وثائق ، الملف الجامعي، التسجيلات النهائيه ..

[Studdy]

السلام عليكم

بعد ان خرجنا من دوامه النتائج ثم التسجيلات ثم التوجيهات ها قد نواجه كابوس الوثائق و الادارات و البيروقراطيه ربي يعيننا

انا و كمعظم الحائزين الجدد على البكالوريا في حيره من أمرنا
يعني بالعاميه انا خاطيني هاذ الكوارط قاع و حاجات بزاف مافهمتهمش إن شاء الله تعاونوني

باسم الله

هل بيان التوجيه الذي نطبعه من النت يجب المصادقه عليه ام لا؟
هل يمكن الاستفاده من النقل الجامعي حتى ان كانت الجامعه ليست بعيده جدا لكن مع ذلك وجبت وسيله نقل للوصول اليها ، و اذا كان هذا ممكنا ما الوثائق المطلوبه؟
ما هو التأمين بالضبط و هل هو ضروري؟ و مذا يمنح كزياده للطالب الحاصل عليه؟

ما معنى صك مشطوب هبلتني هذه الجمله هه هل هو carnet de chèques ؟
و هل الحساب البريدي الجاري هو ccp؟ و كم يأخذ من وقت تقريبا لفتحه كاين قالولي 3 ايام فقط و آخرون قالوا يطول بزاف

وشكرآآ

[abdou aak]

اهلاا

سلام

انا تاني ماعلاباليش بيهم خلاص

و كي زدت شت نتيجة التوجيه كرهت الكوارط هادو خلاص ههههه

واش بعتوك ؟ عطاوك الرغبة تاعك ؟

[اميرة الجلفة17]

nn hadi lwar9a matkachihach w chek machtob howa war9a ne7ha men echak w bariha w lbus 3andek l7a9 dir edossie nta3o

[اميرة الجلفة17]

w dossie nta3 ena9el
2 photos
chahadet etasjil rahom ymedohalek fljami3a
130da

[●• نسمةة النجآح •●]

بالنسبةة للتوجيهه ..
أظن يجب المصادقةة عليهه ..

[اميرة الجلفة17]

nn rani sur matkachihach

[Studdy]

ههabdou aak خويا معليش
انا مدولي بيولوجيا لكن كانت رغبتي الاولى الحمد لله

و انت؟

إختي lossia شكرا جزيلا لك

و مذا عن مده الاستخراج من فضلكم؟

ربي يوفق

[chaimaà 16]

بيان التوجيه 100% ماتصادقوش عليه انا سجلت بيه عادي جدا بصح تحتاجوا بزاف نسخ تاع الكشف بعد التسجيلات الاولية في الجامعة

[Studdy]

ههabdou aak خويا معليش
انا مدولي بيولوجيا لكن كانت رغبتي الاولى الحمد لله

و انت؟

إختي lossia شكرا جزيلا لك

و مذا عن مده الاستخراج من فضلكم؟

ربي يوفق

[اميرة الجلفة17]

wech tkharaj

[Studdy]

عفوا قصدي فتح الحساب الجاري

[اميرة الجلفة17]

rani sa9sitlek yft7oh ba3d 7 jours mais maymsolekch echak numero barek
hadak dir photos copie 3lih w edih m3ak ftasjil

[خريطة ضياع]

يا أخي أنا و زميلات معظمنا انتهى من تجهيز الأوراق لاننا نعلم كم دولتنا الجميلة متعاونة خصوصا مع قدوم العيد والادارات ستمتلئ لهذا عليك الاسراع لاستخراج باقي الاراق
ccp نعم هو الحساب البريدي الجاري و الصك المشطوب نعم هو carnet de chèques
ccp عندما تدفع ملفه يستغرق ثلاث ايام أو أربعة وبعدها يعطونك رقم بدل carnet de chèques لان الصك المشطوب يستغرق تقريبا شهر
لكن المهم الآن أن تجهز ملف ccp و تدفعه وبعدها سيتوضح لك الباقي
النقل الجامعي حسب ما اعلم يمكن استعماله دائما حتى لو مسافة قريبا لانه مخصص لنقل الطلبة أما الوثائق فعذرا لا أعلم
الوثائق مثل التأمين و النقل تتغير وهي ليست كثيرة بامكانك تركها حتى يوم التسجيل
بيان التوجيه لم يطلب منا المصادقة عليه
هذا ما أعرفه والله أعلم

[zoubidaas]

هذاوين سمعت بالحساب البريدي و غيرهم

المهم اعطونا واش لازم من الكوارط كامل ( الكوس .. الاقامة ... الجامعة ... المطعم . ز المنحة... و اذا كاين حوايج اخرى قولوها )

هكذا باش نرتبوا رواحتينا يعني نفوتو للبلدية مرة وحدة و نخرجوا كلش و نصادقوا على كامل واش لازم مرة وحدة

و بعدها نفصلوا كل دوصي وحدو

و تبقى مهمة ايصاله للمكان المطلوب فقط ( وين نحطوا الدواصا تاع النقل و المطعم و الاقامة و غيرهم ؟ )


يعني كان نديرو موضوع فيه توجيه لكل ناجح في الباك يكون افضل

[Studdy]

شكرا اخوتي في الله ربي يجازيكم

انا وجدت كلش بقالي فقط الحساب الجاري ندفع الملف

و زيد قالولي نخلي فوطوكوپيات تاع الشهاده و الكشف غير مصادق فليهم نحتاجوهم من بعد

حبيت نعرف هل هذا صحيح و في مذا نحتاجهم

و هاهو موضوع يجمع كل الوثائق

http://www.djelfa.info/vb/showthread.php?t=1627950

[zoubidaas]

شكرا اخوتي في الله ربي يجازيكم

انا وجدت كلش بقالي فقط الحساب الجاري ندفع الملف

و زيد قالولي نخلي فوطوكوپيات تاع الشهاده و الكشف غير مصادق فليهم نحتاجوهم من بعد

حبيت نعرف هل هذا صحيح و في مذا نحتاجهم

و هاهو موضوع يجمع كل الوثائق

http://www.djelfa.info/vb/showthread.php?t=1627950


شكراا على الافادة


ههههه لازملي ورقة و ستيلو و نبدا نماركي عدد الصور و ..و...و...

[خريطة ضياع]

لالا ديري نسخ بزاف وديهم للبلدية يصادقو عليهم انا درت فوق 20
ممبعد راح يشيبوك في الادرات لانو راح يخلو عندهم النسخة الاصلية مثلا اذا يغيت تدخل كونكور ولا كاش مسابقة ولا تسجل في الماستر ولا قدر ربي حبست قرايتك وحبيت تعاود ترجع ولا حتى كاين خدمات يطلبو نسخة مصادق عليها
علاذاك دير الاحتياط تاعك ودير نسخ ويكاشوهملك في البلدية دسهم تحتاجهم في المستقبل

[iman14]

Ana marani fahma walou weraki bzf tehseb rana rayhine na9raw fel kharej w zide darona rir men 2 août hata 7 août 5 jours bark w 3lach mafehamtch ana had weraki surtout milaf taemine hadak

[ZINA DZ]

ايه كثري من النسخ على البلتا


قريبتي باش تعدي الماجستير طلبوها منها خلي 3او 4 مش مقاليزيا حتى كي تحتاجي من مياعد تزيدي ديري عليها فطوكوبي

[Indigo]

السلام عليكم

بعد ان خرجنا من دوامه النتائج ثم التسجيلات ثم التوجيهات ها قد نواجه كابوس الوثائق و الادارات و البيروقراطيه ربي يعيننا

انا و كمعظم الحائزين الجدد على البكالوريا في حيره من أمرنا
يعني بالعاميه انا خاطيني هاذ الكوارط قاع و حاجات بزاف مافهمتهمش إن شاء الله تعاونوني

باسم الله

هل بيان التوجيه الذي نطبعه من النت يجب المصادقه عليه ام لا؟
هل يمكن الاستفاده من النقل الجامعي حتى ان كانت الجامعه ليست بعيده جدا لكن مع ذلك وجبت وسيله نقل للوصول اليها ، و اذا كان هذا ممكنا ما الوثائق المطلوبه؟
ما هو التأمين بالضبط و هل هو ضروري؟ و مذا يمنح كزياده للطالب الحاصل عليه؟

ما معنى صك مشطوب هبلتني هذه الجمله هه هل هو carnet de chèques ؟
و هل الحساب البريدي الجاري هو ccp؟ و كم يأخذ من وقت تقريبا لفتحه كاين قالولي 3 ايام فقط و آخرون قالوا يطول بزاف

وشكرآآ

1. بيان التوجيه تطبعينه و تاخذينه كما هو الى الجامعة للتسجيل و لا يتحاج لاي مصادقة.
2. نعم يمكنك الاستفادة من النقل الجامعي حتى ولو كانت الجامعة تقع في نفس مدينتك, ووثائقه تجدينها في احد المواضيع المثبتة في المنتدى.
3. التامين ليس اجباري و يمكنك دفع ملف في اي وقت خلال دراستك, هو فقط يمكنك من الحصول على بطاقة الشفاء لتخفيض تكاليف الدواء.
4. "صك مشطوب" يعني انه عندما تتحصلين على دفتر الصكوك (Carnet de chèques), اقتطعي الصك الاول مثلا و خذي قلما ازرق او اسود و مرري خطا مائلا من اعلى الصك على اليمين الى اسفله على اليسار, هكذا تحصلين على صك مشطوب.
5. نعم, الحساب البريدي الجاري هو الـCCP, و عادة ما ياخذ بعض الوقت لاستخراجه (مثلا انا استغرق قرابة الشهر) لذا انصحك بتقديم طلب الحصول على الصك من الان, علما ان ادارة البريد تضع الحاصلين على شهادة البكالوريا في الاولوية لان استخراجه بالنسبة للاشخاص العاديين قد ياخذ وقت اطول.

[خريطة ضياع]

ملاحظة
البيلتا ليست هي الاهم بل شهادة النجاح الأصلية هي التي يجب أن تنسخها كثيرا
من الافضل أن تنسخهما معا

[iman14]

شهادة توجيه هل هي نفسها شهادة التسجيل المطلوبة في ملفات ام ماذا+في ملف منحة طالبين استمارة المعلومات تسلم من طرف الادارة عن اي ادارة يقصدون + في ملف المنحة قالو يطول باش يعطوني صك مشطوب و انا دفعت وراقي في البريد غير البارح و تسجيلات بقالهم اسبوع برك واش ندير