يا أهل باتنة ، لوجه الله ساعدوني

[fee des neiges]

صباحكم سعيد و السلام عليكم ، ابني ذو 3 سنوات يشكو من حلقه الملتهب تقريبا على طول العام وأخبروني على طبيبة شاطرة بولاية باتنة اسمها الدكتورة أوشن لكني لا اعرف اسمها الكامل أو عنوانها .
من يعرف يساعدني ، عاونوني اخواتي الله يجازيكم والله المسكين تعب من كثرة الأدوية الغير فعالة وصحته في النازل لأن آلام الحلق عاد يخاف ياكل :sdf:

[fee des neiges]

و لا رد ؟؟!!!!!
أرجوكم الأمر جدي وليس هزل
حتى عنوان أي طبيب كفؤ ، ارجوكم !!!!!

[انتصار فاطنة]

ربي يشافيه ويعافيه يارب راني نقلت طلبك لقسم فيه بزاف ناس باتنة
انا نعرف اسمها اوشن يمينة وهي موجودة في عمار,ة يقولولها ايكوتاك ويقدر اي سائق نقل حضري يوصلك عندها
لكن انتظري حتى يدخلو بنات باتنة ويجاوبوك ممكن تكون في عطلة

[ladymillion]

أختي أنا نعرفها في عمارات لي كوتاك مقابلة للـــ cub سقسي دورك يوريوهالك ثم وان شاء الله تلقايها
والله يشافي ابنك ويحفظو

[أم ياسين الزهراء]

اختي انا نداوي عند بلحيواني وراهو طبيب متمكن ادا تحبي نقلك على بلاصتو وربي يشافيه

[انغرام]

انا داويت عندها اوﻻدي ، ما عجبتنيش كل سمانة وانا. عندها .
كاين orl مسعودي في ecotec قدام air algerie مليح بزاف وربي يشافي وليدك

[fatalim]

هنا في العاصمة اطباء كثر واحسن واحد مختص هو استاذ مساعد ومختص في طب الاطفال في الدار البيضاء راني نديلو ولدي دايمن

[camélia21]

ربيييييييييييييييي يشفيه

[مليحة العرب]

السلام عليكم اختي .. انا راني اصلي من باتنة لا اعرف الطبيبه الصراحة .. بحثلك و لقيت هاد المعلومات لعل و عسى تفيدك اوشن يمينة طبيعة النشاط: طبيب تخصص: طب الأطفال العنوان: حي 410 مسكن ايكوتك رقم 222 الولاية/البلدية:باتنة الهاتف: 033 80 41 71/07 70 97 05 59 الله يشفي مريضكم ..

[أم ياسين الزهراء]

ختي الطبيبة هدي عيانة ماننصحكش بيها روحي بلحيواني ولا بن ابراهيم وعن تجربة

[fee des neiges]

ام ياسين الزهراء ممكن عنوان الدكاترة اللي ذكرتيهم ويقية الأخوات خيركم على راسي من فوق ربي يجازيكم وادعيولو ربي يشافيه
راه وحيدي وقلبي يتقطع عليه كي نشوفو عيان هكا

[الباتنية 19]

وعليكم السلام ورحمة الله تعالى وبركاته


جاية فلي كوتاك مقابلة جامعةcub
ربي يشفيه ويشفي كل مومن يا رب

[w05]

f les cotecs mgabla l cub

[أم ياسين الزهراء]

نسقسي زوجي ونقلك

[أم ياسين الزهراء]

اختي بلحيواني في ليكوتاك اللي في البلاد وبن براهيم قدام المركز الثقافي وين مدام عياش نحوسلك على الهواتف ومنبعد نحطها هكى ماتشقايش

[fee des neiges]

ربي يجازيك أختي راني في الانتظار

[om assil]

اختي انا من باتنة واذا حبيتي orel شاطر كاين مسعودي في ليكوتاك بصح انا ننصحك تبعي عند طبيب اطفال مش طبيب مختص شو في انا عندي بنتي عندا ربو الاطفال و تبع عند بزاف اطباء و من بعد ديتها لمختص في امراض صدر هلكها بالدواء لانه يعتبرها كانها شخص بالغ و في الاخير راني عند طبيب الاطفال شرفي ما شاء الله هايل هو و الغومبلاسون نتاعو دكتور سرحاني في زوج ملاح مين يمرضو اولادي نديهم يرتاحو في سع الحمد لله
شرفي حال في 1200 العمارة لاصقة في الماتيك كلية بيولوجيا تحبي تروحي صباح على ثمانية او في المساء على الواحدة تعقبي طول
ضك شرفي عطلة بصح تلقاي سرحاني راهو ثاني هايل روحي و باذن الله يرتلح وليدك
نصيحة تبعي عند طبيب الاطفال راهو ادرى من المختص بالاطفال
في الخارج الطفل مستحيل يعقب عند مختص لازم طبيب الاطفال

[fee des neiges]

شكرا أختي بارك الله فيك