انصحوني ارجوكم

[مشكلتي]

السلام عليكم و ورحمة الله تعالى و بركاته
انا فتاة ابلغ من العمر 24 سنة عندي جاذبية نحو المشاكل لا ادري هل افتعلها انا ام أُضطر الى افتعالها
المهم في منزلنا انا هي الصغيرة و التي تعتبر اصل المشاكل فمثلا عندما يُثار موضوع في البيت و أقوم بإبداء رأيي بكل موضوعية يثور غضب والدَيّْ و خاصة في الآونة الاخيرة بعدما اصبحت دائمة التردد الى مسجد في مدينتنا و بعد نجاحي،ففور حدوث احتكاك بيني و بين اي احد في البيت ابي يقول لي أهذا هو المسجد الذي تترددين عليه دائماً أهذه هي دراستك، أهذه هي الصحبة الصالحة التي لا تنفكي من التحدث عليها، و انا نظل نقوللهم بللي القرآن هو اللي راح يصلح احوالي، ذهابي الى المسجد لا يعني اني اصبحت كاملة او ملاك منزل، الله غالب الانسان خطاء و ربي هو اللي يحاسبنا على أخطائنا، و ابي اصبح يتهم المسجد و البنات اللي معايا في المسجد فهو يظن انني اذهب كل يوم من الأسبوع فقط للاستماع الى المحاضرات التي تحرض الناس باسم الدين و انا نعذرو لانه شاف بأم عينيه كيفاه أصحابه يشتكوا من نساءهن الدائمات التردد الى المسجد و كيف وصلوا الى الطلاق ، ابي إنسان مؤمن فهو يواظب على كل صلواته في المسجد و خاصة صلاة الفجر فهي دائماً في المسجد، بصح انا مافهمتش وليت وين مانروح نشد كتاب القرآن نبدا نحفظ نحطو و نقول دوك يشوفوني شاداتو يقولو خليك مالنفاق صحاب الجوامع هوما اللي دايرين رايهم، اصلحي حالك من بعد احفظي كلام ربي، ماعرفتش أفيدوني مدولي اي نصيحة الوساوس راح تقتلني انا بأمس الحاجة الى النصح و الله غير راني نبكي تعيشو و آجركم على الله، عندي ختي الكبيرة متزوجة و ختي الي اكبر مني بعام العام القادم عرسها و ابي قالي لوكان رحتي نتي و بقاتلي هيا نتي ماعندي ماندير بيك روحي ابكي على روحك انا راح نهبل كي قالي هكذا شبعت بكا، كل دقيقة يقولولي ماتخلعيناش بالصيدلة اللي درتيها زعما انا درت هاذي باش نخلع الناس؟!!!!!!
أفيدوني انصحوني الله غالب طولت اسمحولي ماعندي حتى واحد نهدر معاه والله
والسلام عليكم

[amina.nina23]

السلام عليكم اختي انا نقولك خلي ايمانك بالله كبير و ماديريش على والديك حتى و يقولولك اي كلام اتقبليه بصدر رحب و ماتخافيش من حتى عبد كي تكوني تقراي في كلام ربي انت نية تاعك خالصة لله وحده، و نزيد نقولك يبقاو والديك اختي ، و صدقيني و الله ماتلقاي في هذه الدنيا الي ينجم يحبك و يخاف عليك كيف والديك

[hodahodahoda]

والدك مازال يراك صغيرة
ايضا ممكن تتكلمي في امور شرعية لا يستصيغها الكثير من الناس
مثلا تقولين لاختك المتزوجة البسي حجاب امام اخ زوجك
ممكن والدك يرى هذا امر غريب
اصبري والدك يحبك
كوني لينة في ارائك الدينية
التقبل صعب نوعا ما

[Jack-Sparow]

و عليكم السلام ورحمة الله تعالى و بركاته و مغفرته
أختي الكريمة نحن نعيش في مجتمع جاهل بأمور دينه ...
نعم تجد في مجتمعنا الكثير ممن يحملون الشهادات العليا ...
لكنهم لا يفقهون أبسط أمور دينهم حتى شروط الصلاة ...
و قد مررت بعدة حالات و تعلمت قاعدة مهمة إرضاء الناس غاية لا تدرك ...

تكون تتكيف أو تتعاطى المخدرات و تارك للصلاة ..يقولو هذا ما ربهوش والديه ...

ترجع تصلى و تحافظ على دينك يقولو هذا إنسان مريض و متخلف و حاط روحو غير هو لي يدخل الجنة ...الخ

نقولك حاجة أختي ديري واش يرضاه ربي و إصبري ...
لأنه حتى أنبياء الله و رسله عليهم السلام لم يسلموا من كلام الناس حتى من أقرب الناس إليهم من أبائهم و أبنائهم ...

[bellaluna]

الحلّ سهل إبدأي أوّلا بعدم إبداء رأيك في كلّ موضوع.
حاولي عدم الإحتكاك المباشر مع عائلتك.
قلّلي من الذهاب للمسجد-وقتيا-.
اقراي وردك في الفجر و دون لفت الأنظار.

[pomaria_aindefla]

لا يجب الإفراط في شيء عن شيء أخر ربما أنتي تركيتي كل شيء و أنت متفرغة لشيء واحد, سجيلي في دروس التنمية البشرية . تعلمي الإسعافات الأولية , تعلمي الخياطة أو صنع الحلويات بمركز التكوين المهني . و لا تنصحي أحد سوى إذا طلب منك ذلك لأنه يوجد بعض الناس لا يتقبلن النصح

[*قطر الندى*]

السلام عليكم ...

كاين حلقة مفقودة في الموضوع اللي كتبتيه ....

مع ذلك .....اهلك اذا عاملوك هكدا ..........اكيد راهم يشوفو فيك وحدة حاسبة في روحها ....

ما تتوقفيش عن حفظك للقرآن و خلي يقولو منافقة ..........يتعبو منها و يبطلو وحدهم ......

نقصي شوي من التفلسيف ....

معليش اعذري اهلك دائما الا غلطو فيك ......و باباك اذا قالك هكدا .......اثبتيلو انتي انو كان غالط ....

بطلي المسجد مدة و شوفيهم اذا يبطلو الهدرة نتاعهم ....

بصح انتي باينتك وحدة ذكية و فاهمة .....و ماشاء الله عندك طيبة سبحان الله ......

حاولي تنقصي من الهدرة .......خليهم يحسو بالفرق و التغيير ..... و تكلمي غي قليل .... وقولي انهم صحاح حتى و لو انو رايك العكس ...

معليش مدة برك

و لما ترجع الامور و تتحسن رايحا وحدك تمشي في امورك و تشوفي طريقة للتعامل تخليك تبعدي عن المشاكل

خليكي مهما كان واثقة بنفسك و واثقة انك انسانة ناجحة و ذكية ورح تلقاي الحلول لمشاكلك بدون حتى الاستعانة بالآخرين ...بالاعتماد على ذاتك فقط ...و ربي يكتبلك الخير و يديمك انسانة طائعة لله

وماتنسيش استعيني برب العباد على مشاكل مع العباد .....

[البحث هن العلم]

و الله يغر رانا كيفكيف انا هدا وسن نشفو دموعي و بحكم قرايتي و تفوقي ديما يقولولي اكي شايفة روحك علينا و دعاوي الشر غير هما ابي ديما يدعي عليا و اني كايفة زاف كي نسكت يقول ماقيمتينيش و كي نحك قلة تربية مانيش عارفة كيفاش ندير اما نبكي ولا ندعي ربي يصح حالي ممكن اني غالطة يا عجابة لو كان غير نعرف السبة علاش المهم الحمد لله الي والدي راهم قدامي عايشين وبصحتهم و اكيد والدينا فيهم فيهم محاسن و نحن خير من كثير من الناس راكي تقولي باباك مصلي تخيليه لو كان كان يدربك و لا مدمن ولا حاجة اخرى الهدرة تروح وجي نورمال ما تستالش زعاف

[salma zayna]

ممكن المسجد شي رائع ولكن هناك كثير من الناس لا يقبلون النصيحة حتى ولوا قولتي بلي ربي قالها عندهم شي عادي الافضل انك لاتتحدثي كثيرا

[نجاة85]

[السلام
يا اختي راجعي فسك وطريقة تصرفك مع العائلة وما دخليش روحك ختى يستشيروك

[مُحمد رازي]

أختي هذه سنة الله
كل من يسلك طريق الله و طريق الهداية يجب أن يبتلى
قال الله تعالى أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ

و عليه فهذا أمر طبيعي أن ينقلب أقرب الناس إليك ضدك فهذا ابتلاء من الله ليرى صبرك و صدق إيمانك
فمهما قال لك أبوك أو عائلتك واتهموك لا تتركي هذا الأمر يؤثر على إيمانك
و ابقي دائمة بارّة لوالديك
و لا تتركي الشيطان يدخل بينكما ليفرق بينكما و يري كل واحدا منكما أنه محق و الآخر مخطئ

و إياك ثم إياك أن تعملي شيئا أو تتركيه كمثل قراءة القرآن مراعاة لكلام أبيك أو شخص آخر
قال أحد السلف الصالح : ترك العمل لأجل الناس رياء والعمل لأجل الناس شرك

فداومي و اخلصي دوما أعمالك لله من قرءة قرآن و الذهاب للمسجد و الصلاة
و لا تبالي بكلام الناس و اتهامك بالنفاق
فالله وحده يعلم ما في القلوب

و أسأل الله أن يثبتك على الإيمان

[loulouat eddodja]

السلام عليكم
اختي العزيزة ابوك و عائلتك لا يكرهونك بالعكس
انتي متسمعيش كلام الناس و اتمي حفظ القرءان و رايح يكون سند لك للابد
و اللي راهو يصرا معاك مجرد عين حاسد تعوذي من ابليس و اقراي المعوذات ودايما ابقاي محافظة على وضوءك
نعرف وحدة صرالها كيما راكي تقولي لكن تفرج ان شاء الله
حاولي كظم غيظك اثناء الغضب و حاولي فالدار ماتتكلميش الا بما يعنيك اذا كان الكلام من فضة فالسكوت من ذهب
ورايحة تشوفي كيفاش رايحين يرجعو يحبوك و يشاوروك ف كلش و انت الله يبارك راكي قارية و فاهمة ربي يحفظك
كوني دائمة الاستغفار

[احقاف]

التزمي الصمت دائما....... الندم على الصمت خير من الندم على الكلام..............:19::19::19::19:

[عزيز نـ’وري]

وعليكم السلام ورحمة الله ...

بارك الله فيك وسدد خطاك ...

اعتقد انه لا يجب عليك القلق حيال هذا ...

يجب ان تكون لك شخصية قوية ...

وان لا تتكلمي في شيئ الا اذا كنتي جيدة باسلوب الاقناع بالادلة ...

فحتى لو كنت صحيحة في امر ما .... وكنتي لا تجيدين الكلام ....

فهذا يجعل منك مخطئة في نظرهم ... ومتناقضة ...

انا عانيت من هذا ايضا ... ولكن بعدما حسنت اسلوب محادثتي .... اصبح الامر افضل ...

ارجو ان يوفقنا الله لما يحبه ويرضاه ...