ساعدوني [الأرشيف] - منتديات الجلفة لكل الجزائريين و العرب

مشاهدة النسخة كاملة : ساعدوني

مشكلتي

2014-08-14, 17:06

ساعدوني سرقت زوجي مني هذا عنوان الموضوع

السلام علليكم

قبل كل شيء اشكركم جزيل الشكر

لفتح هذا الفضاء

ادعو من الله ان يجعله في موازين حسناتكم

احبائي

انا امراةمتزوجة منذ 8 سنوات

عندي زوج بنات وولد

ن

والله مع اني نخدم برا لكن
متهليا في كل شي النقاء الطياب راجلي

متهليا في ولادي حتى الزين انا شابة الحمد الله

زوجي كان يحبني يموت عليا

عشنا الحلوةو المرة

لكن عندو عام بدا يدور عليا

مين داك ميباتش في دار

كي نصقصيه يولي يطير ويزعف باه نخاف المرة الجاية منسالوووش
وكان يلمحلي انو يتزوج

يعني تبدل حرت والله

رحت بحثت في النت كيفاه نخلي زوجي يحبني

ونجدد ايامي

لكن لاحياة لمن تنادي
وليت نفطر ونتعشا مع ولادي

الاسبوع الماضي اكتشفت انووو زوجي يخونيي
مع وحدة غيري
سمعتو بالصدفة يحكي معاها

انا جامي نجسس عليه و لا نرفد تيليفوني مع انو هذا حقي

لكن ولا مرة جسست

بالصح النية تكشف

لما تاكدت اكثر من مرة

جبت نيميرو نتاعها

وجربت نحكي معاها بصح محبتش تريبوندي

رحت للجيزي باه نعرفها نروح نفهمها راها هدمتلي داري

وداتلي راجلي

بصح محبووووش

يا ناس قولولي واش ندير داري راهي تتهد و انا نشووف

ولادي راهم محتاجين حنان ابوهم لي كان مرة حلوى و مرة تارت و مرة لعبة

ضاع منهم
بسبب بنت الحرام هادي

ياجماعة قولولي واش ندير باه نعرف هاد
الحثالة

عندي نيميرو نتاعها برك

ساااااااااااااعدوني

حابة نعرفها نفهمها برك

نقولها تخطيني

بلاك راه كاذب عليها

يقولها انا عازب بلاك تخاف ربي

كي نحكي معاها تنعل بلييييس

ساعدوني لي عندو طريقة كيفاه نجيب اسمها و لقبها من رقم الهاتف

بلللللللليز في وجه ولادي عاونوني

أَحمــد

2014-08-15, 12:23

كثير من الرجال تجيهم نزوة بهذا الشكل قد يكون هو المتسبب فيها وفي كثير الحالات النساء هن من يتربصن بالرجال ...لكنه في الغالب ما يلبثوا أن يعودو لوزاجتهم وأولادهم
حاولي ماتكبريش الموضوع ... تصرفي عادي ... واصلي اهتمامك بزوجك ... اربطيه اكثر بولادو .... ذكريه بما مر معكم من فرح وغيره ولا تكثري ... اياك الغضب والتجسس والشكاية ..
---------

*نسرين

2014-08-15, 12:30

اختي متصارحهش بالموضوع هو
وحاولي تهتمي بولادك وراجلك اكثر وعيطي سقسي عليه من داك ككون برا
وربي يكون معاك وادعي ربي في كل وقت بلي يهديه

حلاوة الإسلام

2014-08-15, 13:12

لوكان ارتكبت الزوجة خطأ كهذا لألقى الجميع اللوم عليها و وصفها بأوصاف لا تليق و لاعتبروها النهاية

أما عندما يكون الخطأ من الرجل فلابأس هي حالة و تمر !!!!!!! شيئ غريب صراحة

الذنب ذنب سواء قامت به المرأة أو الرجل

لو كنت مكانك أختي لصارحته و تكلمت معه و لكن بهدوء .. يعني اجبديه بالعقلية برك و حاولي تعرفي السبة لي خلاتو يدير هكذا

و اذا امكنك حوسي على هذي الفتاة و روحي ما تعرفي ممكن تخاف بعد ما تهدري معاها و يهديها ربي

ربي يصلح احواااالك اختي

ولد حمد الباتني

2014-08-15, 13:15

ربي صبرك ختي ويعطيك لعقل
كي قلتي ساعات مايباتش فالدار عرفتو يخون ولا متزوج ثم قلتيها ...
بخصوص جيزي ويعطيوك شكون هاذي مستحيل تجيب المشاكل ، الا عن طريق شكوى والشرطة ووو
المهم نتي حاولي أفتحي الموضوع مع راجلك وفهميه بالتي هي أحسن وماتبدايش تلومي فيه ونتا خاين ونتا كذا وكذا يعني أعفسي شوي على قلبك وأحكي معاه بالملاحة قال ماعليهش الرجال كامل يغلطو والنسا الي ماهمش ملاح وعادي بصح ارجع لطريقك وو فهميه واش فراسك ونتي أدرى وأعرف كيفاه تتعاملي مع زوجك، وفي نفس الوقت ماترفخفيش روحك بزاف ولمحيلو بلي قادر تبعدي عليه وتدي ولادك ...
وما تقوليلو لا هزيتي تيليفونو لاوالو وبربي يكون خير واذا ماكانش شوفي كاشما لمن تقولي يهدر معاه ... ثم بعدها الحلول بزاف

ولد حمد الباتني

2014-08-15, 13:18

فاطمة الزهراء.

2014-08-15, 13:31

الله يعينك ياختي
كاين الرجال اللي يكذبوا على الطفلة يقوللها عازب
ألوغ من رأيي اخطيك من المشاكل وبنت الناس ماعندكش الحق تهدري معاها..
احكي مع راجلك
البسي مليح اضربي الحطة واحكي معاه بالهداوة قبل ماتجبديلو السيجي
قوليلو كلام زين قوليلو واش اللي بدلك وووو هكا حتى هو كاش مايحكي
اما اذا كان حرطاني ومابغاش يحكي فوتي عليه يومين وقوليلو خسارة عليك اني سمعتك تحكي شكون هذي وووووو
شوفي ختي ديريلو فيلم نورمال
بصح بلا مشاكل اما اذا خلاااااااص مافهمش قلعيله عينيه بففففففف

hodahodahoda

2014-08-15, 14:33

الله يعينك ياختي

دعاء المحبوبة

2014-08-15, 14:48

خليه يتزوج مرة أخرى
وتتهناي من مشاكله كلها

خالد عنابي

2014-08-15, 15:33

زوجك هو الحثالة وليس المراة التي تعرف اليها ربما هي لا تعرف اصلا انه متزوج ولكنه خائن كيف متزوج ويدير هكا

افتحي معه الموضوع بهدوء واذا ناض يعيط ما يفكها غير الشرطة والمحاكم وافضحيه مع اهله انتقاما منه

ان الشر للشر احيانا دواء

اسامة رحمون

2014-08-15, 17:55

رب يكون معاك بلاك هادي تخدم معاه علاه متروحيش خدمة تاعو والله صدقي أنا راجل يخدم معايا نساهم ديما يجوهم والله بل ميقولهم

feuilleblanche17

2014-08-17, 15:20

عليك بالصبر و الدعاء و قيام الليل

cokis katerina

2014-08-17, 20:42

يا اختي قفزي بروحك قبل مايكبر الموضوع و تطور العلاقة وتولي حامل منه بعيدد الشر عليك وتعاملي معاه عادي حكيله على الموضوع متلا ماراكش مليح نحسك مقلق احكيلي ماهما كانت المشكلا راني معاك لوكان حتى تكون توشيني انا .....هاكا حشيهاله بلاك راه حاصل ويكون خايف الا تسمعي بيه انا المرا اكيد تعلم بزواجه الوقت لي رانا فيه ولاو نسا يبغو الراجل المتزوجpsqدايما المتزوج عنده مشاكل امالا المرا هنا توفرله لي ناقص
والله يهدي امة محمد عليه الصلاة والسلام

4ayaaa

2014-08-17, 21:02

اختي هذا ابتلاء عليك بالدعاء بين الاقامة والتكبير وفي السجود والزمي الاسستغفارفليس هنالك احسن منه ولاتنسي قيام اليل وانصحك ان لا تخرجي المشكل خارج بيتك لانهم رايحين يزيدو الطين بلة وربي يفرج عليك سلام

رندة نهاد

2014-08-17, 22:45

ربي يفرج عليك ان شاء الله اهدري مع راجلك لانو اذا حكيتي معاها الحق راح يولي عليك ويقولك تجسي علي ويديرلك فيلم يخرجك انت الظالمة بدلي العقلية معاه وكيما حبك نهار الاول حببيه في نفسك ضرك تخليه ينساها ذراااااااع راكي علابالك
ربي يكون معاك لا تنسي الدعاااااااااااااء هو اول الطرق وانجعها

zaki10

2014-08-17, 22:51

ابعثلها مساج علي نمرو تعها

salem1985

2014-08-17, 23:14

ربي يهديه ويفرج عليك اختي

Omyasmin

2014-08-18, 00:16

نصيحتي ليك ماتقوليلو والو لانه اذا عرف انك عرفتي وسكتي سيتمادى اكث حاولي تجذبيه ليك بجميع الطرق الكلام المعسول والأكلات والتجديد في البيت هو راح يحس بالذنب تجاهك يقدر يراجع نفسه ويحس بغلطو وفي المقابل لا تنسي الدعاء وحسن الظن بالله يعني تدعي الله وانت موقنة بالإجابة والأذكار وقراءة القران. ويمكن كذالك تقرئ الرقية الشرعية وتشرب منه جميع العائلة. وبالذات هو أختي أدعو الله ان يفرج همك وينصرك على من ظلمك وان يجعل لك من كل ضيق مخرجا ومن كل هم فرجا

●|التّوَابٌ إلى الَلّه|●

2014-08-18, 03:14

الله يعينك ياختي

رندة نهاد

2014-08-18, 13:45

يااااااااااااااااااارب الله يفرج همك ارى في نصائح الاخوة شيئا من المعقووول

سماح 2

2014-08-18, 15:24

تع جيزي مخبوووش يمدولكـ العنوااان ؟ جربي معاهم الرشوة خخخخ :p

سلمى انا

2014-08-18, 17:03

تع جيزي مخبوووش يمدولكـ العنوااان ؟ جربي معاهم الرشوة خخخخ :p

jتريدين منها الدخول للسجن ؟
لو يشتكي بها العامل سيدخلونها للسجن 5 سنوات
وولادها يضيعو وسمعتها تتشوه ..
ضعي رد مفيد او اصمتي

سلمى انا

2014-08-18, 17:08

هههه عندي اخي خطير ..
اد كان الرقم ( دجيزي )
ربما يستطيع جلب اللقب والاسم للفتاة التي يكلمها
لكان تقدري ابعثيلي رقم هاتفها مع المشرفة
اخي مرة على مرة يجيب اسماء والقاب لبعض الارقام التي تتصل بنا ,,,,,,
ساقول له ليحاول ...
ابعثي لي الرقم

jihanne

2014-08-18, 18:14

عيطيلها من بوطابلو و قوليلها باللي نتي مرتو و هدديها

هاذا ماكاين حل ماتبينيش روحك ناس ملاح بزاف

كيما جبتي النيمرو تاعها عيطيلها من تاعو باش ترد عليك

Arrow DZ

2014-08-18, 18:24

الشمس ما تتغطى بالغربال
ولي على الجبين لازمو تشوفو العين

و لخلق ما يضيع

واجهيه بالحقيقة بعيدا عن الاولاد

رايح تكون صعيبة و ممكن يغادر

و لكن أحسن منو حاضر و عقلو غائب

نتمنى برك ما يكونوش ولادك ضغار

و مرحلة صعيبة هادي

لكن
عسى أن تكرهو شيئا و هو خير لكم

الله يرد المحبة بيناتكم