي ما خاب من توكل عليه
موفقة

[Golden Princess]

صارحي اهلك بالموضوع لم يحدث شيء بعد , لكن تكلمي معهم الان فالوقت يمر
و لا تنسي استمري بالاستخارة و الله يفرج همك قريبا

[jihanne]

اهدي معاه بينك بينو و خليه هو يفريها

[تراتيـل صبــح]

شعور صعب صراحة
فكري في أسباب الرفض الحقيقية
وان كان السبب هوعدم ارتياح فقط فقد قمت بالاستخارة
أي استخرت الله واله يسر لك أمورك يعني اختار لك
وخير من يختار لنا هو الله
وشيئ آخر لا تءمع لكلام من يقول أنك في الثلاثؤن وعانس وما شابه هذا الكلام
ان كنت سترفضين أو تقبلين فليس لسبب سنك
ليس لاأن القطار سيفوتك كما يظنون وليس لك اختيارات اخرى
بل رفضك وقبولك متعلق بالشخص الخاطب وشخصيته وأخلاقه وو
أما سنك مهما كان فهو ليس حجة لأن ترمي نفسك دون تفكير
فكري جيدا في الاسباب كما قلت في البداية فالاجابة تملكينها أنت فقط.
موفقة.

[عبد الله 22]

إذا كان معجبك خلي الرجل يروح في حالو لأن في الاخير أنت من تتحمل الخسارة الكبيرة في حالة الزوج من اجل الناس او العمر فق دون قناعة، من جهة اخرى حاولي التفكير في أسباب الرفض

[no name rix]

لو كان صاحب سيارة فاخرة ويملك مال وفيلا أعتقد بل أقر أنك تكوني أسعد انسانة
صارحي عائلتك وقل لهم لا أريد الزواج منه لأن حتى الزوج يملك كبرياء
ربي يفرج عليك

[Amal1995]

ان شاء الله ربي يفرج عليك ويرفع عنك ما أنت فيه عاجلا غير اجل

[سماح 2]

مدام لبــاس عليه وانت ماشكـ صغيرة لا داعي للرفض

فكري كن ما يزيدوش يتقدمــولك خلاه من بعده تبقاي بلا زواج ؟

صلي صلاة الاستخــارة ..

[عزه]

شوفي أختي لاتحملي نفسك مالاتطيق. كما قيل لك إن كنت لاتريدينه فلاتحتميه على نفسك بحجة السن، راحة نفسك فوق كل اعتبار

[dina.labelle]

nchallah tkouni lguti rou7ek w a7ssenti elikhtiyar

[oussama.oussama]

سنك قرب للتلاثين أنصحك بالزواج منه وربي يبث المحبة بيناتكم

[ام رجاء 09]

هاد المرحلة قاع مرينا بيها انا قريب وصلت للفسخ قبلت ومن بعد ندمت لكن الان نقول الحمد لله استخرتي وربي راه مسهلك فيها خير ليك ماتنطوايش على روحك وتفكري غير في السلبيات شوفي محاسنو وخمي من الجانب الايجابي في نفس الوقت الناس الصالحين راهم يحوسو عليهم بالشمعة

[sara 97]

غير عودي روحك على الاستغفاار وصلي الاستخارة مرارا وتكرار
ادعي ربك فجوف الليل وتوكلي على مولانا

خصوصا انك قربتي الثلاثين

[الماسة النادرة]

روحي ارقي واستهدي بالله واكثري من قراءة القران

[sonia32]

يا اختي الكريمة انا صرتلي نفس المشكلة واتاني احساس غريب تجاه هذا الرجل الذي خطبني لدرجة انني قلت انني كرهت الحياة ولن اتزوج ابدا لكن مع الوقت صليت صلاة الاستخارة و نزعت من عقلي فكرة الرفض و اقتنعت به خاصة ان العمر تقدم بي و هو انسان متدين وتزوجنا والحمد لله ونحن الان سعداء
نصيحتي لك اختي يجب ان تحكمي عقلك قبل قلبك لانه اذا فكرتي مثلا في شكله اوماله او اشياء مادية اخرى كلها امور سطحية غير مهمة لان المهم هو الدين والصلاح ولا تغركي صديقاتك اللواتي يقلن لك اننا تزوجنا من رجال وسيمين او اغنياء فكلهن يتخبطن في المشاكل ارجو لك التوفيق في اتخاذ القرار

[ام سامي15]

استغفري ربي

و لي كتبوا ربي راح يصير

اهم شيئ عامليه بالمعروف و الاحسان اذا تزوجت به

ما تخليش الشيطان يلعب بيك

[زرقـآء اليمآمـة]

السلام عليكم
اذا كان رجلا صالحا تزوجي بيه ومع الوقت والعشرة توالفي ............