واش ندير مع مكتوبي

[كاميلا]

السلام عليكم
قرب عرسي بعد طول انتظار 3 سنوات لان زوجي كي خطبني لم يكن يعمل في منصب دائم وبعد عام من الشوفة توالتها الخطبة الحمد الله اصبح له منصب دائم والدايم ربي قالي نلم روحي شوية قتله معليش الدنيا ماش رح طير
في هذه الفترة حدثت اشياء بينتلي نوعا ما عايلته اخته كيفاش امه كيفاش شيخي كيفاش خاصة وان العايلتين يروحوا ويجيو لبعضاهم في الاعياد والاعراس
من قبل تاجلت شوفتي بسبب انه عجوزتي تحججت باختها التي تستجم في الشرق الاوسط من بعد الخطبة كيفكيف غيروا الموعد
المهم الملاحظات والكلام المسموم اللي صرا كامل راه في قلبي معليش منعمرش راسي ندير روحي منفهمش على خاطر زوجي ربي يعيشهولي ويخليه ليا ونعم الناس
دركا قرب العرس وتم تحديد مبدئيا التاريخ بعد مجيء خالته من لبنان كي سمعت بالتوقيت مععجبهاش وقاتله ليه ولعجوزتي غيروا هاد الموعد ديروا العرس في الربيع القادم :confused: :sdf:
هنا انا راسي حبس وتزيد المخلوقة عجوزتي تقولي في العيد كي عيدتلها اول عيد في الهاتف في الربيع خير :confused:
مفهمتش خالة زوجي هي دايرة عليا عجوزة او هي دايرة عليهم عجوزة ؟
تقولولي واش راي زوجك رايه طبعا كان بالرفض المخلوق 3 سنين درك كي قربت يزيد ياجل قالي يصرا واش يصرا ولالا خالة زوجي حابة تاجله علاش في رايكم؟ مبزمان هي تروح تستجم في لبنان عند بنتها يوصل الربيع بش تجي تسمى انا يتاجل عرسي بسبب تحواس لالا خالتي :confused:
ومن داك المخلوقة مش عاجبها الحال ودايرتلهم حالة نتم مفهمتش هل عجوزتي لا حول ولا قوة لها ام هوما في زوج متفاهمين على راسي
معجبهمش الحال كي سقساتني قلتلها ما فلانة اهدري خير مع امي وشيخي يهدر مع ابي حشمت برك نقولها هادي هدرة لازم تكون بين الرجال حنا معندوا مدخلنا
يعني واش رايكم بديت نخاف من المشاكل كي قرب عرسي كل ساعة يتونعلي عبد يحب يمشي رايه خايفة يؤثروا عليه كيما يقولوا اخوتنا المصريين الزن على الودان امر من السحر

[sali-sali]

السلام عليكم

ربي يجيب الخير

من المفروض الكلمة الاولى و الاخيرة لخطيبك
وماياجلش العرس من اجل خالتو وسببها التافه
و اذا ماحضرتش العرس .. ماراحش كل شي يتوقف لانها مكاااااااش

[كاميلا]

السلام عليكم

ربي يجيب الخير

من المفروض الكلمة الاولى و الاخيرة لخطيبك
وماياجلش العرس من اجل خالتو وسببها التافه
و اذا ماحضرتش العرس .. ماراحش كل شي يتوقف لانها مكاااااااش

جابلي ربي هي لعروسة لازم الوقت اللي يساعدها هي

[ام هند]

ربي ييسرلك اختي حاولوا تفروها بين الرجال

[محمد جديدي التبسي]

ابقي بعيدة على المشاكل وخليه هو يفريها وقوليلو اللي تشوفو ديرو

[* الحلم سكر *]

خللي مكتوبك على ربي سبحانه هو ادرى باللي فيه الخير ليك
و مادام راجلك معاك و في صفك واش تحوسي اكثر من هاك ... حطي يدك في يدو و تخطو العراقيل و حتى علاقتكم راح تقوى اكثر و ان شاء الله ربي يوفقكم و يهنيكم و يرزقكم الذرية الصالحة

[sarl02]

عادي اختي مشكلتك واضحة جدا ...هناك بعض العائلات العديمة الشخصية القوية تكون تابعة ماديا ومعنويا لاي قريب لها في الخارج ...يعني تلقى واحد ميقري هو رب البقعة ..اديرولو الحساب وقتاش ايجي ووقتاش ما ايجيش وكل شيء يتوقف على مواعيدو هو...لماذا؟؟ربما لمجرد انو اجيلهم اشوية اورو او كابا شيفون وهكذا....يا اختي رانا ف 2014 ولا سلطة لاحد على احد الا بطيب اخر..وواحد ما راه امد القفة للاخر...يعني قولي لخطيبك هذا كونك راجل وقوي الشخصيةوافرض رايك ....ولا تكن تابع لعصبة من النساء ...ووفقك الله

[رندة نهاد]

ربي يهدييييييييهم ويعجل بعرسك والله الطولة ماهي مليحو وزيد وش صرا كي ما تحضرش خالتو طبق السماء على الارض الناس والديها ما حضرتش وبعديها عااااادي كل شئ بالمكتوووووب اهدري معاه يدير موقف يباركاو من التمسخير الناس هات باه تشغل بالها انت تاني ادعي لربي ييسرلكم وما تيقايش غير تتحسري ربي ييسر لك ان شاء الله

[" أبو عبود"]

هذي راهي شايفة حالها لانها كانت في لبنان والقضية بسيطة المفروض بابك يهرد مع راجلك يعطيه ديلي محدد اذا ماجاش يروح يشوف جهة اخرى. واش معناها وحدة تسنى واحد 3 سنوات وترفض الخطاب ومن بعد قادر يبطل.

[أم أحمد عبد الصمد]

السلام عليكم ورحمة الله و بركاته
اختي الكريمة ربي يسرلك أمورك ، أنصحك ديري نقاط على الحروف كيما يقولو هدري مع خطيبك أولا ثم خلي باباك يهدر مع باباه من المفروض هذي الهدرة تاع رجال باش تعرفي شكون رب المقلة في ديك الدار كيما يقولو الحكم للرجال و لا للنساء
الي فيها الخير يجيبها ربي

[*الحواس*]

صبرتي لمدة 03 سنوات , زيدي صبري شوية ...... و الله يكمل ما بقى بخير

[physicist]

والله حاولت القراءة لكن اللغة ليست عربية فصيحة ولم افهم لكني اصلي لاجلك ان تنحل كل مشاكلك ورفم اني لم افهم شيئا الا انه مبدئيا لا يجوز سوى الحغاظ على العاقة التي دامت سنين وعدم التفريط فيها
بالتوفيــــــــــق

[~أمة الله~]

وعليكم السلام ورحمة الله وبركاته
ربي يفرج عليك أخيتي ، ما بقاش قدّ اللي فات
الأفضل تجبدي روحك من هذه المشكلة ، وهوما يفريوها ، وإذا حبو يأجلو يتكلّمو مع والديك وهوما يقرروا ...
المهم حاولي ما تقنطيش روحك، صبرا ....
ربي يفتح عليك

[rihabamal]

حاولي تتفاهمي مع زوجك و اذا ما قدرتوش تقدمو العرس معليش حبيبتي اصبري و هي ربي يهديها

المهم هو زوجك اذا كنتي تحبيه و يحبك ما تفرطيش فيه و اعذريه هاذي هي العيلة مرات يدخلو رواحهم باه يديرو المشاكل

كوني اذكى منهم و اصبري و اكيد ربي معاك

[كاميلا]

خللي مكتوبك على ربي سبحانه هو ادرى باللي فيه الخير ليك
و مادام راجلك معاك و في صفك واش تحوسي اكثر من هاك ... حطي يدك في يدو و تخطو العراقيل و حتى علاقتكم راح تقوى اكثر و ان شاء الله ربي يوفقكم و يهنيكم و يرزقكم الذرية الصالحة

ربي يعيشك هو لحد الساعة معايا

[كاميلا]

عادي اختي مشكلتك واضحة جدا ...هناك بعض العائلات العديمة الشخصية القوية تكون تابعة ماديا ومعنويا لاي قريب لها في الخارج ...يعني تلقى واحد ميقري هو رب البقعة ..اديرولو الحساب وقتاش ايجي ووقتاش ما ايجيش وكل شيء يتوقف على مواعيدو هو...لماذا؟؟ربما لمجرد انو اجيلهم اشوية اورو او كابا شيفون وهكذا....يا اختي رانا ف 2014 ولا سلطة لاحد على احد الا بطيب اخر..وواحد ما راه امد القفة للاخر...يعني قولي لخطيبك هذا كونك راجل وقوي الشخصيةوافرض رايك ....ولا تكن تابع لعصبة من النساء ...ووفقك الله
خالته تحب تحشر نفسها في كل شيء ولست متاكدة من انها هي ام هي حماتي لاني مراة ونعرف النسا ساعات الاخت تمسحها في اختها القوية باش يمشيو رايهم
شكرا

[كاميلا]

ربي يهدييييييييهم ويعجل بعرسك والله الطولة ماهي مليحو وزيد وش صرا كي ما تحضرش خالتو طبق السماء على الارض الناس والديها ما حضرتش وبعديها عااااادي كل شئ بالمكتوووووب اهدري معاه يدير موقف يباركاو من التمسخير الناس هات باه تشغل بالها انت تاني ادعي لربي ييسرلكم وما تيقايش غير تتحسري ربي ييسر لك ان شاء الله

شفتي يا اختي الله غالب طولنا لاني كي درنا الشوفة وعدته نستناه وانا عند كلمتي وان شاء الله مول النية يربح المفروص هي اللي تفرع روحا مش احنا

[كاميلا]

هذي راهي شايفة حالها لانها كانت في لبنان والقضية بسيطة المفروض بابك يهرد مع راجلك يعطيه ديلي محدد اذا ماجاش يروح يشوف جهة اخرى. واش معناها وحدة تسنى واحد 3 سنوات وترفض الخطاب ومن بعد قادر يبطل.


راك شككتني تسمى قادر في باله يبطل !!!! وهادي غير سبايب !!

[كاميلا]

السلام عليكم ورحمة الله و بركاته
اختي الكريمة ربي يسرلك أمورك ، أنصحك ديري نقاط على الحروف كيما يقولو هدري مع خطيبك أولا ثم خلي باباك يهدر مع باباه من المفروض هذي الهدرة تاع رجال باش تعرفي شكون رب المقلة في ديك الدار كيما يقولو الحكم للرجال و لا للنساء
الي فيها الخير يجيبها ربي

هو رافض للفكرة ومصر على التاريخ مي هكاك وخفت من خالته والله يا اختي تخوف ههههههه كون تشوفيها

[ايمان نور الجزائر]

هذا هبال قمة التفاهة
واش هذا ناس تحوس وناس تتحرق
خير البر عاجله
وتاني لازم باباك مع الراجل يديرو النقط على الحروف

[*نسرين]

لازم العرس يحدوه الرجال ماشي نساء قلي راجلك منوخلروش وربي يسهلك

[كاميلا]

هذا هبال قمة التفاهة
واش هذا ناس تحوس وناس تتحرق
خير البر عاجله
وتاني لازم باباك مع الراجل يديرو النقط على الحروف


Raki tchoufi hbal w fet lahbel

[salem1985]

ربي يصبرك اختي

[salem1985]

المهم الواحد مايتخذ مواقف وهوفي حالة غضب صبري واخلاص والي كاتبو ربي رايح يجي

[salem1985]

ونقول ليك حاجة تصبري عام خمس سنين خير ملي تندمي من بعد تفتارقوا على سبب تافه والخاسر اشكون

[salem1985]

الخطبة هي المرحلة الحرجة في حياة الطفلة وتعرفي الهدرة واش راهي في زمانا راه كي واحد يخطب ويبطل ما كانش الي يتقدم لانو ديما يهدروا في سمعة الطفلة والراجل راه ملاك في زمانا

[salem1985]

صبري ختي راه الدنيا كامل كيما هاك ما كانش الي راه راضي بواش في ايديه والقناعة ماكانش وفي زمان عنوانه العنوسة راكي كسبتي راجل حافظي عليه راهم الالاف يحوصوا عليه

[salem1985]

ربي يوفق بيناتكم في الخير ما تنسايش تعرضينا في عرسك هههههههههههههه