هل هذا رجل ؟؟؟

[amine 30]

.................................................. ..........................

[مايسترو عمران]

دير روحك طفلة حابة الزواج و ادخل هذا المنتدى و حوس عليه و قولوا ارواااح نعاونك بالدراهم ;)

[الباتنية 19]

ربي يهدي الخلق اذا حبيت تعاون الطفلة شوفلها ولد الحلال يسترها (مجرد رايي لانو المراة اذا تجرحت وتغدرت ما يداويها غير لي يعرف قيمتها)
وهاذ الراجل كاين ربي متخافش يمهل ولا يهمل تجي دالتو بصح يخلصها غالية
ربي يبعد البلاء علينا واصلا هاذا الانسان كي ينسى انو كلش مكتوب ربي معليش ربي معاها ومع كل واحد مهموم في الدنيا يا رب

[aymen01]

نورمال

هي وش داها للحرام و تهدر معاه في المنتدى

[dalal 28]

ما بني على باطل فهو بااااطل
ثم هي اقامت علاقة في عالم افتراضي
اكيد تتوقع كلش
اما هو فكما تدين تدان الحمد لله كاين حساب ةالعقاب
وما خلقنا عبثااا هذة دنيا فانية
اما انت فلا يمكتك فعل شئ سوى الدعاء لها فهي
بحاجو لذلك تحياتي

[الباتنية 19]

انا علاه ماجاوبتش عليااااااااااااااااااااااا؟؟؟؟؟؟؟؟؟؟؟
ولا الحل نتاعي صعيب(ههه)

[aymen01]

كلامك زاد قلقني حنا رجال ونفهموا بللي لمراة مسكينة تصدق بالخف وزيد رانا هنا نتناقش بكل احترام ممكن تعجبك من هنا فتاة وتحاول تتصل بيها لوكان تسبك تقول علاش هكذا كلمتها باحترام وجامي يجي في بالك بللي هذا حرام . هذا وقت .....
ربي يهدي



تصدق بالخف و لا ماتصدقش راهي غالطة و تتحاسب عليها عندي ربي

امالا تتحمل عواقب افعالها

انت تلوم في الراجل و مافكرتش تلومها على الاقل

تساهل البنات هو لي وصلهم لهذي المواصيل

امبليس انا منخطبش من المنتدى و نعيط في البورتابل نروح للدار طول و عرض كخخخ

[السي محمد]

اعطيلها 10 ملاين اللي خسرتها

[rafik__87]

طبعا انا اول شيء لمتها هي وقلت هاذي غبية ولكن خطيبتي وضحت لي الامر جيدا ومهما كان الامر انا لا اتخيل نفسي ندي دراهم ولية عيب عليا
يمكن انت عندك الامر عادي ولوكان تصيب فرصة تفعل مثله كذلك
لكن انا رجولتي تمنعني

وش هذا SAMRA 33 هو نفسوا amine 30 والا راني غالط ؟

[بنت لبحر]

اخي ليس كل دكر رجل

[دعاء المحبوبة]

هذا مخادع خمس نجوم
محتال محترف، عرف كيف يستغل التطور التكنولوجي، ومع هذا ما عندوش الحق كان لازم يطلب أكثر من 10 ملايين
وللأسف هي مغفلـــــــة كبيرة وعلاه تمد 10 ملايين برك ممكن ما كفاتوش الدراهم باه يعاود الطلاء تاع السيارة.
يعني كان لازم تفهم روحها قال 10 ملايين من الحشمة برك بصح هو يحتاج أكثر .
****ربي يهدينا ويثبتنا***

[amine 30]

انا علاه ماجاوبتش عليااااااااااااااااااااااا؟؟؟؟؟؟؟؟؟؟؟
ولا الحل نتاعي صعيب(ههه)


شكرا اختي الكريمة لو استطعت لما لا

[amine 30]

اعطيلها 10 ملاين اللي خسرتها


اقسم بالله لو كنت املك لما ترددت فلا تنسى اجر من يدخل سرور على قلب مؤمن
الله غالب زوالي

[راية الاسلام1]

السلاام عليكم
انا رايي من راي الباتنية
شوفلها رااجل يسترها احسن
ونحي عليك فكرة الانتقاام لانو رايح يزيد عليك
اكيد الايام راهي دووور وربي رايح ينتقم منو

[AWATIF99]

لا حول ولا قوة الا بالله
دنيا تحير

[rafik__87]

ههههههههههههههههههههه ؟؟؟؟؟؟؟؟؟؟؟؟؟؟؟
اشرب قهوة براس
يخي حالة يخي تدخل بعضويتين وحدة تاع مراة وواحدة تاع رجل ربي يهديك يا مخلوقة والرد الي اقتبستوا راكي رديتي عليه على aymen01 ولكن بعضويتك الاخرى وكشفك ربي

[amine 30]

[QUOTE=rafik__87;3991425785]يخي حالة يخي تدخل بعضويتين وحدة تاع مراة وواحدة تاع رجل ربي يهديك يا مخلوقة والرد الي اقتبستوا راكي رديتي عليه على aymen01 ولكن بعضويتك الاخرى وكشفك ربي[/QUOT


ههههههههههههه ربي يهديك يا مخلوقة هههههههههههههه

ربي يكشف لحال على اللي خداع

نزيد نقلك اشرب لقهوة

[nilly]

اخي الكريم لا تتعجب على الناس كي يقولولك هادي طفلة جايحة وشح فيها وتساهل ...


لو كان تروح وتسقسي نفس سؤال هدا في سنة 1950 واش راح يقوللك راح يجوبوك هكدا

خداع ميامنش بربي يتلاعب بناس ميخافش رب واحد الخبيث راح كامل يكونوا بصف البنت

بصح نفس سؤال في سنة 2014 راح يقولك شح فيها غبية جايحة علاه تمدلو دراهم مضربهاش ليدها ويقولها مدلي بسيف ولا راح نقتلك
هي لمدتلهم بارداتها املا تستاهل وهو شاطر على وحو ........................

الاجابتين مختلفتان تماما علاه ؟ ماشي تغير زمان زمان هو هو الاسلام هو هو . الطبيعة هي هي بصح طبيعة الانسانية هي لتبدلت

علاه زمان جابوا هكداك لانه في هداك زمان سقسيت ناس نية وكانت نسبتهم حوالي 90 في المية في هداك زمان بصح لو كان سقسيت هدوك 10 في المئة راح يجوبك نفس اجابة 2014. بصح هوما قلال بزاف وعلى هدا صعيب تلقاهم.

اما في 2014 سقسيت ناس ستايت ولنسبة نتاعهم مرتفعة بزاف بزاف وعلى هدا جاوبوك بهديك طريقة بصح لو كان سقسين ناس نية نتاع 2014 راح يجوبوك نفس اجابة 1950 بصح يدرا وين تلقاهم للاسف هما في انقراض.

خويا واش نقولك في زمان ستوت يقولوا عليه شاطر ونية يقولوا عليه جايح وغبي وادا ستايت لقاو واحد نية يديروه طاجين ويتعاشو عليه .ومايرحموهش .
بلاك تدير في بالك بلي واحد ستوت يقولك هاد شاب ستوت وخبيث لانه هو كيما هدا ومراحش يشتم في روحو لان اد شتم في هدا معنته شتم في روحو.

يااخي الكريم ناس دركا ماتخفش ربي ربي مايحشموش كيفاه حبيبت انهم يرحموك ولايرحمو فيما بعضاهم ادا ربي سبحانه مدرلوش قيمة يديرلها لناس؟؟؟ عاود حسباتك خويا.
تلقاه يصلي من اجل مصلحته ماشي على جال يتقرب لربي لا علجال ميتحسبش يوم القيامة ويصوم علجال ميتحسبش طامعا في الجنة حتى حتى الامور دينية يديرها من اجل مصلحته.
كيما هدا للدا 10 ملاين اكيد هو يصلي ويصوم بصح عند روحو ربي سبحانه يسالو برك في صلاة وصوم هدا مكان والعباد اد يديرلهم خنجر في بطونهم معليش هو هكدا يظن وهو عند روحو ماشي ظالم تلقايه قول انا شاطر كلخت لهديك وتلقاي اصدقاءه وعائلته يفتخروا به كي عاد شاطر. وطفلة هادي حتى واحد ماميمدلها الحق ويشوفها جايحة والكل راح يطمع فيها باه يكلوخلها. هادي هي حياتنا اخي الكريم
شوف برك حتى لولاد صغار كي واحد يكلخ لاخر يقولوا عليه شاطر والاخر يقولواه جايح لانه ساب روحو يكلخلوا بصح

رب سبحانه كي خلق طيب خلقه معندوش الغدر والخيانة والكدب والخداع في قلبه باه يشوفو هدا الحوايج فالاخرين هو يشوف الاخرين وناس كيما هو تلقاه ادا كدبت يصدق علاه ماشي اخطر غبي لا ولوكان تديره اختبار دكاء راح يطلع ادكى من هداك الخبيث بصح تلقاه صدق لانه هو مايكدبش لانه هو صادق ولهدا تلقايه يصدق في كل ناس والخبيث تلقايه ميصدقش لانه والف يكدب على الغاشي
ودنيا متصعبش غير على الطيب والبريئ لانه في زمنا مايقدروش يعيشو الكل راح يستغلهم حتى واحد مايرحمهم

اخي الكريم في وقتنا هدا ستوت والخبيث يقال عنه شاطر ونية يقال عنه غبي
واكيد هدي طفلة اخدت درس ومراحش تعود تثق في ناس لانه كثروا ناس الاشرار في وقتنا ومنقدروش نميزو الخبيث من طيب ويدرا اد تلقى طيب في حياتك وبلاك تموت وماتصدفهمش لانهم في انقراض اخي الكريم

وكاين واحد الحديث يقول فيه رسول عليه صلاة وسلام الانسان الخبيث يشوف كل ناس كيما هو وطيب يشوف كل ناس كيما هو

وأخرج ابن أبي شيبة عن عبد الله بن عمر بن العاص قال : إن من أشراط الساعة أن يظهر القول ويخزن العمل ويرتفع الأشرار ويوضع الأخيار ويقرأ المثاني عليهم فلا يعيها أحد منهم ، قلت : ما المثاني قال : كل كتاب سوى كتاب الله.
انا نقولها لطفلة هادي متبدلش من طبيعة وانا علبالي ومتاكلدة بلي الانسان لا يتغير طيب يبقى طيب طول حياته والخبيث يبقى خبيث
بصح لازم عليها متثقش في ناس ومتوضعش ثقتها حتى لو كان خطيبها حتى تعيش بسلام يجب ان تعيش في حدر دائم
وعند الله تعالى اجرها قال الله تعالى قل لا يستوي الخبيث والطيب ولو أعجبك كثرة الخبيث فاتقوا الله يا أولي الألباب لعلكم تفلحون .
يعني عند الله تعالى لم يساوي الخبيث بالطيب حتى لو كان هداك الخبيث يصلي ليل ونهار وميسويش بينهم وهدا هو الاهم

اليوم حديث شريف آخر من الصحاح، هذا الحديث يعد أصلاً من أصول الدين، عَنْ أَبِي هُرَيْرَةَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:

((أَيُّهَا النَّاسُ ؛ إِنَّ اللَّهَ طَيِّبٌ لَا يَقْبَلُ إِلَّا طَيِّبًا، وَإِنَّ اللَّهَ أَمَرَ الْمُؤْمِنِينَ بِمَا أَمَرَ بِهِ الْمُرْسَلِينَ، فَقَالَ: ]يَا أَيُّهَا الرُّسُلُ كُلُوا مِنْ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ[، وَقَالَ
وطيبة من الانبياء ومن ورثها فاز فوزا عظيما في الاخرة.