علاش تقلاش يا البنات على الزواج

[mouhaned]

ما يلاحظ على البنت الجزائرية عموما انها تقوم برفض الزوج و التقلاش سواء من جهتها او من جهة ابيها او من جهة الاخوة يا خي حالة ران نشوفو في الحالة كيفاه تلقى البنت بايرة واحد ما هو مقيمها ونهار الي يجي هذاك الراجل الي ول ما يسوى والو في هذا الوقت يبد التكسال . نقلكم حاجة والله يا ربي ما يخليكم . لو كان تخطب اجنبية تجيك في لبستها .وزيد هذا التقلاش ما يكملش خلاص حتى من بعد الزواج حتى الناس الي تزوجو يقولوك غير اخطيك والله كارثة الي يتزوج يحصل و الي قاعد يحصل .!!!!!!!!!!!!!!!!!!!!!!!!!!!!!!!!!!!!!!!!!!!! :confused:

[سجل أنا جزائري]

صحيح أغلبيت الشباب لاحظ هذي شيء

تلقى الطفلة تشكي من العنوسة و و و و مبعد كي يجيها خطيب تبدى طلع و تهبط و تخاف و تقولك خليني نخمم و ما كنتش نخمم في زواج و وو و و .....

و مبعد كي يفوتهم العمر يبدو يبكيو و يندمو على واش ضيعو

على كل حال مزال كاين بنات متواضعين يطلبو غير الهنا برك

[LOUNIS HOUAS]

السلام عليكم ههههههههههه خويا حنا الرجالة يخي منبوروش اي ربي يسهل اللي تكسل تكسل على روحها مشي علينا

[nasser26]

واش نقولكم المشكل تان في لي راح يخطب من الاول

قالت مرانيش نخمم في الزواج : كوبيها تم قلها مع السلامة ربي يجيب المكتوب

قاتلك نخمم : من حقها

شفتها تعزز في روحها بنسبة كبيرة : انسحب وشوف طريق أخرى

كل واحد يتعامل مع الموقف لي صرالو اذا شاف راح يحط من قيمتو ينسحب عادي جدااااا

كما الرجال كامل ماشي كيف كيف تان البنات ماشي كيف كيف الانسان ميتسرعش

[راية الاسلام1]

ا

كما الرجال كامل ماشي كيف كيف تان البنات ماشي كيف كيف الانسان ميتسرعش

السلاام عليكم
لا ازيد عما قااله الاخ

[zizodix]

ربي يوفقك المومنات للزواج وننصحهم ما يشوفوش الزواج المادي و مايكثروش الطلبات للزوج باش مايكرهش الزوج

[الباتنية 19]

ماهوش لازم الراجل برك لي ينظر من الحكاية على ان السبب هي الفتاة




دير في بالك الفتاة راهي تتجرح بزاااااااااااف كي تكون هي قابلة والرفض يكون من عند والديها .هاذي خمم فيها شوي بالاك تنحي عليك الهم


(سقسي مجرب)

['القعقاع 23']

ما يلاحظ على البنت الجزائرية عموما انها تقوم برفض الزوج و التقلاش سواء من جهتها او من جهة ابيها او من جهة الاخوة يا خي حالة ران نشوفو في الحالة كيفاه تلقى البنت بايرة واحد ما هو مقيمها ونهار الي يجي هذاك الراجل الي ول ما يسوى والو في هذا الوقت يبد التكسال . نقلكم حاجة والله يا ربي ما يخليكم . لو كان تخطب اجنبية تجيك في لبستها .وزيد هذا التقلاش ما يكملش خلاص حتى من بعد الزواج حتى الناس الي تزوجو يقولوك غير اخطيك والله كارثة الي يتزوج يحصل و الي قاعد يحصل .!!!!!!!!!!!!!!!!!!!!!!!!!!!!!!!!!!!!!!!!!!!! :confused:


الرجال اليوم لا يدرسون ثم يبحثون عن الجامعية !! البنت تدرس فى الجامعة من طبيعة الحال ترفض الجاهل الفاشل لى مقراش
الطالب الجامعى مسكين فى معانات !! متى يتزوج متى يكون نفسه !!?

[سهومةج]

ما لاحظتش إطلاقا هذا المشكل
راني عايشة في محيط وين بنات الت 17 سنة ولادهم في يديهم
18 و 20 سنة يتزوجو البنات
وتلقى لي تقعد حتى تخلص قرايتها
مي الظاهرة لي هدرت عليه مش متواجدة عندنا

[*بن عيسى*]

صحيح أغلبيت الشباب لاحظ هذي شيء

تلقى الطفلة تشكي من العنوسة و و و و مبعد كي يجيها خطيب تبدى طلع و تهبط و تخاف و تقولك خليني نخمم و ما كنتش نخمم في زواج و وو و و .....

و مبعد كي يفوتهم العمر يبدو يبكيو و يندمو على واش ضيعو

على كل حال مزال كاين بنات متواضعين يطلبو غير الهنا برك منهم خطيبتي

لاتقاس الطيبة ببشاشة الوجه..
فهناك قلوب تصطنع البياض..
فهناك من يجيد تصنع الطيبة..
ويخبئ بين زواياه خبثاً وريبة..



لا يقاس الجمال بالمظهر
ومن الخطأ الاعتماد عليه فقط..
فقد يكون خلف جمال المظهر قبح جوهر
ولا تقاس حلاوة الإنسان بحلاوة اللسان..
فكم من كلمات لطاف حسان..
يكمن بين حروفها سم ثعبان..
فنحن في زمن اختلط الحابل بالنابل..
في زمن صرنا نخاف الصدق
ونصعد على أكتاف الكذب




لا يقاس الحنان بالأحضان..
هناك من يضمك بين أحضانه..
ويطعنك من الخلف بخنجر الخيانه..
والفرق شاسع ومدفون..
بين المعلن والمكنون
ولا تقاس السعادة بكثرة الضحك..
هناك من يلبس قناع الابتسامة..
وتحت القناع حزن دفين وغصات ألم وأنين..


ولا تقاس الحياة بنبض القلوب ..
فهناك من قلبه تعفن داخل أضلعه..
وهناك من مات ضميره وودعه..
وعلى الضفة الأخرى آخر كتمت أنفاسه..
وثالث قتل إحساسه مقبرته
في عينيه شاهد حزن عليه

[أحمد شخوم]

ما يلاحظ على البنت الجزائرية عموما انها تقوم برفض الزوج و التقلاش سواء من جهتها او من جهة ابيها او من جهة الاخوة يا خي حالة ران نشوفو في الحالة كيفاه تلقى البنت بايرة واحد ما هو مقيمها ونهار الي يجي هذاك الراجل الي ول ما يسوى والو في هذا الوقت يبد التكسال . نقلكم حاجة والله يا ربي ما يخليكم . لو كان تخطب اجنبية تجيك في لبستها .وزيد هذا التقلاش ما يكملش خلاص حتى من بعد الزواج حتى الناس الي تزوجو يقولوك غير اخطيك والله كارثة الي يتزوج يحصل و الي قاعد يحصل .!!!!!!!!!!!!!!!!!!!!!!!!!!!!!!!!!!!!!!!!!!!! :confused:





يا أخي وش نقولك ، السجاي ربي سبحانو أنا رحت نخطب في وحدة من والديها
ما وافقوليش خاوتها لعدة أسباب ما عجبهمش إشحال راني نخلص
أي أن لديهم نظرة مادية ، مع أنني بكل صراحة
عندي عمل آخر ما حبيتش نقوللهم عليه حتى نشوف ردة فعلهم



وحقيقة وقعت لي صدمة ، بالصح معليش كل محنة تزيد
في الراس عقل

وحبيت نبشر كل واحد وقع ليه مشكل من هذا النوع
بأنو جاي وقت يعود أولياء البنات يحلوا في الشباب
باش يزوجو بناتهم بدون مقابل وأنت تعود
تخير وش يعجبك يا خو
بإذن الله وراها
بيناتنا
إن شاء الله
عيش تشوف

[Kawthar77]

الطيبون لطيبات والخبيتون للخبيتات والحمد والشكر لله مازال كاين بنات فاميليا وزواج الدوام تدبيروا عام

[ادرة مكنونة]

احسن النية يا ا خي وانتي يا اختي احسي النية بالرجل فالزواج ليس صفقة بل هو ميثاق غليظ نريد مجتمع سليم كي نزدهر المهم الود والمحبة التي تغمر قلوب الزوجين وعمر الذهب والنقود ما عملت السعادة السعادة نحن نسنعها بايديا برجوعا لكتاب الله وتطبيق ما يقول

[إيمان احمد]

موضوع تاااااااااااااااااااااااااااااااااااااااافه و عباارات منحطة

[الزمان 03]

عن تجربة تقلشت علي واحدة وتشرطت وتتكسل ومن بعد زوجت بواحد فرحت لها به

[mouhaned]

موضوع تاااااااااااااااااااااااااااااااااااااااافه و عباارات منحطة



الواضح ان تعليقك ينم عن شخصية تافهة و منحطة انحطاط القانون و المهنة التي تزاولينها ام ان القضايا التي تزاولينها اعلى شان من الموضوع .

[mouhaned]

ما لاحظتش إطلاقا هذا المشكل
راني عايشة في محيط وين بنات الت 17 سنة ولادهم في يديهم
18 و 20 سنة يتزوجو البنات
وتلقى لي تقعد حتى تخلص قرايتها
مي الظاهرة لي هدرت عليه مش متواجدة عندنا

والله يا اخت زرت الشرق لاول مرة فوجدت الشعب متدين و متواضع جدا و محتشم اي لا يوجد تسكع للبنات والله اندهشت العكس في الغرب تماما .والله يبارك . بالمناسبة زرت منطقة سكيكدة الحروش و قسنطينة و العلمة و باتنة .والحقيقة اعجبت لانهم ولاد حرمة و رجالة .والواقع اختي عندنا ان الرجل له كل الامكانيات للزواج و تلقيهم يتقلشو عليه

[nilly]

كي قريت الموضوع هدا تحيرت
راكم بصح ولا تتمسخروا راني نتعجب كي نشوف شباب كيما نتوما تهدروا وتقولوا البنات هما ليتلقشوا عليا

مانغطيوش الشمس بالغربال انتوما لتتقلشوا على البنات ماشي البنات ليتقلشو عليكم شوفوا من زاوية الحق ماشي كل واحد يشوف من زاويته

الواحد يظل يتبع في البابيشات مول 17 و18 سنة ومبعد كي يرفضوه يقول راهم يتقلشوا علي حاجة باينة يتقلشو عليك بابيشة راح تحوس على بابيش كيما هو على ليدير جاجة في راسة وسروال يهبطو لركبة ماشي عليكم انتوما

كاش واحد فيكم راح عند واحدة عاقلة ومحتشمة ومتربية وبنت فاميلية وكبيرة فالعمر اكيد لاء املا شكون لراه يتقلش انتوما ولا هوما.

كاين في الولايات وين كي توصل طفلة 22 يقولك خلاص منخطبهاش فتها القطار وكاين وين 23 يقلولك فتها القطار وكاين في ولايات اخرى 25 خلاص كل ولاية كيفاه املا انتوما لراكم تخيروا في البنات وتتقلشو على الكبيرات.
لازم صغيرة تحت 18 ولا تحت 25 ولازم شابة ولازم بابيشة ولازم ولازم وهداك صنف ميخزروش ليك

كيما انتوما تتقلشو على الكبيرات صغيرات ثاني عندهم الحق يتقلشو عليكم.

نحكيلك موقف شفته في الجزائر العاصمة عمري مراح ننساه لاني انصدمت من بعض العقول
كنت نمش فطريق حبست في كشك الجرائر كنت نخير في جريدة وشفت 3 شباب جالسين في تريتوار جازت طفلة بابيشة سروال سليم بوتيو وبودي سري سروال سري كلشي سري وشعرها مسبوغ بلون بني ومع ليماش شتى وكانت تمشي وتميل كي شافوها ناضو يهدروا معها ويشكروا فيها بصح هي مقيمتهمش خلاص ورجعو لبلاصتهم ومبعد قال واحد للاخر بومبا شحال شابة يربي نتزوج واحدة كيما هادي ومبعد قالوا لاخر لالا انا لنتزوج هادي وانت راح تتزوج لتجوز دركا قالوا بصح ماتخزرش للور لتجوز هديك هي وبالفعل جازت واحدة لبست سروال جين واسع بزاف وليكات لركبة واسعة واسعة بزاف بزاف بزاف وشعرها مسكينة مزيت ومدرتش شيشوار ومسكتو بالبنيات ومبعد كي جازت ولاو يضحكوا على صاحبهم قالولي شفت زهرك كي داير ومبعد ولا هداك يشتمها ويسبها وحكم حجار ولا يضربها بحجار وهي مسكينة صارت تجري كي حكمولها حجار ويضربوها بها وناس كاكمل تخلعوا

يا عجابة البنات المحترمات المحتشمات شريفات ولاو يتضاربو بالحجار ولبابيشات ولاو يتكارمو
يكرم البابيشة وتهان الشريفة.

ولمفهتمتوش انا هديك طفلة لولانية كي جازت شفوها من لور ما شوفهاش من القدام كيفاه عرفوا بلي شابة؟
حتى لطاي نتاعها مراهيش مليحة سمينة شوي وصغيرة فالقامة ثما انا اكتشفت رجال مايعرفوا لا الجمال لا القامةة المهم عندهم طفلة تكون لابسة مليح وبرزت انوثتها هدا واش يهمهم املا كي عاد راكم تحوسوا على لبسة تزوجوا واحدة شريفة شرويلها لابسة رااح تلبسها ليكم .
كيما واحد من منطقتنا كان يموت على واحدة لو كان متزوجهاش غادي يقتل روحو بابيشة نتاع صح ولاهية بروحها كل مرة واش من سبغة
انا كنت نشوفها ماشي شابة لا جمال لا قامة لانه القامة المليحة لتكون رقيقة وطويلة ماشي العكس تزوجها ودركا هي ولدت ولات واحدة اخرى تخلات على روحها ولات كيما نسا كامل حتى درك وين بدا شفها بشعة راه يندب على روحو علاه تزوجها قال سحرتني بسليم والفيزو وليكوب في شعرها

واحد كي يحب يتزوج واحدة شابة نورمال بصح لازم تكون شاب نتاع صح جمال طبيعي تكون شابة حتى لو كان لبست خيمة تكون شابة حتى لو كان درت 10 خمارات ماشي واحد . ماشي لتلبس فيزو عندكم شابة .

خلاصة الكلام انتوما لراكم تقلشو روحكم حتى لو كان تلقاو طفلة شابة وصغيرة راح تقلشو عليها لانكم انتوما تموت في صاحب الفيزهات صاحبات الجمال المزيف.

[حنان العنابية]

nn machi taklach fi hadi danya kayan lamlih w kayan khayab hata rajal w lamra faha lamlih wkhayab w zwaj zhar w maktob w ili yatkalach jaya fih 3la khatar zwaj moch draham + voiture+ sokna nnn zwaj hna w istikrar w tarbya w ihtiram

[الامبراطورة الغريبة فى دنيا عجيبة]

ما يلاحظ على البنت الجزائرية عموما انها تقوم برفض الزوج و التقلاش سواء من جهتها او من جهة ابيها او من جهة الاخوة يا خي حالة ران نشوفو في الحالة كيفاه تلقى البنت بايرة واحد ما هو مقيمها ونهار الي يجي هذاك الراجل الي ول ما يسوى والو في هذا الوقت يبد التكسال . نقلكم حاجة والله يا ربي ما يخليكم . لو كان تخطب اجنبية تجيك في لبستها .وزيد هذا التقلاش ما يكملش خلاص حتى من بعد الزواج حتى الناس الي تزوجو يقولوك غير اخطيك والله كارثة الي يتزوج يحصل و الي قاعد يحصل .!!!!!!!!!!!!!!!!!!!!!!!!!!!!!!!!!!!!!!!!!!!! :confused:



علاه واش صرا واش خصك ؟

[فندولة]

السلام عليكم
تقريبا كل الردود ليست موضوعية واهم حاجة في الزواج التكافؤ في جميع الاشياء

[LOUNIS HOUAS]

[QUOTE=Trovalds;3991426407]الرجال اليوم لا يدرسون ثم يبحثون عن الجامعية !! البنت تدرس فى الجامعة من طبيعة الحال ترفض الجاهل الفاشل لى مقراش
الطالب الجامعى مسكين فى معانات !! متى يتزوج متى يكون نفسه !!?

[/QU
البنات اليوم يحوسو على العط اللي عندو الصوارد و القاري اني قدامك 2 ديبلوم (ليسانس) و عندي الدار و خدام و حتى في الشكل راني مليح ماي اليوم اللي تخطبها تقلك العط وزيد البنات اليوم ماهمش كفئ يعني انا واحد من الناس اللي نروح نخطبها يقولولي ماهيش تاعك قارية ولا حابسة اكي مالا باه تدي واحد قاري و متربي و مصلي و خدام و............. لازمك تتنازلي شوية و تدعي ربي صباح و عشية هو تاني تلقايه يتقلش و يشرط كيما انا

[حنان العنابية]

zwaj= mofahama= ihtiram=zawja tkhaf rabi fi zawjha w zawj ykhaf rabi fi zawjto ama draham en + ....................... hado zaydin 3omrak ya lahna talgah b draham w voitur w sokna

[وليد1990]

يتقلشو بزاف

[وليد1990]

كي قريت الموضوع هدا تحيرت
راكم بصح ولا تتمسخروا.

راني قريت ردك كاملا ......بصح مزلت مقتنع بلي البنات قلاشات وشراطات واحلامهم فوق الواقع

[imyta]

كل شي مكتوب ربي حنا نخطو و نقبلو و نرفضو و ربي كاتب لينا ازواجنا قبل ما نتولدو