الدروس الخصوصية في ولاية الشلف ؟؟؟؟؟؟

[تواضع انثى]

السلام عليكم ورحمة الله وبركاته انا مقبلة على شهادة البكلوريا 2015 ابحث عن الدروس الخصوصية قبل الدخول المدرسي
منفضلكم سكان ولاية الشلف ساعدوني و قولولي وين بداو يديرو دروس خصوصية و شكرا

[Lovely_girl]

اولا أختي ما هي شعبتك ؟
اذا كانت من الشعب العلمية فأنصحك بـ :
الاستاذ معتوق في الفيزياء بدووون منااازع بثانوية علي شاشو ( الاولمبي ) ( افضل استاذ حقا ماعندي مانقول ماتندميش )
الرياضيات شخصيا لم أخذ دروس خصوصية في الرياصيات و قد ندمت كثيرا على ذلك لاني ضيعت بزاف وقت معاها مع انها اسهل مادة ، بصح يشكرو في الاستاذ نابت ايضا بثانوية علي شاشو
العلوم انا كنت ندير عند استاذة بالشطية ثانوية الخواريزمي لكنها حبست السنة بصح كاين الاستاذ طاباش بثانوية السلام الشطية و ايضا يشكرو الاستاذ بورعدة
و زيدي سقسي مليح و ربي يوفقك مي اللي نأكدلك عليه هو الاستاذ معتوق ماراحش تصيبي كيفو
و ربي يوفقك

[تواضع انثى]

يعطيك الصحة اختي انا شعبة علوم تجريبية

[*~بُثَيْنَة~*]

اختي انا ايضا من نفس الولاية لكن انتوما وين بالظبط
الفزياء كيما قالتلك الاخت معتوق و كاين بوكفوسة
العلوم بورعدة فلاح ....
الرياضيات كاين بزاف و من بينهم ساعد
قوليلي وين تدرسي بالظبط لكي اعرف على من ادلك

[تواضع انثى]

سلام اختي انا في ثانوية العقيد بوقرة فالشرفة
كنت ندير عند ساعد رياضيات لكن لم اتحسن

[*~بُثَيْنَة~*]

انا ندرس في السلام اي في سونطر (البلاد)
صافي نتي كابن تاع الاولمبي تنجمي ديري عندهم لخاطر قراب ليك نعرف معتوق فزياء و بركان علوم هادو لي نعرفهم تما

[تواضع انثى]

اوكي اختي يعطيك الصحة ان شاء الله ندير عندهم
ربي ينجحك فالباك وينجحني يا رب

[إبرآهيمـ]

السلام عليكم ، انآ من الشلف درت دروس خصوصية في وادسلي وبوقدير ، في المواد الاساسية ، اساتذة في القمة

[تواضع انثى]

السلام عليكم اخي
ممكن تقولي برك اسم الاستاذة من فضلك