المصافحة

[مشكلتي]

السلام عليكم ورحمة الله وبركاته

والله يا اخواني انا في حالة لا يعلمها الا الله ،مشكلتي هي اني خجووووووولة جدا . لا استطيع التصرف حين يمد لي أحد يده للمصافحة من العائلة أما في الثانوية فالحمد لله لا أحد يجرؤ على ذلك لأني قطعت كل ما يفضي الى ذلك

اعلم ان زوج خالتي وزوج عمتي لا يجوز لي أن اصافحهم ولكن لا اعلم ماذا افعل .. ارجوكم انا اعلم الحكم الشرعي ولا داعي رجاء للتهكم ، ما أطلب منكم هو افكار عملية لحل المشكلة

لا اتصور اني سأقول لا او سالقي موعظة خاصة في العيد .. ارجووووووكم بالله عليكم انصحووووووووووووووووني


السلام عليكم

[آنثى آلمطر]

والله ضحكتيني



تحشمي
لالا حنونتي لازم تنحي هدي الحشمة وتاني كيجي يخمس معاك بعدي قوليلو وعليكم السلام

وريحي
هدي الهية


حنونتي من حشمة قادر يصراو حوايج كبار
خصك تنحي هدي الحشمة في حوايج يضروك ولا انت مكيش راضية بيهم


وسلام عليكم

[أزهــار الربيــع]

مممم عندي فكرة وناجعة ان شاء الله :rolleyes:

انت مثلا اذا جا عندكم ماتتلاقايهش من الباب... اسناي حتى بقعد مع العائلة تعكم

وبعد مايقعد ادخلي انت عندهم وقولي السلام عليكم من الباب دون الاقتراب من مكان جلوسهم

ولا اظن انه سيقف من مكانه لياتي اليك مالم تقتربي انت لمصافحته

هكذا تصرفت انا و كل شيء تمام الان :19:

[kaka9999]

تحجبي في غرفتك وخلاص

[ندى الصبح]

نعم اختي خليهم يدخلو وامبعد ادخلي وقفي بعيدا والقي السلام
ولا قولي لخالتك تفهم زوجها واولادها بلي بطلتي السلام تطبيقا للشرع واصبري فليس امرا يتقبله كل الناس بصدر رحب اكيد كاين معارضه وكلام جارح وربي يوفقك

[محب السلف الصالح]

اقلك الجزائر وضع صعب جدا حتى وان قلت له هدا لا يجوز يتعمد المصافحة ويغضب


ولكن الطريقة التي جربتها هي انك لا تصافحيه ولا تتصادمي مهعهم اجتنبي قد ر الامكان حتى وان القى المصافحة


لا تصافحيه وبعد مدة اكيد يفهم روحوا ويجتنبك

[نجاة85]

السلام
مانقولك والو نعطيك قصة تلميذة رفض المديير تكريمها واعطائها الهدية لانها رفضت مصافحته وقام كل من بالمدرج يصفق احتراما لها
في حين رد لمدير وقال قليلة ادب

[ولد حمد الباتني]

قولي ليماك تقلهم اي ماتصافحش عليكم بضحكة ولعبة وخلاص يفهموها
هوما من بكري فاهمينها بصح باخصين ..

[داعي الله ياسين]

السلام عليكم
قبل المصافحة التي لا تجوز شرعاً مع أجنبي...
إسألي حتى بلقياه أو الترحيب به هل يجوز .. ؟
هو رجل خالتك وما علاقتك أنتي به حتى تلتقينه للمصافحة أم لعدمها
عليكِ إجتنابهم كلِّياً وعدم الخروج عليهم أصلاً إلا إدا كنتي محجّبة ومستورة .. فإن خرجتي لا يجوز المصافحة فقط إن تكرّمتي بإلقاء التحية من بُعد
.
هدهِ حدود الله فلا تقربوها ... غدوة ربي اسقسيك متقوليلوش نحشم !!
الحياء جميل ولكن مع الله أجمل

شكراً لبحثك عن حَل .. رغم أن الحل واضِح
إجتنبيه قدر المستطاع فلا علاقة بينكِ وبينه إلاّ أنه رجل خالتك ... لستِ مجبرة بلقياهم تحجّبي في غرفتك أو مطبخك ... ولا حرج أختاه

[عين الصقر]

حدث معي ذلك في أحد الأيام رفضت صديقة في الكلية مصافحتي وفهمت القضية في الوهلة الأولى شعرت بنوع من الإحراج وهذا أمر طبيعي جدا ولكن بعدها بكل صراحة اعجبني تصرفها لأني كنت القي التحية على الزملاء كنوع من الإحترام. ومنذ ذلك اليوم أصبحت انا ابادر بالقاء السلام شفويا ولا امد يدي مطلقا.
-
اكتفي بالقاء التحية شفويا وإذا مد لك أحد يده ليسلم عليك إرفعي يدك الى صدرك وهزي رأسك في إشارة للسلام وسيفهم ذلك

بارك الله فيك ووفقك.

[hodahodahoda]

ربي معاك لكن روحي وحدة وحدة

[عائشة 88]

في حضور العائلة القي السلام من بعيد

[medi83]

اختي بارك الله فيك حتى في خجلك من ردهم اعطيك وسيلة عملية حصلت في عائلتي، ان كان زوج خالتك،او عمتك او حتى اختك عليك اخبار زوجته بانك لا تريدين المصافحة ، فتخبره هي ، و تكفين الحرج، وستفاجئين بهم يسلمون بالكلام فقط ليس هذا فقط، بل ان كانو اسوياء سوف تكبرين في اعينهم، لا زلت اذكر ذاك اليوم الذي اكتفت فيه ابنة خالتي التي كانت في عيني طفلة بالسلام ،فرحت بها اشد الفرح.اختي لا تتهاوني عليك بوضع حل و السلام عليكم و رحمة الله تعالى و بركاته.

[أم بدر الدين]

الامر بسيط ...مع الغرباء الامر سهل كما كنت افعل حينما كنت ادرس و حينما كنت عاملة من يقبل لمصافحتي ارفضه حتى عرفوا مني ذلك فلم يعد احدا يجرؤ على ذلك اما عن الاقارب تحدثي مع اختك لتوصل الفكرة الى زوجها و هكذا..يعني بربي اكون الحل و لا طاعة لمخلوق في معصؤة الخالق. موفقة

[رندة نهاد]

انا تاني ني تسلام ني مصاااااافحة واااااااالو والله ساعات ناس ما نخرجلهمش خلاااااااص كيما قالو السلام عليكم وعليكم السلام تربح رضى ربي ولا رضاهم هوما ؟

[ليندة ياسمين]

كيفك ترانيم ؟
مزلتي مع مشكلتك
لكن حسب علمي بالتقاليد الجزائرية
افراد العائلة لا يصافحون بل يسلمون على الوجه خاصة في الاعياد
ههه

[ميمي سمية]

مممممممم حقيقة ذكرتني بعائلتي

ههههه لكن انا منيش مدايرتها في راسي بزاااف

اذا رحتلهم للدار نلقى ولاد عمي ولا عمتي ومدامني لابسة حجابي نقول وش راكم لباس؟؟ من بعيد ونفوت

اما اذا دخلو لدارنا

نففففحت ونحكم لا شومبر حتى يروحو

لخاطر تاعنا اذا درتي قدامهم حجاب في دارك وتجي تحكي غير من بعيد تصبحي ....... ربما مختلة عقليا او شيئا من هذا في نظرهم

لكن رضاية ربي قبلهم ..... اقتنعي بما تفعلينه قبل كل شيء

بعدها يصبح الامر عاديا في نظرك ونظرهم

[salem1985]

ربي يعينك ويثبتك في بلدنا نحن المصافحة واجبة بين الرجال والنساء ومن يحرء على النصح حسبنا الله ونعم الوكيل

[ليندة ياسمين]

مممممممم حقيقة ذكرتني بعائلتي

ههههه لكن انا منيش مدايرتها في راسي بزاااف

اذا رحتلهم للدار نلقى ولاد عمي ولا عمتي ومدامني لابسة حجابي نقول وش راكم لباس؟؟ من بعيد ونفوت
اما اذا دخلو لدارنا
نففففحت ونحكم لا شومبر حتى يروحو
لخاطر تاعنا اذا درتي قدامهم حجاب في دارك وتجي تحكي غير من بعيد تصبحي ....... ربما مختلة عقليا او شيئا من هذا في نظرهم
لكن رضاية ربي قبلهم ..... اقتنعي بما تفعلينه قبل كل شيء
بعدها يصبح الامر عاديا في نظرك ونظرهم

اعتقد ان الاختلال العقلي والغريزي
هو تصرفاتك
يعني اهلك يجيو عندكم للمنزل وانت تبقاي في غرفتك حتى يغادرو
تصوري لو كنت مكانهم ورحتي تزوريهم وهم رفضو يتلاقاوك وبقاو في غرفهم كيف يكون احساسك ؟ حتى مشاعرك تنجرح ,وتقولي راهم يتكبرو عليا ...
تصرفك غالط 100%
لكان ماتحبيش تسلمي عليهم اخرجي وتلاقاهم بابتسامة واقعدي معاهم وهوما راح يتفهمو
يعني يصيرو يعرفو السبب حتى مايفهموش النقص ويقولو هدي طفلة مش متربية ومتكبرة

[ميمي سمية]

اعتقد ان الاختلال العقلي والغريزي
هو تصرفاتك
يعني اهلك يجيو عندكم للمنزل وانت تبقاي في غرفتك حتى يغادرو
تصوري لو كنت مكانهم ورحتي تزوريهم وهم رفضو يتلاقاوك وبقاو في غرفهم كيف يكون احساسك ؟ حتى مشاعرك تنجرح ,وتقولي راهم يتكبرو عليا ...
تصرفك غالط 100%
لكان ماتحبيش تسلمي عليهم اخرجي وتلاقاهم بابتسامة واقعدي معاهم وهوما راح يتفهمو
يعني يصيرو يعرفو السبب حتى مايفهموش النقص ويقولو هدي طفلة مش متربية ومتكبرة


حقا ماتقولين؟؟؟؟؟

مالا نتي كي يجيو يزوروكم تروحي تلبسي حجابك وتجي تقابليهم ؟؟؟ الصح الصح قولي

انا نقولها وي ونعاود

اذا جاو فيها ولاد للدار مانخرج مانطل عليهم حتى يروحو

مي اذا جات عمتي ولا مرت عمي وحدها نروح نقابلهم ونحكي معاهم ونجبد كل شاردة وواردة

++++

بالاضافة الى كلامك:

يعني اهلك يجيو عندكم للمنزل وانت تبقاي في غرفتك حتى يغادرو +اخرجي وتلاقاهم بابتسامة واقعدي معاهم

معليش ماتتخلعيش

هوما اصلا يجيو مرة ولا زوج في العام

في الصيف كزيارة وبعض المناسبات

+++++

وش معناها كي تروحي تقعدي معاهم ... ماراكي راح تحكي ولا عندك شيء تقوليه {بالنسبة لعبد تشوفيه مرة ومرتين في العام}


+++++



اختي منيش نهدر حتى انا من راس خاطيني

راني جربتها من قبل ودرتها كي جا ولد خالي واذا بيهم انا كي دخلت هوما طرطقو بالضحك في وجهي ...... وش تبالك نتي في تصرف كي هكذا ؟؟ شكون المختل عقليا ذك ؟؟؟؟

لخاطر هوما يقعدوا مع بعضاهم وبلا حجاب ويحكيو ويشيخو ويلعبو ويجيهم كلشي نورمال...... يا خيتي اعوذ بالله ان اكون من هذه الفئة

اما عن حكايتك يفهمو النقص وكذا وكذا

والله لا بالعكس ... حاطيني فوق راسهم

ومتفهمين الحاجة هذي 100%

[أحمد دواجي]

نظن ما تقدريش تحجبي روحك عليهم

المهم باختصار تريدين افكار عملية

1. اذا هوما دخلو عليكم مثلا : قبل أن يقترب منك بامتار تبادرين انت بصوت واثق وشخصية قوية وبدون حياء " السلام عليكم خويا كيفا حالكم كيف حالك العائلة مرحبا بيكم" مثلا ... والاخوات لي جربوها يأيدوني انو راح يتوقف في مكانو وتشلّ يده :)

2. اذا كانوا جالسين ونتي دخلتي عليهم : عادي من الباب تبادرين السلام عليكم ....الخ

3. اذا رحتي نتي ضيفة كذلك كيف كيف تبادرين


المشكلة في المبادرة
اما الحياء فلابد ان تعرفيه جيدا اولا
الحياء في ما لا يرضي الله ماهوش حياء

عودي نفسك وتوكلي على الله يعينك

تذكري المهم في المبادرة نتي تبداي التحية
اتمنى ان اكون افدتك

ولتتأكدي أكثر
المشكل هدا يحدث للرجال كذلك، بعض النساء من الاقارب تبادر الى بسط اليد للمصافحة

وكان الحل في المبادرة فقط والتخلص من الحياء السلبي او الذي لا يرضي الله
كان الحل الأمثل المبادرة مباشرة من بعيد السلام عليكم وشراكم لاباس

والسلام عليكم :)