المساعد الشخصي الرقمي

مشاهدة النسخة كاملة : رسالة الى ام اماني وجميع العضوات

ام عبد الرحمان-شفاء
2014-08-14, 12:37
السلام عليكم كيف الحال حبيباتي
عرسي قريب و انا حائرة واش ندي معايا قاطو ممكن تقتارحو علي 6 ولا 7 انواع وتعطولي الوصفة والصور
والوصفة تكون مجربة وناجحة واقتصادية راكم عارفين المصاريف بزاف وربي يجازيكم وماتنساونيش بالدعاء:mh31:
ام عبد الرحمان-شفاء
2014-08-14, 15:17
السلام عليكم ورحمة الله تعالى وبركاته
عرسي قريب وراني حايرة واش ندي معايا قاطو ممكن تقترحي علي بعض الانواع مع الوصف والصور وجزاك الله خيرا:confused::confused::confused::confused:
ام عبد الرحمان-شفاء
2014-08-14, 15:18
اول مرة اطلب طلب ولا احد يجيب
Babinaall
2014-08-14, 16:07
مبروك عليك اختي ربي يهنيك. انا نعرف العرايس يدو البقلاوة والمقرووط و التشاراك هادو ضروري و زيدي غير زوج حوايج خفاف و يكفي
mimoza flora
2014-08-14, 17:53
مبروك اختي ديري العرايش بقلاوة مقروض دزيريات وزيدي صابلي يكون شباب مع قاطو بقلاساج شكولا وبالتوفيق
إكليل
2014-08-14, 18:55
ألف مبروك عليك اختي و عقبال الذرية الصالحة إن شاء الله الحلويات كثيرة و متعددة هنا في المنتدى و إنتي و أختاري واش يناسبك.

و إذا حبيتي مقترحات فتفضلي أنا شخصيا جربت صابلي البرتقال خرجلي هايل للأخت فايزة و يقطع بزاف إضافة إلى أنه إقتصادي
و هذا رابط الوصفة http://www.djelfa.info/vb/showthread.php?t=1482732
وباقلاوة بنوات كوكو خرجت أيضا روعة جربتها من هذا المنتدى للأسف ما لقيتش الرابط و لكن راح اعطيك الوصفة لأني حافظتها

نفس عجينة البقلاوة العادية، 4 كيلات فرينة نوعية ملاحة سيم أو لابال ، كيلة زبدة ذايبة و باردة و نخلط مليح و تلمي بالماء مخلط مع الماء زهر و نتشة ملح . تتحصلي على عجينة أقسميها قرصات و خبيها في كيس بلاستيكي في الثلاجة ترتاح مدة كافية ، عن نفسي نخليها ليلة كاملة.
_ الحشوة : 3 كيلات نواد كوكو (حوالي 600 غ) كيلة سكر أرطب شوية زبيب مفور حوال 100 غ و تلمي بالماء زهر تعمليه بيدك مثل الكسكسي يعني متلبزيهش حتى يولي عجينة خلي كل حبة وحدها.
_ ندهنو السينية بالزبدة و نعملو 5 طبقات عجينة مثل البقلاوة بين كل طبقة و الأخرى ندهنو بالزبدة الذايبة ثم نضع الحشو لي هو نواد كوكو سكر أرطب زبيب و ماء زهر
ملاحظة خاصة بالحشو: عينك ميزانك و حسب السينية تاعك أنا كتبت 600 غ تقريبيا ، حاولي الطبقة تاع الحشو متكونش عالية ياسر باه ميجيش ناشف و صامت و متكونش خفيفة خلاص علو متوسط.
بالنسبة للزبيب طعمو هااااااااااااااااااايل حنا الحلوى هادي نطيبوها من بكري بصح مكناش نحطو فيها الزبيب من نهار لي ذقتها بيه وليت ديما نحطو رووووووووعة لكن متكتريش 100 غ تكفي يعني كي تقسمي كل حبة بقلاوة طيحلك فيها 2 حبات تقريبا تاع زبيب و لازم التوزيع تاعو يكون متساوي في السينية باه الحبات كل يجي فيهم الزبيب.


و كاين وصفة les roshes تخرج هايلة و ذوق رائع
http://www.djelfa.info/vb/showthread.php?t=1454116

و تشاراك بالقلاساج أيضا يخرج هايل و شوفي للأخت أماني 77

و شوفي هذو حلوياتي للعيد بعضها تطبيقات من منتدانا
http://www.djelfa.info/vb/showthread.php?t=1642507
و إن شاء الله نكون أفدتك
ام عبد الرحمان-شفاء
2014-08-14, 20:57
بارك الله فيكم اخواتي وجزاكم خير الجزاء:19:19::19: