• معدل 15 ,هل يمكنني اعادة البكالوريا و دراسة في المدرسة التحضيرية علوم و تقنيات ?? ارجوكم ساعدوني !!

[Disappointed]

السلام عليكم يا جماعة الخير :D


جبدت عام كامل ... حتى كرهت الستيلو هذا و في النهاية فوجئت ب15 !! مع اني اخذت 19 في الفيزياء و الرياضيات لكن العلوم اللع**ة حرمتني من طموح الصغر :(

اخترت المدرسة التحضيرية علوم و تقنيات عن قناعة لكن مبعدا توسوست O_o

ما رايكم اولا في خياري هذا ??

ثم جائتني فكرة اعادة البكالوريا شعبة رياضيات (انا علمي)

و الدراسة في المدرسة التحضيرية في ان واحد من اجل الدخول للESI

لانو كل مرة نتفكر بلي راح نقرى و نخدم حاجة منشتيعاش يطيحلي المورال بزاف

هل ممكن نعاود الباك و ندي 16 و نطلع عامي في المدرسة التحضيرية ??

لانو الرياضيات و الفيزياء فهمهم مليح و اللغات نعرف فيهم مليح

و الله رح نهبل حاس روحي ضيعت حياتي

[selmaimene]

mmm madam mathabhache 3awad bac
mé bach t3awdou math daber rassak puisque kayen des lessins hna ma9rinahoumche
kayna wahda fel montada kanat ta9ra had spécilalité we ma3bathche 3awdat bac we daret medecien lo kanat habatha
ta9der tsa9siha ila takhasousse mlih
bi tawfiç

rabi yjib li fih le khir

[Disappointed]

وي علابالي كاين درسين زايدين و ساهلين

اييه والله راني حاير صح صح

[selmaimene]

howa manakdebche 3lik math khir we khir ouisque des science exact ta9der tadi mo3adel four puisque 3oloum coéficiant ta3ha 2 berk mataterche
machi kima hna mo3amil 6 hiya li tayhatli la moyenne
:'(

[selmaimene]

manadima man istakher
sali, n istikhara talça le hal ins ha allah
matasma3che bzf le nas puisque koul wahed yghani be ghnah
bi tawfi9

[XBEY]

مراحش نكذب عليك اذا عاودت في شعبة رياضيات ماتطمعش في معدل عالي ~~

[selmaimene]

مراحش نكذب عليك اذا عاودت في شعبة رياضيات ماتطمعش في معدل عالي ~~

je pense c'est le contraire ;)
juste un avis
lokan jat kayna math fe lycée ta3na lokan dirtha mé lah ghalab

[XBEY]

je pense c'est le contraire ;)
juste un avis
lokan jat kayna math fe lycée ta3na lokan dirtha mé lah ghalab
زعما تسلكيها :d

[Disappointed]

خويا انا فالمراجعة تاعي كنت دائما نحل التمارين الصعاب و المواضيع اللي حليتهم كامل كانو بكالوريات تجيربية شعبة رياضيات و تقني

و زيد راني فاهم كلش رياضيات و فيزياء و اللغات راني قوي فيهم ?? :( 16 مايش مستحيل ??

[selmaimene]

زعما تسلكيها :d

khsara 3lik jamis hbat fel math man 17 ;)
it's my love

[selmaimene]

dayman kount nhal les sujets ta3koum sahlin ma
mé lah ghalab lycée ta3na mafihche math we lycée lokher b3Ida 3lina 1 heure

[XBEY]

khsara 3lik jamis hbat fel math man 17 ;)
it's my lobe
;) نعطيك موضوع من مواضيعنا مليح اذا جبتي 13:1:

[Disappointed]

خاوتي فيدوني -____-

[selmaimene]

khsara 3lik jamis hbat fel math man 17 ;)
it's my lobe
;) نعطيك موضوع من مواضيعنا مليح اذا جبتي 13:1:

hhhhhhhhhhhhhh vas y ani nassanak mé khatini mowafa9at wala ma3labaliche wach ismhoum
nal9ah hna
mana le fjer
itafa9na ;)
dzl sahab le mawdo3

[Disappointed]

ماوش موضوع تحديات اخاوتي -___- hhh

[selmaimene]

saha shourkoum
matansache xbey hatou hna 3la 2 nod nchoufou we nhalou
je vais dormir maintenet

[XBEY]

][QUOTE=XBEY;3991339656]

hhhhhhhhhhhhhh vas y ani nassanak mé khatini mowafa9at wala ma3labaliche wach ismhoum
nal9ah hna
mana le fjer
itafa9na ;)
dzl sahab le mawdo3
-_- بلا موافقات مافي مشكل....
بس وعد ماتطلبي مساعدة ؟

[selmaimene]

disappointed sali istikhara we chouf we saçsi li rahoum fi hadek takhasousse

[selmaimene]

][QUOTE=selmaimene;3991339680]
-_- بلا موافقات مافي مشكل....
بس وعد ماتطلبي مساعدة ؟


wa3do le hori daynon 3alayh

[XBEY]

[QUOTE=XBEY;3991339724]]

wa3do le hori daynon 3alayh
:19: كذا تمام نحطه على 2 متنسايش تراجعي :1:

[zoubidaas]

عندي تقريبا نفس مشكلتك


شعبة رياضيات اغلب اللي نعرفهم فيها جابو الباك بمعدلات ملاح

الفيزيك تاع شعبة رياضيات اسهل تاع شعبة علوم و سقسوا صحاب الخبرة و الاساتذة يقولولكم

اضافة ان الرياضيات اذا تقرا تلقى نتيجة


اما العلوم علمها عند ربي


بالمختصر اذا تبدل شعبة رياضيات عندك عام طويل اقرا فيه الرياضيات فقط و مراجعات خفيفة للمواد الاخرى ( علوم تجيك ساهلة و الفيزيك باينة .... تبقى المات فيها الجديد و اسئلة طوال )

[bouelame]

عدنا نفس الحاالة اخي
معدلي 15 شعبة رياضيات

كنت نتمنى نقرى esi

ربي ماكتبش

راني في المدرسة التحضيرية علوم و تقنيات تلمساان

مانيش راح نعاود الباك

[نوارة بوبكر]

انت راهي عاجباتك روحك .................................................. .....

[سَرْمَدِيَة]

pourquoi c'est quoi ton reve ??
moi je te dis c imposible de refaire le bac et avoir une bonne moyenne en meme temp ta9ra fi un école kima l'epst
NO WAY
s9si n'import etudiant fiha w douk ykhbrek kifach l7al labas
if u have a dream u need to sacrifice something
if u dont than study what u 've choosed it's a good school with big future

[WaylDz]

هههههههههههه راكم تهدروا على تقني رياضي ورياضي كأنوا سهلين ؟
ماتشوفوش هذا العام موضوع الرياضيات جا ساهل بالنسبة للرياضيات شوفوا التقني موضوع تاع هذا العام وإذا ديتوا 15 راكم من احسن الناس علما في الرياضيات
بلا ما نطيحلكم المورال هذوك الدروس اللي زيادة راكم تقولو عليهم ساهلين رايحين تشوفوا السهولة تاعهم كي تقراهم
والمشكلة انوا في طريقة طرح الأسئلة مختلفة كثيييييرا عنكم انتم العلميين , انا كنت نقرا تقني وموضوعكم تاع الرياضيات تاع هذه السنة اسهل حاجا تدي فيه 20 :D ( دالة كثير حدود :o )
روحوا شوفوا دالة تاع التقنيين اللي فيها القوة ولى دالة كوسينيس , وشوفوا البرهان بالتراجع اللي مدوهولنا هههه
المهم الامر يعود لكم

[XBEY]

http://www.gulfup.com/?f5omME
في انتظار الحل :mh5858:

[بلقيس عبد الهادي]

يا أخي لو كان جيت أنا في بلاصتك نعاودو واش عليه
مانخليش حلمي يروح و نندم كي مياينفعنيش الندم من باعد و تقول لوكان قا عاودتو
انا جبت الباك ثاني ب 14 و عطاوني استاذة ثانوي
بصح رايحة نعاود الباك ياش ندير طبيبة
عاود مادام الشيء بيدك و مادام المعلومة جديدة
و في الأخير القرار يرجع ليك وحدك و أنت اللي تتخذو
و ما يعمرلك حتا واحد راسك
استخسر الله راه بيدو الخير كله

[بلقيس عبد الهادي]

أنا قلت لماما نعاودو شعبة رياضيات ما خلاتنيش
لخاطر ديت 11 في الفيزياء و نقطة قوتي العلوم
اذا قررت تعاودو انت راك قادر على شقاء ما شاء الله في الرياضيات و الفيزياء و ناقص في العلوم عاودو شعبة رياضيات خير
ربي يجيبك في اللي فيها الصواب ليك

[imad1995]

rak t9ol hab todkhol l'ESI w dork rak fi l'ecole preparatoire ST qui tu permet d'accedet à l'esi
zid 3la hssab hadartak rak foor fi math w fizik alors mab9a ma tzid tsa9si atkal 3la ellah w chammar 3la znodak w abda ta9ra
puisque kon tkammal m3a lbac tab9a ghir t3awad fih w yrouho 3wamak batal
rabbi ywa9kak hada ghir rayi
w zid chof

[Yasmine katya]

هي على حساب الشهادات تاع البعض شعبة رياضيات سهلولهم على هاذيك لا لاحظتي السنة معدلاتهم كانت مرتفعة ، و زيد اصحاب هاذي الشعبة عندهم مادتين لي يركزو عليهم ، يعني ضغط اقل ، رياضيات و فيزياء ، بصح ما نضمنلكش راح يسهلو العام الجاي على نفس الشعبة ، هههههه هي تقني رياضي لي تهردت عليهم ، و زيد راني نعذرك علوم تجريبية احد مواضيعها كانت صعبة على هاذيك الكثير من المجتهدين اتحرمو من التكريم و حتى من تخصصات لي حبوها ، احسن حاجة اقعدي في نفس الشعبة و ماشي انت الوحيدة لي خلاصت عليك مال مع العلوم ، كامل كي شافو علوم هك ندمو على اختياراتهم للشعبة ، و هي قضية اختيار مواضيع برك ، و طرية طرح من عند الوزارة .

[Yasmine katya]

و نزيدك التخصص لي اخترته راهو معشوق الاذكياء نعرف واحد دا 17 و دار st

[Ambitious man]

rak t9ol hab todkhol l'esi w dork rak fi l'ecole preparatoire st qui tu permet d'accedet à l'esi
zid 3la hssab hadartak rak foor fi math w fizik alors mab9a ma tzid tsa9si atkal 3la ellah w chammar 3la znodak w abda ta9ra
puisque kon tkammal m3a lbac tab9a ghir t3awad fih w yrouho 3wamak batal
rabbi ywa9kak hada ghir rayi
w zid chof

هههههههههههههههههههه منين راكم جيبو هاذ المعلومات يا ناس ؟؟؟
وش هذي المدرسة التحضيرية علوم وتقنيات تمكنك من دخول المدرسة العليا للاعلام الالي ؟ هذا ليس صحيح
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اما صاحب الموضوع لن تستطيع ان تعدل بين التخصص والباك ولو حرصت
يعني اختصاصك جيد
لكن ان كان حلمك l'esi عاود الباك وحدو
موفق بحول الله
مستحيل تجمع بيناتهم حبيبي

[algerie pr tjrs]

السلام عليكم أخي
أنا خويا الكبير مجرب نفس الشيئ يقرى epst و يعاود الباك السداسي الأول جاب 10.34 ثم بدى يتلها بالباك كثر من قرايتو و في النهاية إمتحانات epst في نفس تاريخ الباك لذا أحضر شهادة طبية تكون ممضاة من رئيس المشفى تؤكد أنه أمضى 3 أيام بالمشفى باه يجوز الباكو يؤجل إمتحاناته في epst و حصل ما تمناه و جوز الباك و بعد أسبوعين لم يقدر على إمتحانات epst و سمح فيها و لم يمتحن لأنه لم يقدر على المراجعة ، وفي النهاية معدلك الثاني في الباك لم يكن كاف للشعبة التي أرادها و عاودو عطاوه غير epst
لذا كنصيحة مني إما أن تضمن في epst معدل 12 في السداسي الأول باه تضمن العام و بما أنك جيد في الرياضيات و الفيزياء ف 12 سهلة بالنسبة لك أو إذا لم تستطع إسمح فيها و اتلهى في الباك برك
أما قضية تغيير الشعبة إلى تقني أو رياضي فأنا أفضل التقني بما انك لم تجد راحتك كعلمي

[ilyas15]

السلام عليكم يا جماعة الخير :D


جبدت عام كامل ... حتى كرهت الستيلو هذا و في النهاية فوجئت ب15 !! مع اني اخذت 19 في الفيزياء و الرياضيات لكن العلوم اللع**ة حرمتني من طموح الصغر :(

اخترت المدرسة التحضيرية علوم و تقنيات عن قناعة لكن مبعدا توسوست O_o

ما رايكم اولا في خياري هذا ??

ثم جائتني فكرة اعادة البكالوريا شعبة رياضيات (انا علمي)

و الدراسة في المدرسة التحضيرية في ان واحد من اجل الدخول للESI

لانو كل مرة نتفكر بلي راح نقرى و نخدم حاجة منشتيعاش يطيحلي المورال بزاف

هل ممكن نعاود الباك و ندي 16 و نطلع عامي في المدرسة التحضيرية ??

لانو الرياضيات و الفيزياء فهمهم مليح و اللغات نعرف فيهم مليح

و الله رح نهبل حاس روحي ضيعت حياتي
السلام عليكم اخي لي بحل رائع وسيرضيك ان شاء الله ارجوا ان تراسلني على الفايسبوك Amjad Belbagra لانه حديث مطول ‎‏‏انا في انتظارك ان شاء الله

[crono]

السلام وعليكم

انا تاني جبت العام كامل نخدم ومعا الاخر تلعلي المعدل 15 شعبة رياضيات

درت esi ثم epst

صحتلي epst

بصح فيها خير انشاء الله

لوكان روحت esi وماجبتش العام الاول نجيبها في الجامعة

نولي نقول لوكان روحت espt خيرلي

اظنها espt مدرسة رائعة وخاصة لوكان روحت بعد عامين enp harach

تبقة الا وجهت نظر

[syliasmine]

mat3awedch matheleme ana matheleme nenasshak 3awed scientifique bech mazidch t3amar rassek bel math te3 matheleme surtt chapitre li ma9ritohch wlh s3iiiib bzf
ghi 3awdo scientifique w 3awed e9ra mliih science pck 3andek deja lexperiance
mais ej te conseille kemal f Epst mliiha ana je prefere epst 3la lesi pck fiha lelectronique w lelectronique fiha bzf informatique w programmation w fiha bcp d'autres choses
bon courage

[Disappointed]

يعطيكم الصحة

شكرا على نصائحكم مع انكم زدتو هبلتوني كثر :'d

[zoubidaas]

هههههههههههه راكم تهدروا على تقني رياضي ورياضي كأنوا سهلين ؟
ماتشوفوش هذا العام موضوع الرياضيات جا ساهل بالنسبة للرياضيات شوفوا التقني موضوع تاع هذا العام وإذا ديتوا 15 راكم من احسن الناس علما في الرياضيات
بلا ما نطيحلكم المورال هذوك الدروس اللي زيادة راكم تقولو عليهم ساهلين رايحين تشوفوا السهولة تاعهم كي تقراهم
والمشكلة انوا في طريقة طرح الأسئلة مختلفة كثيييييرا عنكم انتم العلميين , انا كنت نقرا تقني وموضوعكم تاع الرياضيات تاع هذه السنة اسهل حاجا تدي فيه 20 :d ( دالة كثير حدود :o )
روحوا شوفوا دالة تاع التقنيين اللي فيها القوة ولى دالة كوسينيس , وشوفوا البرهان بالتراجع اللي مدوهولنا هههه
المهم الامر يعود لكم

شكرا على التوضيح

احتاج منك رايك في ما يلي :

الرياضيات منطقية : 2+2 = 4 ..... يعني اذا توالف بطرق الاجابة و تكون عندك الفهامة كل شيئ يولي ساهل



اما العلوم فلا اعلم سبب جعلها واحدة من العلوم الدقيقة ( شفت مشكل مادة اللغة العربية تاع بكري كي كانو مايدوش نقاط كاملة ... هذا المشكل يتكرر بشكل مشاعف على كل سؤال في مادة العلوم )