قريوش بطريقة عصرية ، شكل عبـاد الشمس

[قمر الزمان رؤية]

السلام عليكم و رحمة الله

اليكم وصفة قريوش بطريقة عصرية ، على شكل عباد الشمس

لازم يكون لك الطابع الخاص به

اما المقادير :

كيلو فيرينة
250 غ سمن
1 خمارة قاطو
ملعقة كبيرة خمارة الخبز
حبة بيض
قرصة ملح
مايزينة للرش على الطاولة
ملعقة صغيرة سكر
عسل من الثقيل

التحضير

تغربلي الفرينة و ديريلها الخمارتين في زوج و قرصة الملح و السكر ثم تخلطي بيديك ثم تضيفي السمن تديريجيا و تبسيها زين حتى يتغلغل كله في الفرينة ثم تلمي بحبة البيض ثم بالماء حتى تصبح عجينة يابسة نوعا ما
تخليها ترتاح من 2 ساعة إلى 4 ساعات

تقسمي العجينة الى ثلاث
ثم تبسطيها و تمريريها في آلة البقلاوة في الرقم الكبير ، ثم تعاودي طبقيها و تمريرها مرة ثانية ،و مرة ثالثة و هكذا مع العجينة الثانية و الثالثة

ثم بواسطة طابعها تقومي بصنع الحبات من الاكبر الى الاصغر ، و تلصقيهم مع بعض ببياض البيض و حبة لوز تغطسيها في البياض و تلصقي بيها الثلاث قطع

ديريها في الفرن و لما طيب خليها تبرد و عسليها

و هذه هي النتيجة

http://im88.gulfup.com/wu5Ecf.jpg


http://im88.gulfup.com/z0uyDH.jpg


http://http://im88.gulfup.com/jLMSuo.jpg

ان شاء الله تكون عجبتكم

عيدكم مبارك

[سمسومة 05]

يعطيك الصحة نفس طريقتي خرجلك يهبل

[دروب المحبة]

شكل رووووووووعة يعطيك الصحة اختي

[تهاليل]

بصحتك احختي خرجلك فور انا جديتها على صليحة بسكري فوررررررررر

[idron0]

يعطيك الصحة اختي هايلين صحا عيدكم كل عام وانتم بخير

[قمر الزمان رؤية]

شكرا لمروركم جميعا يعطيكم الصحة على التشجيع