هذا ما قاله في الرؤية

[مشكلتي]

السلام عليكم سؤالي خاصة للرجال بغيت نقلكم واش صرا و واثقة راح تنوروني برايكم الصريح لانو فعلا مخي توقف من التخمام
بداية انا معلمة تقريبا 34 سنة تقددملي شخص كان في الجيش و كمل 15 سنة و الان كل يوم عمل
الفارق المادي بيناتنا واضح هو صارحني بوضعو بالتفصيل و قال اصبري معايا و راهي ظروفي ماهيش مليحة خاصة ماديا
شروطه او اساسيات عندو قال باه من بعد ما تصراش مشاكل
1- الخروج الا لضرورة و وقت لعمل من العمل للدار و من لدار للعمل و الحديث مع الرجال ممنوع مهما يكون مع من ...و هاذي عادي انا تربيت عليها
2- الذهاب لاهلك ماشي كل يوم لبيت والديك ماشي مشكل اي وقت اما اخوتك لا الا لضرورة...علاقتي مع خاوتي جد وطيدة و نروحلهم بزاف و كلهم متزوجين ؟؟؟؟؟
قال انو الوالدين ضرورة اما الاخوة عندو حاجة زيادة
3- الحجاب يكون بمواصفاة شرعية .....اكيد و لازم
4- مشاكلك مع اهلي اخواتي او امي بيناتكم انا ما نحبش كل واحدة تجي تشكي و ندخلو في حكايات اخرى
5- ماهوش قادر على سكن منفرد و راح يسكن مع اهلو بطابق وحدو لكن حتى السكن فيه يتطلب صبر معايا ....15 سنة عمل و مادار والو ؟؟؟؟؟؟؟؟
6-المهر احنا بمنطقتنا متعارف عليه على حاجة معينة قالك ساعدوني و نجيب على قد حالي ... المهر هاداك مانيش قادر عليه .......15 سنة عمل + 3 سنوات من بعد لا وفرسكن لا حق مهر كما يجب
7- قتلو كنت مخطوبة سابقا قالي عادي تصرا بزاف خطبة و انفصال و من بعد سأل اذا راه من نفس الحي او العائلة ام لا ؟؟؟؟؟؟
8- قالي يا بنت الناس راني نخدم اي حاجة حتى و لو نبيع الخضر باه ما تقولي راني نتاع بيرو ما والو راني نخدم اي حاجة للعلم والدو يبيع الخضر و ماشي في حانوت بالسيارة .... وضعنا العائلي ماديا الحمد لله و الفارق واضح هل راح نتأقلم مع هكذا وضع
9- قالك خلي اسرارك لسك حتى خوك الوقت الحالي و ما يحبلكش الخير قتلو انو كل واحد حسب ربايته و انا خاوتي ما نقدرش نستغنى علهم قالك الوالدين صح الخاوة لا .... رافض حتى علاقتي مع خاوتي و مافهمت والو على هاذي النظرة السلبية تجاه الاخوة

يا اهل الخير يا بنات و يا خاوتي الرجال ما راحش نقلكم الامور لي فهمتها من كلامو ايجابية او سلبية نتمنى رايكم خلوني نشوف اذا صح تفكيري منطقي ام لا

واش رايكم في شخص بكل ما قلت

[kamel76]

جل الشروط تقريبا عادية و يمكن تفهمها إلا قضية " الإخوة "، فلا يجب أن يتضمن العقد أو يشترط للزواج قطيعة رحم
أنا لا أنصحك بالرفض و إنما أن تطلبي منه تحديد موقفه بوضوح شديد تجاه هذه القضية مادام أنه هو الذي فتح الكلام فيها
كما أنصحك أن تسألي عن أخلاق الشخص و أن تستخيري الله تعالى بكل إيمان و تضرع
أسأل الله لك التوفيق في الزوج الصالح

[nilly]

Hhhhh
wch bikom lmohim zawaj nsity haja wahda qalak mamno3 tatnafssi

mokhi hbass tbhdila kifach tqabli yhinak lhad daraja wach ma3ntaha ydirlak chorote hadi ihada mahassitiche biha

inti litdiri chorote machi howa imala lokane matqbliche choroto marahche yzawjak

hada robama modmine khamre aw mokhadirate 3la hada majma3 waloi
ghir ahrbi mathdriche m3ah kamale w lokane yhdar m3ak chkihlchorta inssane khatir lazmlo sijane lmoabad

[ولد حمد الباتني]

15 سنة خدمة ومادار والو
هذا حاب يتزوجك على جال خدمتك وشهريتك ( المعلمات مطلوبات فالسوق) شهريتو لمو وشهريتك تصرفي بيها على دارك
ثم هذا حاب يقطعك على أهلك كيفاه يقلك خاوتك مايزوروكش وماوش لازم ؟؟ عيب الهدرة هاذي قلو نتا متربي ماتزورش خواتاتك ومقاطعينك ومقاطعهم حنا لالا ننصحك أخطاكي ماتقبليش

[Strong Giirl]

كي دخلو فيها الإخوة ننصحك ما تقبليش و ربي يرزقك بالزوج الصالح

[التوليب الجميلة]

إلا قبلتي راكي جبتي الهم لراسك
واحد ما يخدم ما يردم و لي خدمهم في شحال من سنة مابانوش خاوتك للا قال زيادة ياخي حالة ياخي
أختي ميخلعكش السن ديالك و تلوحي روحك برك

ربي يجيبلك خير منو

[Adnou Eclypse]

و الله اني نشوف في الناس قاعدة تنصح و تدير في احكام و تقلك اخطيك منو و هادا مدمن مخدرات و واحد يقلك او طامع في شهريتك ، سبحان الله ـ آآ جماعة مدو نصيحة و رايكم و فقط ، علاه راكم تحكموا على الناس ؟؟؟؟؟
الاخت صاحبة المشكلة احذري تسمعيلهم و لا يوسوسولك ـ عينك ميزانك

[نقاء روح]

لا ادري ما اقول اختي ؟؟؟؟؟؟؟؟؟؟؟؟؟؟؟؟؟؟؟؟

الخروج الا لضرورة
الحجاب يكون بمواصفاة شرعية
هذا واش عجبني في الشروط
اما الباقي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


انت استخيري الله وتاكد جيدا منه خلي اهلك يسالون عليه مليح مليح
المهم يكون ذو اخلاق ودين
والله المستعان

[lalib40]

المعلمات مطلوبات
15 سنة مادار والو

[fifib05]

salamou aalaykoum oukhti istakhiri rabi khatar hadh sayad hwalou mayaajbouch makich nti li bghitih bach tousabri aala blah raki bkhadamtak wa rajala bezaf

[feuilleblanche17]

ما خاب من استخار
استخيري اختي و مترميش روحك على جال السن نتاعك

[SAMRA 33]

السلام عليكم اختي الكريمة
انا مثلك تماما عاملة ولست صغيرة في السن تقدم لي شاب بنفس مواصفات الشاب الذي تقدم لكي كدت اوافق عليه نظرا لظروفي ومجتمعنا الذي لا يرحم ولولا ستر ربي ونصائح الاخوة الكرام لقبلت واكيد مصيري الندم لان الفروقات بيني وبينه كبيرة وربي يعوضني خير . اختي ليس عيب ان تتزوجي شخص حالته المادية متعبة وتعاونيه المهم في اخلاقه وتدينه وان لا يكون مطلبه الاساسي المادة يعني يركز عليها في اي شيء .
لا تفرطي في اهلك ابدا
استخيري في الثلث الاخير من الليل وادعي ربي واكيد ان كان فيه خير سيكتبه الله لكي
ثقي ان مكتوبك ياتيكي
ربي يرزقني واياكي بالزوج الصالح

[أحلام]

السلام عليكم ورحمة الله

أولا وقبل كل شيئ انسي سنك، ولا تحطي من نفسك، ولا تقعي في تنازلات وتضحيات لأي سبب من الأسباب.

القليل القليل من يستحق التضحية (باش مانقولش ماكانش).

شخصيا لن أقبل ولن أرضى برجل يريد أن يبدأ علاقتي معه على حساب قطع حبل مودتي بأخي،

أو تحديد شروط وقيود لعلاقتي معه،

ولن أرضى البتة برجل ليس من مستواي الاجتماعي أو الفكري.

هذا رأي أرجو أن تتقبليه بصدر رحب.

[ايمان نور الجزائر]

الشروط العادية من سترة وعدم خروج الا لضرورة اشياء عادية يجب التاقلم معهااااا والقبول بها
اما عن قضية الاخوة فلا انصحك يا اختي هذا مشكل
الاخوة هوما سند الاخت وكتفها وراس مالها في حياتهاااا
الراجل لي ما يلقاش اخوة للطفلة يدير رايو فيهاااا لانو علبالو بللي ماكانش لي يجيبلها حقهاااا
على هذيك يبعدها باش ما تشكيلهم ويخلوه يدير رايو
الزوج ديما تحت انظار اخ زوجته
ثم لم تتنازلين عن شروط تزحزح راحتك؟ وتسبب لك مشاكل؟
لم تتنازلين عن مهرك وعن السكن المريح؟
فكير جيدا ليس الزواج بلعبة تنازلاتك وعدم رضاك يدخلك في مشاكل تكرهين حياتك بسببها بعد الزواج

[بسمة97]

هو يعرف جيدا أن الاخوة هم سند أي فتاة و يدافعون عنها .

[salsila]

شوفي اختي انا لوكان في بلاصتك منقبلش بيه
اولا حاب وحدة خدامة ولازم متهدرش مع الرجال هدا مستحيل تقدري تهدري مع المعلم لي يخدم معاك يجيك ولي امر تلميد لي محابش مرتو تهدر مع الرجال يحكمها فالدار ميخليهاش تخدم لي يغير يغير قدقد ولا مكلاه ولي شوكاتني نتاع خاوتك لي ماتتعمليش معاهم هدا مستحيل مسسسسسسسستحيييييييييييل مايقبلو لا ربي لا اعبادو

وزيدي وين هوما دراهمو هدا اصلا جاليك على جال خدمتك اختي انا نقولك مكلاه تتسرعي والعمر ديالك راهو عادي اصبري ودعي ربي يجيبلك لي خير منو وبالتوفيق

[oum tesnime]

يا ختي أنا كل شي إلا خاوتي

علاه ...شكون لي رباني و كبرني وقراني باش هو يلقاني واجدة

دارلك شرط على امو وأخواتو ما ديريش معاهم مشاكل لأنو مدام قالك بيناتهم يعني أخطيك مانجيش في صفك

كون جيت في بلاصتك ما نقبلش بهادا 15 سنة ما داير والو وزيد يتشرط ..

ربي يرزقك بأحسن منو

[aya_bessma]

15 سنة عمل = تقاعد بالنسبة للي كانو في الجيش .. اذا هو عندو شهرية ثابتة

[bellaluna]

غير أخطاك..زيجة عن طمع و شروطه و ظروفه تبيّن شخصية مضطربة.

[سماح 2]

أقبليه ولعمـــــال ع ربي

انت والله الوالدين مــا يدوموا + وتقدري تغيريلو نظرته في أخواتك

+ تحســابي رايحة تبقاي رايحة جـاية على جالهم صايي كي

تتزوجي تولي عندكـ مســـؤولية زوجك وداركـ يا ربي يكفيك الوقت
+
مادام خواتكـ لاباس عليهم خلي هومــــا الي يزوووروك

ســــــاعدو بعضاكم آآآآآآآآوْ

حــتى يعرف عقليتك ويدير فيك ثقة مبعد ربي يسهلك

[~~ أغيلاس ~~]

شخصيا كرجل أجد شروطه جد عادية فقط فيما يتعلق بعلاقتك مع إخوتك،

عندو طابق وحدو راكي مليحة،

كاين اشخاص عملو كل حياتهم و مداروش دار لأنه يخدمو على عائلتهم،

اعلمي أن الشخص المتقاعد من العسكر أظن يمدولو مية و عشرين مليون ( أظنها معلومة جديدة عليك ) ابحثي وكتاش حبس العسكر باش تعرفي عندو دراهم و لا لا،

بما أنه مش كاري و راتب التقاعد تعو أظن زوج ملاين و خمسمية و قالك نخدم اي خدمة معناها راه راجل و نص و قادر يصرف على دارو،

مسألة زيارة إخوتك و أخواتك فهميه أن صلة الرحم واجبة و هؤلاء من رحمك،

المهم الزيارة تكون في المناسبات؛ الأعياد، الختان، الحفلات، إلى غير ذلك،

تذكري أنك ستصيرين زوجة و عليك واجبات،

انساي الخرجة لزيارة الاقارب كل أسبوع،

نصيحتي : لو رضيت صلاته و دينه و أخلاقه؛ اقبلي و ألف مبارك، و ربي يرزقكم الذرية الصالحة .

[~~ أغيلاس ~~]

يا صاحبة الموضوع؛

نصيحة؛

متسمعيش راي بعض العضوات،

و الله الآراء تعهم يضحكو ههه،

باينين مشافوش الناس اللي مزوجين كيفاش راهم عايشين،

هذا وين فتحو عينيهم للدنيا،

الراجل بما أنه عندو راتب شهري زوج ملاين و خمسمية أو ثمنمية أو اكثر لو يعمل اي عمل و يجيب مليون و نص راتبو راح يكون أفضل من راتبك،

الدار احمدي ربي الطابق تعك وحدك،

وش تزيدي ؟

حابة تعيشي في قصر على شاطئ البحر و الخدامات دايرين بيك ؟

غيرك تنتظر خاطب و لو راتبه 2 ملايين،

المهم اسألي عن الصلاة و الدين و الأخلاق،

إخوتك هم اللي يزوروك،

و ما يدريك علاقتو معاهم راح تتوطد و يصير هو خوهم مش انتي ؟

ألف مبروك،

متنسايناش؛ الطعام باللحم هههه، و المرقة لازم بيضة، و كثري لحميصة، أما الشلاظة كثري فيها المايونيز و مديريش الماييس منحملوش،

موفقة .

[dalal 28]

تبانلي شروط عادية اما في ما يخص الاخوة
تقدري تزيدي تتفاهمي معاه وديري في بالك خاوتك
ما يدومولكش واذا تزوجتي حتكون عندك مسؤوليات خاصة انك خدامة
يعني زيارات بزاف كانش تلقاي روحك انت ما تحبيش تروحي
كاين حوايج تقدري تبدليهم في الراجل عادي
زيدي اسالي على اخلاقه اذا كان مليح اقبلي واذا لا ما تقبليش
و عمرك انسايه اياك ترمي روحك على جال العمر وتقولي كبرت ووو
ربي يقدرلك اللي فيه الخير

[Hicham Ahmed]

اختي الكريمة..
أنا نشوف باللي هذه امور عادية وتحصل بكثرة قبل الزواج .. الراجل يضغط كثير على المرأة .. ومنين يتزوجو تلقاه بدا يلين.. ثم يا أختي هذا عسكري .. وتربي على النظام وكل شئ في بلاصتو.. وكلمتو فوق كل شئ..

أما قضية ما دارش دراهم .. فهذا غريب؟ .. فربما الراجل راه يجرب فيك .. أو صح ما عندوش وهذا غريب؟..

أختى الكريمة .. لن يخرجك أحد من هذا الا رب الارباب .. فصل صلاة الاستخارة -ولو لعدة مرات - بقلب صادق .. فما خاب من استخار... ربي يجيب الخير.

[oumhana]

السلام عليكم ورحمة الله وبركاته
أختي هذا حاب يقطعك من خاوتك باه ميسمعوش بزبايلو الله يسترنا و يعافينا كاين واحد يبدا بهذه الشروط لو كان مكانش ناوي على الإستعباد بطريقة عصريه اختي ربي يعوضك الي يعرف قيمتك وهذا قوليلي معندناش جواري للتزويج.وخليك متحسبي هذاك لحساب تاع راني كبرت و ذرك يفوتني القطار و منولدش هذي الكل حسبات زايده لا حساب مع حساب ربي اللي إذا كتبلك الزواج حتى ولو تقدمت في السن وحتى بالنسبة للذريه شحال من وحدة تزوجت صغيره و ربي مرزقش و كاين لي ربي مسهلهالهم إرضي بالنصيب و مديريش على كلام الناس.

[bioblida]

اخطيك يا اختي و الله اعرف من تزوجت و في قلبها بعض عدم الارتياح لكنها كانت تقول من انا لاتكبر في النهاية اصبحت تعض اصابعها ندما رجل يقولك شهريك هي مالي و صافحي اخي و امي تتحكم في لبسك "و ياريت من اجل الستر بل من اجل التبرج" تصوري هذا يوم اشترطت حجابها امام غير المحارم و عدم مصافحتهم اجابها بالقبول و قال لن امنعك عن شيء امر الله به و في النهاية طلع يكذب و ينافق و انتظرها لما حملت منه و بدا يختلق لها المشاكل هو و اهله و اليوم هي في بيت اهلها حامل مظلومة لاعي بزواج و لاهي بعزوبية لن تجدي من يعوضك الفشل اياك و التنازل عن مبادئك و ان رايت ريبة فابتعدي اخوتك رحمك اياك و قطعها
فقط ادعو للاخت بان يفتح الله عليها

[kingwil]

كلمة للي راهم يقولو 15 سنة و مدار والو الله يهديكم ما تحكموش على الناس من لبعيد ربما كان معاون اهله ااو ,,
اختي نصيحة ليك ان كان ذا خلق و دين فوافقي عليه بدون تردد

[~~ أغيلاس ~~]

السلام عليكم؛

و الله كلام بعض الفتيات يضحك،

الراجل مقلهاش متروحيش عند خاوتك،

قالتها تروحي للضرورة،

يعني في المناسبات الباينين و هذا هو الأصل،

أما عن الزيارة دون داعي فالأخ هو اللي يزور اختو،

أنا شخصيا نزور أختي بسبب و دون سبب، و الخميس ان شاء الله راني مسهل،

تفكيركن غريب،

و كما قال اللي قبلي؛ الراجل لو كانت نيته سيئة لما صرح بما في قلبه؛

عجيب أمركن يا اللي راكم تتفلسفو، تتزوجو و تشوفو الحالة كيفاش،

بالنسبة للراتب لو كان مستواه سنة تاسعة راتب التقاعد 2 ملاين و ثمنمية، لو كان مستوى أكبر راح يزيد راتب التقاعد،

صاحبة الموضوع؛ الف مبروك .