ابي الخائن

[مشكلتي]

السلام عليكم اخوتي في الله
لعل الموضوع برز من عنوانه ابي لا الذي لا صلة له بالدين ياخر الصلاة هاجر للقرأن يخون امي المسكينة مع فتاة من النوع .... يستمر في دعمها باموالنا ويكلمها في التيليفون استمر هذا الوضع مدة طويلة ونحن لم نكتشف ما في داخل ذلك الاب من مكر ونذالة حتى جاء يوم وبالصدفة اخذت اختي هاتفه واذا به تجد رسائل من عند تلك ... تطلب فيها ان يحشن هاتفها مرة ومرة تطلب ان يكلمها اخذت اختي الرقم وواتصلت واذا بالمرأة تجيييب فلم تتمالك اختي نفسها وشتمتها وقالتاها هذاك ابي وعلاش متخافيش ربي هذاك راجل متزوج ..بعد 5 د نسومعو في التليفون تاعو يصوني لبس قشو وخرج برا احكاتله لي صرا وبعدها جا طاح في ختي ضرب وماما مسكينة ولا دراية بعدها كبرت القصة وعرفت ماما وحتى ختي المتزوجة ولا يعاير ماما وكيتقوله وعلاش درت هاك يقولها انتي مكيش قارية وكذا وكذا وهذيك صاحبتي ومتسلينيش ندير شا بغيت مسكينة ماما نقرهت بزاف 15 يوم وهي تبكي ليل نهار ...بعد مدة قولناله احلف على المصحف متعاودتش دير هاذ الشبي وتبعد عليها .يا ناس تصورو احلف على المصحف وبدل النيميرو تاع بعد مدة الغدوا دخل للدوش جيت موراه للبورتابل نصيبها مبدلة النميرو وراسلته بيه ميساج ادينها نصيبوها نفس المراة مزال على علاقة بيها ... وبعدا عاودنا كشفناه عاود بدل النيميرو لكن لحد اليوم مزال راه معاها يا ناس ومصبناش شكون يساعدنا احنا كامل الشيرات والله ماما مسكينة موسوسة وقانطة وانا بقيت خايفة من الزواج ونفسيتي تعقدت وكرهت حتى خطيبي يا ناس ارجوكم ساعدونا ... احناممكن نعرفو اسم صاحب الشريحة puce على الاقل نعرفوها شكون هي ..بصح ملقيناش شكون يعاونا...ساعودني قولولي كيفاش ندير ...لاحول ولا قوة الا بالله العلي العظيم

[dalal 28]

ربي معاكم لا حول ولا قوة الا بالله

[eBusiness]

لا حول ولا قوة الا بالله

[kramnik]

الله يصبركم
و إن شاء الله ربى يهديه

[rima3571]

ربي يهديه و يهدينا أحمعين ننصحك يا أختي بالدعاء ثم الدعاء و خاصة الوالدة الكريمة قلها تدعي ليل نهار بدل ماتبكي البكاءعمرو ماجاب فايدة قولها تدعي و تقوم الليل باش ربي يرجعوو للطريق أما هادي الي راهي مفسدتلكم المعيشة وكلو عليها ربي و ماتحوسوش تعرفو شكون هي راكي اختي عند ربي و انا راح ندعيلك من قلبي في هاد لعواشير باش ربي يفرج كربتكم

[أم احمد3]

هي تعرف انها دارت مشاكل..مي قلبها مريض. خرابة بيوت....فعلا....أما عن أمك كان الله في عونها....لكن قولى لها كرري مرات في نفسك انك تحبين نفسك مرارا...ثم يتولد لديك ثقة في النفس وبعدها قومي بتغيير من شكلك في هذه الفترة وقومي بتغيير شخصيتك...بحيث تضحكين مع أولادك أمامه.واجعليه يلاحظ التغيير. ثم تهربي بالنظر إليه ولكن ابتسمي....ثم سوف يعتذر منك .بعدها حلفيه بكل ثقة أن يبتعد عن الشر...وحب البنات قولي له كبير ومقدارك كبير....أي قدريه أكثر ...ثم يصبح شخص ذو ثقة. القوة لا تأتي بشئ

[أمة الرحمان رقيّة]

وعليكم السّلام ورحمة الله وبركاته
أختي نظن لازم تروحي للشرطة و تطرحي أنه كاينة قضيّ تع تمسخير بالهاتف
ومن ثم بالاك يعطيوك تصريح
تقدري تروحي تمديه la maison جيزي زلا موبيليس ولا نجمة
وثم تعرفي شكون هي
بصح فيما بعد القضية تتابع في المحكمة والله اعلم

[ksaido]

اللهم أرنا الحقّ و ارزقنا إتباعه

[naamane3]

تلزمكم جلسة حوار مع ابوكم
وتلزمكم تو عيته بان ما يفعله حرام
وسيعاقب عليه في الدنيا فبل الآخرة
وعلموه حديث رسول الله صلى الله عليه وسلم
بشر الزاني بخراب بيته ولو بعد حين
ثم اكثرو من الدعاء و خاصة الاستغفار
والله المستعان

[yousrayousra77]

لا حول ولاقوة الابالله

[baalache]

هذا حال اغلبهم الله يهدينا ويهديهم...

[noeddin]

حسبنا الله ونعم الوكيل .
لا أدري ما أصاب المجتمع .
ادوه أرقوله .

[razika rock]

لا حول ولا قوة الا بالله

[بنت لبحر]

لا حول و لا قوة الا بالله

ربي يهديه ان شاء الله

[نور الهدى06]

اعرفو شكون هادي الساقطة وروحولها وين تسكن بهدلوها وماماك تحاول تقرب لباباك وتهتم بيه وتبدل لوك نتاعها تصبغ شعرها وتلبس مليح ووووو ونتوما حاولو تاترو في باباكم والا محبش يرجع لطريق شوفو كبار العايلة

[راية الاسلام1]

السلاام عليكم
يا اختي تبعيه وين يروح وكي تضبطيه معاها بلغي الشرطة عن الخياانة
راح يسجنوووه
واااش رايحة ديري باب كيما هدا؟؟؟؟
ربي يكوون في عونكم

[sarl02]

داركم قاع نساء وكبركم وزوجكم وامبعد ذرك راكي تقولي ابي الخائن وطايحة عليه؟....وزيد انت واش دخلك مالقري الشيء الي راه ادير فيه ماشي مليح....خلو المخلوق يتنفس اشوية حابين تاكلوه ول...نهار كامل وانتم تجرو وراء تلفونو واتعسو فيه ....وهذه اكيد نزوة عابرة وراح يرجع لجادة الصواب وان شاء الله ربي يهديه

[مريم الصابرة]

السلام عليكم اختي
ربي معاكم يا رب والله يهديه باباك من المفروض راه يزوّج في بناتو الله يهديه
الآن المشكل فيها لاصقة فيه يعن هدرتو معاها كانت قادرة تحشم على روحها لكن الاكيد هذي باباك تشوف فيه دراهم وزيدي خالعاتو عليها عمراتو وجا ضرب أختك المشكل لو باباك هو يخلي الأمور هذي هي او غيرها ما يأثروش فيه مي هو الله يهديه
المهم أختي الآن اللي ديروها حاولو تعرفو شكون هي ومنين ممكن تقدرو تحكو معاها بالعقل تنعل بليس وتبعد عليه لكن هنا راكم تغامرو تقولو يديرلكم مشكل كبير تخافي دور بيه ويتزوج بيها وصراو الأمور هذو الله يستر
ربي معاكم والله فالحالة هذي عجزت واش ننصحك توجهي لربي يهديه ويبعدها على طريقو اما خطيبك ما تحاسبيهش بذنب والدك مش كلهم كيفكيف
شكرا موفقة وصحا فطورك

[bahlittou]

اشتكي عند الشرطة واطيد رايحين يتابعو ابوك و العشيقة بجريمة الخيانة

[فن التأمل]

و مـا شأنك أنت ؟ لا يحق لك نعته بالخائن بتاتاً
الدعاء و حده يكفي

[Wassim France]

وعليكم السّلام ورحمة الله وبركاته
أختي نظن لازم تروحي للشرطة و تطرحي أنه كاينة قضيّ تع تمسخير بالهاتف
ومن ثم بالاك يعطيوك تصريح
تقدري تروحي تمديه la maison جيزي زلا موبيليس ولا نجمة
وثم تعرفي شكون هي
بصح فيما بعد القضية تتابع في المحكمة والله اعلم


ولله يا اختي لما نشوف ردود كيما هاك نندم لاني دخلت لهدا المنتدى
نشوف اعضاء هنا لايعرفون حتى طرح الحلول ويتدخلون في وضع ردود غير مسؤولة ..
عن اي شرطة يدهب اليها صاحب المشكلة ؟؟
باباه كبير في العمر وهو الي يتصل بالفتاة ويتكلم معاها هههههههه
وزيد الشرطة ليس لها اي عمل الا التحري والبحث عن الفتيات اللواتي يتكلمن مع رجال متزوجون
وعن اي محكة تتكلمين ؟؟؟؟

الي سمعك تهدري يقول ان هديك البنت تهدد في ابوه وتحرضه على الفسق والدعارة وتهدده باغتصابه اد لم يكلمها
هههههههههه ربي يهديك يا اخني

[bellaluna]

أختي الغالية المشكلة التي ذكرتيها c'est un problème de couple
هاته المسألة تُحلّ بين والدك و والدتك فقط و على الرّغم من بنوّتكم فلا حقّ لكم في حشر أنفسكم في هذه المسألة الحساسة، أنا في مكانك أحثّ أمّي أن تتحاور مع والدي ليتفاهما و يصلا لإتفاق و صدّقيني إنّ تدخلكم يزيد الطّين بلّة.