قولولي اذا غلطت

[lina dz]

سلام عليكم و رحمة الله وبركاته اولا صحا عيدكم و كل عام وانتم بخير انا ليوم راح نقولكم المشكل ديالي انا فتاة ابلغ من العمر 17سنة توفى بابا كي كان في عمري 10سنة مع العلم انه لس لدي اخوة يعني وحيدة راوحت انا وماما لدارنا عمامي مايسقسيوش عليا خلاص مع العلم ان امي كانت جد طيبة معاهم وهي لي كانت تقول لبابا هادو خاوتك مديرش عليهم مي بعد ما مات مسقساوش عليا خلاص وبابا عندو ولاد من مرا وحدة اخرى و هما من ولاية بعيدة علينا 1000كلم(باب زاوج بماما بعد 10سنين من لي طلق هاد المرا)المهيم بابا خلئ شوي حوايج كي جينا للورث ماحبوش يقسمولنا وقالو لماما دبري راسك وعمي دا الارض تاع بابا و يكري فيها و مايمدلنا والو و خلا بابا كاميون هزوه طايشوه بر تصب عليه الشتا المهيم حقرونا و مامدولناش دورو و هاد كل ماما ملحقتهومش بكلمة ولات قالت ماما لخوالي اهدرو معاهم حرام الكاميون يطايش برا يبيعوه وانا نسمحلهم في حقي المهم ما يقعدش يطليش هكدا قالولها خوالي ماعندنا ما دخلنا قاتلهم قولولهم ايديرو الفريضة باش يمدولنا تاع لاسيرونس خاكر بابا مات اكسيدون ماحبوش وماما مسكينة بابا كان رجل محافظ مايخليهاش تخرج من غيرو حتى الخدمة يواصلها هو كيما مات لقات روحها وحدها مرضت و قريب هبلت وهي في العدة هم يقلولها واش تبكي عليه ياخي كان غابنك و يعايطو عليها و يقلولها البسي مليح واش هاد اللبسة وماكيش غير نتي و عادو مايجيوش وقاطعونا وديما حنا لي نهزو روحنا ونروحلهمو جامي تفكرونا يلمو بعضاهم و خلاونا حتى في العيد جانا خالي فرد مرة شرلنا لخروف فرات وما جاش يذبحو حتى لسقنا في الجيران ومن بعد يلومو يقولو علاه متعرضيناش و فات هاد كل ونروح نورمال واحد نهار روحنا لدار خالي حكمتنا مرتو في الليل كي جا يدينا قالي لمرا الجاية وصلي نتي ماماك ومشى ماما غاضها الحال و مقاتلو والو مي مزادتش عفستلو في دارو ومن هذيك الخطرا مزدناش روحنا لخوالي وهما بعد مسقساوش مخلينا وحدنا مرا وطفلة صغيرة يباتو حدهم حتى لوكان نموتو مايفيقوش بينا المهم جبدنا عليهم و كي ديت bemجاو ورجعنالهم مي نفس العقلية مزالت هياهيا درك زاد الحسد والطمع يحبونا غير حنا لي نروحو و ديما يقولولي ماماك عندها دراهم و خالتي ماشي متزوجة تقول لماما نتي شكون كيفك بدارك وحدك وعندك طفلة و حنا صابرين المهم المرا اللخرة كي روحنا نزورو نانا حقرونا ومجاوش يقعدو معانا وخلاونا غير مع نانا حتى مشافوش فينا برغم انو ماصرا والو انا اليوم قلت لماما هادو مواليك خلاص مانزيدش نشوف فيهم وهادي اللخرة معاهم و قلت مانزيدش نعفس في هديك الدار وجا العيد و ماسقساوش خلاص مع العلم انو اخر مرة ما قولنالهم ولو قعدما شوي معا جداتي و روحنا درك خاوتي قولولي قراري صائب و لا لا لا واعتذر على الاطالة والله قالبي معمر و فرغتو غير ليكم

[الباتنية 19]

الشدة في ربي يا اختي لي خلق ما يضيع ادعي ربي يرزقك الزوج الصالح لي يكون عون ليك بعد ربي سبحانو وسند ليماك ووليدها ان شاء الله

[bellaluna]

ربي يهدي أختي..إنت صغيرة على الكلام هذا الكلّ..خلّي امّك تتصرف أحسن.

[lina dz]

يا ختي ضاقت بيا غير انا و ماما وحدنا و احد مايقول نسقسي اذا راهم حيين ولا ماتو

[اﻻء الرحمن]

كان الله في عونك اكثري من الدعاء والاستغفار وربي يفرج عليك ان شاء الله

[دعاء المحبوبة]

يا ختي ضاقت بيا غير انا و ماما وحدنا و احد مايقول نسقسي اذا راهم حيين ولا ماتو
عندك ***أمـــــك*** ـ ربي يحفظهاـ بالدنيا كلها، عليك بطاعتها واعملي كل مجهودك حتى ترضيها ، ولا داع لأن تتكلمي معها عن اخوتها ـ أخوالك ـ بالسوء مهما فعلوا
وخليها تمشي بنيتها وتدي أجر صلة الرحم إن شاء الله

[pomaria_aindefla]

ما تعمريش راسك أنت لي عليك أقراي مليح و هذوا أكبر منك و عائلتك إحترميهم و راكي تقولي جداتك مزالها حي روحي طلي عليها و عائلتك غافريهم في العيد

[رانيا1995]

هاد الحكايات يلتهاو بيهم الكبار اما انتي التهاي بقرايتك و هاكا تفرحي يماك لانك املها الوحيد

[lina dz]

ما تعمريش راسك أنت لي عليك أقراي مليح و هذوا أكبر منك و عائلتك إحترميهم و راكي تقولي جداتك مزالها حي روحي طلي عليها و عائلتك غافريهم في العيد

شكرا اختي الكريمة على الرد مي والله عييت هادي 7سنين وحنا وحدنا وفوق هاد كل مايحتارموش ماما وديما يحرجوها برغم من انها الاخت الكبرى

[loufa]

السلام عليكم وصحا عيدك
قصتك مؤلمة ولكن عند ك ربي الفوق انا نعطيك نصيحة فقط ونزيد ندعيلك
حافظي على اخلاقك وادرسي جيدا حتى تفرحي امك وبالتالي واحد مايقول الشح فيهم
روحي ربي يرزقك كل خير ويبعد عليك كل شر

[أناييس الربيع]

صلة الرحم لا نقاش فيها ،حتى لو كانت بينكم عداوة

زوريهم ولا تيأسي ولا يهمك كلامك ،

اجعلي نيتك خالصة لله وحده.ستأجرين بإذن الله

وأما الورث مايهمكش الرزق ع ربي موش عبادو

ولا تقول أنا وماما وحدنا والله معكم .

أقراي واجتهدي ولا تفكري في هذه الأمور مازالت صغيرة

كوني فقط ع أخلاق وَبَارِة بوالدتك.

[ام فروحة]

ياحبيبة واش نقولك رانا قاع هاك مايغيضك الحال ماوالا تقول القلوب جفاو والرحمة و المعونة من الاقارب بدات تروح نقولك صبري واذا قادرا على خير ديريه والصابر ينال وما يبقى غير العيب وربي راه يشوف والله يحنن القلوب

[lina dz]

شكراعلى الردود رني درت بنصيحتكم و روحت غير على جال صلة الرحم ولكن نفس العقلية ربي يهدي

[pomaria_aindefla]

الله يفرج عليكم و ربي يهديهم إنت إلتهاي بالدراسة و تعلم كاش أشغال يديوية تفيدك

[HODHOD HADAHID]

ربي يفرج عليكم اختي نوصيك جاحة وحدة انهلاي في امك وقرايتك ان شاء الله تنجحي وتهني ماماك وماتحتاجو حتى واحد