حدثت لي مشكلة بسبب قسم مشكلتي

[مريم الصابرة]

السلام عليكم جميعا
اولا لأم اكن اتمنى ان أصل يوما إلى أن اكتب عن أمر يحدث بيني وبين عضوة لكن للأسف أضطررت لهذا
الذي حدث انني تلقيت دعوة من اختي جيل لأساعد إحداهن في مشكلتها او انصحها واظنها تعرف نفسها من تكون
لما قرأت مشكلتها اردت التواصل معها وفعلا حدث التواصل وتكلمنا عن مشكلتها
اللي صرا إنو اختنا هاته وثقت بي وحكت لي مشكلتها وانا ساعدتها بالنصح وكأنها اختي الصغرى ووثقت بها جدا
الاخت الكريمة يبدو أنها لم إعتادت على تحكم صديقها بها اعطته رقم هاتفي او اخذه من عندها او لا ادري كيف عرف بعلاقتي بها
الاخير يتصل بي يوميا ليلا ويزعجني ويرد التعرف نبهته وهددته ولا جدوى
تقولون لي مريم غيري الرقم ترتاحي
رقمي قديم ومعروف عند اهلي وصديقاتي وماشي انا نبدل طريقي على جال ناس يديرونجوني لانو واجدة لأي مشكل والحمد لله ربي معايا
نقول للاخت هذي خسارة الثقة اللي وثقتها فيك وانا إعتبرتك أختي وهذا السيد باغي يتعرف يبدا بامو واختو وبيك إنت لما يبقالو الوقت يجي عندي نوصلو وين يخلصها مليح لانو إذا ما توقفش راحا نقدم شكوى فيه
للاسف ما خليتيليش حتى مجال وين نبعثلك ماراكيش تتصلي ورقمك راحلي والسي خونا إنت إختفيتي وه كل يوم يعيطلي واش يحوس عندي مش فاهمة
من الأحسن تقوليلو انا صعيبة بزاف وب 100 راجل ممكن حكتلو او عارف اني وحدي عقلو راح لبعيد صدقيني معايا يخلصها غالية بزاف
هذا حق اللي دير ثقة
اختي جيل بارك الله فيك وعارفة إنت بحسن نية لكن هي ربي يسامحها
شكرا لكم

[yassminadz]

ربي يهدي ما خلق
هدو لي يسميوهم حلابين
جي تدير الخير تندم
على كل حال، الحمد لله كي راكي بخير الأخت مريم

[hope of life]

اختي لي الشرف اني ننصح المتزوجة المخطوبة ...ونتعاطف معها لكني مايكونش لي الشرف اني ننصح او نتعاطف مع وحدة عندها مشكل مع صاحبها----لانك قلت صديقها----لان ببساطة علاقة غير شرعية غير مبارك فيها......وفخار يكسر بعضه....ولوكان توصل بيناتهم للل....المهم نعطيك حل كيعيطلك حلي التلفون وخليه رايحة تخسريه ومع الوقت يكره...ويحبس وراهي كينة اوبسيون نتاع لا ليست روج....اي رقم غير مرغوب فيه مايمرش....وكاينة اوبسيون يمر الا النوامر الي كاتبتهم في لا ليست .....وربي معاك

[لحن الحياة.]

مريم واش صااااااااااااااااااااااار انا عندي مدة انسحبت من المنتدى وهذيك ربي يجازيها على الثقة لي درناها فيها ما توقعتش تعمل هاك
خسارة و لوكان سقسيتيني نقلك ما تمديش نيميروك تاع التلفون مهما يكون والله راني ندمت لي عاوناها وقتلك تعاونيها

[شرايط عاشور]

حسبنا الله و نعم الوكيل

[أناييس الربيع]

معليش مريم أختي ، اتقي شر من أحسنت إليه يوما

أظنني تعرفت إلى نفس الفتاة ،ولكن رقم الهاتف يا

مريومة الغالية ، حتى لو كانت فتاة ملازمش نغلطو

نمدولها .المهم نتي نويت خيرا وربي يجازيك ،فعلا

تلك الفتاة إختفت وكأنها طيفا ،ربي يهديها وخلاص

راه صرالك كيما جا يسعى ودر تسعة ههههههه

كان الله في عونك في التخلص من إزعاج المكالمات

[راية الاسلام1]

السلاام عليكم
غلطت يا اختي مريم حين وثقت بشخصية افتراااضية لا اقصد الاخت جيل فالاخت جيل معرووفة هنا
االمرة القاادمة كي يزيد يعيط قوليلو كون تعااود نديكلااري بيك
ربي يكوون في عونك

[راية الاسلام1]

السلاام عليكم
غلطت يا اختي مريم حين وثقت بشخصية افتراااضية لا اقصد الاخت جيل فالاخت جيل معرووفة هنا
االمرة القاادمة كي يزيد يعيط قوليلو كون تعااود نديكلااري بيك
ربي يكوون في عونك

[كلنا راحلون]

اختي في الله مريم الصابرة. والله ليوم ماحبيت نكتب ولا رد .ماتكسريش راسك. ريجوتي واعطيه انذار تقديم شكوة وراح يتصل بأرقام كثيرة .الدليل سنوات سابقة مرأة من عائلتنا تواصلت مع نذل وكان يتصل دائما برقم والدتي وحبيت نوصلهم للشرطة لكن والديا تعاطفو مع تلك مرأة كونها قريبة من عايلة مش قريبتي نكره اقارب عقارب انما قريبتهم وغيرت رقم ومازلني حاقد على تلك نرأة لتوصلني من هو نذل كان يتصل للاسف عندي والديا قلوبهم بيضاء .....اسمحيلي راح يتمادى بأرقام وادا تمادى وصليه او غيري رقمك وديري ريجوتي

[مريم الصابرة]

ربي يهدي ما خلق
هدو لي يسميوهم حلابين
جي تدير الخير تندم
على كل حال، الحمد لله كي راكي بخير الأخت مريم

السلام عليكم اختي
اهلا وسهلا
والله انا حلاب او بقار يدور بيا يخسر الفيرما نتاع البقر اللي قاعد يحلب فيهم
والله ولا مرة ندمت على خير اختي العزيزة لكن ما غاضتنيش من هذا الحلاب كيما سميته قد ما غاضتني منها درت فيها ثقة سبحان الله
ربي يهديهم شكرا لك

[مريم الصابرة]

اختي لي الشرف اني ننصح المتزوجة المخطوبة ...ونتعاطف معها لكني مايكونش لي الشرف اني ننصح او نتعاطف مع وحدة عندها مشكل مع صاحبها----لانك قلت صديقها----لان ببساطة علاقة غير شرعية غير مبارك فيها......وفخار يكسر بعضه....ولوكان توصل بيناتهم للل....المهم نعطيك حل كيعيطلك حلي التلفون وخليه رايحة تخسريه ومع الوقت يكره...ويحبس وراهي كينة اوبسيون نتاع لا ليست روج....اي رقم غير مرغوب فيه مايمرش....وكاينة اوبسيون يمر الا النوامر الي كاتبتهم في لا ليست .....وربي معاك
السلام عليكم اختي اهلا وسهلا
شوفي اختي انا عندي مبدأ ولا مرة نرد سائل او سائلة للمساعدة لانو حتى الرسول الحبيب كان ينصح ولو جاه كافر يعني ما يهمنش فيها خاطبها او عشيقها انا نصحتها تبتعد عليه ووقفت معاها وقفة اخت لانو اصغر مني وقلت انا اكبر منها وعذرت تصرفاتها ولكن وصلت مدتلو رقمي وهي إختفت والسيد مهبلني كل يوم يعيطلي برقم جديد وكلام زايد وهددتو وعادي يرجغع ويعاود
لا تلفوني طراز قديم ما فيهش لروجوتي ولك مرة يعيطلي من رقم
الله يهديها هي وصلتني لهذا انا قادرة نشري شريحة جديدة لكن رقمي قديم عندي والكل يعرفني بيه
شكرا لك

[مريم الصابرة]

مريم واش صااااااااااااااااااااااار انا عندي مدة انسحبت من المنتدى وهذيك ربي يجازيها على الثقة لي درناها فيها ما توقعتش تعمل هاك
خسارة و لوكان سقسيتيني نقلك ما تمديش نيميروك تاع التلفون مهما يكون والله راني ندمت لي عاوناها وقتلك تعاونيها
السلام عليكم اختي جيل
اهلا وسهلا غاليتي لا إنت والله نيتك حسنة انا مديتلها رقمي لنو قاتلي النت تروح وتجي وانا ايضا كانت مضطربة عندي وشفت حالتها النفسية ما حبيتش نقطع تواصلي معاها قلت نحكو ميم فالتلفون يعني ما توقعتش تمد رقمي لصديقها وهي إختفت من يومها
لالا ما تندمي ما والو وانا ما ندمتش لكن خسارة إنو وحدة مثلها يخرج منها هذا ربي يهديها

[مريم الصابرة]

حسبنا الله و نعم الوكيل


السلام عليكم اخي
وهذا فقط ما اقول حسبي الله ونعم الوكيل

[مريم الصابرة]

معليش مريم أختي ، اتقي شر من أحسنت إليه يوما

أظنني تعرفت إلى نفس الفتاة ،ولكن رقم الهاتف يا

مريومة الغالية ، حتى لو كانت فتاة ملازمش نغلطو

نمدولها .المهم نتي نويت خيرا وربي يجازيك ،فعلا

تلك الفتاة إختفت وكأنها طيفا ،ربي يهديها وخلاص

راه صرالك كيما جا يسعى ودر تسعة ههههههه

كان الله في عونك في التخلص من إزعاج المكالمات
السلام عليكم اختي اننايس اهلا وسهلا
لا لما لقيتها فتاة انا ببعي ندير الثقىة والحمد لله هنا كثيرات لديهن رقمي ولا مرة دارولي أي امر ولا انا الحمد لله الثقة لم تزعزع يوما الله مدتلو رقمي وإختفت الله يهديها معليش هي الخاسرة
والله ماشي ودرت 9 ودرتهم قاع:1:
الحمد لله إزعاج التلفونات متحكمة بيه نمد لامي تهدر ما نكسرس راسي انا
آمين ربي يبعدهم عليا
شكرا لك

[yara211]

ختي مريم ديكلاري بيه وارتاحي

[مريم الصابرة]

السلاام عليكم
غلطت يا اختي مريم حين وثقت بشخصية افتراااضية لا اقصد الاخت جيل فالاخت جيل معرووفة هنا
االمرة القاادمة كي يزيد يعيط قوليلو كون تعااود نديكلااري بيك
ربي يكوون في عونك
السلام عليكم
اهلا اختي لا والله انا وثقت بزاف اشخاص هنا والحمد لله كانو مازالو قد ثقتي إلا الموضوع هذا عليها مديت رقمي وكلي راحة
تعرفي قتلو نشكي قالي ماذابيا يعيطولي وهناك فرصة نشوفك قتلو شافك عزائيل يا وليدي ويجيك بكري يهنيني منك
ناس مرصى قالك نتعرف يشف فيا فارغة شغل الله يهدي ما خلق

[يونس معبدي]

السلام عليكم ورحمة الله
شكرا لكم وهذي عبرة اللي يروح يقرا فقسم مشكلتي ويتعاطف

اختي مريم مخطئة في كلامك
وهو تشويه لصورة القسم وسيتم التبليغ حتى يغلق الموضوع
هذا من جهة ومن جهة اخرى

الاخت الكريمة يبدو أنها لم إعتادت على تحكم صديقها بها اعطته رقم هاتفي او اخذه من عندها او لا ادري
لا تدرين فكيف تحكمين
من قال لك انه صديقها ..هذا اتهام اختي مريم
ثم ان القسم لكتابة الردود
وليس سبيل للتواصل ..فليعلم هذا

[مريم الصابرة]

اختي في الله مريم الصابرة. والله ليوم ماحبيت نكتب ولا رد .ماتكسريش راسك. ريجوتي واعطيه انذار تقديم شكوة وراح يتصل بأرقام كثيرة .الدليل سنوات سابقة مرأة من عائلتنا تواصلت مع نذل وكان يتصل دائما برقم والدتي وحبيت نوصلهم للشرطة لكن والديا تعاطفو مع تلك مرأة كونها قريبة من عايلة مش قريبتي نكره اقارب عقارب انما قريبتهم وغيرت رقم ومازلني حاقد على تلك نرأة لتوصلني من هو نذل كان يتصل للاسف عندي والديا قلوبهم بيضاء .....اسمحيلي راح يتمادى بأرقام وادا تمادى وصليه او غيري رقمك وديري ريجوتي
السلام عليكم اخي ايمن اهلا وسهلا وشرف لي انك ترد علي
والله يا اخي كاين ناس ما تحشمش لو انا والله محال نمد رقم صديقتي حتى لمرا مثلي دون إذنها ماشي حتى راجل الله يهديها
قتلو نشكي وعادي جدا مازال يعيط بارد قلب
اما رقمي ما نقدرش نغيرو راه قديم عندي روجوتي مافيهش تلفوني وزيد خويا ايمن يعيطلي كل مرة برقم
انا درت مشكلة لروحي واش داني ننصح مي ربي هو الستار والعساس وربي وكيلهم
شكرا لك

[مريم الصابرة]

السلام عليكم ورحمة الله


اختي مريم مخطئة في كلامك
وهو تشويه لصورة القسم وسيتم التبليغ حتى يغلق الموضوع
هذا من جهة ومن جهة اخرى





لا تدرين فكيف تحكمين
من قال لك انه صديقها ..هذا اتهام اختي مريم
ثم ان القسم لكتابة الردود
وليس سبيل للتواصل ..فليعلم هذا


السلام عليكم
يا سبحان الله هذا اللي قدرت ديرو يعني شفت مجرد جملة وقلت تشوه للقسم انا شفت كوارث ثم فالقسم من كلام وسب علاه ما شفتش تدخلك وتبليغات يا اخي الكريم مع إحترامي لشخصك ومن المفروض تكون موافقني فالرأي لانو ممكن مش كل المشاكل صادقة هناك وهناك نويا من ورائها وانا لم اشكك ابدا فالقسم وكنت معتادة على وضع الردود هناك
انا ادري ما اقول لاني كلمتها عدة مرات ولست هنا اتهم الناس واتمنى لو هي تدخل وانا كتبت هنا حتى ترد هي لا اتهمها بشيء وانت من تكتب امرا لا تدريه اخي الفاضل
ولما يغلق الموضوع برأيك هههههههه سبحان الله حال البلاد خارجا يعني رجعت انا الغالطة الله يهديك
واما القسم ليس للتواصل هذي قولها لعضو يكون جديد وليس لي لما نحب نتواصل الحمد لله نعرف كيفاه بلاما ندي امور شخصية نتاع الناس ونسببلهم مشاكل ومن ثم من قال لك انا اريد التواصل مع اي كانت الحمد لله عندي صديقات ممكن اكثر نصف الشعب
وشكرا وبلغ الأيقونة موجودة وكان غلقو الموضوع عادي جدا لا استغرب وشكرا لك

[يونس معبدي]

نعم اقولها واكررها القسم لوضع الردود فقط
اما التواصل وتبادل رقم الهاتف كل عضو يتحمل المسؤولية بالكامل
فلا داعي لتشويه صورة القسم
عضو يطرح مشكلته قدرتي تردي عليه اهلا وسهلا
امور اخرى حدثت خارج المنتدى خليها خارج المنتدى

[اصيل الشرق]

اختنا مريم لاتكبر الموضوع فوق اللازم نقلك حاجة هذوا الامور يصراو بزاف ممكن هذه البنت الي ساعدتيها حكات لصديقها او خطيبها لا اعلم عليك واكيد قاتلوا بلي انت انسانة طيبة هو داه الفضول باش يتعرف عليك لانويضن ان كل البنات كيف كيف يحكو في الهاتف مع الرجال عادي ....الحل في راي ماتقيميهش زماترفديش عليه وكيف يعيطولك برقم مجهول او متعرفيهش مترفديش ثاني بشوي درك يروح وحدوا ويخطيك

[مريم الصابرة]

نعم اقولها واكررها القسم لوضع الردود فقط
اما التواصل وتبادل رقم الهاتف كل عضو يتحمل المسؤولية بالكامل
فلا داعي لتشويه صورة القسم
عضو يطرح مشكلته قدرتي تردي عليه اهلا وسهلا
امور اخرى حدثت خارج المنتدى خليها خارج المنتدى



السلام عليكم
اخي الكريم قول وكرر وين المشكل
انا لا احمل الإدارة أي مسؤولية ولا القسم
هنا قسم مشاكل إجتماعية وانا طرحت مشكلة وممكن اخرى توقع فيها وين المشكل ومن ثم اخي الكريم ؟إنت علاه منفعل ومديت للامر ابعاد اخرى تشوي القسم وما نعرف واش هذي ماكانتش نيتي وما فكرتش فيها كان باغي تغلق الموضوع اغلقو وهدأ اعصابك رانا عارفين الحالة كيفاه تسير هنا
وشكرا لك والايقونة موجودة تفضل وبلّغ
سلام عليكم

[مريم الصابرة]

اختنا مريم لاتكبر الموضوع فوق اللازم نقلك حاجة هذوا الامور يصراو بزاف ممكن هذه البنت الي ساعدتيها حكات لصديقها او خطيبها لا اعلم عليك واكيد قاتلوا بلي انت انسانة طيبة هو داه الفضول باش يتعرف عليك لانويضن ان كل البنات كيف كيف يحكو في الهاتف مع الرجال عادي ....الحل في راي ماتقيميهش زماترفديش عليه وكيف يعيطولك برقم مجهول او متعرفيهش مترفديش ثاني بشوي درك يروح وحدوا ويخطيك



السلام عليكم اخي الكريم
اهلا وسهلا انا كتبت لانو ربي عالم ما لقيتش وين نتواصل معاها حتى تجي وتفهمني وترد نعرف علاه مدتلو رقمي لكن اللي محيرني هي إختفت مدتلو رقمي وإختفت
لا اخي مش قضصية قاتلو طيبة كيفاه يعني يتصل فالليل يوقولي نتعرفو ومدلي إسمو و وهو نفسو
والله انا نعرف نتصرف معاه حبليت هي تدخل لانو ما لقتش وين نتواصل معاها ونفهم منها وعلاه دارت هكذا اما نشوه قسم ومان عرف واش الله يهدينا ناس تقرا بالمقلوب
شكرا الله يهدينا نحن اصحاب ق رجعنا حنا الغالطين
شكرا لك

[يونس معبدي]

بالعكس انا راني مرتاح ونرد عليك
واي شخص صادق راح يرد عليك بهاته الطريقة
انت اعطيتي رقم هاتفك لغيرك ..يجب تحمل المسؤولية
انا افهمك اختي مريم انك بصدد التنبيه فقط
لكن ان تقولي :
شكرا لكم وهذي عبرة اللي يروح يقرا فقسم مشكلتي ويتعاطف
معناه ان القسم لم يعد آمن
المفروض تذكري عدم الثقة في الآخرين
ومنح وسائل تواصل فقط ..ولو راسلتي احد مشرفي القسم
حتى يضع موضوع للتنبيه يكون احسن
ان شاء الله يكون ردي واضح

[nice.girl]

شعب جايح ربي يهديهم
لاحول ولا قوة الا بالله

[مريم الصابرة]

بالعكس انا راني مرتاح ونرد عليك
واي شخص صادق راح يرد عليك بهاته الطريقة
انت اعطيتي رقم هاتفك لغيرك ..يجب تحمل المسؤولية
انا افهمك اختي مريم انك بصدد التنبيه فقط
لكن ان تقولي :

معناه ان القسم لم يعد آمن
المفروض تذكري عدم الثقة في الآخرين
ومنح وسائل تواصل فقط ..ولو راسلتي احد مشرفي القسم
حتى يضع موضوع للتنبيه يكون احسن
ان شاء الله يكون ردي واضح


السلام عليكم
حينا اخي الكريم اعتذر وشكرا لك على التنبيه ولكن يشهد الله علي لم اقصد تشويه القسم وهو من احب الاقسام لدي وسوف اقوم بحذف الجملة ولو غلق الموضوع حسنا لا مشكل
انا اتحمل مسوليتي طبعا انا من اعطيتها رقمي وانا اريدها ان ترد علي لم اجد طريقة للتواصل معها ولا دخل للإدارة ابدا
شكرا واعتذر وتصرف كيفما تشاء شكرا

[lamine_du23]

ربي يكون في عونك ، و انا اتأسف انه في هذا الزمان راحت الثقة و مازال الرخس في العباد و كما قال الرسول صلى الله عليه و سلم : اتق شر من احسنت اليه
مصيبة يا اختي
لديك حل وحيد و نظيف لكن مؤلم هو تغيير شريحة الهاتف النقال و ربي يوفق