مساعدة فيما يخص فور السعادة

[أم ريمة*]

الاخوات لى عندهم فور السعادة لى يشعل من الفوق ومن تحت فى نفس الوقت شريت واحد وكى شعلتو لقيت الجيهة الفوقانية منين يشعل يقعد يخرج فالقاز يعنى حتى وتغلقه يقعد الغاز يتسرب هل هذا خلل لازم نديه نخدمو ولا هكذا مخدومين ؟؟شريتو من مسافة بعيدة ما نقدرش نتصل بالبائع افيدونى جزاكم الله خيرا

[ام حمزة22]

سلام ردي بالك اختي من تسرب الغاز بدون شك هادا عطب اديه منين شريتيه يشوفهولك ولو المسافة بعيدة ما يهمش امام سلامتك وسلامت عائلتك
خودي حدرك اختي
صح فطوركم

[أم ياسين الزهراء]

عزيزتي راهو باين فاسد رديه خيرلك وبلاك يقلك عادي دوق نصلحو جيبي واحد اخر خيرلك غير القغاز اللي ماتلعبيش بيه

[أم ريمة*]

شكرا ام حمزة وام ياسين على الرد

[القبطية]

السلام عليكم راني رسلتك رسالة مع ام انس بصح مافهمتش مليح..... كي طيبي يبقى يتسرب والا كي تسكريه مايتسكرش مليح

ادا الاولى راه فاسد
والا 2 الحل راني بعتولك رسالة
وزيدي سقسي دوي الخبرة

[أم ريمة*]

راه جديد مزال ما طيبتش فيه كى تغلقى الروبينى لى لفوق يقعد يشعل ما يتسكرش وشكرا على الاهتمام

[ساندي 28]

مساء النور ام ريمه معندي حتى معلومه اسفه ممكن الخوات يفيدوك ان شاء الله

[القبطية]

راه جديد مزال ما طيبتش فيه كى تغلقى الروبينى لى لفوق يقعد يشعل ما يتسكرش وشكرا على الاهتمام

طيب تقدري تغلقي من الربيني اي الموزع الكبير الي موصول بالفرن؟؟؟
نتراسلو هنا لانه طلبت من الاخت ام انس ان ترسلك ووضحت جيدا ولكنها تبدو مشغولة