مشكلة شخصية

[مشكلتي]

السلام عليكم اخواني

مشكلتي أنني لا أتحدث كثيرا, قليل الكلام, وخجول. لا أتكلم الا في المواضيع التي أحس أنها جادة, في التجمعات العائلية و مع الاصدقاء لا أتكلم أنصت و فقط حتى يخول لهم أنني غاضب منهم أو شيئ ما. و على العكس تماما ما أفكر فيه و ما يجري في ذهني كأنني في عالم أخر. لا أحب المواجهة لأنني قليل الكلمات. و مع أنني أجيد اللغات الاجنبية لا يمكنني التحدث بها علنا و أحس باحراج كبير.

مع أنني متفوق دراسيا, هذه المشكلة تسببت لي في فقدان عملين. بمجرد ما أحس أنهم حقروني أترك العمل مباشرة دون الدخول في المواجهة!

هــل هذه مشكلة نفسية ؟ أم هذا شيئ طبيعي وأنا انسان مختلف ؟

هل من نصائح ؟

جزاكم الله خيرا.

[البحث هن العلم]

و الله حاول ان تقنع نفسك و تحكي معها كل يوم بانك قادر تخرج من هذه القوقعة مع الاول يقولو واش بيك تبدلت و انا كنت مثلك وباش تخلصت منها بديت نحكي مع ناس جدد ما يعرفوش شخصيتي من قبل و حسبوا هدي طبيعتي من بكري و اللي نعرفهم قالو واش بيك تبدلتي و منهم اللي جرحني وحبوني ديما انكون منطوية بصح كنت قوية اصريت باش نبدل عقليتي والحمد لله حسيت روحي خلقت من جديد ورانياجتماعية مئة بالمئة

[براءة سامية]

لآآ أظنهاا مشكلة كبيرة قله الكلآآم(فانا ايضاا قليلة الكلام )....فقليل الكلآآم هو كثير الحكمة....لكن مشكلتك في أنك لا تستطيع الموواجهة و هذا يجي من ضعف الشخصية و قله الثقة بالنفس لازم تتكلم في مواقف اذا ظلمت و لا تنسحب و تستسلم...اذا انسحبت و تركت العمل ما ان ظلموك و كانك تخبرهم *أنتم أقوى و أنااا الأضعف** أبددااا لا تكن هكذا اخي.....كن اقوى...كن واثقاا اكثر بنفسك...ابداا لا تسمح في حقك واجه...و لا تترك الجميع يظلمك و انت صااامت....
وفقك الله

[kramnik]

يجب عليك ان تقوى شخصيتك و تزيد ثقتك فى نفسك

[naamane3]

انت مهبول ومعقد ومتخلف و و و ........
هكذا يشوفو فيك الناس اللي ما يعرفوكش
وخاصة اذا انسحبت من موقف انت قادر عليه
لذا عليك بأمرين الأول قل الحق ولا تخشى شيئا
والثاني استعمل علمك ومعلوماتك في تصحيح معلومات الغير
واخطائهم لكن بالتي هي احسن
واعلم جيدا انه اغلب الناس جهال

[sonia32]

في الحقيقة وللاسف ان مجتمعنا يفهم القليلي الكلام بانهم معقدين وانا واجهت هده المشكلة وسببت لي الكثير من الاحباط نصيحتي لك اخي هي انك يجب ان تواجه المجتمع لانك ادا بقيت هكدا سوف تفقد دورك في المجتمع قل رايك بشجاعة ودافع عن رايك بكل عزم وثقة خاصة ادا كنت على حق ولا تجعل احدا يستغلك
صحيح احيانا تشك بانك غير طبيعي وان الناس ينظرون بنظرة غريبة لك لكن انصحك ان تكون اجتماعيا يعني تكلم وحاور ولاتتردد صدقني يا اخي انا عملت كل هده الخطوات ونجحت فيها والحمد لله

[knives66]

ضعف الشخصية

يلزم تحارب نفسك و تتشجع صح موش امر ساهل بصح يلزم تاحول

كي كنت صغير كنت ناخف و نحشم وديما ساكت انما ضورك تغلط نقتلك غير بكلام

سبب انك كي كنت صغير كنت منطوي على نفيك وما خلطش ناس على هذا

تجيك صعيبة شويا

[rima3571]

السلام عليكم

أخي اذا بيك على قلة الكلام خليك كيما راك ماعندك ماتدير بالثرثرة الزايدة ولما تهدر خليك كلامك موزون باش يقولو عليك رزين و مش معقد بالعكس راح تكبر في عينين التاس ، فيما يخص الخجل و الحياء انا نعتابرو رجولة مي في حدود يعني ماتخليش الخجل يطغى على الشخصية تاعك بزااف و إلا راح يتحول لضعف ، باش تنحي الخجل ماعليك غير تواجه الناس و كلك ثقة بلي كلامهم مش راح يأثر فيك ،قوي الشخصية تاعك و حاول تتعرف و تتكلم مع ناس ماتعرفهمش باش تزيد الثقة تاعك بنفسك ، راك تقول نحس بلي حقروني دونك نفسك عزيزة بزااف و الحساسية تاعك زايدة و هدا شيء راح يسبباك مشاكل بزاف في المستقبل انا ننصحك تتخفف هاد الحساسية تجاه الناس و كونك متسامح أكثر و حاول تتقبل جميع العقليات في الوسط العملي يعني عامل كل واحد بعقليتو و ماتكونش أناني أو منعزل على الغير و انش اء ما يكون غير الخير

[الواثق]

راك في نعمة .....................ولو قسنا على مبدأ فلتقل خيرا او لتصمت لكان الاجدر بنا الصمت منذ زمن طويل ...............والله المستعان

[Adnou Eclypse]

خويا ننصحك ، جرب التجارة و التعامل مع الناس من كل الانواع ( المتربي ـ المتدين - لي يبيع المخدرات - الامام - المختلين عقليا ,,,,الخ) نأكدلك 100 بالمئة انك ستصبح انسان جديد اجتنماعي بشخصية حديدية :d

[فن التأمل]

انت في الطريق المناسب ... هكدا لك طعم خاص بك فلا تغيره

[first first]

يااخي قلة الكلام طبع............................................... .وراك في نعمة
لكن نقولك هناك مشكلة صغيرة جدا يمكنك تفاديها ببضع الكلمات.......نقولك واش؟
يااخي قليل الكلام..........كثيرا مالايفهم...................يعني لقة الحوار مع الاخرين .خاصة المقربين منه....................يجب ان يكلمهام ولو ببضع كلمات .المهم لازلم يوصل فكرتو حتى لايساء فهم.
انا نصحتك من باب التجربة .لنو كانت عندي احدي قريباتي.......قليقة الكلام.تقدر تقول منعدمة الكلام وجد حساسة..والله المشكل صغير يكبر معاها................كانت تستطيع ات تعالجه بجملة بسيطة فيها فعل فاعل...وكي تحب ماتزيش المفعول به.
ماشي قاع الناس يفهموك 100/100 بلا ماتهدر وتعبر....امك وماتفهمكش بلا كلام.
يعني حاول تعبر على المينيموم.والمواجهة تجي بشوية.خاصة ادا كنت صغير في السن شيوة الامر جد عادي.
لاانصحك ان تصبح ثرثارا فانت في نعمة..........لكن حاول ان تنقل افكارك وتدي وتجيب مع الخلق.فانت تملك نعمة النطق فاستغلها بايجابية.

[til-crazy basma]

اعانك الله

[doba]

يجب عليك ان تقوى شخصيتك و تزيد ثقتك فى نفسك

[SAMRA 33]

انا كنت مثلك تماما خجولة جدا هادئة الطباع قليلة الكلام وعانيت من كلام الناس واولهم اهلي فاخواتي مثلا يردن الخروج ويقلن لي ياخي نتي ماتحبيش الناس + ياك نتي ماتحبيش تلبسي ,,,,,,,,,,,,,,,, حتى تعقدت فعلا ولكن الحمد لله اليوم تغيرت كثيرا صحيح مازلت خجولة ولكن اصبحت احكي واتحدث رغم خفقان قلبي هههههههه اقمت صداقات جديدة ,,,,,,,, ومازلت اجاهد نفسي حتى اتغير كما احب
اما عن الناس فهي تقدر المتكبر اما المتواضع والخجول فتحطمه والله عن تجربة ربي يهدينا كامل
الى الامام سر والانترنت مليئة بما يساعدك على التغيير من دروس وفيديوهات عن علم النفس والعقل الباطن

[aya glambert]

السلام عليكم اخي الكريم . بداية علي القول اني نوعا ما اعاني من هذه المشكلة , لكن و الحمد للله لدي صديقات كن الى جانبي .
عليك ان تتحدث الى نفسك و ان تفكر بايجابية ,و ان تحاول الاندماج مع الناس اكثر حتى وان لم ترغب في ذلك و ان تحاول النظر بايجابية الى كلامهم. -وفقك الله-

[رجاء الجزائر]

الكل نصحك بضرورة الثقة بالنفس لكن هل تعلم ما معنى الثقة بالنفس
الثقة بالنفس هي أن تعتقد أن ما تفعله صحيح مهما اعتقد الآخرون أنه خطأ
مشكلتنا أننا دائما نحاول تشكيل أنفسنا حسب هوى الآخرين
اقتنع بنفسك هذا كل ما في الأمر ، ثق بأنك متميز فالصمت أصعب من الكلام

[إيمان الطموحة]

أنا أعتقد أن البيئة التي تعيش فيها هي التي أثرت عليك ربما من خلال معاملتهم لك أو أرائهم و بالتالي تزعزعت ثقتك بنفسك
من الأفضل التعرف على اناس جدد وخلي شخصيتك قوية ..طبعا هذا لا يمنع ان ناتزم بالصمت متى تطلب منا ذلك
الله يكون في عونك

[hodahodahoda]

هذه ليست مشكة كبيرة
حاول الكلام مع اقرب الناس اليك اولا ثم الابعد فالابعد
سيزول هذا الامر انشاء الله

[azzouza19]

على العكس تماما انت مش مريض بل واعي
انا امرأة ونحب نتصرف هكذا لان هذى الطريقة تجيب الاحترام و كثرة الكلام تجيب الاحتقار
اعلم انه كل واحد انتقدك مسبقا على هذا الطبع فهو يريد من قلبه ان يصبح مثلك
اما اللغات الاجنبية فانا كان عندي نفس مشكلك لكن الحمد لله نتكلمها الان و منحشمش لازم شوي courage برك

[*قطر الندى*]

ملييييييييييييييييح ...انت هاااااااايل ........

علاش راك تشوف للكاس اللي نصو مليان ...على ان نصو فارغ .....

عندك عالم آخر مختلف ؟؟؟؟؟؟؟

هادي بالذات هايلة تخليك متميز ........ وانك تهدر بزاف مع روحك .......تعني انك ذكي .... روح وحوس عليها ورايح تلقاها كما راني نقولك ...

ولكن
ولكن

انك تحس روحك محقور .......... هادي نووورماااااااااال ايييه راك محقووور ........وشكون فينا ماشي محقور ........كامل احنا محقورين ولكن ملازمش تخلي روحك تتأثر بالآخرين ......هااااااااادو غايرين منك ...

علاش انت معلابالكش بيها ؟؟؟؟؟؟؟؟

اللي يغيرو منو ........يحبو يكرازوه ........باش يحطموه

وانت يا أخي ياخسااااارة غلبوك ...........وخليت 2 خدمات

؟؟؟؟؟؟ وش بيك وش بيييييييييك .... ماشي هاااااك ..........
معليش هادي نخلوها للماضي نستفيدو منها للقادم

دركا ركز في درك : انت انسان رزين ......وذكي طبعا كما انت علابالك

ريح مع روحك وعدد صفاتك المليحة ....... والخدمة الجاية ننصحك روح اخدم في كاش بلدية في الحالة المدنية ....
او في البريد ---la poste--

لتم تتعامل مع كل اناس و اصنافهم ......

انا نعرف واحد لوكان تشوفووووووووو .....كان كما الحجرة .........وكي خدم في la poste وش نحكيييييييييلك ...... ولا لسانو رطب و يعرف يهدر و سياسي .......

نقولك : ركز على دروس الثقة بالنفس وحاول تطبيقها ............وربي يكون معاك مزالك في البداية و الطريق القدام ..... صحا ليك عندك بزاااف امور ديرها و لما ديرها رايح تلاحظ الفرق وتتفاءل بالغد ...


سلالالالام

[السي محمد]

روح للخدمة الوطنية

تحراش شوية...الدنيا هاذي يلزملها واحد احرش

[مايسترو عمران]

انت قاعد توصف فيا انا :))