recette de ghribiya svp

[meriem beldjoudi]

salam 3alaykoum
svp nhawas 3la la recette ta3 ghribia

[sou_caty]

المقادير :

- 250 غ مرغرين طرية.
- كاس زيت.
- 4 مغارف كبار سكر قلاصي.
- 5 مغارف كبار نشا .
- فاني.
- فرينة.

طريقة التحضير:

في صحن عريض نحط مرغرين طرية + سكر قلاصي + فاني نخلطهم مع بعض ثم الزيت وأخيرا نضيف الفرينة حتى تتلم وتولي عجينة طرية نخلوها تريح شوية ونشكلوها كيما نحبو كي طابت درتلها شوية قرفة
هذي الكمية نتاع العجينة دارتلي حوالي 35 حبة

[أمة الله17]

شكراااااااااااااااااااااااااااا

[ايمان نور الجزائر]

نمدلك وصفة احدى الاخوات
جربتها ونجحت
كاس سمن تذوبيه يبرد من بعد يبات ليلة في الثلاجة
كاس ناقص شوية سكر ناعم
فاني
فرينة تقريبا ثلاثة كؤوس
تضربي السمن تكوني خرجتيه من الثلاجة يدفا شوية والسكر ملييييييخ
حتى يبياض ونضيف الفاني ونواصل الخفق
من بعد الفرينة ونلم مليح باليد
من بعد شكليها وطيبيها

[narcisse83]

نمدلك وصفة احدى الاخوات
جربتها ونجحت
كاس سمن تذوبيه يبرد من بعد يبات ليلة في الثلاجة
كاس ناقص شوية سكر ناعم
فاني
فرينة تقريبا ثلاثة كؤوس
تضربي السمن تكوني خرجتيه من الثلاجة يدفا شوية والسكر ملييييييخ
حتى يبياض ونضيف الفاني ونواصل الخفق
من بعد الفرينة ونلم مليح باليد
من بعد شكليها وطيبيها


بارك الله فيك
هادي تقريبا نفس وصفه غريبيه والدتي االحبيبه
:19:
كيله سمن تدوبيه و تحطيه حتى يجمد فالثلاجه
كيلة سكر ناعم . و تخدمي السكر و السمن بعدما تجبديه من الثلاجه تحدميهم بيدك مليح حتى يرجعو كيما البوماد هههه و تسمعي الطرطقه تاعهم بين يدك،
في هاد الوقت تضيفي الفرينه حتى تتلم لعجينه، ماتكثريش بزاف باش ماتجيكش farineuse .
و مبعد شكلي الغريبيه تاعك، و حطيها في فرن يكون سخنتيه مليح من قبل ، و حطيه في 180درجه و لا اقل
دخلي الغريبيه اعك تطيب مدة 15 الى 20 دقيقه لا اكثر ، و كي تخرجيها من الفور، ما تنحيهاش ليه ليه من البلاطو، خليها حتى تبرد مليح، حتى ماتتفتفتلكش
نسيت ماقلتلكش الفرينه اللي تضيفيها حمصي كميه منها في مقلاة اختي راهي تعطيك دوق رائع
و شهيه طيبه اختي ههههههههه
سلام