ساعدوني

[مشكلتي]

السلام عليكم
توجد مشكلة كبيرة و انا حائر كيف نتجاوزها
نحن نسكن في حي سيء جدا لان فيها 4 جيران لنا سمعتهم سيئة جدا
بدليل اني اسمع كل مرة كلام من كل الناس اكيد لم اصدقه
كما ان احدى الجارات عندها 3 بنات كلهن انجبن ابناء بدون زواج و انتهم تفهمون المعنى
المشكلة ليست هنا لانه ليس لي دخل
المشكلة ان امي يوميا تجد الاوساخ عند بيت المنزل و تنهض باكرا حتى تنظف المكان وتعيده من حيث اتى ( الجارة التي تجاورنا في السكن ) و هي احدى الجيران السيئات جداا ترمي علينا الاوساخ و امي يوميا تدخل في مناوشات مع هاته الجارة حتى اصبحت بسببهن انهض على السادسة صباحا
و يوميا تدعي هذه السيدة ان امي ترمي عليها الاوساخ و لكن العكس هو الصحيح..
اخبروني كيف اتصرف هل انتظر عندما ترمي الاوساخ و استدعي الشرطة ام مذا افعل
للعلم تكلمنا معها الالاف المرات ولا حياة لمن تنادي بل بالعكس تقوم بمعايرة امي و تدعو علينا و تقول كلام سيء ونحن في شهر رمضان و هذا امام مسمع الجيران

[البحث هن العلم]

لا حول ولا قوة الا بالله ان شاء الله ترحلو وتتهناو من جار السوء
و الله وكلو عليها ربي و ادا ماهدهاش ربي ماعليكم غير الامن المدني
اف يالطيف هادو بشر الله يعافينا
اكيد انتم ناجحين وهم يغيروا منكم

[براءة سامية]

لا حول و لا قوة إلا بالله العلي العظيم
وكلو ربي ختي

[الجزائر هنا]

نحن أيضا نعاني من نفس المشكلة جيران السوء ربي يهديهم.

هؤلاء أنـــاس مايخافوا لا من الله و لا من العبـــد تصلح لهم الا العصى و الترهيب.

لو كان الأمــر بيدي لما جاورتهم دقيقة اضافية, أرض الله واسعـــة.

ربي يفرج عليكم ان شاء الله.

[شمس* الأصيل]

السلام عليكم .......................

حاولوا أختي أن تغيروا السكن .............................فالأمن لن ينفع بشيء مع وحدين معندهمش شا يخسروا .....................ديجا قلتي سيئي السمعة

المهم الله يكون في عونكم..............

[sara 97]

استغفر الله ياربي

احسن تبدلوو السكن

[عنتر33]

جار السوء اصعب شيء الله يعافينا منهم
نحن ايضا نعاني و اسفاه كون نقدر نرحل بصح الله غالب

[ايمان نور الجزائر]

لا حول ولا قوة الا بالله
ربي يصبركم برحمته
هادي مراة ناوية على الشر نتاع الصح والمنكر يمشي في دمها
وما يلزمش تسكتو عليها لانو راح تتمادى اكثر واكثر
اول حاجة فهم امك ما تزيدش تتناوش معاها تماما يا اخي
وما تردش عليها باش ما تمدلهاش قيمة كتر من تستاهلها
بالنسبة للأذى انصح بان تقوم باكراااا قبل ان تقوم المراة برمي الاوساخ
وتراقبها وتصورها صورا كثيرة وهي متلبسة ثم لا تخبرها
وتكتب فيها شكوى للبلدية مع تقديم الدليل وايضا تقوم بنشر الصور في الحومة كي تعتبر
وان اقتضى الامر اخيرااا الجا الى الشرطة

[naamane3]

الحل بسيط جدا جدا جدا
عاملوها بالحسنى وسيتغير الحال 180درجة

[○•ميسون•○]

السلام عليكم

نفس المشكلة معنا بالضبط

الحل هو التجاهل و ذرك تشوفي الفرق بعينك

التجاهل فقط

فالتجاهل صدقة جارية لفقراء الأدب

كي تتجاهلوهم هوما يجبدو رواحهم و يكرهو من الشتائم

اما كي تردوا عليهم يزيدوا يهيجوا

[عذب المشاعر]

اخي الكريم
وحيد انك تتق شرهم ابعد عنهم و لا تتكلموا معهم مع الوقت يبعدوا عليكم

[kramnik]

الصبر مفتاح الفرج

[غليزاني 26 سنة]

نفس المشكل مع اشباه البشر عندنا
جارة سيئة جدا من حيث السمعة و حتى ربي تركها تمشي على رجل واحدة
دائما تسيء للجيران و تقول كلام فاحش بدون سبب عندنا
الله يهديهم برك

[sarl02]

حقيقة مشكل ...واذا درت عليهم راح تفقد اعصابك وربما ترتكب كوارث انت في غنى عنها...ما عليك الا الصبر والعمل على تغيير محل اقامتكم ...بدل المراح تستراح يا اخي ..ما اصعبها عيشة مع هكذا قوم....الحمد لله عندنا جيران اكثر منالاهل عشرة تاع قريب 80 سنة يعني منجد لجد والله اتخلي دارك وتغلقها لمدة عام وتروح مهني ...وفق الله الجميع.

[knives66]

على حسب تجربتنا من جرتنا سيئة سمعة

الحل في رفع قضية عليهم في محكمة

وقتها قولهم يقربوا

[dalal batna]

كاين مثل يقول خاف وربي وخاف من لي ما يخافش ربي،لا داعي للدخول معهم في مناوشات والله يديرولكم حاجة تندمكم طول حياتكم .هاذو ناس نحاو يدهم من يد ربي ،سمعة سيئة وسب وشتم وزد على ذلك رمي الأوساخ يعني كيفاش ناويين تكملو حياتكم مع هكذا جيران حتى أولادكم الصغار لازم يترباو في حي محترم
الحل أنكم ترحلو وتتركولهم الحي لانو ناس كيما هادوا ما ينفع معاهم والو والدولة راهي تشجع في هذا الفسق يعني حتى واشتكيتو عليهم راح تخرجوا انتم الغالطين في الاخير
ولي قال اشتري الجار قبل الدار ما غلطش

[til-crazy basma]

الجار قبل الدار
لذا غيروا السكن ان كان بالامكان
فكما قلتي ليست و حدها السيئة
كان الله في عونكم