هل من مشروع غير مكلف

[أم احمد3]

السلام عليكم رحمة الله


عندي أخ في عمره 27 سنة بسلامته...ولم يجد عمل بعد..ولكن كلما ازداد الوقت يحس بفشل ذريع بحيث لا يتقبل أي واحد اقولوا كاش خدمة....أو ينصخه دير هكذا...دير هكذا....وأنا أفكر فيه غاضني خصوصا ابي وامي كبار في السن الله يحفظهم من وقت لوقت يخدم مع مقاهي الانترنت عند الخواص مي متدومش...انا اريد ان أساعده...لكن المال لا اتحكم عليه لأني لست عاملة ...احيانا نخمم ندير مشروع بيتي لكي أعطي له رأس المال...وإحيان أفكر أن اطلبهم من زوجي لكن نفسي عزيزة على ...واش تقترحوا ندير....أو واش راح يخرج عليه كمثال للخروج من حالته...

[أم احمد3]

.................................................. ......

[KBN]

أختي شكرا على النصيحة بالنسبة الي.........و فرج الله هم أخيك........
و اذا كان لديه خبرة في مجال مقاهي الأنترنت وكيفية تسييرها فما عليه سوى ان يفتح واحدة خاصة به ؟
فهي غير مكلفة اذا كان يملك المحل المناسب . و اذا كان لا يملك المال اللازم فعلية ان يتوجه الى الوكالة الوطنية لدعم تشغيل الشباب ( لونساج ) .

[KBN]

واذا كان يريد أي مساعدة أو استفسار فمرحبا.....

[sidali1988]

اخطيك من لونساج فهي مال حرام....تجارة الخصر والفواكه مربحة ولا تحتاج راس مال يشري من سوق الجملة ويبيع بالتجزئة

[أم احمد3]

لكن يستلزم...سيارة...أليس كذذاك

[أم احمد3]

أريد كيف يتم الشراء ومتى ....وهل يعمل في الليل...

[Taibiabdelhakim]

كل واحد ورزقا مكتوب لازم عليه يتحرك ويبوجي بربي يلقى خدمه لانه كل الناس راهي تعاني من الخدمه
في رأي يدير عربه (شريطه)يحول السلعه من سوق الى الطوابل والسيارات
والله المستعان

[sidali1988]

هناك موزعين كبار يمكن ان يشتري من عندهم ... ومن الاحسن يستأجر شاحنة ويذهب الى سوق الجملة يسلع كمية كبيرة تشدلو 15 يوم ويبدا على بركة الله .... يعني 2 مرتين في الشهر الى سوق الجملة غير مكلفة

[خديجة شكرى]

شكرا جزيلا بارك الله فيك

[abdeldjalil23]

يبيع الخضار
- يستأجر محل احسن
- سوق الجملة يروحلو مرة في الاسبوع
- يستأجر شاحنة
- السوق يروحلو على ال4 صباحا

[أحمد شخوم]

السلام عليكم
والله عجبني الشعور نتاعك، كي عندك إحساس بأخوك
أنا نبشرك بأنو
عندي للأخ نتاعك مشروع خاص إذا حب يتصل بيا عن طريق البريد الإلكتروني

نعطيلوا مشروع والله ما يكلف لو حتى حاجة لا رأس مال ولا وقت ضائع ولا تجارة شبكة و لا تجارة ولا أكثر ولا أقل يعني يبدأ من الصفر ويدخل الدراهم
المشروع هذا يقدر يخدموا في الدار كل حاجة قادر بإذن الله يخدمها في الدار وياخذ في مكانها
ثمن مناسب جدا ويربح راحة بالوا وما يديرونجيه حتى واحد ، يعني يكون خدام عند روحو وفيها دراهم ما شاء الله محترمة ومناسبة جدا بشرط أنك تحطي في الرد نتاعك البريد نتاع الأخ نتاعك اللي راه رايح يتصل بيا باش نتصل بيه ونعطيلوا الفكرة

وشكرا

[decoration]

موفقة ان شاء الله
بالفعل تجارة الخضر والفواكه مربحة لكن لازم يكون فحل
ونصيحة لي يجي بالساهل يروح بالساهل

[benisafcom]

موفقين اختي بارك الله فيك و اراكي نشيطة في هده المنتديات و ان شاء الله يوفق اخاك كدلك

[أم احمد3]

شكرا بارك الله فيكم جميعا

انتظر الرد للفكرة من فضلك
.....لعلها تكون مصدر رزق....

[MO3AD_DZ]

السلام عليكم
والله عجبني الشعور نتاعك، كي عندك إحساس بأخوك
أنا نبشرك بأنو
عندي للأخ نتاعك مشروع خاص إذا حب يتصل بيا عن طريق البريد الإلكتروني

نعطيلوا مشروع والله ما يكلف لو حتى حاجة لا رأس مال ولا وقت ضائع ولا تجارة شبكة و لا تجارة ولا أكثر ولا أقل يعني يبدأ من الصفر ويدخل الدراهم
المشروع هذا يقدر يخدموا في الدار كل حاجة قادر بإذن الله يخدمها في الدار وياخذ في مكانها
ثمن مناسب جدا ويربح راحة بالوا وما يديرونجيه حتى واحد ، يعني يكون خدام عند روحو وفيها دراهم ما شاء الله محترمة ومناسبة جدا بشرط أنك تحطي في الرد نتاعك البريد نتاع الأخ نتاعك اللي راه رايح يتصل بيا باش نتصل بيه ونعطيلوا الفكرة

وشكرا

من هنا نقولك مشروعك فاشل
مشروع ليس لديه راس مال حتى لو كان 10دج فاشل
ناس بكري تقول المال يولد المال
حتى لو تسلفها معليش مبصح مشروع بدون راس مال كمن يريد صيد سمك بدون صنارة

[Malek12]

هناك موزعين كبار يمكن ان يشتري من عندهم ... ومن الاحسن يستأجر شاحنة ويذهب الى سوق الجملة يسلع كمية كبيرة تشدلو 15 يوم ويبدا على بركة الله .... يعني 2 مرتين في الشهر الى سوق الجملة غير مكلفة


في الخضر ينبغي التسوق على الأقل يوم بيوم بتناوب

[أحمد شخوم]

من هنا نقولك مشروعك فاشل
مشروع ليس لديه راس مال حتى لو كان 10دج فاشل
ناس بكري تقول المال يولد المال
حتى لو تسلفها معليش مبصح مشروع بدون راس مال كمن يريد صيد سمك بدون صنارة



للأسف فاقد الشيء لا يعطيه والبلية هي الحكم على أشياء من ورائها أصحابها و بدون معرفة مسبقة
والداعي في كل ذلك جانب من تحليل شخصية يعاني صاحبها من مشاكل على الصعيد الشخصي ..


ما نلومكش يا الأخ بالصح ما عليش ،
الفرق في أنك تبيع سلعة
أو أنك تبيع خدمة معينة .

نسبة كبيرة من الخدمات تحتاج فقط الخبرة لتحصيل المال ، على سبيل اللاحصر :



- السياقة و تسليم البضائع وذلك عند العمل عند الخواص

- مندوب مبيعات مستقل

- تسويق منتجات الاخرين


- خدمات النظافه المنزليه


- السمسرة

- بيع الوصفات الطبية ، الغذائية ، الرياضية "الريجيم" عن طريق وسائل الإتصال


- خدمة الإستشارات بالمقابل


- الوساطات مع الشركات مقابل أجر لقاء جلب زبون

- إجراء دروس خصوصية في أي مادة علمية أو أدبية

- فني ديكور معتمد وتجهيز المنشآت


- وسيط تأجير سلع أو مواد أو سيارات أو شاحنات وما شابه

القاسم المشترك بين هذه المشاريع هو " الحاجة إلى خبرة في الميدان من متوسطة إلى أكثر
وكلما كانت متفوقة " زادت الأرباح أضعاف مضاعفة
والشرط في الإنسان أنو يكون صاحب شخصية قوية
والركيزة هي عنصر الثقة يكون حاضر ويعرف يتكلم ويتفاوض



على العموم يوجد اختصاصات أخرى لمن أراد

[lame]

السلام عليكم رحمة الله


عندي أخ في عمره 27 سنة بسلامته...ولم يجد عمل بعد..ولكن كلما ازداد الوقت يحس بفشل ذريع بحيث لا يتقبل أي واحد اقولوا كاش خدمة....أو ينصخه دير هكذا...دير هكذا....وأنا أفكر فيه غاضني خصوصا ابي وامي كبار في السن الله يحفظهم من وقت لوقت يخدم مع مقاهي الانترنت عند الخواص مي متدومش...انا اريد ان أساعده...لكن المال لا اتحكم عليه لأني لست عاملة ...احيانا نخمم ندير مشروع بيتي لكي أعطي له رأس المال...وإحيان أفكر أن اطلبهم من زوجي لكن نفسي عزيزة على ...واش تقترحوا ندير....أو واش راح يخرج عليه كمثال للخروج من حالته...

مدام عندك القدرة باه تساعد هذا الشاب

ااعطينا افكارك وخلي عدد اكبر من الشباب يستفيد ولك اجر اكبر عند الله

[art_mohid]

اياك الربة