ماهو الحل 3

[مشكلتي]

استغفر لله ... ياجماعة انا مانيش نتلاقا معاه ولانحكي معاه فالتيليفون ... هاذو لحكايات كامل بالفايسبوك .. وعلى بالي حرام وانا نضل نصلي ونستغفر فيربي ونقولو نتا ععلابالك بنيتيوبواش كاين كثر مني وعلى بالي نغضب فيه وليل مانرقدوش وكرهت روحي مي والله ملقيت ماندير وكون نخليه نضل نبكي وهو ماعلاباليش واش يصرا فيه وكي قلت نتلاقاو قصدي كي نروحو عندهم ولايجو عندنا لدار ماتفهموش الغالط ... وصحيتو ماذا بيكم تفهمو لحكاية مليح وانا صح صغيرة مي والله العظيم عندي عقلي ونخمم بييه وواحد مايلعبهالي وزيد هو ابن عمي وماراحش يتمسخر بيا ووانا لي ساعات نقولو مانزيدوش يحكيو يتهول تسما ماعندو علاه يكذب علي .. نتوما ماتعرفوناش برك .. المهيم ماذا بيا نصيحة مليح ومنطقية بعيدة على الاستههزاء

[غربة أهل السنّة]

السّلام عليكم ورحمة الله وبركاته
كُنتُ قد كتبتُ لكِ ردّا في موضوعكِ الأول قبل أن يغلق
ولا تقولي يا أختي أن من الصّعب إقناع والديك بالخطبة...
لأنك إذا كنت حقّا تسعين للإرتباط بالحلال فاعلمي ان الله تعالى لن يعجزه شيء سبحانه

[doba]

ربي يسهل الأمور

[سهيييييييييييلة]

يا اخت هذا حرام حرام حرام وسواء بالهاتف او الفايسبوك حرام ولا يجوز عذه علاقة محرمة و فيها المواعدة و دراسة الطب 7 سنوات فهل ستواعدينه 7 سنوات؟و في الحرام

[براءة سامية]

لي عودة للموضوع.......

[النجمة القطبية]

انتى دركا عندك سبع سنين ميدسين
والقراية صعيبة يعنى لازم تركيز تام يعنى حتى توصلى 27 سنة باه تكملى وممبعد راح تديري تخصص سقسينى انا على جماعة الميدسين كامل يموتو على التخصص وعندهم طموح
درك لازم تخممي مليح كيفاه راح يستناك الوقت هذا كامل من ناحية وزيد الفرق العلمي راح يكبر بيناتكم مع الوقت من ناحية اخرى
ومن ناحية اخرى اهلك رافضين للموضوع
وهو اساسا مازال اطفال مكونش روحو ما خدم ما قرا
ودرك كيفاه الحل في رايك
شفتى علاش ربي سبحانو قاللنا الاختلاط بين الجنسين حرام ولا يجوز
الحل انو يخدم اولا ويعمل لنفسو مستقبل ويحاول يخطبك خطبة مبدئية اذا قبلو داركم تتزوجو وتكملى في دارو قرايتك
غضتونى بزاف خاطر انا قلبي حنين ونتاثر بقصص روميو وجولييت مي واش تحبي نديرلكم الله غالب ما باليد حيلة :1:
خليها على ربي سبحانو هو يدبرلك امورك واقطعى علاقتك بيه نهائيا ارضاءا لله سبحانه وتعالى وانعلى بليس متتبعيش خطوات الشيطان

[nibou]

من كان يعبد محمدا،فإن محمدا قد مات و من كان يعبد الله فإن الله حي لا يموت،تعرفيها هادي!!!!!!!!!!أنا متأأأأكدة بلي تعرفيها،إذا يا اخية لاكان راو ياخد في رايك و راجع للطريق من اجل طاعة الله من اجل طاعة الخالق لا من اجل إرضاء النخلوق فهنا حاجة مليحة و مليح كي عاونتيه و بزاف عليك حتى لدرك و لاكان راو يسقم في روحو غير على جالك،نهار يجبك لدارو خلاااااص،راح يسقط القناع و راو جابك،دك علاواه يبقى يحلل فيك،فهمتيني!!!!!!
يعني هذا ولد عمك خليه يفكر شوي وحدو و يفكر هو تاني كيما نتي باه يجيك بالحلال و ما تقوليش راهو ولد عمي و محال يتمسخر بيا!لا هو راجل يعني اجنبي عليك قادر يتمسخر و قادر لالا،ماش شرط فالقرابة و إنما فالأخلاق،يا أختي إذا كان كاتبلك راو يجيك و قادر ربي يصلح أحوالو و يخطبك وتتزوجي و تكملي قرايتك عندو،قوليلو ساع يدير اللازم اللي باه يقبلو والديك و مبعد يتقدملك و بإذن الله ساهل الحال و زيد والديك ماش حيرفضوا غير لاكان شافو فيه عيب و تاني ماش حيوقفو في وجه سعادة بنتهم،دك ماماك راي تبعد فيه عليك خاطر حابتلك اللي خير و الخيرة فيما إختار الله ولكن لما يجي يخطبك وتلقاك متمسكة بيه راح ترضى بالأمر الواقع

[bellaluna]

نصيحة لك من القلب أختي الغالية :

فليتقدّم لك و لتفهمي عائلتك و أمّك أنّك تميلين له و لا يهمّك في الفارق الأكاديمي بينكما فإن تمّ المكتوب فلله الحمد و المنّة و إن لم يوافقوا فليمض كلّ في حال سبيله و لا تعلّقيه في حبالك و لا يعلّقك في حباله و تصبحي نادمة على ما فات و يصيبكما مرض العشق الذي ليس له شفاء سوى الوصل.

و تأكّدي أن مكتوبك سيصيبك و لو هربت منه.

[عنتر33]

راكي متحمسة بزاف بدليل انك فتحكي 3 مواضيع في يوم واحد + هادي تاع كون تخليه ينتحر مزالك تامني بالغولة

[Wassim France]

هدا ثالث موضوع ليك في 6 ساعات .....
متى تنتهي العطلة
وتدخلو تقراو ونتهناو منكم

:)

[Wander To KyoZo]

wonder الرائع يقول :
يا أختي الحب سيرهقك بلا فائدة اهتمي بالدراسة
أنت في عمرك 19 سنة
وهو 22 سنة هل ستنتظريه باش يدي الباكالوريا
و يزيد 5 سنوات فب الجامعة
يعني يعود في عمرك
26 سنة قد تصبحين عانسة
لأن معظم الشباب يحبون البنات بين 18 و 21 سنة

الخلاصة : دعك منه و الله كاين 100 حكاية كيما تاعك

هدا هو عمل الشيطان عندو لعبة واحدة يلعب بيها بن ادم

[نوميدية1]

ربي يجيب الخير

[no name rix]

حكايات الفايسبوك والحب
خرطي في خرطي
اتقوو الله

[achwak.1993]

ربي ييسرلك يا أختي و ربي يكفيك بحلاله عن حرامه

[نوميدية1]

الحب المستحيل للقفل

[decoration]

ربي يسهل الأمور