ساعدوني في كيفية حفظ الحلوى

[fifi-kawaii]

السلام عليكم يا بنات
صحة عيدكم و كل عام و انتم بخير
المهم ندخل في الموضوع ,,,, راني حابة نعرف كيفاش ركم تحفظو الحلوى انا نديرها في باطات بلاستكية لكن مع هده الحرارة نخاف عليها ,, كاين ناس يحفظوها في الثلاجة و يقول بلي مليح
المهم انا مادابيا نعرف احسن طريقة في هدي السخانة
و شكرا

[takwaaa]

و عليكم السلام اختي
وش يهز وش يخلي الفريجدار مسكين حطيهم فغرفة تستعملو فيها لكليماتيزور هكا تكون سخانة فيها ناقصة
صح فطورك

[arc en ciel]

مام احنا نديروه في علب بلاستيكية في غرفة باردة و تاني نديرو شويييييية ف كونجيلاتور بصح بلا قلاصاج في علبة مغلوقة مليييح لكاش ضيف تع غفلة هههههه

[ام كوكو]

كيما قاتلك تقوى في بلاصة باردة انا ما نحبش الفريجيدار ترجع فيهم بنة ماشي مليحة

[leilaz]

ياختي انتي والمدة لا طولت حطيه في الكونجيلاتور خير من طيشيه انا كي غير وين طيشت كمية من القاطو قعد برا بلاماخبيتو ماعنديش البلاصة في الكونجيلاتور ولا فيه طعم مش مليح

[ايمان نور الجزائر]

العلب البلاستيكية ومكان بارد او معزول كيما خزانة او بلاكار
يحميه من الحرارة

[الماسة النادرة]

انا نقولك حيل الجزائريين. داخا القدرة فوق ليليمون تاع الكوزينة ههههههه ولا تحت الفراش من جيهت راس جداك هههههههه ولا في البيبليوتاك والمفتاح في عبون يماك هههههههه واش رايك

[fifi-kawaii]

انا نقولك حيل الجزائريين. داخا القدرة فوق ليليمون تاع الكوزينة ههههههه ولا تحت الفراش من جيهت راس جداك هههههههه ولا في البيبليوتاك والمفتاح في عبون يماك هههههههه واش رايك

معلومة هدي يا ختي العزيزة باش مايكملوهش قبل العيد
هههههههههه
حنا نحطوه في شمبرة الام والاب الكريمين لتماك واحد ما يجرأ يتوشيه هيهيهيهي

[fifi-kawaii]

العلب البلاستيكية ومكان بارد او معزول كيما خزانة او بلاكار
يحميه من الحرارة


شكرا ختي الغالية على الاجابة

[fifi-kawaii]

ياختي انتي والمدة لا طولت حطيه في الكونجيلاتور خير من طيشيه انا كي غير وين طيشت كمية من القاطو قعد برا بلاماخبيتو ماعنديش البلاصة في الكونجيلاتور ولا فيه طعم مش مليح

عندك الحق ختو
تاخبيه ولا يترمى
انا خفت من السخانة برك
القاطو مايبقاش يزاف يكلوه جماعة الخير في وقت قياسي :)

[fifi-kawaii]

ايه عندك نقطة مليحة في هادي مارديتش بالي

[fifi-kawaii]

و عليكم السلام اختي
وش يهز وش يخلي الفريجدار مسكين حطيهم فغرفة تستعملو فيها لكليماتيزور هكا تكون سخانة فيها ناقصة
صح فطورك

وانتي زادة ختي
يعطيك الصحة على النصيحة

[pomaria_aindefla]

النص في العلبة في الكونجيلاتور و النص في مكان بارد و فيه التهوية