لازم تكون مترسّمة.............تبًا

[السي محمد]

السلام عليكم و رحمة الله و بركاته

بالامس التقيت باحد زملائي في الدراسة مضى سنتين تقريبا على آخر لقاء بيننا

كنت احبه كثيرا و احترمه لغاية يوم الامس ال17:30 دقيقة

و انا جاي من الخدمة مُتعب مُرهق مدقدق نشَعني

سقط من عيني تماما

المهم التقيت به وش راك الحمد صحا علديك لاباس بخير الحمد لله ....

وصلنا لموضوع الزواج تزوج ما تزوجت قاللي بلي كان خاطب وحدة تعمل استاذة

و لكنه فسخ الخطوبة قال لي :

كي عرفت بلي مش فايتة بطّلت:confused::confused::confused:

وش معناتها مش فايتة؟؟؟ يعني ليست مش مترسمة بلهجتنا العامية

لا اعرف المصطلح الاداري ولكن المهم هي مش مترسمة ممكن مازالت متربصة أو كانت مؤقتة او تعمل بعقود ما قبل التشغيل الله يعلم ليس لديّ دراية بقطاع التعليم


المهم انا تقلّت في ذلك اللحظة و انصدمت بشدة

سبحان الله؟؟؟
قلت له انت تحوّس على زوجة و لا تحوس على الترسيم؟؟؟؟

قاللي نحوّس على وحدة مترسمّة باش تعاونني في المصروف











تباااااااااااااااااا



علابالكم ضرك تقلّقت هههه

آآآآآآآآووو لهذه الدرجة

ما كنتش عارف بلي واحد من اصحابي انسان بهذه ( الدناءة)

و قلتها لك بصراحة و في وجهه


بانه مش راجل...و هاذي مش رجلة


قلت له و انت مادام لقيت وحدة بنت فاميلا و تخدم و تعاوتك

علاه ما تصبرش بالاك العام الجاي تترسم؟؟؟

اعطاني جواب جعلني اكرهه : نحوس ما نتعبش معاها؟؟؟

تبا و كأنه هو من يقوم بالتدريس و التعب و هو من يقوم المفتش بامتحانه؟؟؟؟


تبا

هل يبحث هؤلاء البنيادم عن الزوجة الصالحة ام عن الخدمة المترسمة و الشهرية المضمونة؟؟؟؟


تباااااااااااا


و ما تقولوليش فقير يحوّس على وحدة تعاونه


عندهم الدراهم النار ما تحرقهمش

و هو خدّام و قادر ما يخدمش و كانت عندو تجارة و لانه فاشل

فشلت التجارة التي فتحها له ابوه بمئات الملايين

تبًا

لما فشل يريد ان يجد من تساعده في المصروف؟؟؟؟


اسمحولي راني تقلّقت بالصح الله غالب تقلّقني مثل هذه الامور

[amouna230]

عندك حق تتقلق رانا عايشين في زمان غير الزمان الغيت فيه المشاعر و الرجولة و المبادئ ربي يسترنا و يهدينا

[○•ميسون•○]

هاذا إنسان مريض نفسيا و حقير

ربي يهدي ما خلق

[Jack-Sparow]

وعليكم السلام و رحمة الله

و الله صراحة الدنيا تقلبت مع عباد كيما هادو...:confused:
لا دين لا خلق و لا رجولة ....ما عندهم والوووووووو :mad:
عباد عماتهم المادة يا لطيف ....

قصة صراتلي مع واحد سقسيتوا على وحدة مخطوبة و لا لا ... واش قالي مباشرة...راهي حبست لقراية في السنة 9 ؟؟؟ ... قلت له وين راه المشكل ...الطفلة متربية و بنت فاميلية ... a part ça ما يهمنيش ...... و لقيتها خطبوها و راهي بخير ...

الحاصل أن الناس في هاد الزمان أصبح همهم الوحيد المال ...و لو على حساب دينه و رجولته و حتى شرفه

[*سيرتا *]

الله يهدي هدا ما كان

[الزمان 03]

والله افهمنا وين توصلنا هذا التفكير كارثة والنساء هم لجبوها لروحهم يقصد أنسا يستغلالها تقبل به يقصدها إنسان قد يمنعها من العمل لسبب قد يكون مؤمن بفكرة واجبه إتجاهها ترفضه حتى إن كانت متأكد من نيته إتجاها وردها لا يوجد ثقة والخوف من المستقبل بينما تعيش مع الاول من أول يوم بدون مستقبل الجزء من جنس العمل

[الحجاج بن يوسف]

اهتزت مدينة تلمسان مساء اليوم، على وقع جريمة شنعاء، حيث أقدم رجل على ذبح زوجته أمام مرأى المواطنين وفي وسط الشارع، قبل أن يقدم هو الآخر على ذبح نفسه من الوريد إلى الوريد، في حادثة هي الأولى من نوعها و أثارت صدمة واسعة لدى سكان المنطقة.

وقائع الحادثة تعود أساسا إلى خلاف بين الزوج والزوجة حول عمل الأخيرة، حيث رفض الزوج أن تشتغل زوجته بالدائرة بعدما صدر قرار بتحويلها من مصالح البلدية إلى مصالح الدائرة.

وأمام إصرار الزوجة، تحول القضية الخلافية إلى برك من الدماء، حيث شاهد السكان جريمة نكراء تهز النفوس، خاصة وأن الزوجة بقيت حوالي نصف ساعة كاملة وهي تتخبط في الرصيف أمام أعين المواطنين الذين لم يحتملوا هول المنظر.

http://www.elbilad.net/article/detail?id=17839

[ام مهدي2010]

صدقني يا اخي نفس مشكل صديقتي و الله تخلى عنها خطيبها ليتزوج ابنة خاله و كان رده ان ابنة خاله تقرى فارماسي تخلص مليح وصديقتي الان مدمرة كليا

[هبة الوهاب]

يا اخي هذافقر عقول ونفوس وليس فقر الجيوب
الله يجيب الخير

[تراتيـل صبــح]

معتوه صديقك هذا
يعني يبحث عن المال ولا يهمه المصدر
أشفق على من ستتزوجه صراحة
كان الله في عونها.

[SAMRA 33]

لا تستغرب فمعظمهم هكذا و تبقى التهم متبادلة المراة هي السبب / الرجل هو السبب

وخلاصة القول اننا في وقت انقلبت فيه الموازين وكثر فيه الطامعون

[pomaria_aindefla]

نسو أنه على الرجل أن يصرف على زوجته حتى لو كانت عاملة لأن الذمة المالية للزوجة هي مستقلة عن الزوج . إذا أرادت أن تساعد فتساعد إذا لم تريد فما عليها شيء

[khawlita.dz]

بطبيعة الحال الله سبحانه نجى خطيبته منه واكيد الله يعطى للانسان على قد نيته
لكن خطر ببالى سؤوال من ادراه وضمن له بان مرتبها ستصرفه عليه او تقدمه له او حتى ترضى تساعده
الا يعلم بانه هو المسؤول عن البيت وهى غير مطالبة وان فقط رضيت وارادت عن طيب خاطر تساعده اقول تساعده لا ان تقدم له الشيكات
ولله فى خلقه شؤون اكيد سينال من هى من جنسه و عقليته

[رندة نهاد]

صرااااااااااااااااحة تهنات منو ما شاف فيه ربي خير بالاك كي فسخ الخطبة ضرك تترسم هي ههههههه ياريت تترسم وخلي الطمع يفسد الطبع الله يهدينا ويكشف الناس على حقيقتها قبل فوات الاواااااااان

[أَحمــد]

لا أساند من يتزوج العاملة

[بنت لبحر]

http://im84.gulfup.com/drdQ2g.jpg

[noeddin]

تهنات منو---------------------------ربي يجيبلها لي خير
وربي يجيبلوا على حساب نيتوا

[زرقـآء اليمآمـة]

السلام عليكم
امثال صديقك هذا هم الموجودون بارض الواقع .......... ومن هم بتفكيرك اخي موجودون بالمنتدى فقط ......... لم ارَ واحدا منكم في الواقع ........ فهلا دللتمونا عليهم ؟؟؟ ام يعيشون في كوكب الزهرة مثلا ؟؟؟
التقيت بصديقتي وبعد كلام بيننا اخبرتني ان اخاها يبحث عن زوجة وبشروط : صغيرة وجميلة وعاملة ومترسمة لانه الوقت صعب والظروف المعيشية اصعب على حسب تحججه ............... يعني الشروط لازم تكون كاملة ولا ينقص منها واحد ...... يا سبحان الله ......

[يسمينة البجائية]

اخي نسيت تقولوا

اليوم ما يرسموش برك . لازم البنت تزيد تقرا شوية باش من بعد يدهنوها بالماكياج و الفون دوتان و الكريمات اوريال باش في الاخير تدي
diplôme du meilleur portrait fel khedma

يعني ديبلوم الترسيم و الدهن :34:

. ya sahbi

:19:

[nilly]

Wahad anani yofakir fi maslahatihi faqate

[زوجة الغول]

يا خويا أرواح هنا لخنشلة ونتا تسمع وتشوف العجب:confused:

[moonlight19]

في هاذي الحالة النساء عندهم الحق باش يرفضو يعيشو مع الرجل المادي الطماع
لانها كي تكون عندها الدار و الخدمة الراجل واش الدير به كيما قلت جيبو تعاونو .......

و صدقني اخي هذا النوع من الرجال كاين بزاااااف خاصة لي مخبي نواياه الخبيثة
و المراة تستاهل لانها هي لي حابة تخرج تخدم و تروح للميزيرية تاع الخدمة
وقت صعيب ربي يسترنا و يحفضنا

[امينة النايلية]

يا خويا أرواح هنا لخنشلة ونتا تسمع وتشوف العجب:confused:
الراجل يدي المرا على جال الشهرية وما يهمو والووووووووووووو لا ماضيها ولا أي حاجة وزيد يا خويا كاين نسا خدامات ويديرو المنكر وكي يهدرو رجالهم يقولولهم ياخي حنا نصرفووووووووووووو ؟
وصلت وين الراجل يشكك في نسب الابن أو البنات يعني ممكن يكاد يكون متأكد بلي مش ولادو
أنا راجلي مسكين مش خدام وزيد كي خطبني وعقدنا كنت في إطار عقود ما قبل التشغيل وذرك راني نجحت ف المسابقة وما يكون غير الخير إن شاء الله

الف الف الف الف مبرووووووووووووووووووووووووووووووووووووووووووووووو وووووووووووووووووك عليك النجاح

[زوجة الغول]

ربي يخليك يا ختي امينة النايلية
شكرااااااااااااا

[hope of life]

..............................................

[bady081]

مالا نقولكم حاجة انا كي تزوجت كنت ا نخدمش بصح زوجيي عاوني باش شاركت في مسابقة الاساتدة والحمد لله نجحت. وهو فرحااااااان وامبعد عرفت بلي سبب الفرحة تاعو انو يجي نهار يقولي نشريو سيارة جديدة والدراهم من عندي كي قتلو بصح نكتبها على اسمي ما عجبوش الحال ومازالو مشنف عليا للان ..............................واش رايكم

[hope of life]

مالا نقولكم حاجة انا كي تزوجت كنت ا نخدمش بصح زوجيي عاوني باش شاركت في مسابقة الاساتدة والحمد لله نجحت. وهو فرحااااااان وامبعد عرفت بلي سبب الفرحة تاعو انو يجي نهار يقولي نشريو سيارة جديدة والدراهم من عندي كي قتلو بصح نكتبها على اسمي ما عجبوش الحال ومازالو مشنف عليا للان ..............................واش رايكم

قريت الرد نتاعك....وشفت الجنس لقيتو ذكر والمضمون نتاع مرا!!!!!!......اذاكان ركي تتكلمي بعضوية راجلك.....راهو قادر يقرا الرد ويعملك مشكل ....الاحسن تفاصي....

[nilly]

مالا نقولكم حاجة انا كي تزوجت كنت ا نخدمش بصح زوجيي عاوني باش شاركت في مسابقة الاساتدة والحمد لله نجحت. وهو فرحااااااان وامبعد عرفت بلي سبب الفرحة تاعو انو يجي نهار يقولي نشريو سيارة جديدة والدراهم من عندي كي قتلو بصح نكتبها على اسمي ما عجبوش الحال ومازالو مشنف عليا للان ..............................واش رايكم


Balaki tchrilo balaki hada tzwjak min ajle masslaha

hta tyab matybiloche lmlih qrite radnta3ak 3lla tyab

nqolak ana konte nchof fi rajli normale basah ki chafte rjal okhrine wlite nchof fi rajli super man

[mosta277]

ايه كاين حتى بناتتقولك نديه مرفه و زي تاني هما في العرس يطلبوا الملايين وقادر العرس يندار باقل تكلفة حتى هاذي ماشي رجلة منهم سما كيلمرا ماراهاش تحوس تدي راجل حتى هو يقيس رجوليته و هذاماشي دفاع مني عنه حتى هوغالط مي لازم تعرف الظروف اللي خلاتنا نشوفو ناس هاك انا بزااف يقولولي نديها خدامة باش تعاوني لعيشة صعيبة

[abdouillizi]

و الله فكرتني في قصة واحد نعرفو مليح خطب واحدة تعمل معه لابسة حجاب شرعي و تحشم لكن شرط عليها باه ما تتكلم حتى مع واحد من الزملاء الا في ضرورة العمل واتفقا ان لا يخبرا أحد بخطبتهما في الاول قبلت بالصح ممبعد جاتها صعيبة ولات تهدر معاهم كي زمان قاللها يا أنا يا الخدمة فاختارت الخدمة و انفصلا مع انه من أفضل الناس خلقا و دينا و بعد ذلك أصبحت تكن له عداوة كبيرة حتى انها حاولت ان تخلق له مشاكل مع الزملاء في العمل
والله اريد تفسير من الاخوات لهذه التصرفات فالبنات يفهم بعضهم بعض

[karim.dz]

اللي راجل راجل مايتكلش حتى على باباه باش يمدلو مصروف .....
نورمالمو يحوس على وحدة بنت فميليا عاقلة اما دراهمها ملكها وبس ...

[باهي جمال]

صديق لئيم الابتعاد عنه افضل

[catia]

يا سي امحمد صاحبك هذا قاشل حب يتزوج وحدة ناجحة باش ايحقق طموحو من خلالها يعني زواج مصلحة يعني هذا المخلوقة هناها ربي منو

[abdouillizi]

انا أعرف و احدة من العائلة لم يخطبها أحد حتى بلغت سن 27 و بعد نجاحها في مسابقة الاساتذة أصبح الخطاب يتهاطلون عليها خاصة من الاسلاك الامنية من شرطة و درك و جيش
والله زمن غريب

[bady081]

[QUOTE=hope of life;3991477022]قريت الرد نتاعك....وشفت الجنس لقيتو ذكر والمضمون نتاع مرا!!!!!!......اذاكان ركي تتكلمي بعضوية راجلك.....راهو قادر يقرا الرد ويعملك مشكل ....الاحسن تفاصي....[/خلي يقرا على روحو لانو عارف الرد تاعي وخلي البنات يفيقو

[نواار]

الرخس والطحين هي اللي خلات الاب يبيع اولادو للناس كل يوم باش تخدم مرتو وتجيبلو الصوارد يقسمهم بين الناس اللي يحكمو لولاد والطبيب

والمكياج واللبسة تاع مرتو باش يتفرجو فيها الرجال

[السي محمد]

صديق لئيم الابتعاد عنه افضل


صدقتَ و الله

[السي محمد]

السلام عليكم
امثال صديقك هذا هم الموجودون بارض الواقع .......... ومن هم بتفكيرك اخي موجودون بالمنتدى فقط ......... لم ارَ واحدا منكم في الواقع ........ فهلا دللتمونا عليهم ؟؟؟ ام يعيشون في كوكب الزهرة مثلا ؟؟؟
التقيت بصديقتي وبعد كلام بيننا اخبرتني ان اخاها يبحث عن زوجة وبشروط : صغيرة وجميلة وعاملة ومترسمة لانه الوقت صعب والظروف المعيشية اصعب على حسب تحججه ............... يعني الشروط لازم تكون كاملة ولا ينقص منها واحد ...... يا سبحان الله ......


والله يا اختي

هاذي رابع محاولة للزواج افشل فيها


الاسبوع الماضي فقط...شخص يعمل معي

اقترح علي الزواج بابنة اخيه

انا طلبت منه ان يسأل عائلة البنت


فلما سألها...رفضت و السبب انها تريد العمل :o

[mosta277]

اللي راجل راجل مايتكلش حتى على باباه باش يمدلو مصروف .....
نورمالمو يحوس على وحدة بنت فميليا عاقلة اما دراهمها ملكها وبس ...
مي كي لمرا تحوس على دراهم الراجل نورمال ؟؟ و هي اصلا ما اخلاق ما دين م والو و تقوله العرس يندار ب 200 مليون و هو عاد بادي حياته باش هاديك ال200 مليون يدير بيها مشروع تجاري و لا يبدا يبني بيها و لا لوطو يمشي يخسرها في صوالح ماكان والوا وين راهي بنت الفاميلية اللي راك تهدر عليها اغلب الزيجات في الجزائر ماتدومش اكثر من 3 اشهر لخاطر بنات الفاميلية راهم بزاف لااقصد التجريح مي صعيبة باش نلقاو امراة نتاع داار امالا حتى باش نلقو راجل صعيبة و هذي هي الدنيا ضرك باش تعيش في مستوى مرتاح ماتنغبنش لا نتا لا ولادك و باش تبني و تشري لوطو و كي يجي العيد تفوته مريح لازمك زوج خلصات و راك تشوف سقسي واحد مزوج و غي هو خدام قله كاش مشاكل نتاع دراهم ؟

[sonia32]

عمل المراة جلب لمجتمعنا سلبيات كثيرة وجعلها مستهدفة لمثل هؤلاء الطامعون الفاشلون الذين لا نخوة لهم

[بنت لبحر]

السلام عليكم

اليوم صرات نفس لحكاية مع جارتي هي خدامة و عندها سمانة ملي تخطبت بعدها بيومينمن الخطوبة صرالها مشكل في خدمتها حبست مالا سي السيد بطل عليها الخطوبة عيطتلها امو قالتلها انا وليد ميخدمش حنا خطبناك على خاطر راكي خدامة و تعينيه و كي حبستي الخدمة معندنا ما نديرو بيك و زاد هدر معاها قالها لي قالتك امي هداك هو مسكينة الطفلة تشوكات تحكيلي و تبكي حسبنا الله و نعم الوكيل

[abdouillizi]

السلام عليكم

اليوم صرات نفس لحكاية مع جارتي هي خدامة و عندها سمانة ملي تخطبت بعدها بيومينمن الخطوبة صرالها مشكل في خدمتها حبست مالا سي السيد بطل عليها الخطوبة عيطتلها امو قالتلها انا وليد ميخدمش حنا خطبناك على خاطر راكي خدامة و تعينيه و كي حبستي الخدمة معندنا ما نديرو بيك و زاد هدر معاها قالها لي قالتك امي هداك هو مسكينة الطفلة تشوكات تحكيلي و تبكي حسبنا الله و نعم الوكيل
لا حول ولا قوة الا بالله

[Cedrus atlantica]

Hadha hal bezef min achbah rjal lyoum, yseksi idha khadama, metrasma, chehal tekhlos, wa...kolchi yhoun fi sabil chhria, tabaroj, mokhalata, wa
wahed za3ma psychologue gali lmra ta3 dar metKhalfa mata3rafch trabi wladha, w fi dar talkaha daymen karha ma 3ndha ma dir ,w kayn li hasebha la moda, à la mode

w kayn famila na3rafha Tjawjo ga3 l bnat li yekhedmou w bkat li fi dar, w natija wladhom allah yebarak 7 yetrabao 3nd jedahom w hia 3ndha 60ans

[medi83]

والله الامر محير واحد يبحث عن زوجة متعلمة ماكثة في البيت تراعي زوجها و اولادها فلا يجد و هي حالتي،و الاخر يحب زوجة عاملة حتى تصرف عليه ، الرجال بالقوامة يا حبيبي مشي ب لي موستاش. هادي قصة من الاف القصص يا صاحبي ما تنخلعش.
نوووووووووورمااااااااااااااال

[صُبح الأندلس]

من تزوج امرأة لمالها زاده الله فقرا و ستبدي لك الأيام مصير هذا الرويجل

[mosta277]

من تزوج امرأة لمالها زاده الله فقرا و ستبدي لك الأيام مصير هذا الرويجل

اريد ان اسالك عن حديث الرسول صلى الله عليه و سلم اين ذكر لاي سبب تتزوج المراة ؟؟ للاسف اخطات هنا اخي

[halim1980]

krahna hado les sujet wahd yhki 3la l age wahad 3la l khadama allh ghaleb chabab lokal chomage w la bnat khadamat win rah l mochkal ki yjibha khadam wala kebira 3liha f l age l mohim tosraf 3lih rojla rahat m3a l houari

[السي محمد]

والله الامر محير واحد يبحث عن زوجة متعلمة ماكثة في البيت تراعي زوجها و اولادها فلا يجد و هي حالتي،و الاخر يحب زوجة عاملة حتى تصرف عليه ، الرجال بالقوامة يا حبيبي مشي ب لي موستاش. هادي قصة من الاف القصص يا صاحبي ما تنخلعش.
نوووووووووورمااااااااااااااال

و هذا هو المشكل و الطامة التي ألمّت بمجتمعنا و امتنا

الخطأ صار مقبول في مجتمعنا و كل ما يقال عنه nooooorlam :confused::confused:

ربي يصلح احوالنا

[زرقـآء اليمآمـة]

والله يا اختي

هاذي رابع محاولة للزواج افشل فيها


الاسبوع الماضي فقط...شخص يعمل معي

اقترح علي الزواج بابنة اخيه

انا طلبت منه ان يسأل عائلة البنت


فلما سألها...رفضت و السبب انها تريد العمل :o
يظهر ان زهرك اخي مع العاملات ............. و لكن انت ايضا لا تقصد عاملة وتقل لها توقفي عن العمل ستلقاك جملة من المشاكل بعد ذلك ............. اختصر اقصد مباشرة ماكثة بالبيت فهن كثيرات متعلمات وأميات و مثقفات يعني كل الانواع .......... ما عليك سوى بالبحث ..... وربي يسهل اخي والله الموفق

[السي محمد]

يظهر ان زهرك اخي مع العاملات ............. و لكن انت ايضا لا تقصد عاملة وتقل لها توقفي عن العمل ستلقاك جملة من المشاكل بعد ذلك ............. اختصر اقصد مباشرة ماكثة بالبيت فهن كثيرات متعلمات وأميات و مثقفات يعني كل الانواع .......... ما عليك سوى بالبحث ..... وربي يسهل اخي والله الموفق


لم اقصد أي عاملة

كل من قصدتهن كن ماكثات و مازلن

ولكن ربي ماكتبش

[وليد1990]

السلام عليكم

اليوم صرات نفس لحكاية مع جارتي هي خدامة و عندها سمانة ملي تخطبت بعدها بيومينمن الخطوبة صرالها مشكل في خدمتها حبست مالا سي السيد بطل عليها الخطوبة عيطتلها امو قالتلها انا وليد ميخدمش حنا خطبناك على خاطر راكي خدامة و تعينيه و كي حبستي الخدمة معندنا ما نديرو بيك و زاد هدر معاها قالها لي قالتك امي هداك هو مسكينة الطفلة تشوكات تحكيلي و تبكي حسبنا الله و نعم الوكيل

يا اختي فكها ربي منو ...........تهنات من أشباه الرجال ............لعل الله يبدلها بسيدو ...يخي كاين رجال ياسر مايقبلوش الخدامة

[روح وريحان.]

السلام عليكم ورحمة الله وبركاته
انا سمعت بقصة مشابهة :
الرجل تزوج بمعلمة في العطلة الصيفية.ولما جاء الدخول المدرسي لم تذهب.فسالها عن السبب فقالت له انها كانت مستخلفة فقط.......فطلقها
وبعد طلاقها بمدة لقات خدمة وترسمت!!!!!!!!!!!!!

[رضا 10]

لا عيب من تعاون الزوجين على مصاريف ومشاكل الحياة ولكن بتفاهم مسبق وباحترام ومراعاة الدين والاخلاق وعن تجربة لي اربع زملاء في العمل اثنان منهم متزوج وزوجته ماكثة الى الان مازالا يصارعان الحياة ولم ينهيا بناء منزليهما لاولا يملكان سيارة ايضا واثنان متزوجان بعاملة العكس يملكان المنزل والسيارة والعطلة والراحة والرفاهية ولكم ان تحكمو

[السي محمد]

لا عيب من تعاون الزوجين على مصاريف ومشاكل الحياة ولكن بتفاهم مسبق وباحترام ومراعاة الدين والاخلاق وعن تجربة لي اربع زملاء في العمل اثنان منهم متزوج وزوجته ماكثة الى الان مازالا يصارعان الحياة ولم ينهيا بناء منزليهما لاولا يملكان سيارة ايضا واثنان متزوجان بعاملة العكس يملكان المنزل والسيارة والعطلة والراحة والرفاهية ولكم ان تحكمو


ان اُصارع الحياة فاُحسّ بقوامتي و رجولتي و مملكتي الصغيرة

خير من تساعدني ( خيرة) و اعيش بنصف رجولة و نصف قوامة و نُص سيارة و نُص سُكنة

[وليد1990]

يظهر ان زهرك اخي مع العاملات ............. و لكن انت ايضا لا تقصد عاملة وتقل لها توقفي عن العمل ستلقاك جملة من المشاكل بعد ذلك ............. اختصر اقصد مباشرة ماكثة بالبيت فهن كثيرات متعلمات وأميات و مثقفات يعني كل الانواع .......... ما عليك سوى بالبحث ..... وربي يسهل اخي والله الموفق

يا اختي عندك الحق

الي يحوس على ماكثة يقصد مباشرة الماكثات مش يبطل العاملاات
والي يحوس على عاملة يقصد العاملات
والي يحوس على متجلببة يقصد المتجلببات مش يفرض على غيرها الجلباب

[yassminadz]

يا اختي عندك الحق

الي يحوس على ماكثة يقصد مباشرة الماكثات مش يبطل العاملاات
والي يحوس على عاملة يقصد العاملات
والي يحوس على متجلببة يقصد المتجلببات مش يفرض على غيرها الجلباب

لكن ما رأيك فيمن يقصد المتعلمة غير العاملة وترفضه بحجة أنها تريد العمل
أحنا النساء ابليس ويحير فينا:1:

[عبد الله 22]

لا عيب من تعاون الزوجين على مصاريف ومشاكل الحياة ولكن بتفاهم مسبق وباحترام ومراعاة الدين والاخلاق وعن تجربة لي اربع زملاء في العمل اثنان منهم متزوج وزوجته ماكثة الى الان مازالا يصارعان الحياة ولم ينهيا بناء منزليهما لاولا يملكان سيارة ايضا واثنان متزوجان بعاملة العكس يملكان المنزل والسيارة والعطلة والراحة والرفاهية ولكم ان تحكمو


ربما فكرة صحيحة لكن كيف يكون التصرف إذا تزوجت بعاملة ولم احقق السيارة والمنزل اعتقد أنك ستقول الحل في الثانية والتي تكون أيضا عاملة...... حتى الرابعة وما بعد ؟؟؟؟؟؟ رب عذرا أقبح من ذنب ، عيش تشوف

[وليد1990]

ربما فكرة صحيحة لكن كيف يكون التصرف إذا تزوجت بعاملة ولم احقق السيارة والمنزل اعتقد أنك ستقول الحل في الثانية والتي تكون أيضا عاملة...... حتى الرابعة وما بعد ؟؟؟؟؟؟ رب عذرا أقبح من ذنب ، عيش تشوف

بل ردك هو الذي يبدو لي غير منطقي

والمغالطة التي قمت بها هي انك اعتمدت الحل على الزواج بالثانية كانه لا حل غير هذا الحل وقد اكملت ردك بناءا على هذه المغالطة

اما رد الاخ فلم يكن إلا رأي مبني على واقع وتحليله منطقي بل جد منطقي وبديهي ومبني على اساس واقعي

فقال ان الذي تزوج بماكثة لم يستطع شراء سيارة ومنزل وهذا طبيعي لان شهرية واحدة لاتكفي وفي الغالب يصرفها على امور المعيشة

وقال ان الذي تزوج بعاملة تمكن من تحقيق السيارة والمنتزل وهذا بديهي وممكن واقعيا ذلك لانه يملك شهريتين فالمال عندو اكثر وفرصته في شراء السيارة والمنزل هي ضعفي فرصة المتزوج بالماكثة

تحليله سليم وتحليلك انت مبني على مغالطة

قلت له رب عذر أقبح من ذنب وهو المسكين لم يقل أي عذر بل انت من افترضت هذا العذر من رأسك وقلت أعتقد أنك ستقول ...الخ

[مناع]

وهل يقلقك اخي أمر الرجل الذي يكد ويشقى لكسب قوته ,,, خدام الرجال سيدهم ,,,,,عامل يومي لكن كساب ,,,, كل ما اعرفه عنه انه تم رفضه من قبل 4 بنات بحجة مراهش ببلاصتو .... يا اخي هذا على الاقل راه خدام وحوس عليها خدامة لا حرج كاين اللي يتقبل الفكرةو كاين اللي يرفضها والناس عقليات
انا شخصيا ارفض الزواج بالمرأة العاملة اصلا وهناك الكثيرون من يرفضها عاملة وهناك من يريدها تعمل
يعني ان الشخص طامع في الشهرية معليش المهم يكونو اسرة حتى الرسول قال ,,, لمالها

[salah0407]

ربي يجيب الخير

[زهرة لرضوان]

هؤلاء هوم يا أخي أشباه الرجال الذين لطالما تحدث عنهم في كثير من ردودي لكن لم تسمعوني صدقوني هناك أشباه الرجال من لا يهمهم سوى المال والجاه إن أمكن حتى ولو كانت فاسقة وخارجة الطريق كيما نقولوا المهم ربي إيجيب ساعة الخير

[مناع]

البارح واحد يحكيلنا قالنا انا ماصو و رفضوني 4 مرات ,,,, روح انت قلهم عامل يومي وشوف لا لا لا لازم يكون ببلاصتو

[ماري نت]

الرخس والطحين هي اللي خلات الاب يبيع اولادو للناس كل يوم باش تخدم مرتو وتجيبلو الصوارد يقسمهم بين الناس اللي يحكمو لولاد والطبيب

والمكياج واللبسة تاع مرتو باش يتفرجو فيها الرجال

السلام عليكم،كأنك تتحدث بلسان أبي ،المهم شكرا

[Malek12]

العالم المادي

الذي هو سبب أفكار البعض منا

وخاصة بعض البنات (النساء) لتنتقل الفكرة الى الابن

[حياتي نبع امل]

هى عندك الحق بالصح كثرت من تبا

[فجرالحرية]

بزااااااااف اللي هذا هو همهم
الله يستر

[نواار]

نسو أنه على الرجل أن يصرف على زوجته حتى لو كانت عاملة لأن الذمة المالية للزوجة هي مستقلة عن الزوج . إذا أرادت أن تساعد فتساعد إذا لم تريد فما عليها شيء
نسوا ان المكان الطبيعي للمراة هو بيتها وتربية ابنائها

بالمنظور المادي عندو الحق

بالمنظور الاخلاقي يشوف مراة تاع بيت تربيلو اولادو خير من اي عاملة باي اجر

وقرن في بيوتكن يا عاصيات ربكن

فكيف تطعن ازواجكن