المساعد الشخصي الرقمي

مشاهدة النسخة كاملة : سؤال للخياطات ....بالله عليكن تجاوبوني

وحيدة**
2014-08-14, 22:51
السلام عليكن ...


اخواتي الخياطات تعيشوا جاوبوني ...

اليوم رحت للخياطة نتسلم حوايجي ...لكن حرت لما طالبتني بمبلغ تسعمائة دج تعرفوا واش خيطت ؟

قفطان بسيط جدا وفيه سفيفة انا اللي خلصتها ...قندورة فورم سوتيان من فوق بيزو بيزو ومن تحت كتان والثالثة بيزو بيزو سامبل جدا وبالفولار ...

انا حرت كيفاه خرجت لي السومة هدي مع دوزانها كتر من مليون ...

ادا كانت لخياطة سامبل هكما مالا كيفماه ادا كانت حاجة معقدة ...بالله عليكن قولولي يا الخياطات هل تراعين الله لما تقيمن تعبكن والا المهم الربح ؟ بكل صراحة

وعلى اي اساس يتم تقييم التعب ؟ فقط حبيت نعرف
youcef a
2014-08-15, 07:16
للاسف الشديد هناك الكثير من الخياطات يستغلن الفرص اعتقاد منهم انهم دائما على حق لان السلعة غالية
ومستغلين تجاهل او عدم معرفة صاحبة القماش بالسعر الحقيقي للسلعة
ناسين ان ما ياخذونه من غير حق في قندورة واحدة قد يخرج فيهن بمرض او في المشينة نفسها لان تصليحها ايضا ليس هينا

اختي الكريمة
الخياطة سرقاتك 1000/100 لان سومة القنادر اللي خيطتيهم الا انتي اللي تكفلتي بالسلعة ما يفوتوش 300
فقط وكلي امركي الى الله وهو اكيد يتكفل بها

اتقين الله في انفسكن ايها الخياطات فذوام الحال من المحال قد ياتي يوم وتسرق ابنتكي من قبل خياطة اخرى لان الصحة غير دائمة
وحيدة**
2014-08-16, 11:24
شكرا لك يوسف على التدخل رغم اني قلت بالله عليكنجاوبوني ولا خياطة تدخلت بالموضوع علاه؟ نفهم من هدا انكن على نفس الدرب الكل اسعاركن مرتفعة ولا ما عجبكن الموضوع ؟
mariana1
2014-08-16, 12:05
يا ليت المشكل يبقى عند هذا الحد بل التأخر في الانجاز وروحي وأرواحي مازال ماوجدوش كنت مريضة وهكذا ،توصل الأمر ببعضهم للكذب بدخول المستشفى . المهم الواحد ما يعممش و إن شاء الله ربي يهدينا ويهديهم وكيما قال الاخ السعر مبالغ فيه بزاف
mounaminou
2014-08-16, 17:06
انا ديما نسقسي علا السومة قبل ما نخليلها لقماش...مرة وحدة قالتلي مانقدرش نقولك سومتها حتا نخلصها ماحبيتش نخليلها لقماش علابالي تضربلي السومة للفوق
ام حمزة22
2014-08-16, 17:26
سلام
اختي هاد الخياطة راهي سرقاتك ربي يسامحها
انا نخيط ما عنديش بزاف الزبائن خاطرش ما عنديش الشهادة نتاع الخياطة يخافوني نخصرلهم القماش وجميع لي دار فيا التقة باش نخيطلو نفرح ونفرحو بالسومة و ماخرا خيطت فستان الزفاف الابيض ما تصدقيش السومة لي خيطهلها هي ما امنتش قعدة غير تسلم علية وتعاود
500الف هي سومت الفستان ودرك نحطو تشوفوه مادابية نشوف ردك في موضوعي وشكرا
وحيدة**
2014-08-16, 22:00
شكرا ليكم جميعا فعلا اختي ماريانا كاين اللي تتاخر وتضطر تكدب رغم ان الصدق منجاة ...

اختي منى الحق انا تاني نسيت نسقسي على السومة كي شفت الموديلات سامبل ظنيتها تعملهم لي على الاكثر ب700الف بصح خاب ظني وديت درس عمري ماننساه...ونتمنى الكل تستفيد منه...

اختي أم حمزة والله الشهادة عمرها ماكانت دليل اتقان عندي اختي تخيط بمهارة وماعندها حتى دبلوم بصح كي عادت مريضة خيطت عند غيرها والله ماكنت نعرف كيفاه يقدروا السومة اول مرة نخيط برة وان شاء الله مستنياك تحطلنا الصورة بفارغ الصبر ولك احلى تقييم وسؤالي ديمة وينهم الخياطات علاه تجاهلن العنوان ياك رانا نحكوا عليكم ؟ ولا كامل تحبو لغلى على بيها ما تردوا ؟
غيداق
2014-08-17, 15:47
انا يا اختي الكريمة كانت عندي تجربة كيما نتاعك شريت اربع قماشات من الغاليين وخيرت مودالات رايعين وديتهم للخياطة اللي هي استاذة في التكوين المهني تعلم لخياطة زعمة وهذا اللي خلاني ندير فيها الثقة اتخيلي بلي خيطتلي ثلاثة لا علاقة ليهم بالمودالات والكارثة انها خيطتهم قيسها هي وخلصتها ب 500الف وصدقيني بلي وحدة جبت يومين نعدل فيها ولبستها في الدار مع انو قماشها ب250الف ووحدة ما تتتلبسش خلاص وما تتعدلش رميتها ووحدة منين نشوفها ندوخ مديتها والقماش الرابع انقذته من الجريمة وجبتو للدار سليم معافى الله يهديهم وغاضووووني هذوك 500 الف والله غير داتهم سرقة برك ربي يجازيها
ام رشدى
2014-08-17, 18:11
اختي الكريمة المرة الجاية كي تروحي تخيطي المودال الي يعجبك سقسي على السعر اولا وشوفيث المودال ملييح وتاكدي من مهارتها وامبعد سلميلها القماش خاصة ادا كنتي اول مرة تقصديها وعلى فكرة انا خياطة واداوين شفت الرد انتاعك
امنة جاب الله
2014-08-17, 20:59
السلام عليكم انانحب نخياط ملي كنت صغيرة اليوم راني خياطة منذ عامين الحمد لله نخياط لناس السلعة نتع الخياطة غالية نقلهم كل وحدة تجيب القامة نتع الروبة وحدها نتفهم انا ويهم قدش تجيب وخلص بنسب للفصالة كل روبة و السعر نتعها روبة غالية خيطتها ب 55 الف الحمد لله رني مستقنع بها و ربي يطرح البركة في لقليل و ربي يهدينا ويهديهم...............................
وحيدة**
2014-08-18, 18:38
انا يا اختي الكريمة كانت عندي تجربة كيما نتاعك شريت اربع قماشات من الغاليين وخيرت مودالات رايعين وديتهم للخياطة اللي هي استاذة في التكوين المهني تعلم لخياطة زعمة وهذا اللي خلاني ندير فيها الثقة اتخيلي بلي خيطتلي ثلاثة لا علاقة ليهم بالمودالات والكارثة انها خيطتهم قيسها هي وخلصتها ب 500الف وصدقيني بلي وحدة جبت يومين نعدل فيها ولبستها في الدار مع انو قماشها ب250الف ووحدة ما تتتلبسش خلاص وما تتعدلش رميتها ووحدة منين نشوفها ندوخ مديتها والقماش الرابع انقذته من الجريمة وجبتو للدار سليم معافى الله يهديهم وغاضووووني هذوك 500 الف والله غير داتهم سرقة برك ربي يجازيها

اختي غيداق الحمد لله انك انقدت القماش الاخير وكلنا نتعلموا من تجاربنا
وحيدة**
2014-08-18, 18:40
اختي الكريمة المرة الجاية كي تروحي تخيطي المودال الي يعجبك سقسي على السعر اولا وشوفيث المودال ملييح وتاكدي من مهارتها وامبعد سلميلها القماش خاصة ادا كنتي اول مرة تقصديها وعلى فكرة انا خياطة واداوين شفت الرد انتاعك

اختي ام رشدي فعلا راح ناخد بنصيحتك بصح ما قلت لنا رايك باسعار الخياطات بما انك خياطة كيفاه يتم التقييم ؟
وحيدة**
2014-08-18, 18:42
السلام عليكم انانحب نخياط ملي كنت صغيرة اليوم راني خياطة منذ عامين الحمد لله نخياط لناس السلعة نتع الخياطة غالية نقلهم كل وحدة تجيب القامة نتع الروبة وحدها نتفهم انا ويهم قدش تجيب وخلص بنسب للفصالة كل روبة و السعر نتعها روبة غالية خيطتها ب 55 الف الحمد لله رني مستقنع بها و ربي يطرح البركة في لقليل و ربي يهدينا ويهديهم...............................

اختي امنة والله ماكنت نقصد بكلامي انه لازم تكون الخياطة رخيصة لكنم على الاقل تكون بسعر يناسب وقت الانجاز والمودال انا ما نعرف حتى خياطة تخيط اقل من 100الف للفستان ربي يجازيك كل خير
merioma1
2014-08-18, 22:03
السلام عليكم ليس من العقل تحطو كل الناس فى كيس واحد المليح و الدوني موجود في كل مكان و الغلاء عم جميع السلع تلحقو للخياطة و تحسدوها في خبزتها علاه كي تشرو الملابس الحجاهزة تحطو الملاين و تسكتو الخياطة ايضا عايشة في المجتمع كيفكم و الغلا ء عليها ايضا
وحيدة**
2014-08-18, 23:08
السلام عليكم ليس من العقل تحطو كل الناس فى كيس واحد المليح و الدوني موجود في كل مكان و الغلاء عم جميع السلع تلحقو للخياطة و تحسدوها في خبزتها علاه كي تشرو الملابس الحجاهزة تحطو الملاين و تسكتو الخياطة ايضا عايشة في المجتمع كيفكم و الغلا ء عليها ايضا

اختي مريومة اعطيني دليل واحد من كل من شاركت بالموضوع يدل على اننا وضعنا الكل بكيس واحد؟ ودليل واحد أننا من الحاسدين ؟ ومن قال ان كل الناس تشري الملابس الجاهزة بالملايين ؟ يا أختي قبل الانفعال اقراي الموضوع مليح والردود ومن بعد جاوبي ...

احنا قلنا للمرة الالف ما مقياس تعب الخياطة؟ ولو دخلنا على اعمال اخرى لكان الموضوع بقسم اخر ربنا يهدينا جميعا لرضى الله ....المطففون ليسوا اصحاب الميزان فقط
almotawakila
2014-08-20, 17:19
باه نرجعلك الرد لازملك دوبل تع 900.0000
ايناس10
2014-08-20, 23:19
سلام الله عليك اختاه انا خياطة منكذبش عليك صحيح لخياطة تعب والسلعة على حسب المودال ومش لازم يتحكم سعرها فيك على خاطر كاين دي قالو المتر ب 200 الف مش محتم نوخذ صاحبتو نشوف الي يوالم وارخس، وحق يدي فالكتان لعجايز والسانبل ب50 ومن بعد ب60 واحيانا 70 بيزو بيزو سانبل 70 ولي يتعب 80 تاع لعراس والي فيهم التركاب والتعب 100 ولقفاطن شوي ثقال من 120الي 100 وربي يكون في عونك باختصار الخياطة الي خيطتي عندها راهي كواتك على حسب كلامك وربي شاهد ويخلف عليك ان شاء الله
وحيدة**
2014-08-22, 14:44
سلام الله عليك اختاه انا خياطة منكذبش عليك صحيح لخياطة تعب والسلعة على حسب المودال ومش لازم يتحكم سعرها فيك على خاطر كاين دي قالو المتر ب 200 الف مش محتم نوخذ صاحبتو نشوف الي يوالم وارخس، وحق يدي فالكتان لعجايز والسانبل ب50 ومن بعد ب60 واحيانا 70 بيزو بيزو سانبل 70 ولي يتعب 80 تاع لعراس والي فيهم التركاب والتعب 100 ولقفاطن شوي ثقال من 120الي 100 وربي يكون في عونك باختصار الخياطة الي خيطتي عندها راهي كواتك على حسب كلامك وربي شاهد ويخلف عليك ان شاء الله


شكرا ايناس على ردك وتقديرك للامور والله يكتر من امثالك والحق الناس معادن ورانا نكتشفوا فيهم ....الله يساعد من ساعدت

ويبعد علينا غيرهن
ام رشدى
2014-08-22, 16:37
اختي وحيدة سامحيني اداوين شفت سؤالك فيما يخص الاسعار انا انخيط مودال ونعرضو على الزبائن انتاعي ونقولهم على السعر وجامي وحدى شكاتلي من السعر كاين الفصالة تكوة سامبل مي المودال فيه الخدمة والله يجيبولي مودالات مخيطين تقول خيطوهم برجليهم والسعر ماعندي مانقول حنونتي اناانحب الاتقان ونتعب على الحاجة وانخرجها وفي نفس الوقت نطلب حقي والزبونة تخرج من عندى راضية والي يخيط بضميرو راح يفهم كلامي وربي يهدينا
وحيدة**
2014-08-22, 20:19
اختي وحيدة سامحيني اداوين شفت سؤالك فيما يخص الاسعار انا انخيط مودال ونعرضو على الزبائن انتاعي ونقولهم على السعر وجامي وحدى شكاتلي من السعر كاين الفصالة تكوة سامبل مي المودال فيه الخدمة والله يجيبولي مودالات مخيطين تقول خيطوهم برجليهم والسعر ماعندي مانقول حنونتي اناانحب الاتقان ونتعب على الحاجة وانخرجها وفي نفس الوقت نطلب حقي والزبونة تخرج من عندى راضية والي يخيط بضميرو راح يفهم كلامي وربي يهدينا

كلامك ام رشدي على عيني وراسي والله ما قصدت من موضوعي غير انه كل خياطة تدي قصاص تعبها حتى لو كان غيرها يخيط بالدوبل انا غلطت ما سالتهاش السومة لان الموديلات سامبل والحق بالعرس سالوني عن سومتهم والكل تعجب انه فيه مبالغة لان القفطان كان بسيط جدا ونضن حسبته لي غالي وظروفي يعلم بيها الله على كل سعدت بتدخلك
OM AYA
2014-08-23, 10:40
االله المستعااااان


انا كنت نخيط عند الخياطات واللي هلكني هو روح و ارواح وتشدك بالهدرة زوج سوايع ومن بعد ندخل للدار يد لورا و يد لقدام و تبهدايل من الراجل و لكلام اللي يسمعك انتي جايحة وانت وانت والله حشومة

بصح هاد الشيئ خلاني نقرر نخيط وحدي وبدل ما تفسدلي الخياطة قماشي و تتعلم فيا ونزيد نخلصها نتعلم فيه انا و نرميه في لابوبال حاشاك
والحمدلله حاجة ما رميتها خرجو اكلل ملاح وحق الخياطة نزيدو في لقماش ونشري حاجة مليحة

والاسعار لابد يكون هناك اثمان محددة مثلا سروال كذا و فستان بكذا و الحجاب كذا ولما يكون اكثر تعقيد يكون بكذا ...وهكذا واحد ما ياكل حق الثاني واذا كانت الخياطة مش متاكدة من السعر تحددلها على الاقل الحد الادنىى للسعر و الحد الاعلىى اي السقف

اناا ننصحك اتعلمي معاناا ما تقوليش ما عنديش الوقت او ما نعرفش اوو خدامة او قارية او .. لان القراية و الصنعة عمرهم ما تناقضوا بل االعكس كل ما كنتي مثقفة و متعلمة راح يساعدك في صنعتك و تتميزي اكثر


سلاااااااام
وحيدة**
2014-08-23, 14:35
االله المستعااااان


انا كنت نخيط عند الخياطات واللي هلكني هو روح و ارواح وتشدك بالهدرة زوج سوايع ومن بعد ندخل للدار يد لورا و يد لقدام و تبهدايل من الراجل و لكلام اللي يسمعك انتي جايحة وانت وانت والله حشومة

بصح هاد الشيئ خلاني نقرر نخيط وحدي وبدل ما تفسدلي الخياطة قماشي و تتعلم فيا ونزيد نخلصها نتعلم فيه انا و نرميه في لابوبال حاشاك
والحمدلله حاجة ما رميتها خرجو اكلل ملاح وحق الخياطة نزيدو في لقماش ونشري حاجة مليحة

والاسعار لابد يكون هناك اثمان محددة مثلا سروال كذا و فستان بكذا و الحجاب كذا ولما يكون اكثر تعقيد يكون بكذا ...وهكذا واحد ما ياكل حق الثاني واذا كانت الخياطة مش متاكدة من السعر تحددلها على الاقل الحد الادنىى للسعر و الحد الاعلىى اي السقف

اناا ننصحك اتعلمي معاناا ما تقوليش ما عنديش الوقت او ما نعرفش اوو خدامة او قارية او .. لان القراية و الصنعة عمرهم ما تناقضوا بل االعكس كل ما كنتي مثقفة و متعلمة راح يساعدك في صنعتك و تتميزي اكثر


سلاااااااام



شكرا لك ام اية انا فعلا نعرف نخيط لقنادر السامبل وعندي صنعة اخرى وان شاء الله ناوية نتعلم حوايج اكثر تعقيدا باه نساعد روحي كما قلت مليح الوحدة تخيط لروحها وتتميز سررت بمشاركتك
ام سامي15
2014-08-23, 22:21
اختي اسمحيلي

انت مخطئة

و الخياطة مخطئة

كان لازم تتفاهمي معاها قبل ان تخيط على الثمن


ما تزعفيش من كلامي

الخطأ خطأك انت أولا و الخياطة ثانيا
بعيدة المنال
2014-08-24, 10:41
اسمحيلي يا أختي أم سامي لكني أختلف معك في تحميل اختنا المسؤولية الأكبر فتجربتنا مع الخياطات اللي ما يخافوش ربي تشيب الرأس فالمفروض أن الخياطة تحرس على الرزق الحلال ولا تستغل حاجة الناس وظروفهم وتشويهم بهذا الشكل أنا أيضا تكويت مرة مع خياطة سلمتها طرف قماش باش تخيطولي قفطان سامبل وأفهمتها أن ظروفي المادية لا تسمح لي بشيئ غالي وأظهرت لي تفهما حتى أني استغنيت على الحزام لتخفيف التكلفة لمعرفتي أن السلعة غالية .تعرفي بكم حسبتهولي ؟ بعد ثلاث سنوات أقسم بالله غير ثلاث سنوات وانا نحلل رجعيلي قماشي بطلت ما نخيطش وكل مرة تديرلي عذر وتتهرب ،بعد ثلاث سنوات رجعتهول مخيط خياطة مهرسة وأعطتني ثمن السلعة وحدها ( الثمن الحالي وليس ثمنها قبل 3 سنين )وطلبت حق يدها 180 ألف ما ضحكت ما بكيت وأرجعت اللوم علي لاه ما نعرفش نخيط وحدي؟؟؟؟؟؟؟؟؟؟؟؟؟؟؟
ونفس الشيء حدث لأختي هذا العام لأنها عروسة كرهتها الخياطة في عمرها وفي الأخير ثمن خيالي وأخطاء فادحة منها ما رقعتها ومنها اللي فسدت ومنها اللي فصلتها على نص طاي أختي مع أنها ضعيفة كشأن بنات اليوم قاتلين أرواحهم على لاطاي أي نص القماش اترمى والروبة جات غيرنص
وحيدة**
2014-08-24, 18:24
اختي اسمحيلي

انت مخطئة

و الخياطة مخطئة

كان لازم تتفاهمي معاها قبل ان تخيط على الثمن


ما تزعفيش من كلامي

الخطأ خطأك انت أولا و الخياطة ثانيا

شكرا ليك أم سامي فعلا كان لازم نسأل قبل ما نتورط والله كون جاو الموديلات يستاهلو كنت قلت معليهش بصح تشوكيت القفطان معمول والله بالتراشق وبلا حزام وبثلاث ارباع كم والدخيلة بلا كم والله ما يستاهل لكن هدا لا يبرر الثمن في النهاية حلال الدنيا حساب وحرامها عقاب والوحدة مهما كانت صنعتها لازم تطلب حقها وبس حتى يرضى عليها الله ماشي حنا لاننا كلنا بشر وكلنا نغلطو ...شكرا لمساهمتك
وحيدة**
2014-08-24, 18:27
اسمحيلي يا أختي أم سامي لكني أختلف معك في تحميل اختنا المسؤولية الأكبر فتجربتنا مع الخياطات اللي ما يخافوش ربي تشيب الرأس فالمفروض أن الخياطة تحرس على الرزق الحلال ولا تستغل حاجة الناس وظروفهم وتشويهم بهذا الشكل أنا أيضا تكويت مرة مع خياطة سلمتها طرف قماش باش تخيطولي قفطان سامبل وأفهمتها أن ظروفي المادية لا تسمح لي بشيئ غالي وأظهرت لي تفهما حتى أني استغنيت على الحزام لتخفيف التكلفة لمعرفتي أن السلعة غالية .تعرفي بكم حسبتهولي ؟ بعد ثلاث سنوات أقسم بالله غير ثلاث سنوات وانا نحلل رجعيلي قماشي بطلت ما نخيطش وكل مرة تديرلي عذر وتتهرب ،بعد ثلاث سنوات رجعتهول مخيط خياطة مهرسة وأعطتني ثمن السلعة وحدها ( الثمن الحالي وليس ثمنها قبل 3 سنين )وطلبت حق يدها 180 ألف ما ضحكت ما بكيت وأرجعت اللوم علي لاه ما نعرفش نخيط وحدي؟؟؟؟؟؟؟؟؟؟؟؟؟؟؟
ونفس الشيء حدث لأختي هذا العام لأنها عروسة كرهتها الخياطة في عمرها وفي الأخير ثمن خيالي وأخطاء فادحة منها ما رقعتها ومنها اللي فسدت ومنها اللي فصلتها على نص طاي أختي مع أنها ضعيفة كشأن بنات اليوم قاتلين أرواحهم على لاطاي أي نص القماش اترمى والروبة جات غيرنص

اختي منال القصص التي تحدث لنا مع الخياطات هي نفسها التي تحدث لنا مع غيرهم من اصحاب المهن لدلك الفكرة تضل واحدة لازم نتقي الله بتحديد ثمن ما تعبنا عليه وفق قاعدة لا ضرر ولا ضرار هكدا الحساب يسهل لكن قليل اللي تفهم والله سرتني مشاركتك ....ان شاء الله المرة جاية تصيبي الخياطة اللي تساعدك
ام سامي15
2014-08-26, 18:26
;والله اختي انا اتكلم بحكم انني كنت خياطة مختصة في البلوزة الوهرانية و هكذا كانت معاملاتي كنت اقول الثمن قبل ان اقبض القماش و لم اجد مشاكل مع الزبائن و لله الحمد كنت اقوم انهض من اجل الكلمة و مدة التسليم

كنت نزيد من عندي اسبوع الى 15 يوم من مدة التسليم

مثلا انا اكمل الخياطة في اسبوع كنت نقول 15 يوم حتى لا اقع في لوم الزبائن

المهم كل مديل و طريقة خياطته كاين مديلات سهلة الخياطة و لكن سلعتها غالية
و كاين موديلات صعبة الخياطة بسلعة رخيسة

لهذا يجب التفاهم مع الخياطة على الثمن قبل كل شيئ


لا تغضبوا من صراحتي
mariana1
2014-08-26, 19:49
نحن لا نلوم الخياطات لأنهم يعيشوا في المجتمع معانا وراهم مكويين بإرتفاع الاسعار أنتاع الكهرباءو الحرج وقعدتهم على المشينة طول النهار لكن كاين قاعدة تقول لا ضرر ولا ضرار واللي تعود ماهيش قد المهنة ما تروحش للموديلات المعقدين وتخرب قماش الناس تخيط قدها فقط . ولا غلطنا أسمحولنا وربي يهدينا ويهديكم لما فيه خير ديننا ودنيانا
pérla_jojinette
2014-08-27, 14:21
tu c c un grand prb ana teni nkhayat maandich lesperience bzf mais ness yajbohom swalah li nkhyttlhom ykhadmo andi wygololi rkhiss n7ir kifeh prsk keyan heja mant3abch ga3 fiha kingolhom prix rkhiss y7iro akhtii rebi yahdinaa ykhafo 3la rwa7om had lkhayatat kolchi ma7ssob 3and rebii wkol wa7ad yadi 9ad te3bah
amel4star
2014-09-19, 21:15
khti 900 d.a rahi= 90.000
esk nti salakti 900 000 wela 90 000
*ام يونس*
2014-09-20, 07:21
السلام عليكم.انا نغلطك انتى يا صاحبة القماش كان لازم تتفاهمى مع الخياطة لى السومة تاع الخياطة انتى درتى كما اللى يشرى الحوت فى البحر لانه للاسف الشديد ولا اعمم كاين هناك خياطات ما يخافوش ربى و هذا درس راحا تستفيدى منه مستقبلا.
حورية38
2014-09-20, 10:10
غالي بزااااااااااااااااف الخياطة السامبل ما تفوتش 60 ادا كلشي من عندك يعني اكتر شيء كانت تدي منك 250 الف ربي يعوضك اختي كاين لي ما تخافش ربي
وحيدة**
2014-09-20, 15:56
khti 900 d.a rahi= 90.000
esk nti salakti 900 000 wela 90 000

خلصت مليووون وكل اللي شافوه استغلاوه لانه بسيييييط جدا ما فيه ما يعجب غير قماشو الله يعوضني وأكيد ديت درس
وحيدة**
2014-09-20, 15:58
السلام عليكم.انا نغلطك انتى يا صاحبة القماش كان لازم تتفاهمى مع الخياطة لى السومة تاع الخياطة انتى درتى كما اللى يشرى الحوت فى البحر لانه للاسف الشديد ولا اعمم كاين هناك خياطات ما يخافوش ربى و هذا درس راحا تستفيدى منه مستقبلا.

غلطيني وزيدي هكدا تكون الدروس من الحياة
وحيدة**
2014-09-20, 16:37
غالي بزااااااااااااااااف الخياطة السامبل ما تفوتش 60 ادا كلشي من عندك يعني اكتر شيء كانت تدي منك 250 الف ربي يعوضك اختي كاين لي ما تخافش ربي
الحق اختي الغلطة تاعي كي قالت لي القفطان السامبل ب250 الف وانا خيرت على اساس كلامها واحد سامبل وخلصت لي فورنيتور يعني انصدمت لما جمعت ....تعرفي أصحاب الورش يحسبو كل شي على ظهر الزبون ممكن على بيها غلات المهم دينا درس
ام البنوتة
2014-09-20, 18:07
اختي ارواحي عندي نخيطلك هههه و الله نهدر صح انا حجاب تركي فيه اكثر من 20 بياسة يعني ليديكوب و بلادوبلور و جيلي و سروال تاعو خيطتة ب 240 الف.. روب سواري كيما لي تشوفيهم في الانترنث و لي يشوفها يكذب بلي مخيطة و بالباترون نحسبها 150 الف و القفطان السامبل و الله العظيم خيطتو ب 70 الف...كاين فرق بين حاجة تتخيط بالباترون و فيها لادوبلور و حاجة تتفصل و تتخيط في مدة قليلة و ماتديش مجهود بزاف ..و ماتقوليش غير الخياطات انا قصيت شعري عند حفافة و من بعد مدة رحت ندير بروشينغ عند واحدة اخرى و الشعر قصير حسبتلي بروشينغ ب 40 الف ..تخيلي.المهم ربي يهدينا للخير
safira2014
2014-09-20, 20:58
اختي كريمة لازم تعرفي خياطة ال تديلها لحوايج لي تخيطهملك و تديلها مودال و تديلها كلشي يعني اديلهاسفيفه +اكسسوارات واش كاين في المودال هكد باش متخدعكش فيسومة نعهم يعني كاين الله يسمحهم خياطات نعرفهم يقلو للزبونة خلي نشريلك منعندي خاطر انتي متعفيش تشري اكسسوارات امبعد في اخير تدربك بسومة غير معقولة (قبل كلشي لازم تعرفي شحال تخيطلك ووقتاش تكمليه قبل ما تمديلها قماش )نصائحي لكل لي حابة تخيط
:sdf::sdf::sdf::sdf::sdf::sdf::sdf::sdf::sdf::sdf: :sdf::sdf::sdf::sdf::sdf::sdf::sdf::sdf::sdf::sdf: :sdf:
safira2014
2014-09-20, 21:03
اختي ارواحي عندي نخيطلك هههه و الله نهدر صح انا حجاب تركي فيه اكثر من 20 بياسة يعني ليديكوب و بلادوبلور و جيلي و سروال تاعو خيطتة ب 240 الف.. روب سواري كيما لي تشوفيهم في الانترنث و لي يشوفها يكذب بلي مخيطة و بالباترون نحسبها 150 الف و القفطان السامبل و الله العظيم خيطتو ب 70 الف...كاين فرق بين حاجة تتخيط بالباترون و فيها لادوبلور و حاجة تتفصل و تتخيط في مدة قليلة و ماتديش مجهود بزاف ..و ماتقوليش غير الخياطات انا قصيت شعري عند حفافة و من بعد مدة رحت ندير بروشينغ عند واحدة اخرى و الشعر قصير حسبتلي بروشينغ ب 40 الف ..تخيلي.المهم ربي يهدينا للخير

اختي حبيت نسقسيك جبه نتاع الدار شحال تخيطيها:rolleyes::rolleyes::rolleyes::rolleyes::ro lleyes:
ام البنوتة
2014-09-21, 10:11
اختي حبيت نسقسيك جبه نتاع الدار شحال تخيطيها:rolleyes::rolleyes::rolleyes::rolleyes::ro lleyes:

صباح الخير اختي ..
شوفي قتندورة تاع العجايز من 40 الى 45 الف
القنادر تاع الدار من 45 الى 60 الف و مش اكثر من هذا
الحوايج تاع الخروج يعني الحجابات التركية ما يفوتش 240 الف و الفساتين ايضا تاع الخروج من 90 الى 100 الف فساتين السهرة بالكورسيه من 150 الى 180 الف و اكيد الخياطة بالباترون الكورساج اذا تسمعي بيه
ملابس الاطفال المعاطف 100 الف ..الفساتين ب70 الف و طبعا بالباترون الخاص بالاطفال
وحيدة**
2014-09-21, 20:03
اختي ارواحي عندي نخيطلك هههه و الله نهدر صح انا حجاب تركي فيه اكثر من 20 بياسة يعني ليديكوب و بلادوبلور و جيلي و سروال تاعو خيطتة ب 240 الف.. روب سواري كيما لي تشوفيهم في الانترنث و لي يشوفها يكذب بلي مخيطة و بالباترون نحسبها 150 الف و القفطان السامبل و الله العظيم خيطتو ب 70 الف...كاين فرق بين حاجة تتخيط بالباترون و فيها لادوبلور و حاجة تتفصل و تتخيط في مدة قليلة و ماتديش مجهود بزاف ..و ماتقوليش غير الخياطات انا قصيت شعري عند حفافة و من بعد مدة رحت ندير بروشينغ عند واحدة اخرى و الشعر قصير حسبتلي بروشينغ ب 40 الف ..تخيلي.المهم ربي يهدينا للخير


انت اختي ماكيش تدي حقك هكا لازم الوحدة توازن بين تعبها ووقتها ماتجي على الزبونة ما تجي على روحها كون تجي بحداية الكل يخيطو عندك ههه ان شاء الله ربي يبارك لك بصحتك
وحيدة**
2014-09-21, 20:29
اختي كريمة لازم تعرفي خياطة ال تديلها لحوايج لي تخيطهملك و تديلها مودال و تديلها كلشي يعني اديلهاسفيفه +اكسسوارات واش كاين في المودال هكد باش متخدعكش فيسومة نعهم يعني كاين الله يسمحهم خياطات نعرفهم يقلو للزبونة خلي نشريلك منعندي خاطر انتي متعفيش تشري اكسسوارات امبعد في اخير تدربك بسومة غير معقولة (قبل كلشي لازم تعرفي شحال تخيطلك ووقتاش تكمليه قبل ما تمديلها قماش )نصائحي لكل لي حابة تخيط
:sdf::sdf::sdf::sdf::sdf::sdf::sdf::sdf::sdf::sdf: :sdf::sdf::sdf::sdf::sdf::sdf::sdf::sdf::sdf::sdf: :sdf:

كلامك صحيح وان شاء الله المرة الجاية ...
*ام عبد الكريم*
2014-09-21, 21:38
يا اختي هذه الخياطة سرقتك (اسمحيلي) اانا نخيط قندورة انتاع الدار سمبل ب 600 الف و البيزو بيزو ب 800 و حجاب سمبل ب800 - 1000 حسب الموديل و قفطان معه السروال و البستتي خيطهم ب 1600 و الااههم الاهم قبل ما نخيط نتفاهم مع مولات لحوايج جامي نخيط بلا فهامة و اتفاق مسبق في الاسعار ربي يهدي من خلق كاين ناس ما تخفش ربي و لكن يمهل و لا يهمل
safira2014
2014-09-22, 09:28
صباح الخير اختي ..
شوفي قتندورة تاع العجايز من 40 الى 45 الف
القنادر تاع الدار من 45 الى 60 الف و مش اكثر من هذا
الحوايج تاع الخروج يعني الحجابات التركية ما يفوتش 240 الف و الفساتين ايضا تاع الخروج من 90 الى 100 الف فساتين السهرة بالكورسيه من 150 الى 180 الف و اكيد الخياطة بالباترون الكورساج اذا تسمعي بيه
ملابس الاطفال المعاطف 100 الف ..الفساتين ب70 الف و طبعا بالباترون الخاص بالاطفال

بارك الله فيك شكرااااااااااا
والله يكون معاك في عملك :mh31::mh31::mh31::mh31::mh31::mh31::mh31::mh31:
هلهولة
2014-09-22, 19:56
السلام عليكم ورحمة الله بركاته ,,,
أخواتي الكريمات أرجو المساعدة ,,انتقلتُ الى مدينة الجزائر العاصمة مؤخرا وأبحث عن خياطة للتعامل معها ,,, لدي ماكينة تطريز آلي ,, وموديلات جديدة جميلة جدا ,,, أرجو أنت تجيبوني سريعا
ام عدي
2014-09-22, 22:40
اختي الكريمة انا خياطة ومنخيطش لاي وحدة روبتهاالا اذا نقلها على السومة به متقوليش من بعد غالية على العموم راني نوقف الروبة بين 60 و50 الف والسواري بين100و 150 الف وبعد مانجمع الحساب نزيد نحيله حق الترنسبور معليش اختي الكريمة لاتحبي هيا نخيطلك من عندي بلاش ومتغضبيش
وحيدة**
2014-09-24, 15:56
يا اختي هذه الخياطة سرقتك (اسمحيلي) اانا نخيط قندورة انتاع الدار سمبل ب 600 الف و البيزو بيزو ب 800 و حجاب سمبل ب800 - 1000 حسب الموديل و قفطان معه السروال و البستتي خيطهم ب 1600 و الااههم الاهم قبل ما نخيط نتفاهم مع مولات لحوايج جامي نخيط بلا فهامة و اتفاق مسبق في الاسعار ربي يهدي من خلق كاين ناس ما تخفش ربي و لكن يمهل و لا يهمل

الحق داني كلامها لحلو وداتلي دراهمي والله وحده يعلم كنت محتاجتهم انداك المهم استفدت درس مليح كما قلت نتفاهم قبل ما نخيط خير لي ربي يبارك لك بمالك ويعطيك صحتك علىة قد نيتك خسارة ما طحنا بخياطة بحالكم
وحيدة**
2014-09-24, 16:01
السلام عليكم ورحمة الله بركاته ,,,
أخواتي الكريمات أرجو المساعدة ,,انتقلتُ الى مدينة الجزائر العاصمة مؤخرا وأبحث عن خياطة للتعامل معها ,,, لدي ماكينة تطريز آلي ,, وموديلات جديدة جميلة جدا ,,, أرجو أنت تجيبوني سريعا


اختي لعزيزة ديري موضوع جديد بعنوان ابحث عن .....

والا حطي بلفيس بوك بمجموعات الخياطة باه تلقي ضالتك وربي يوفقك
وحيدة**
2014-09-24, 16:07
اختي الكريمة انا خياطة ومنخيطش لاي وحدة روبتهاالا اذا نقلها على السومة به متقوليش من بعد غالية على العموم راني نوقف الروبة بين 60 و50 الف والسواري بين100و 150 الف وبعد مانجمع الحساب نزيد نحيله حق الترنسبور معليش اختي الكريمة لاتحبي هيا نخيطلك من عندي بلاش ومتغضبيش

لو طبقنا حساباتك تكون حوايجي ما تفوت 4مائة على أكثر تقدير ربي يوفقك ان شاء الله ويكثر من امثالك وكي نعرف طريقك ساهلة ما تدوريش علي
الخروبية
2014-11-01, 22:00
السلام عليكم اختى 1 بصحتك لقنادر 2 حبا نفكرك بحديث الرسول صلى الله عليه وسلم قال المسلمون عند شروطهم صدق رسول الله صلى الله عليه وسلم 3كون تفاهمتو على السومة من قبل ميسراش مشكل 4 لوكان شريتى السلعة وحدك تبان حق يدها بصح الغلطة منكم فى زوج حبا نقولك حاجا متندميش كيما داولك على الاقل ضميرك مرتاح ونعاود نفكرك ونختملك بقول الرسول صلى الله عليه وسلم لايلدغ المؤمن من الجحر مرتين ربى يعوضع عليك تحية من الخروبية للجميع سلام ياكرام
om louai
2014-11-02, 20:26
انا اختي راهي عندي الشهادة بصح راني نهاب في حاجة الغاشي لا تخسرلي اما فيما يخص هذه الخياطة فمنها الكثيرات الاتي يستغللنه شهرتهن انتي وكلي ربي و عودي سقسي على السومة قبل ما تتورطي معاهم
ام سجدة
2014-11-04, 08:48
اولا اختي ماتقلقيش روحك انا راني من اليوم وصاعدا قررت قرار نهائي انو نتعلم الخياطة على غش الخياطات راني نتعلم وخيطت زوج روبات انا من اسبوع دزيت للخياطة الكتان والدونتال ودزيتلها روبة اختي مخيطتها كاملة بالكتان والسلعة 54000 والكتان المترا تاعو 1200انا حبيت ندير وحدة زيها اشريت الكتان والدونتال علابالك خيطتهالي 35000 شوكاتني بلا كتان وبلا دونتال راهي قلقتني وقررت بلي منمدلهاش تخيطلي مرة اخرى وراح نتعلم وحدي
radia04
2014-11-04, 09:10
ربي يهدي كل واحدة طماعة و تستغل الاخرين انا مديت قماش فاخر جاني من فرنسا باه نخيط به قفطان و عولت عليها تشري القماش باه تزيد تخيطلي قندورة سامبل و احدة اخرة لماما و عطيتلها كي الغبية 24000 دج علما انها تخيط مليح للعرايس

و الله فستدتهم في ثلاثة قندورة ماما بصدر خفيف من الفتلة ضيقة جدا و انا العكس جاوني قصار و ما يشبهو لوالو و صدقوني خدعتني كي قالنلي السلعة غالية ظهر العكس شارتلي قالون نتاع 80 دج و تقولي راه ب 350 دج عام وانا نستنى في حقي قالتلي حتى يتباعو باه نخلصك لوكان مبلغ بسيط نسمح فيه لكن مبلغ هدا نشري بيه قندورة واجدة و فاخرة

بالله علبيكن يا خياطات و اش ديروا في بلاصتها
وحيدة**
2014-11-04, 16:59
ربي يعوضنا جميعا وأهو درس واستفد ناه .....