طريقة طياب الأرز من مطبخي

[إلهام07]

البسملة1


مساء الخير حبيباتي وصحة عيدكم ........ إن شاء الله تكونو عيدتو بالصحة والهناء :dj_17::dj_17::dj_17::dj_17:


على بالي وعدتكم بوصفة الأرز وطولت عليكم بزاف واليوم درت القلب وقلت نحطهالكم باش جربوها راهي بنينة وخفيفة وتعجب كل العائلة وتعرفوني مانحطش وصفة غير لا كنت متأكدة من انها تنال إعجاب الجميع :19::19::19:.

الوصفة هنا ساهلة وبنينة وسريعة وأهم حاجة ماتخمجوش ماعن بزاف يعني لا برمة لا كسكاس غير الكوكوط فقط :19:.
هذي طريقتي ، أنا ديما نحب نطيب الارز في المرق باش يشرب الصوص بدلا من الماء ويجي بنين :19::19::19::19: .

وما تخافوش وتقولو راهو مافيهش مرق يجي ناشف لالا يجي طري وفيه رطوبة ماتحتاجوش أصلا للمرق أنا بابا ماياكلش الشايح وهذا ياكلو عادي حتى جربوه باش تفهمو قصدي :19:

هذا هو الارز اللي خدمت بيه هايل :19::19::19: خفيف ولذيذ ومايعجنش :19::19::19::19: صراحة ملي جربت أرز البسمتي وليت مانقدرش ناكل الارز العادي :rolleyes::rolleyes::rolleyes:


http://www.up.djelfa.info/uploads/142763304366441.jpg

بما أنو ماما تحب الارز بزاف نطيبو بزاف وهذي الوصفة مهداة إلى أمي الحبيبة :) .



المقادير : ( الكمية لأربع أشخاص )


* 1/3 كغ أرز بسمتي ( ممكن تعوضوه بأرز نتاع بلادنا يكون مفور هذا شرط أساسي بصح بالبسمتي يكون بنين وخفيف بزاف وفرق كبير في الطعم :19::19::19::19::19: ) = حوالي كاس ونص أرز
* 1 فلفل حلو مقطع شرائح او مربعات صغيرة
* 1 فلفل حار مقطع شرائح او مربعات صغيرة ( هذا اختياري للي يحب الحار )
* 2 حبات جزر مبشور سواء رقيق او خشين كيما تحبو
* 1 حبة بصل متوسطة مقطع شرائح او مربعات صغيرة
* دجاج حسب أفراد العائلة ( أنا استعملت 2 أفخاذ كبار )
* 2 مكعبات مرق دجاج ( ماجي )
* 3 فصوص ثوم مقطعة شرائح
* 3 ملاعق كبيرة زيت + 1 ملعقة كبيرة زبدة
* التوابل :
- 1 م ص ملح
- 1 م ص فلفل أسود
- 1 م ص ثوم بودرة
- 2 م ص كسبر
- 1/4 م ص فلفل احمر ( حلو أو حار حسب الذوق )
- 2 أوراق رند
- ساعات نزيد معاه شوية كركم للتلوين ( اختياري )

http://www.up.djelfa.info/uploads/142763312756641.jpg


* لتحمير الدجاج :
- 1 م ص زبدة
- 1/2 م كبيرة عسل
- 1 م كبيرة موطارد
- شوية هريسة انا اللي عندي حلوة ماشي حارة ( هريسة بروقة حطيت ملعقة كبيرة )
- رشة خفيفة ملح فقط
- رشة فلفل أسود
- رشة بودرة ثوم
- رشة فلفل أحمر


الطريقة :

1- أول حاجة وقبل مانبدى نكيل الروز نتاعي في كاس ونتذكر قداش حطيت أرز ونفرغو في صحن كبير وغامق ونغسلو مليح ثم ننقعه في الماء البارد ونخليه من 1-2 ساعة لازم هذي العملية باش الارز من بعد مايجيش معجن .


http://www.up.djelfa.info/uploads/142763152105831.jpg

2- نوجد الخضر: يعني نقشرهم ونغسلهم ونقطعهم ونحط الزبدة والزيت يسخنو ونبدى نحط اولا البصل والفلفل والجزر يتقلاو مليح مليح وبدون ملح على نار متوسطة حتان يذبلو مليح وينشفو من الماء ويبداو يكتسبو اللون الذهبي ( باش يجي الروز بنين لازم يتقلاو مليح )
البصل والفلفل تحبو تقطعوهم شرائح إذا حبيتوهم يبانو او مكعبات إذا ماحبيتوهمش يبانو
ايضا الجزر ممكن ترابيوه في الجهة الرقيقة او الخشينة إذا حبيتوه يبان أنا عن نفسي نحبهم مكعبات خير
http://www.up.djelfa.info/uploads/142763108127111.jpg

http://www.up.djelfa.info/uploads/142763108129652.jpg

وهنا كي تقلاو وبداو يتحمرو
http://www.up.djelfa.info/uploads/142763152108012.jpg




3- نضيف الدجاج والثوم ونقلي مليح ... انا دايما ما نقويش للنار ونقلي بعقلي باش جي الماكلة بنينة :19: وديما نخدم فوق الكانون الصغير


http://www.up.djelfa.info/uploads/1427631081323.jpg
4- بعد مايتقلى الجاج مليح نضيف التوابل والملح ومكعبات الماجي (نحتفظ بقطعة صغيرة جدا من مكعب ماجي أقل من ربع مكعب نخلطها مع توابل تحمير الدجاج ) و الرند ونقلي دقيقة واحدة.
ماتقولوش 2 مكعبات ماجي بزاف لالا كي تكون وصفة فيها روز يطيب في المرق لازم 2 وحدة للروز ووحدة للمرق ;).

http://www.up.djelfa.info/uploads/142763139115931.jpg

5- نمرق بالماء بحيث تكون كمية الماء كالتالي : لكل كأس أرز نحط 2.5 كاس ماء ( لهذا قلتلكم تكيلو الارز قبل النقع ) .


http://www.up.djelfa.info/uploads/142763181864972.jpg

6- بعد ما يغلي المرق نغلق الكوكوط ونخليها على الكانون الصغير نتاع الكويزينييار باش يطيب الدجاج براحتو بدون ما ينشف المرق ( نخليها حوالي 30-40د على الأكثر ونطفي ) .

7- في الوقت اللي تكون المرق يطيب نوجد توابل تحمير الدجاج في صحن ونخلطهم مليح ( من كل حاجة حطيت على راس المغرفة برك خاصة الملح رشة خفيفة خلاص )

http://www.up.djelfa.info/uploads/142763164357241.jpg
http://www.up.djelfa.info/uploads/142763164359182.jpg

8- نفتح الكوكوط وننزع قطع الدجاج من المرق ونصفيها مليح مليح مليح من المرق لازم تتصفى مليح ونخليها على جنب في صحن .

9- هنا خطوة مهمة ، انا بميز عيني نقدر نعرف إذا المرق قليل ولا بزاف على الارز:cool: انتوما إذا ماعندكم ميزان في عينيكم مع الارز:D:D ننصحكم نقصو شوية من المرق في ماعون ثم صفيو الارز نتاعكم من الماء ونرميه في المرق ونخلط ونشوف إذا نكمل المرق كامل ولالا يكفي لازم مستوى المرق يغطي الارز فقط مايكونش اكثر لانو أرز البسمتي رقيق يطيب ثم ثم خاصة كي نقعناه في الماء . انا مالف يجيني ديما المرق قدقد مع الارز عمري لا نقصت منو طبعا المرق لازم مايكونش زايد وإلا الارز يطيب بزاف ويعجن ومايكونش قليل باش يطيب الارز مليح
إذا استعملتو أرز عادي ماشي بسمتي ( طبعا لازم يكون أرز مفور ) يكون مستوى المرق يغطي الارز واكثر منو بحوالي 2سم لذلك إذا درتو أرز عادي نكيل لكل كاس أرز 3 كيسان ماء لانو مايطيبش بسرعة كيما البسمتي .
نصيحتي ديروه بالبسمتي لذيذ جدا وخفيف :19:.

لاحظو الارز مازال يبان تحت المرق
http://www.up.djelfa.info/uploads/142763152110273.jpg

هنا لاوم تذوقو الملح إذا خص الملح زيدو شوية لأنو من بعد كي يطيب ماكانش كيفاش تزيدولو الملح مالازمش تخلطوه كي يكون يطيب ولا بعد الطياب يتفتت .

10- بعد مانخلط الارز مع المرق باش يتخلطو مليح المكونات ( لازم الكوكوط هنا تكون على الكانون الصغير ) بمجرد مايغلي المرق نقص للنار خلااااااااص أقل مايمكن ونغلق الكوكوط ونخليه يطيب براحتو راهو مايطولش بلاك ربع ساعة او اكثر شوية المهم كل شوية طلو عليه ( ندخل شوكة او ملعقة على الجنب ونحي الارز بالشوية باش نشوف القاع نتاع الكوكوط منين نشوف المرق نشف تماما وشربو الارز نلقاه طاب على البخار :19: )
* ملاحظة مهمة جدا : الارز مانحركوش خلاص كي يكون يطيب باش مايتفتتش غير نطل على الحاشية إذا نشف المرق نطفي النار عليه .

11- في الوقت اللي يكون الارز يطيب نرمد قطع الدجاج نتاعي في خليط التوابل ونحطهم في كيس شواء وندخلهم للفرن في الرف الوسطاني ونشعل النار من فوق ونحمرهم على الجهتين أيضا الجاج مايطولش ثم ثم يتحمر ( السبب اللي خلاني نديرهم في كيس الشواء باش ماينشفش الدجاج .

http://www.up.djelfa.info/uploads/142763164361463.jpg
http://www.up.djelfa.info/uploads/142763181867143.jpg


12- ونقدم الدجاج بالصحة والهناء :19: أنا طبعا درتو عدة مرات لذيذ جدا وعائلتي دائما تطالب بالإعادة وبالوصفة أيضا مازال ماعطيتها لحتى واحد أنتم الأولين قبل عائلتي :mh31::mh31::mh31:
http://us.cdn3.123rf.com/168nwm/yayayoy/yayayoy1306/yayayoy130600011/20451037-emoticone-excited.jpg


http://www.up.djelfa.info/uploads/142763204938811.jpg


http://www.up.djelfa.info/uploads/142763204941732.jpg




هنا درتو بلحم الخروف طيبت الروز وحدو مع شوية كفتة واللحم وحدو في كوكوط اخرى حمرتو مليح مع ثوم وملح وفلفل اسود فقط ومرقت غير شوية ماء وخليتو طاب على نار قليلة وكي طاب حطيت الروز وفوقو حطيت الروز وسقيت بالمرق نتاع اللحم جا في الطعم تححححححححححححفة مممممممم

http://www.up.djelfa.info/uploads/142763254293761.jpg


هذو ثاني باللحم نتاع الخروف :

http://www.up.djelfa.info/uploads/142763254296392.jpg


http://www.up.djelfa.info/uploads/142763254298913.jpg
http://www.up.djelfa.info/uploads/142763262823781.jpg
http://www.up.djelfa.info/uploads/142763272722951.jpg
http://www.up.djelfa.info/uploads/142763272725432.jpg
http://www.up.djelfa.info/uploads/142763272727813.jpg





بما انو الأرز من الأطباق المفضلة عندنا جربتو بعدة طرق وصدقوني لذيذ كيف ماكان هاهم بعض الأفكار البسيطة للتغيير فقط لن الطريقة هي هي :

أرز بالأجنحة والقوانص ( لأيام تشومير :D ) ، التغيير الوحيد أنني زدت معاه شوية هريسة شوية طماطم مصبرة وشوية كمون وكركم :19:
أيضا : الجوانح ماصفيتهمش من المرق كيما في الصور والقوانص غسلتهم مليح ورقدتهم في ماء فيه شوية خل باش تروح ريحتهم
لذيييييييييييييذ جدا حتى بالجوانح :19::19::19::19:


http://www.up.djelfa.info/uploads/142763204943943.jpg

شوفو كيفاش تلقاوه يذرى كل حبة وحدها :19:

http://www.up.djelfa.info/uploads/142763241402341.jpg


أرز مع صوص حمراء بالكفتة : التغيير هو أنو قليت الخضر جيدا ثم أضفت مباشرة الارز المنقوع واستعملت هنا وحدة فقط مكعب ماجي ولإضفاء نكهة شرقية على الارزأضفت شوية شعيرية حمرتها مليح في شوية زيت تعطي نكهة مختلفة للارز و أيضا حطيت توابل : فلفل اسود وملح وكركم وبودرة ثوم وكسبر ورند و حب هال و 2 أعواد قرنفل و قطعة صغيرة نتاع قرفة عود ومرقت بالماء فقط .
عملت صوص طوماط عادية وفيها شوية زيتون مقطع وطيبت فيها الكفتة بعد ما تبلتها وخلاص

هاهو طايب وكل حبة وحدها :
http://www.up.djelfa.info/uploads/142763291251781.jpg

وجربتها أيضا بنفس الطريقة مع اسكالوب مقطع مكعبات بصح نسيت ماصورتوش ثاني يجي بنين :19::19::19::19:

إن شاء الله جربوها .... رايحة بإذن الله تعجبكم وتدعيولي :mh31::mh31::mh31::mh31:.


أتمنى ان تنال الوصفة إعجابكن كما نالت إعجاب كل من تذوقها وآسفة على التأخير :o:o:o:o


تحياتي ............... لهومة :mh31::mh31::mh31:

[idron0]

بارك الله فيك 4444444

[anaris]

اهلا بعودة الغالية عتي بالحامل والمحمول اطباق هايلة انا زي ماماك نحب الارز ونحب نوع فيه و بخصوص الارز البسمتي انا عت لا استغنى عليه شريت شكارة من الحجم الكبير ننصحكم تستعملوه فرق كبير في الطعم

[أم ياسين الزهراء]

ربي يعيشلك يماك

تسلمي ياحلوة اممممممممممممممممممممممممم

[القبطية]

يعطيك الف صحة قيد التجريب

[om mita]

اممممممممممم يهبل يعطيك الصحة

[ريتاج تيارتية]

امممممممممممممممممممم ماماميا الله الله عليك ياللهلوبة يعطيك الصحة وبارك الله فيك
وربي يحفظلك الوالدة ويخليها تاج فوق روسكم

[yasmalak]

هه كيما قلت قبيلة لليزا انا الروز ما نحبوووووووووووش نحس ماعندو حتى دوك و زيد تقييل
مي ماراني خاسرة والو نجرب الوصفة تاعك ادا ماكليتوش انا ياكلوه فالدار هه
يعطييك الصححة

[lyzzabel]

شكرًا على الوصفة الذييييذة الهاااام ،، و الأفكار لي حطيتيهم فالأخير تاني ربي يجازيك بالخير ،، انا تاني نديره هاك و الماركة تاع الأرز البسمتي لي حطيتيه هو المخير انا عجبني خيرمن لخرين ،، المهم بغيت نقول راه عندنا نفس الأفكار في طبخ الأرز

ربي يفرحك يا الحبيبة و يخليلك الوالدة الكريمة و في انتظاااار وصفة المثلجااااات ممممممم :d:d

:19::19::19::19::19:

[ام رشدى]

اممممممممممممممممم شهتيني اختي الهام اكيد انجربو يعطيك الف صحة

[ام سهام 02]

رووووووووووعة يعطيك الف عافية ويعطيك ما تتمناي

وربي يطول في عمر الوالدة ويخاليها لكم

[tokio hotel]

شكرا على الوصفة ربى يجعلها فى ميزان حسناتك

[حبي لأمي]

يعطيك الصحة يبان فوووووووووووووووووووور وزيد وصفاتك دايما هايلة وناجحة

[nihale89]

يعطيك الصحة متالقة كي العادة
ربي يجازيك

[islam1aya]

لهلوبة فوووووووووووووووووووووووور يعطيك الصحة حبيبتي
موضوع رائع مكاش الي مايحبش الروز رايحين نولو شناوة خخخههههه

[wahiba T]

يعطيك الصحة وربي يجعلها في ميزان حسناتك

[sousou mo]

يعطيك الف صحة و بارك الله فيك و ربي يحفضلك الوالدة الكريمة و تكملي في طاعتها

[مريم القايسية]

44444444444444444باين عليه يشهي

[Malek12]

بارك الله فيك و جزاك خيرا

[malek nour hane]

امممم الهام يشبه الأرز لي نديرو... انا تاني معولة نحط أرز كموضوع.... اممممممم من يديك اكبييييد روعة... انا راجلي يموت على الروز نهار كنت مخطوبة تعلمتو على جالو كل يوم نخرط روسات.... نزيد نضم هذا للمجموعة الجديد فيه هو طريقة تحمير الدجاج... بارك الله فيك راني كل صحن ذقت منو هههه. شكراااا لهومة

[soriaalg]

مممممممم ما شاء الله عليك روووووووووووووعة بارك الله فيك

[انتصار فاطنة]

والله اطباقك ديما قمة الروعة اناملي خطيت الكوزينة كرهت الروز بصح رايحة نقلهم يجربوه بطريقتك ونردلك الخير ومتاكدة بلي رايحة نلحس الصحن ههههههههههههههه

[maram mery1]

:19:بارك الله فيك لهومة حقا وصفاتك رائعة و طريقة طرحك تشجع على التطبيق...للاضافة فقط انا نكيل المرق بعد ما يطيب يعني 2.5كيسان تاع مرق طايب ب كاس روز يجي قد قد.......في انتظار الجديد هيا حيوية و نشاط..

[malek nour hane]

عندي الأرز البسمتي خاصني الدجاج و جامبو اممممممم على هذاك الدجاج المحمر تاني خاصني لا موتارد... هههه قوليلي خاصك كلش وحابة ديريه يعطيك الصحة... تقديم راقي هههه غاضوني لبنات خليتلهم يذوقو شوي... سلام للأم الغالية وربي يحفظهالك... في انتظار باقي الوصفات هههه

[kati83]

اختي الهام اكيد انجربو يعطيك الف صحة دائما عندى مشكلة مع الارز نحس ناقص توابل اناعضوة جديدة فى المنتدى لكن متتبعة مند 3سنوات

[الواثقة بالله 23]

بارك الله فيك أختي مجهود واضح في عمل الموضوع و الطعم و الشكل روعة بارك الله فيك و جعله في ميزان حسناتك

[أنا هي]

يعطيك الصحة لهومة على روعة التقديم والمحتوى

هذا نفس طريقة الكبسة بأنواعها

فقط ينقصها الهيل ,يعطي ذوق راااائع للأرز

بالنسبة لنوعية الارز البسمتي هذا اللي في الصورة غالي شوية

كاين نوع ارز بسمتي انا نشريه فقط بعشرة ألاف

في الحقيقة وفر عليا بما اني من محبات الارز وخصوصا الكبسة

ربي يحميك ويبارك فيك على روعة ما تقدمين .

[ام قسوم]

الله الله عليك يا الغالية

سخفقتينى


جزاك الله كل خير

[om mari]

هاااايل يعطيك الصحة

[sahima]

يعطيك الصحة
مواضيعك كلها هايلة
ووصفاتك لا يعلى عليها
(مكعبات المرق عليهم شبهات بلي ماشي ملاح ومضرين من الافضل نستغناو عليهم)

[أم إناس]

امممممممممممم واممممممممممم واممممممممممم
يشهي. ياتيك الصحه بسبوسه
تسلمي وجزاك الله خيرا

[ام فيفي]

شكراااااااااااااااااااااااااااااااااا حبوبة:19:

[أم مروان]

وصفة رائعة يعطيك الصحة

[faryal zahira]

رووووووووووعة يعطيك الف عافية ويعطيك ما تتمناي

[samia28]

Wahdek wahdek wahdek
allah y barek wa lashaa allah

[جومانة09]

http://im60.gulfup.com/6D0meW.jpg
وشبيها خضرتك مذبالة ههههههههههههه وياريت تختصري في مواضيعك ههههههههههه
يعطيك الصحة

[سميحة 01]

الهامو حبيبتي البارح جربتو خرج روووووووووووووعة بنين يقتل كيما يقولوا التوانسة يعطيك الصحة موااااح

للاسف ما عنديش باش نصور

[ام عبودة]

يعطيك الف صحة وعافية
شكرااا على المجهود

[silina 1981]

شكرا لك الهام على الوصفة الرائعة سوف اجربه بادن الله لكن مع اضافة صغيييييييييرة هي الهيل فقط احب فيك لالخلاص في العمل احبك في الله

[ام سراج وملاك]

يعطيك الصحة يبان بنين مع انا نحب الروز نجربو انشاء الله

[sandra didou]

4444444444444444444444444444444444444

[moniz]

ya3tik elsaha we ester toujours elegantes et chic tes re7s

[إلهام07]

شكرا لكل من مرت بموضوعي سواء تركت ردا ام لم تترك .......................... شكرا للتشجيع غالياتي :mh31::mh31::mh31:


شكرا لك الهام على الوصفة الرائعة سوف اجربه بادن الله لكن مع اضافة صغيييييييييرة هي الهيل فقط احب فيك لالخلاص في العمل احبك في الله
الله يسترك أختي سيلينا ......... انا عائلتي ماتحبش الهيل عليها مانحطوش انا ثاني يعجبني بزاف الهيل واش ندير ماياكلوهش :rolleyes::rolleyes::rolleyes::rolleyes::rolleyes:

الهامو حبيبتي البارح جربتو خرج روووووووووووووعة بنين يقتل كيما يقولوا التوانسة يعطيك الصحة موااااح
للاسف ما عنديش باش نصور
:1::1::1::1::1: وأخيرا جرباتو وحدة باش تتأكدو باللي بنين ...........شكرا سميحة على الثقة في وصفتي :mh31::mh31::mh31:
بصحتكم الروز ;)

http://im60.gulfup.com/6D0meW.jpg
وشبيها خضرتك مذبالة ههههههههههههه وياريت تختصري في مواضيعك ههههههههههه
يعطيك الصحة
الخضرة نتاعي واش بيها بوقوصة تهبل :D ياختي شوفي للعقلية ماتشوفيش للاطاي :D:D:D
اما الاختصار فماشي مشكل نختصر ماذا بيا نقص على روحي التعب لمشكل أنو نلقى من بعد بزاف أسئلة وأنا ماندخلش بزاف للمنتدى مالا نشرح كلش باش مايطرحوش الأسئلة ويبقاو يستناو في الرد بالأيام ;)

يعطيك الصحة
مواضيعك كلها هايلة
ووصفاتك لا يعلى عليها
(مكعبات المرق عليهم شبهات بلي ماشي ملاح ومضرين من الافضل نستغناو عليهم)
شكرا أختي سهيمة ، هي صح عليها شبهة أنو ماشي صحية بصح واش ديري يا تحطي كمية مليحة نتاع لحم يا تعوضي النقص بمكعب مرق يا إما تخدمي مرق الدجاج وحدك في الدار :rolleyes::rolleyes::rolleyes:

يعطيك الصحة لهومة على روعة التقديم والمحتوى

هذا نفس طريقة الكبسة بأنواعها

فقط ينقصها الهيل ,يعطي ذوق راااائع للأرز

بالنسبة لنوعية الارز البسمتي هذا اللي في الصورة غالي شوية

كاين نوع ارز بسمتي انا نشريه فقط بعشرة ألاف

في الحقيقة وفر عليا بما اني من محبات الارز وخصوصا الكبسة

ربي يحميك ويبارك فيك على روعة ما تقدمين .

الهيل في دارنا يكرهوه عليها وليت مانحطوش من فضلك حطيلي صورة الارز اللي راكي تشري فيه انا راهو شومرني البسمتي :sdf::sdf::sdf:


اختي الهام اكيد انجربو يعطيك الف صحة دائما عندى مشكلة مع الارز نحس ناقص توابل اناعضوة جديدة فى المنتدى لكن متتبعة مند 3سنوات
شكرا أختي على المرور جربي هذي الوصفة يجيك بنين :19::19::19:

عندي الأرز البسمتي خاصني الدجاج و جامبو اممممممم على هذاك الدجاج المحمر تاني خاصني لا موتارد... هههه قوليلي خاصك كلش وحابة ديريه يعطيك الصحة... تقديم راقي هههه غاضوني لبنات خليتلهم يذوقو شوي... سلام للأم الغالية وربي يحفظهالك... في انتظار باقي الوصفات هههه
:D:D:D:D:D:D وانا خاصاتك ولا ماكلاه تشريني :D:D:D:D:D:D:D ماعليش ربي ورحمتو وجربيه ;)

:19:بارك الله فيك لهومة حقا وصفاتك رائعة و طريقة طرحك تشجع على التطبيق...للاضافة فقط انا نكيل المرق بعد ما يطيب يعني 2.5كيسان تاع مرق طايب ب كاس روز يجي قد قد.......في انتظار الجديد هيا حيوية و نشاط..
عندك الحق بصح كي تكيليه هكذا خير بصح أنا كسولة :D وزيد من كثرة مادرتو وليت نعرف كيل الماء بميز عيني فقط

والله اطباقك ديما قمة الروعة اناملي خطيت الكوزينة كرهت الروز بصح رايحة نقلهم يجربوه بطريقتك ونردلك الخير ومتاكدة بلي رايحة نلحس الصحن ههههههههههههههه
يا سعيدة بجدارة حبيبتي ربي يفرج عليك وجربي الروز وحدك ويعجبك :mh31:

امممم الهام يشبه الأرز لي نديرو... انا تاني معولة نحط أرز كموضوع.... اممممممم من يديك اكبييييد روعة... انا راجلي يموت على الروز نهار كنت مخطوبة تعلمتو على جالو كل يوم نخرط روسات.... نزيد نضم هذا للمجموعة الجديد فيه هو طريقة تحمير الدجاج... بارك الله فيك راني كل صحن ذقت منو هههه. شكراااا لهومة
روحي حطيه نحب نتعلم اكبر عدد من وصفات الأرز راني ننتظر وصفتك باش نجربها :mh31::mh31::mh31:

لهلوبة فوووووووووووووووووووووووور يعطيك الصحة حبيبتي
موضوع رائع مكاش الي مايحبش الروز رايحين نولو شناوة خخخههههه
ههههههههههههه ...... توحشتك :mh31::mh31::mh31::mh31::mh31::mh31: وحقة مبروك المنصب الجديد :mh31:

شكرا على الوصفة ربى يجعلها فى ميزان حسناتك
يا العميرة توحشتك:mh31::mh31::mh31: وين راكي غاطسة :confused::confused:

شكرًا على الوصفة الذييييذة الهاااام ،، و الأفكار لي حطيتيهم فالأخير تاني ربي يجازيك بالخير ،، انا تاني نديره هاك و الماركة تاع الأرز البسمتي لي حطيتيه هو المخير انا عجبني خيرمن لخرين ،، المهم بغيت نقول راه عندنا نفس الأفكار في طبخ الأرز

ربي يفرحك يا الحبيبة و يخليلك الوالدة الكريمة و في انتظاااار وصفة المثلجااااات ممممممم :d:d

:19::19::19::19::19:
شرف ليا نكون عندي نفس أفكارك انت شاف الله بارك ماقلتيليش قداش عمرك:confused::confused::confused:

هه كيما قلت قبيلة لليزا انا الروز ما نحبوووووووووووش نحس ماعندو حتى دوك و زيد تقييل
مي ماراني خاسرة والو نجرب الوصفة تاعك ادا ماكليتوش انا ياكلوه فالدار هه
يعطييك الصححة
أصلا أول شخص نسمعو يقول الرو ثقيل بالعكس هو خفيف خلاص والبنة على الطياب نتاعو والتوابل فقط جربيه وإن شاء الله يعجبك :mh31::mh31::mh31::mh31::mh31:

يعطيك الف صحة قيد التجريب
على بالي جربيه ;) كاش أطباق جديدة ؟

اهلا بعودة الغالية عتي بالحامل والمحمول اطباق هايلة انا زي ماماك نحب الارز ونحب نوع فيه و بخصوص الارز البسمتي انا عت لا استغنى عليه شريت شكارة من الحجم الكبير ننصحكم تستعملوه فرق كبير في الطعم
حبوبي توحشتك واش راكي هذي غيبة :mh31::mh31::mh31::mh31: مواح :D

بارك الله فيك 4444444
الله يبارك فيك أختي وشكرا على متابعتي في كل مواضيعي راكي أول رد واش كنتي تستناي فيا وكتاش نحط الموضوع :D:D:D شكرا على المرور :):)

[فانيسا]

وصفات رائعة حتى انا نحب الروز ان شاء الله نجربهم كلهم ويخرجو كما تاعك

[malek nour hane]

لهومةوااااه كون جيتي تتشراي محلاك فكوزينتي هههههههه.......راني حطيت يالكشرودة لمطبزة وصفة أرز بريااااني روعة اضربي عليه طلة و تعليق بنين خخخخخ

[om malouka staifia]

اهلا الهام معرفة خير انشاء الله و الله انحبك في الله و نحب وصفاتك ,هايل هذا الموضوع انا عندي مشكلة مع الروز بصح انشاء الله مع الوصفة انتاعك لقيت الحل يعطيك الصحة و يرضي والديك عليك انشاء الله

[لجين الحبيبة]

انت دوما مبدعة الله يبارك شكرا على هذا القلب الطيب ادامك الله وفية لنا

[أنا هي]

الهيل في دارنا يكرهوه عليها وليت مانحطوش من فضلك حطيلي صورة الارز اللي راكي تشري فيه انا راهو شومرني البسمتي :sdf::sdf::sdf:




كنت ارفع من عدد مشاركاتي حتى اقدر ارفع الصورة

والاخت فايزة 1207 (http://www.djelfa.info/vb/member.php?u=445236) كذلك طلبت مني صورة للأرز البسمتي اللي ذكرته

وهذه هي صورته

سعره عشرة آلاف فقط

وربما في أماكن اخرى يكون بأقل سعر

http://www14.0zz0.com/2014/08/19/21/341835719.png

[فايزة1207]

مشكورة عزيزتي على الرد بارك الله فيك

[دائمة الحمد]

هايل الهام راكي ماخليت مادرتيلو الارز قلشتيه كما ينبغي تسلم الايادي

[hidayasoun]

ما شاء الله فيهم البنة باينين فحلة ما شاء الله

[enar]

يعطيك الصحة لهومة طياباتك قاع شابين تبارك الله عليك

[heaven's road]

فووووووووووووووووووووووووووور كالعادة

[mina3]

اني جربتو يا الهام و جاني فووووووووووووووووووووووووووووووووور بارك الله فيك يا السطايفية جارتي و الله انا من عضاق الارز و مين تحطي وصفة نجربها و نجرب كل وصفات الارز لي نلقاها مي هاذي فوووووووووووووور بزاف ربي يعيطك ما تتمناي احبك في الله

[شاوية حرة 05]

يعطيك الصحة الهام باين بنين انت لزم نبعثلك ماما تمووووووووووووووووووووووووووووت على الروز الهام حبيت نسقسيك نقدر نديرو باالروز المفور ولا لا جاوبني تعيشي حقا التارت خلاصت ولا مازال هههههههههههههههههه نسيت مرة درت واحد الطريقة بصح كي لوحت في الكوكوطة تفتتلي كامل تعيشي قوليلي طريقة تاع الروز المفور

[nad16]

يعطيك الصحة بنت بلادي ويرزقك ربي بولد الحلال ان شاء الله دائما نستفاد منك

[عروبة2003]

جزاك الله خيرا

[إلهام07]

مشكورات على المرور عزيزاتي وربي يدوم المحبة بيناتنا :mh31::mh31:


أختي انا هي هذاك الروز عندنا يتباع بخمسة وعشرين ألف في كل المحلات بصحتكم عندكم رخيص واقيلا نجي نسلع من توالكم :D:D:D:D:D:D:D


اني جربتو يا الهام و جاني فووووووووووووووووووووووووووووووووور بارك الله فيك يا السطايفية جارتي و الله انا من عضاق الارز و مين تحطي وصفة نجربها و نجرب كل وصفات الارز لي نلقاها مي هاذي فوووووووووووووور بزاف ربي يعيطك ما تتمناي احبك في الله
فرحتيني بزااااااااااااااااف الله يفرحك :1::1::1::1::1::1:
الحمد لله كي عجبك وبصحتكم الروز عزيزتي :mh31::mh31::mh31::mh31::mh31:
وشكرا بزاااااااااااف على الثقة في وصفتي


شاوية حرة ال

[alison dilaurentis]

//

صباااح الفل,,,,,يمي يمي جعت على صباح ربي..

ممممممممممم والله يبان بنين بنيييييييييييييييييييين يقتلللhttp://dl.glitter-graphics.net/pub/674/674151mlx0m4643v.gif

ربي يخليك لينا لهوووووووووومة..http://www.shamoa.com/vb/shamoastyle/smilies/love/moreheart.gif

[المدير2012]

جزاك الله خيرا راجلي ميحبش الارز وجربت الارز الوصفة الاولى نتاعك وعجبوووووو بزاااااف هدااااااااااااااا ارز
ندعيلك ونعاود
ربي يجازيك خيرا

[farawla01]

اممممممممممم يهبل يعطيك الصحة

[مونيا غنية]

والله شهتيني وانا احب الارز رايحة اجربه شكراااااااااااااااااااا

[ايمان نور الجزائر]

بارك الله فيييييييييييييييييييييييك

[*ازهار*]

44444444444444444444444

[شمس بريكة]

ما شاء الله عليك راني نقرا فيهم وجوعتيني

[الجنة الجنة]

شكرا على الوصفة

[lehna]

يعطيك الف صحة

[prettylady]

يعطيك الصحة و الله فوووووووووووووووور بزااااااااااااااااف لي ما يحبش الارز يولي يبغيه راهو يشهي

[إلهام07]

شكرا لكن على التشجيع غالياتي :mh31::mh31::mh31::mh31:

جزاك الله خيرا راجلي ميحبش الارز وجربت الارز الوصفة الاولى نتاعك وعجبوووووو بزاااااف هدااااااااااااااا ارز
ندعيلك ونعاود
ربي يجازيك خيرا
فرحتيني بزااااااااااااااف ماتتصوريش كي عجبت زوجك :1:.......... ربي يحفظهولك ومشكورة على الثقة .......... تحياتي :mh31:
//

صباااح الفل,,,,,يمي يمي جعت على صباح ربي..

ممممممممممم والله يبان بنين بنيييييييييييييييييييين يقتلللhttp://dl.glitter-graphics.net/pub/674/674151mlx0m4643v.gif

ربي يخليك لينا لهوووووووووومة..http://www.shamoa.com/vb/shamoastyle/smilies/love/moreheart.gif
صباح الانوار والله يا أليسون متوحشاتك بزاف وعندي ليك أسئلة على غريبيتك بصح ماكيش تدخلي :sdf:

[حياتي نبع امل]

امممممممممممممممم
حتى انا شينوية من عشاق الارز
بارك الله فيك

[ام يوسف 2013]

ربي يحفظك نحب نشكرك على كل وصفاتك عزيزتي حتي المسروقة منها ههههه
أحيانا نتمنى لوكان نقدر نجيك باش نشكرك شخصيا
ربي يرزقك ويعطيك ما تتمناي

[lahna moka]

ممممممم يعطيك الصحة لهومة الوصفة روووعة و انا نموت على الروز

[صدفات]

راني إشتريت كل المستلزمات ان شاء الله اليوم غادي نجربه زوجي كيما ماماك يحب الأرز.

[ويناروز]

صراحة لايعجبني الروز رغم اني كل مرة نجربه بكيفية
لكن عندما قرأت موضوع حسيت بتميز واختلاف في طهيه ونكهته
شدني الفضول الى تجريبه
خاصة طريقة تنقيعه
يعطيك الصحة قررت كل يوم نجرب كيفية من تاعك
اليوم عملته للعشاء
يعطيك الصحة وماتتمناي
نحيتي علينا الكسكاس والتفوار
جاني هايل هايل كما قلتي بالضبط مذاق وطري وطايب وغير معجن
اتمنى من تقرأ الموضوع تجربه
راهو روعة
تستاهلي التثبيت والتكريم
جعله الله في ميزان حسناتك
كلام لازم نقولوا فيحقك مبدعةi

[ايمان فلاور]

يعطيك الصحة متالقة كي العادة و وصفاتك دايما ناجحة .

[صدفات]

:19:يا اختي جا روعة 4444444444444444444444444444444444

[maryouma46]

يعطيك الصحة على الوصفة تستحق التجربة

[tahiya]

مشكورة احتي....يعطيك الصحة

[ام ياسمين10]

نمووووووووووووووووت على الروز تسلمى

[salima3]

machae alah

[ام هاديل وياسين]

هايييييل بارك الله فيكي

[ام ايمان16]

يعطيك الصحة

[عطر الجوري]

يعطيك الصحة لهومة ربي يحققلك ماكي متمنية

[sandibal]

444444444444444444444444444444444444444444
rabi ybaaaaaaaaaarak fik w ykhalilk omak

[HANDA14]

يعطيك الف صحة و عافية تسلمي اختي و الله يحفظك و يحميلك اولادك

[المخلصة لزوجي]

مبدعة رااااااااااااااااااااااااااااااااائعة

[هجيرة جمعة]

alah allah 3lik yatik elsaha kmos 3lik

[hafidaaicha]

شحال يبان بنين ويشهي يعطيك الصحة بزاااااااااف

[الامل نور]

444444444444444444444444

[خيط الروح]

ما شاء الله
شكرااااااااا

[zahra30]

http://www.alasdeka2.com/vb/imgcache/2/192030alasdeka2.png

https://encrypted-tbn1.gstatic.com/images?q=tbn:ANd9GcTG866ypvdPt-Ou4Qe1rpR6FJRC9N_kzrirw22yVM6iPBvkOm-UrA

[إلهام07]

شكرا لكل من زارت موضوعي وشجعتني مشكورات غالياتي
لازم جربوه راني نأكد راهو بنييييييييييييين :mh31::mh31::mh31::mh31::mh31::mh31:


صراحة لايعجبني الروز رغم اني كل مرة نجربه بكيفية
لكن عندما قرأت موضوع حسيت بتميز واختلاف في طهيه ونكهته
شدني الفضول الى تجريبه
خاصة طريقة تنقيعه
يعطيك الصحة قررت كل يوم نجرب كيفية من تاعك
اليوم عملته للعشاء
يعطيك الصحة وماتتمناي
نحيتي علينا الكسكاس والتفوار
جاني هايل هايل كما قلتي بالضبط مذاق وطري وطايب وغير معجن
اتمنى من تقرأ الموضوع تجربه
راهو روعة
تستاهلي التثبيت والتكريم
جعله الله في ميزان حسناتك
كلام لازم نقولوا فيحقك مبدعةi
مشكورة بزاف اختي نيروز على الثقة خاصة وانك جربتي وصفة الروز وانت ماتحبيهش فرحتيني بزاف وبصحتكم الارز :mh31:


ربي يحفظك نحب نشكرك على كل وصفاتك عزيزتي حتي المسروقة منها ههههه
أحيانا نتمنى لوكان نقدر نجيك باش نشكرك شخصيا
ربي يرزقك ويعطيك ما تتمناي
مشكورة اختي ام يوسف على الكلمات الرقيقة حتى انا تعلمت من المنتدى بزاف حوايج ولازم نرد الجميل :)


امممممممممممممممم
حتى انا شينوية من عشاق الارز
بارك الله فيك
اهلا بالشينيوية :D:D:D:D:D واش راكي ؟

[iman dadou]

يعطيك الف صحة

[الجنة الجنة]

جربتها ونجحتلي شكرا لك

[ام ايمان16]

يعطيك الصحة حنونة

[إلهام07]

مشكورات غالياتي على المرور :mh31::mh31::mh31::mh31:


جربتها ونجحتلي شكرا لك
:1::1::1: فرحتيني مشكورة على الثقة وبصحتك الروز :mh31::mh31::mh31::mh31:

[malek nour hane]

انت هنا وانا ابحث عنك...يابنتي حطيلي وصفة الرافيلو و فيريرو و كيفية الطي و التازيين تاع الاخت تعيشييييييييييييييييي وااع الهام بقالي 10 ايام نروح و بالاك قريب تتكوبا النت بغييت نكتبهم لهيه ماعنديش النت ازربييييييييييييييييييي يامصيبة

[malek nour hane]

ههههههههههههههههههه معليش حبوبة الهام نعاود نجاوبك هنا ..الوصفات متاكدة حطيتيهم وفاتو قلبت المنتدى و دخلت لملفك الشخصي و مالقيتهمش انا تاني كيفك مانحبش القاطو لي مايطيبش فرد واااحد نعشقو لي ذاقوه كامل عندنا ماتو عليه بالاك هذو كيفو خخخ ماندري....ممكن روابط تاعهم مالقيتهمش و سارفيات راني نستنا بفارغ الصبر و طريقة تزيين الصحن و الشموع و كشما افكار عليهم ...بارك الله فيك ياكشرودة

[إلهام07]

ههههههههههههههههههه معليش حبوبة الهام نعاود نجاوبك هنا ..الوصفات متاكدة حطيتيهم وفاتو قلبت المنتدى و دخلت لملفك الشخصي و مالقيتهمش انا تاني كيفك مانحبش القاطو لي مايطيبش فرد واااحد نعشقو لي ذاقوه كامل عندنا ماتو عليه بالاك هذو كيفو خخخ ماندري....ممكن روابط تاعهم مالقيتهمش و سارفيات راني نستنا بفارغ الصبر و طريقة تزيين الصحن و الشموع و كشما افكار عليهم ...بارك الله فيك ياكشرودة
الوصفات راني أضفتهم في الموضوع نتاع حلوياتي تكاسلت نزيد نكتب موضوع جديد
http://www.djelfa.info/vb/showthread.php?t=1678649
والسارفيات ماتتقلقيش نحطهم بإذن الله قبل العيد
وتزيين الصحن هذي ماعلى باليش ضرك نقول لاختي تفهمك انا في الدار الميكرو يندب تخيلي كل مانكليكي مرة يبلوكي البارح أكثر من ساعة كاملة حطيت رد واحد في المنتدى وبعثت رسالة لأم محمد تاج فقط :mad::mad::mad::mad:

[malek nour hane]

الف الف شكر الهام ربي يفرحك و يعطيك ماتتمناي والله ندعيلك بالزوج الصالح عاجل غير اجل لي يعرفلك قيمتك و يكون معاك دين و دنيا ان شاء الله......الميكرو ثقيل و المنتدى البااارح كاااااااااااااااااااااااااامل نفس المشكل يجهلللللللل ههه ماتتقلقيش برك

[نادية روز]

يعيطك الصحة اختي الهام ممام انا نحب الروز خصوصا الي يكون بالمرق يعيطك الصحة وان شاء الله نجربو شكرا

[ANGEL FIFI]

والله انا نمووت على الارز نجربها ان شاء الله ويعطيك الصحة اختي

[aya la belle]

كل عام و انت بخير

[sana bordeaux]

444444444444444444444444

[yousrayousra77]

4444444444444

[om asma]

شكرا على الشرح المفصل بارك الله فيك روعة

[إكليل]

الله الله على هذاك الطياب ما شاء الله عليك سلمت يداك و إن شاء الله نجربه.

[ام فيفي]

لهومتي جربتو و جا تحفة الله يسترك دنيا و اخرة

[راما لجين]

Allah yjazik okhti hayel

[djazia 86]

الله يعطيك الصحا والله انا عندي مشكلة مع الارز ديما يعجنلي منعرفش قيس الماء مع الارز

[جوهرة الكون]

rabi ybarek fik

[hanouna09]

شكرا لذييييييييييييييييييييييييييييييييذ جدا

[hanane09]

يعطيك الصحة وصفاتك تعجبني بزاف وطريقة الشرح مشكورة وجزاك الله كل خير

[هجيرة جمعة]

yatik elsahhhhha bezzzaf foooooor

[سمراء 40]

يعطيك الصحة

[ilysarsora]

وااااااااااااااااااااااااااااااااااااااااااااااااا اااااااااااااااااااااااااااااااااااااو

[ايمان نور الجزائر]

شكرااااااااااااااااااااااااا

[إلهام07]

مشكورات غالياتي على التشجيع جربوه لذيذ ماتندموش :19::19::19:


أم فيفي الغالية مشكورة حبيبتي على الثقة وبالصحة والهناء الروز :mh31::mh31::mh31:

[yakota]

بارك الله فيك

[قمرْ~]

هايل ماشاء الله

[أم أسامة 07]

يعطيك الصحة اختي والله يبارك فيك شكرا

[عبق الورد]

شاطرة بارك الله فيكى

[oumraja]

يعطيك الصحة دمت مميزة

[nadira12]

لله شهيتيني الله يبارك سال لعابي

[ام اياد 2013]

رائع الهامو بارك الله فيك اختي

[kassimo-25]

صحيت بارك الله فيك

[إلهام07]

مشكورات غالياتي على المرور ................... تحياتي للجميع :mh31:

[hope of life]

يعطيك الصحة اختي الهام...دائما بالتفصيل الممل الي نحبو...نسقسيك برك على البروقة وين نلقاها فسطيف...على خاطر شحال من خطرة نوصي راجلي عليها مايلقاهاش...كاين حتى الي يقلو جامي سمعت بيها...:confused::confused::confused:وشحال من مرة نسمعكم تمدحو فيها..ربي يبارك فيك

[إلهام07]

ربي يحفظك اختي بصح واش هي البروقة هذي ؟ مافهمتش :confused:

[om nora]

مااقوله لك ان شرحك وافى وكافى ويدل على نبل اخلاقك انار الله طريقك ودربك وساعطبك رايى فى الروز عندما اجربه شكرااااااااااااااااااااااااااااااا

[chaima 6]

يعطيك الصحة

[hope of life]

ربي يحفظك اختي بصح واش هي البروقة هذي ؟ مافهمتش :confused:

هههههههه...الهريسة نتاع البروقة...ولاراني غالطة..هههههه...اسناي نروح نضرب طلة نشوف كيفاه راكي كاتبتها

[hope of life]

هريسة بروقة

[مطبخ الاحلام]

السلام عليكم

بصراحة يعجز اللسان على وصف مدى أنآقة الطبق وخصوصا أني من محبي الأرز

وصفات في القمة جزاكـ الله كل الخير

شكري وودي

[وحدتي راحتي]

السلام عليكم ورحمة الله
والله انا هاكا نحب نطيب الروز ومنحبش غير الرز البسمتي
جزاك الله خير اختي الغالية على الطرح الرائع والشرح الوافي

[إلهام07]

مشكورات اخواتي على الكلمات الطيبة ....................... قبلاتي


هريسة بروقة
:d:d:d:d جبتيلي الضحك :d:d
هريسة بروقة هي وصفة الهريسة نتاع الاخت بريق الأمل هريسة رائعة وساهلة ماهلة في 15د ديريها وحنا بريق الامل لانو عزيزة علينا كامل ندلعوها بروقة :d:d:d:d
هذي الهريسة راهي روعة ننصحك جربيها وتفضلي الوصفة بالتعديلات نتاعي راهي هايلة وتحب تخليها على الاقل 3 ايام قبل الاستهلاك ترجع ممممممممممممم بنينة بزاف وكل ماطول تزيد تبنان اكثر بصح قد ما طول تنقص في الحرارة :19:
انا نحبها ديما عندي في الثلاجة نطيب بيها نزيد منها مغرفة في العيش او الصوص نتاع الطماطم او المحاجب روعة :19::

حبة بصلة وراس ثوم كامل و4 أو 5 فلفل اخضر حار وحبتين طماطم وماء وملح في الميكسور
تترحى مليح في الروبو وحطيها فوق النار زيديها وحدة مكعب ماجي دجاج وكمون وكروية وحبة حلاوة وزيت وفلفل احمر حار مرحي بودر ومغرف طماطم علب
تعقد مليح و تنشف نطفي ونزيدلها 2 م ك زيت زيتون ونخلط وحطيها في بلارة والى الثلاجة
من الاحسن تستهلك بعد 2-3 ايام :19:

[أم تيم الله]

اممممممممممممممممم شهتيني اختي الهام اكيد انجربو يعطيك الف صحة

[nfifi2011]

mercccciiiiiiiiiiiiiiiiiiiiiiiiiiiiiiiiiiii

[ام سوهيل]

يعطيك الف صحة قيد التجريب

[sabrina206]

ممممممممممممممممم تحفةةةةةةةةةةةةة

[fleur oran]

merciiiiiiiiiiiiiiiiiiiiiiiiiiiiii

[إلهام07]

مشكورات اخواتي على المرور واللي مازالو ماجربوهش نقوللهم جربووووووووووه راهو بنين ماتندموش رايحين تعتمدو الوصفة

[ام خالد اسلام]

انا جربتو الهام والله رائع تقريبا طبقت كل وصفاتك حبيبتي وكل ما نطبق حاجة ندعيلك ربي يزقك الزوج الصالح

[sandibal]

merciiiiiiiiiiiiiiiiiiiii
44444444444444444444444444
baraka elaho fiki

[إلهام07]

مشكورة اختي سانديبال على المرور :)


انا جربتو الهام والله رائع تقريبا طبقت كل وصفاتك حبيبتي وكل ما نطبق حاجة ندعيلك ربي يزقك الزوج الصالح
ربي يخليك حبيبتي ام خالد مشكورة على الثقة في وصفاتي وبصحتكم الروز :mh31:

[hananfadi]

ليك شكرا امممم تشهي تبان

[ام لوجين وهديل]

يعطيك الصحة يا الفحلة نحب بزاف الروز وهده الطريقة نديرها ونسميها المكبوس المشرقي بصح انتي طبعا غيرتي فيه ورجعتيه جزائري بجدارة سورتو كي دخلتي فيه ليزابا هههههههههههه هدي هيا المرءة الجزائرية المتميزة بجدارة

[هدى ام ريماس]

ممممممممم يسلمووووووووووووووووووو

[mazoz]

عجبني بزاف يعطيك الصحة

[fif1984]

ماشاء الله يعطيك الصحة

[<هموزة >]

راه يشهي يعطيك الصحة

[lamia zina]

يبان بنين مرسييييييييييييي

[oum nardjes]

امممممممممممم تسيل اللعاب

[لميس حواء]

يعطيك الصحة تحفة
تقبل الله منا و منكم صالح العمال

[الرجاء الاماني المجد]

روعة روعة يعطيك الصحة

[Uaeec]

بارك الله فيك جميل

[لقاء الجنة]

الله يبارك..يعطيك الصحة...

[ام البنوتة]

فعلا الرز البسمتي رائع بصح انا نغليه 5 دقايق و نصفيه نحطلو شوية زبدة و من بعد نحطو في لاصوص و الى الفرن يجي هايل

[Ilyes.A]

يشهي
يعطيك الصحة

[om taki bacha]

قيد التجريب وجزاك الله خيرا على الوصفة

[yasmine rayhana]

شكرا على الوصفة

[آسيا 25]

444444 جاك تحححححفة يا لهومة الله يعطيك الصحة و شكرا على كرمك

[سماح*]

يبان هايل ماشاء الله يعطيك الصحة

[sara nissa]

emmmmmm tban hayla ya3tik esa7a

[ahmed.zako]

ما شاء الله يعطيك الصحة

[المتفائلة 83]

رائع بارك الله فيك نجربو في اقررب وقت

[شمس2]

امممممممممممممممممممم بنين بزاف يعطيك الصحة

[piratack007]

الله يعطيك الصحة

[ام سامي15]

ربي يبارك ما شاء الله

يعطيك الصحة

[fella987]

الله يبارك ماشاء الله عليك يا الهام انا من عاشقات الارز خصوصا الارز البسمتي يعني قادرة ناكلو فطور و عشا و مانكرهوش

[زهرة213]

44444444444444444444

[دموع الورد2]

رووووووووووعة يعطيك الصحة

نورنينا

[ام تقي وهبة]

الله يحفظك انت واهلك اللي جابوك
ما شاء الله جربتو أمس بالدجاج والأرز العادي مفور ولا أروع
بارك الله فيك
نعتمد الوصفة أن شاء الله تعالى

[حب الخير]

كنت نحوس عليه باين روعة يعطيك الصحة اختي

[فرج قريب]

🌹🌹🌹🌹🌹🌹merci

[حياة مليزي]

يعطيك صحة على هادي وصفة رابي يجزيك بالخير روعة ممممممممممممممممممممممم

[إلهام07]

مشكورات غالياتي على المرور وعلى الثقة في وصفاتي وبصحتكم الروز :mh31:
الله يحفظك انت واهلك اللي جابوك
ما شاء الله جربتو أمس بالدجاج والأرز العادي مفور ولا أروع
بارك الله فيك
نعتمد الوصفة أن شاء الله تعالى

[benhadad]

شكرا لك،،،

[imy09]

بارك الله فيك

[حياة مليزي]

ربي يحفظك انا نطيب روز بصح يجيني معجن الحمد الله كي شفت الوصفة رابي يعطيك ما تتمناي اختي

[nasima02]

بارك الله فيك

[lina lona]

الله يعطيك الصحة

[moulmoul]

شهيتيني
باين بلي بنين
نجربها
سلمتك يداك

[ام جنى ص]

تحفة ييعطيك الصحة

[fatima3131]

يعطيك الصحة

[أم ضياء عبد الرحيم]

جبرتو و فعلا روعة
ربي يحفظك لهومة

[oum Haroun]

بارك الله فيك وصفة جد رائعة جديدة و مميزة عن باقي وصفات الأرز لي نعرفهم أرز خليجي على الطريقة الجزائرية ربي يعطيك ما تتمناي

[magdoleen dz]

بااارك الله فيك

[i&b]

جزاك الله خيرا لهومة يعطيك الصحة اليوم ان شاء الله نطيب الروز تاعك للفطور و نرجعلك الخبر :19:

[طهراوي ياسين]

شكرا
الله يعطيك الصحه

[inniin2]

بارك الله فيك

[sunshine2013]

يعطيك. الصحة طبق و لا اروع

[إلهام07]

مشكورات على المرور :mh92:

جبرتو و فعلا روعة
ربي يحفظك لهومة
بصحتكم أختي ومشكورة على الثقة

[i&b]

السلام عليكم وش نقولك يا إلهاااااااااام الله يعطيك ما تتمناي طيبتوا البارح للفطور جا هااااااااااااايل حبة ما بقاتش روعة روعة روعة يعطيك ألف صحة
أنصح الجميع بتجربته و الله ما تندموا و طبقوا الوصفة بالحرف أنا ثاني خفت من مكعبات مرق الدجاج نقصت شوييييية من المكعب الثاني لكن لاااااا جات هايلة
و الملاحظة الرائعة هي العسل كنت خايفة لا يجي الدجاج حلو درت ملعقة صغيرة برك لكن ما بانش طعمو و جا بنييييييييييين

شكرا أختي الغالية :mh31::mh31::mh31::mh31::mh31: :19::19::19:

[feuilleblanche17]

يا سلام يا إلهام
طريقة رائعة يعطيك الصحة
جربتو زوج مرات مرة بالدجاج و مرة باللحم المرحي
الاولى جاني رائع و الثاني أروع
ربي يحفظك و يعطيك ما تتمناي

[إيزابيل]

امممممممم تسلمي حنونة

[no_r]

ana hawest bezaf 3la had enou3 ta3 elkis ma l9itouch makanch naw3 akhar ta3 elkis

[radia04]

Merci bnin bzef

[oumeima m]

بارك الله فيك

[noriss]

يعطيك الصحة

[maloo]

بارك الله فيك 4444444444444444444444

[kahina maam]

machaa Alah

[كريمة الجزائرية 48]

الله يعطيك الصحة اختي الهام 4444444444
بارك الله فيك

[nidabaize]

بارك الله فيك

[دنيا الامل 18]

روعة شكرااااااااااااااا

[hadilnour]

Raw3a ya3tik assaha

[سحابة باردة]

وصفة ولااروع

[rayen73]

ماشاء الله يعطيك صحة دايما مميزة

[ابني نور عيني]

شكرا الهام راني خديت الوصفة اول ما نطيب الارز نديرو بطريقتك شكرا

[fati sara]

ربي يفرحك ويحفظلك ميمتك نشالله.

[aicha1010]

تووووووحفة يعطيك الصحة

[ابني نور عيني]

يعطيك الللللف صحة جربتو و حمرلي وجهي الف ميغسي ليك

[اولادي حياتي]

يشهي اختي الهام يعطيك الصحة حنونة .

[halimatoun]

machkora oukhti 3ala lwasfa :19:

[فاتي تيارت]

هذا روز هايل لكن ممكن من الاخخوات يعطونى روز جارى ماشى ناشف
شكرا لكى يا حبيت امها

[adorablbissan]

الله يبارك ... تبان تشهي
يعطيك الصحة ختي

[سحابة باردة]

:19::19::19::19::19::19::19::19:

[benhbiless]

بارك الله فيك

[om bilel 1600]

هائل جربت و عجبني بزااااااف شكراااااا جزيلا لك أختي وصفاتك كلها راااااااايعة

[zinna]

بنننننين بنيييين

[ام محمد اياد1]

يعطيك الصحة و بارك الله فيك

[سلوى سلوى]

يعطيك الصحة فور

[هدى ام ريماس]

يبان روعععععععععععة

[tafat]

جزاك الله كل خير

[manoulamarina]

يعطيك الصحة يعجبوني وصفاتك

[amel62]

يعطيك الصحة

[نادية نادية]

مرسييييييييييييييييييييييي

[دنيا الامل 18]

روووووووعة شكرا

[zouzou Hanii]

من احب الاطباق الى قلبي اللي يكون فيها ارزتسلم ايديكي

[حالمة برفقة النبي]

يعطيك الصحة

[heaven's road]

4444444444

[moulmoul]

لازم نجرب وصفتك اختي لانو عندي مشكلة مع الارز
بارك الله فيك

[maya83]

اممممم هايل يعطيك الصحة ارز و عليه لكلام انا ثاني نحب الارز الباسماتي يجي خير فالطياب و من الفوق لاحظت انك اضفتي الدويدة قليتيها
شكرا حبيبتي

[zohra benhamlaoui]

allah ybarek

[khouloudnicegirl]

طبق رائع .بارك الله فيك

[صوفيا27]

يعطيك الف صحة

[hassina23]

مممم يعطيك الصحة انا شخصيا نحب الارز جا هايال بارك الله فيك

[melissa lola]

يعطيك الصحة الاخت جربتو وجا روعة

[بنت المنيعة]

ألف شكر لك جزاك الله خيرا

[مروج فجر]

الف شكر انت متالقة

[حميدحليم]

روووووووووووووعة🍯🍯🍯🍯🍯🍯🍯🍯🍯🍯🍯🍯🍯🍯🍚🍚🍚🍚🍚🍚🍚🍚🍚🍚🍚🍜🍜🍜🍜🍜🍜🍜🍜

[بشـرى]

ما شاء الله ، الله يباارك ، تسلم الأيادي ، أنا من عاشقات الأرز وديما نحب نجرب الوصفات تاعو ....
أنا طريقتي في التحضير قريبة لطريقتك لكن أنا منحمرش الدجاج نفتتو ونخلطو معاه ، وإذا درت باللحم الرحي نفس الشي ، نقلي اللحم ومن بعد نتبلو ونزيدلو الخضر مرابية وكي يتقلاو نحط شوي ما برك ونضيف الرز لي غليتو وحدو ، يجي بنييين رووعة ...

بااارك الله فيك أختي ...^^

[sasa mila]

يعطيك الصحة الهام

[ام جهاااد]

مشكوووووووووووووووووووووووووووره تسلم الايادي

[nina hnina]

يعطيك الصحة.

[misktyba]

تسلم الأيادي

[ملك 25]

راكي فنانة ماشاء الله عليك و خفة الدم منحكيوش عسسسسسسل ربي يحفظك لعايلتك و احبابك

[MALIKA06]

شكرا لك يعطيك الصحة

[nadian]

💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💞💟💟💟💟💟💟💟💟💟💟💟💟💟💟💟💟💟 💟💟💟💟💟💟💟💟💟💟💟💟 الله يفرحكم

[jonzue]

شكرا اتمنى ان كل فتيات الجزائر يستفيدن