من لديها فكرة ؟

[besbes]

في الدار عندي طاجين خفيف قررت نحوس على طاجين ثقيل لقيت واحد وشريته ب200الف المادة والله لا اعرفها مثل الحديد لكن ماشي lisse غسلتو وطيبت فيه المطلوع عادي منبعد غسلتو لاحضت بعدهاتكونت عليه طبقة خفيفة بنية كما الصدا فشلت وانا ناوية زعما ندير فيه لي بروشات ونشوي على حساب مافهمت من الاخوات انه مليح للمشوي افيدوني جزاكم الله خيرا

[touta2010]

عندي واحد نطيب فيه المطلوع كل ما نغسله تتكون ديك الطبقة تاع الصدى لكن ميهمش نمسحه ويصبح نضيف وانا دايما نطيب فيه الخبز عادي
ننصحك متغسليهش كل مرة مسحيهوخلاص وادا غسلتيه وضعيه في الشمس

[besbes]

بارك الله فيك اختي على الرد وفي ميزان حسناتك نقدر نشوي فيه ومانخافش منداك الصدا

[touta2010]

بلا جميل حنونة
انا عمري لاشويت فيه نخاف يلسقلي الخبز من بعد بصح ادا حبيتي تشوي مسحيه قبل مليح وجربي
ان شاء الله نكون افدتك

[ام ايمان 11]

اذا امكن حطي صورته توضح الفكرة اكثر

[جيجلية]

انا شريتو ب120الف نطيب فيه المطلوع هايل

كنغسلو نحطو ينشف فوق النار وندهنو بالزيت هكذا يبقى جديد