أريد الهجرة إلى ألمانيا لإكمال حياتي ولا أجد الدعم الكافي

[مشكلتي]

السلام عليكم اخواني و اخواتي
بداية أعرفكم بنفسي أنا شاب عمري 23 سنة من عائلة متوسطة الحال والحمد لله، أنعم الله علي بنعمة بين أقراني وهي التميز فالحمد لله تميزت في شهادة التعليم المتوسط وتحصلت على مرتية متقدمة وطنيا وكذلك في شهادة البكالوريا نلت معدل جيد للغاية يحلم به الجميع وكنت الأول على ثانويتي ومن بين الأوائل في ولايتي ... المهم ... أنا منذ الصغر كنت احلم بالدراسة والعيش في أوروبا وكنت نصبر ونقول معليش دوك ندي الباك يعطوني منحة وخدمت على هاذ الشي والحمد نلت ما أتمناه لكن الحظ كان ضدي ففي العام الذي نجحت فيه في البكالوريا تم الغاء قانون البعثات الدراسية :mad: كرهت حياتي الأليمة و أصبحت أكره الجزائر وكل ما له علاقة بالجزائر خصوصا عندما أرى أصدقائي كانو أقل مني في المستوى وهم الآن في ألمانيا وفي أمريكا وفي فرنسا لا لشيء إلا لأنهم أغنياء أو بسطاء ولكن لديهم الدعم العائلي.... وأنا أتعذب في جامعات هذا البلد ... ليس هذا فقط اخواني فكلما أقترح لأمي فكرة الدراسة في الخارج فهي لا تشجعني ولو حتى بكلمة وكون أن والدي متوفي رحمه الله فأمي تمثل بالنسبة لي كل الدعم أحتاجه لأكمل نجاحاتي ولكن هذا لا يحدث فهي تريدني أن أبقى معها حتى تموت لاقدر الله ثم يفوتني التران كيما يقولوا ونقعد نتعفن في دزاير، أظف إلى ذلك أن لدي اخوة من أمي يغارون مني كوني متميزا فعندي أخي الكبير مثلا لدية أولاده لا يدرسون ولم ينجحوا في شهادة البكالوريا فأصبح يلتقيني وينظر عندي بنظرة الغيرة نحس النار تحرق قلبو حتى تخيلو أنني في الأعياد أتهرب من الجلسات العائلية لهذا السبب، كرهت كرهت كرهت حتى أنني احيانا أفكر في ركوب زوارق الموت والله ما عمبالي بواحد لكن تبقى أمي هي الوحيدة لي تخليني ما نديرهاش ، تحقرت في بلادي والله العظيم فيا عجب عندما أرى طلبة من فلسطين المحتلة يقرو معايا وعطاتهم دولتهم منح نكره ونزيد نكره هاذ البلاد ......... المهم اخواني الرجاء تقتارحولي حل انا كرهت في هاذ البلاد وحياتي مانيش باغيها تكون هنا ... وملاحظة أنا لا أريد المساس بالجزائر لكن الله غالب ما لقيت فيها والو
في انتظاركم والسلام عليكم

[آنثى آلمطر]

ياخويا الله يبارك

بصح في الي في اروروبا راه عايش لالا كاين شي ناس في بلادنا الجزائرولاباس عليهم
نح هدي الفكرة تاع نقعد نتعفن في هدي البلاد لالا
قل مايصيبنا الى مكتب الله لنا
وتاني فكر في يماك مسكينة باباك متوفي
يعني امك راهي تشوف ليك ولربي سبحانو راهي بيك تتشجع وتنح على خاطرها انت راك مسؤول على داركم باباك كراح خلاك وراه
عمرك متخمم في حاجة مكاش منها وبعيدة
مزالك صغيرودنيا قدامك
كل واحد ىباه يرزقو ربي
وقول الحمد الله
كاين رجال 30 عام ومزالهم بلا خدمة وبلا مستقبل وتاني هدو خاوتك اضربهم بالبارد كما يقلو متديهاش فيهم وربي يهديهم

ღϠ₡ღ ربكَ موُجوُد،
وَرزقُكَ مكتوُب،
وعُمركَ مَحدوُد,
قُل الحٌمّد لله ღϠ₡ღ

[aymen01]

راك غضبان كي معطاوكش منحه علاه يعطوك باه تعيش في اوربا و تخدمها على هذي حبسوها

المنحه يعطوها تروح تقرا و ترجع لبلادك تخدمها

و زيد حاب تخلي الوالدة نتاعك وحدها

[Chana_Lyn]

يا اخي كل طالب يحلم بالدراسة في الخارج فكلنا نعلم ان المستوى هناك احسن بكثير لكن بصفتك جزائري واش حبيت نقولك مسيفة لكن لا تفقد الامل ابدا في تحقيق مبتغاك لربما توجد منح للمتفوقين في الجامعات(على حسب ظني) اما فيما يخص العيش فلن تجد احسن من وطنك و ابنائه فقد وجب عليك خدمته و ان شاء الله باطارات مثلك سيتحسن حالهارجو ان تواصل في تفوقك و تذكرقوله تعالى :
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. ارض بما كتبه الله لك و لا تنس والدتك حفظها الله

[أَحمــد]

أنا مع أمك ولا أشجع الى السفر هناك ....

[bleu roi]

ستندم يوما على بقائك في هذا البلد
حتى وإ ن عملت هنا ستعيش إنسان بسيط
بينما في ظفة اخرى من العالم يحتجون العباقرة
لاتكون مثلهم يرضون بالعيش البسيط أغتنم فرصتك قبل أن يفوتك القطار
أخوك عن قريبا سيحط الترحال في بريطانيا
تحياتي

[cherry blossom]

عندك الحق ..بلادنا ماتشجعش على الابداع
ماتخليش حلمك يتبخر ..مزلت شاب وعندك طاقات
مليح الانسان لي عندو طموحات ومشاريع
اذا جاتك الفرصة روح في اقرب وقت ..
بالتوفيق

[MaX32Dz]

جرب هنا أخي موقع خاص بالمنح

http://www.algerie.campusfrance.org/


و هناك الكثير من المواقع الخاصة بالمنح المجانية
ربي يوفقك لما فيه صلاح لدينك و دنياك

[nilly]

Roh safar khoya dire lmostahil bah thaqaq holmak w matsma3ch liyqolak maatsafarche

l blad nta3na mliha l nass lma3ndhomche tomoh w ch tdir hna rah t3iche kima ness kamal fi 3amal dawla b 3 million hata 60 ans

id rak hab najah roh w matchofche lor rah tandam idh bqite hna

[الجميلة انا]

كلامك مثل كلام اي شاب جزائري هاد الهدرة نسمعوها كل يوم و الاغرب دائما من الطلبة الممتازين

مادام راك حاب تروح و من كلامك راك مقتنع بيها مليح اقرى و كمل قرايتك و روح بشانك خير من تروح تسوفري

مي متنساش الوالدة راك تقول يفوتنك التران. يا اخي خمم واش تخاير تحقق امنيتك اللي هي منفعة في الدنيا و خلاص ام انك ترضي والدتك اللي تعبت معاك

القرار قرارك

و لازم تاني تكون قنوع شوي مش غير كاره كاره واش هدا انت اللي قاعد تنكد على روحك

[bleu roi]

السلام اخي أظنك انت من أرسل لي الرسالة في خاص
لأ أستطيع الرد لان يتوجب أن يكون لدي 1000 مشاركة أو أكثر
ربمالم تخرج سابقا من جزائر لهذا أنت متردد وخائف
في اول ستكون صعبة عليك لكن مع مرور الوقت ستعتاد
ستكون الأمور هناك مختلفة تماما لهذا لابد أن تتعايش مع جميع الظروف
أنصحك بتمكن من إنجليزية مزال ثلاث أشهر وهذا كافي لتعلمها
فن المعاملة..... لان هناك ثقافة الشعب مختلفة عن ثقافتنا وكن إيجايا و مبدع هذا مايحتاجون
تود ان تعرف تخصوصي ان اعمل informaticien
Web Development - Graphic Design and Programmer
تحياتي

[ولد حمد الباتني]

عندك مراهقة خويا
وشكون من الجزايريين ماوش حاب يروح لألمانيا ؟؟؟؟؟؟؟؟؟؟؟؟؟؟؟؟
ياليت مشكلي كيفاه نروح لألمانيا ...

[mesrouk]

sali salat el istekara

wa omok ahsaen lik ta3ti da3wat el khir

wa kyen el forass bezaf

bah troh les almanya

agra wa tkaraj wa roh

faker ma3 rohaka mlih wa a3ich hyatak mlih

rahi denya makayen walo

wagol elhamdo lilah
wagol elhamdo lilah

[cranknet]

عندك حق خويا حاب تروح ربي يسهلك، نتا راك انسان مثقف و راك حاب تروح ، ماشي كيما واحد الله غالب نهار و طول هو مسامي الحيط يسمعلي في حسني و يقلك أنا حاب نروح لفرنسا و هو العاصمة نتاعها مايعرفهاش، روح خويا دير حل، شوف كاش واحد معريفة ديل حل لعمرك. و شوف كيفاه ترضي يماك.

[mimass]

امك ثم امك ثم امك اخي اقنع منه قبل ما يفوت الاوان نصيييييييييييح لزجه الله هذيك مويمتك لي راك تهدر عليها ومخلتكش تروح لانها تحبك سللللللللللللللللللللللللللاااااام

[@esraa@]

احب ان ابدأ كلامي بقول الله تعالى
و عسى ان تكرهوا شيئا و هو خير لكم و عسى ان تحبوا شيئا و هو شر لكم و الله يعلم و انتم لا تعلمون
لن اطيل عليك الحديث سأروي لك قصة صغيرة لشخص طموحه يشبه طموحك و ربما اكبر و هذا الشخص صديق والدي كان طبيب اسنان و كان فكره متقدم جدااااااااااا كان يرى دوما ان الدول العربية متخلفة و انه لابد له من السفر لتطوير عمله و لإبراز فكره و قدراته و بالفعل جاءته الفرصة على طبق من ذهب بعثة لنيوزيلاندا على الفور اعد حقائبه و غادر بلاده و كان متزوج و اولاده صغار ربما اكبر واحد كان عمره 7 سنوات
المهم وجد بيت و راتب و سيارة و كل ما يحلم به اي رجل
و ماذا تتوقع النهاية
النهاية انه يشعر بالندم لرحيله يشعر بالوحدة القاتلة ليس لديه اي اصدقاء ليس لديه الا بيته و زوجته و ابنائه فقط و يتمنى العودة و هو الآن يتواصل مع ابي على الانترنت و يقول له ان ابنائه رفضوا العودة و هذا لأنهم كبروا و ترعرعوا في الخارج و تطبعوا بطباع الغرب و بالرغم من هذا فيبقى الجميع ينظر لهم كعرب و كمسلمين فبناته هم الآن في الثلاثينات من عمرهم و لم يتزوجوا
انت الآن تفكر في اليوم فقط لا تفكر في الغد و لو فكرت في ابنائك في المستقبل كيف سيكون وضعهم و هل سيريحك ان ترى المجتمع ينبذهم و ان ترى بناتك عوانس !
هل تعتقد ان المجتمعات الغربية و التي تدعي انها عادلة ستعدل بينك و بين ابناء شعبها و هل تعتقد ان ابناء شعبها سيدمجونك معهم

عن تجربة شخصية اقول لك انه ليس سهل ابدا ان تنتقل من دولة لأخرى و لن تندمج معهم اذا كانت هجرتك في سن متأخر مثل سنك فانا جربت الهجرة من دولة لأخرى و الدولتان عربيتان و كنت في 12 من عمري يعني كنت صغيرة و بالرغم من ذلك وجدت صعوبة في البداية


اتمنى اخي ان تفكر جيدا و ان تتعمق في التفكير و لا تبدأ شيء قبل ان تعرف نهايته فان علمت ان نهاية الهجرة هي العزلة و الوحدة فلا داعي لها
و اتمنى ان تتخذ قرار صائب

[~عبد السلام~]

متوقع انك ممكن تنجح و امك مشي راضية عليك ؟

[نسرينه]

يا اخي
انت ذكرت وقلت انك مميز بين اخوانك واوالدك متوفي بمعنى والدتك ميزتك عن اخوانك انها بتحبك اكتر منهم وتعبت معك طول فتره دراستك فهل يعقل عندما تكون هي بحاجتك ان تتركها
انا مقدره حلمك وطموح الشباب بسفر للخارج انا مقيمه في امريكا وبشوف الكثير من الشباب العرب يتمنون ان يرجعوا الى بلادهم ولاكن لا يستطعون والسبب انهم يخجلون ان يعودوا الى بلادهم وينكشف امرهم لانهم عندما يذهبوا لزياره بلدهم الأم يحاولون ان يرسموا لنفسهم صوره ورديه وانهم عايشين اجمل عيشه والوضع مريح ويصرفون كل قرش عملوا فيه طوال فتره غيابهم امام الاهل والاقارب حتى يقال ان فلان عاد من الغرب وهو ميسور الحال
نعم ان اغلبهم يسكن في الاحياء الفقيره ويعملون اعمال لو كانت في بلدهم مستحيل ان يمتهنوا هذه المهن
منهم من يعمل في محطه بنزين في البرد القارص والشمس الحارقه ومنهم من يعمل في تنظيف الطرق وفي المطاعم الخ واغلبهم ذهب هناك كي يكمل نعلمه ولم يسطتيع ومنهم من تزوج ب اجنبيه حتى يحصل على اوراق وبعد ذلك طلقته واخذت منه الاطفال ولا يعلم اين ذهبت
انا لا اريد ان اجعل العالم من حولك اسود لانه هناك عرب ناجحين جدا ولاكنهم قلائل انا اقول لك ذلك كي لا تبقى عايش في حلم الغرب وسحر الغرب فليس كل ما يلمع ذهبا
اتمنى ان تحقق كل ما تصبوا اليه

[JACKLINNE]

انت غير المانيا ....ياو انا بغيت نخرج من دزاير .......المهم نخرج
خويا راني مدايرة طب.....وعمبالي الفرصة نتاعي الوحدية باه نخرج للخارج هي كي نكمل التخصص يعني كي نلحق 30 ولا كثر ........ياو هذي بلادنا الفساد في كلش الوزراء مهابل والرئيس ماكانش ............ربي يجيبها في الصواب
بالنسبة للمنحة نحاوها كيعاد لي يخرج مايرجعش ماعندو واش يدير في بلاد كيما دزاير الصبيطار تدخلو تشتي تتغاشا ..

[lamine_du23]

خويا ، هذا المستقبل تيعك تلقى هربة اهرب من لبلاد هاذي ، دولة غنية و شعب فقير ، عايشين في العصر الحجري ، روح لأوروبا اضمن المستقبل تيعك و نهار تهز الكارطة تع عشرة يعني الاقامة الدائمة لديك الحق في اصطحاب والديك معك اذا ثبت انهم ليس لديهم من يعيلهم او فاتو 65 سنة في قانون التجمع العائلي ، لكن قبل ما تروح لأوروبا دير دبلومات اللغات الانجليزية ك toffle او ielts و زيد معاها حرفة كالترصيص او الطبخ لأنها تعاونك إذا ما لقيتش خدمة ، و زيد الطالب في ألمانيا لديه الحق في العمل 20 ساعة اسبوعيا ..... لا تنخدع بكل من يقولون لك ابقى في دزائر فلي حاس بالجمرة غير ليعافس علاه لأن هذا النوع من الناس راضي بالقسمة و يضنون ان الغربة مهناها واحد حراق و العكس بالنسبة لك انت ذاهب تدرس و بعد حصولك على الديبلوم الالماني ستجد عملا و تريقل روحك و تعيش مليح وش راح تدير هنا في بلاد الحقرة و السرقة و المحسوبية ...
.. ربي يوفق إذا احتجت لشيء فأنا هنا

[حياتي نبع امل]

اقعد مع يماك يجى نهار وتندم