استفسار عاجل عاجل

[*نايلي*]

السلام عليكم ورحمة الله وبركاته
اخوتي انا تحصلت على البكالوريا معدل 12.80 شعبة رياضيات
وفي نتائج التوجيه تم توجيهي إلى اختصاص : رياضيات واعلام آلي
من فضلكم دلونا على هدا الاختصاص
وراهو مازال عندي الحق في الطعن .....
-----
الي قراو رياضيات واعلام الي يفهمونا اسكو القرية صعيبة؟ والاختصاص مليح ؟
وماهي علوم المادة ومن هي الأحسن فيهم
الله ينوركم

[aymane2530]

اولا رياضيات و اعلام اسهل من علوم المادة ثانيا احسن الكليات في هدا الاختصاص جامعة قسنطينة 2 و جامعة هواري بومدين الجزائر
فرص العمل تكون مضمونة للاوائل و خاصة اصحاب الماستر في الاعلام الشىء الدي كيما قالو صعيب الرياضيات حنا بالعربية ما نفهموا و زيد نوليو نقراوها بالفرنسية لاكن لي يحب يقرا ينجح و بالتوفيق

[*نايلي*]

بارك الله فيك أخي أيمن على الشرح ....
سؤال أخير .
نقدر نسجل دركي رياضيات واعلام الي ومن بعد نبدل مثلا استاد رياضيات في جامعة أخرى مع العلم انا عطاولي في جامعة لجلفة

[Amina1996]

تبالي رياضيات و اعلام الي منيحة بزاف لي يشكرو فيها وشنهو صعيبة شوي

[*نايلي*]

بارك الله فيك أختي امينة انا تاني شكروهالي بزاف مي الواحد قبل لا يدر حاجة لازم يسقسي

[Amina1996]

والله صحاب خويا باك 2012 داو ب 14 و 15 و رام مدايرينها و تفرعو رياضيات و عاجبتهم بصح صعيبة و تعب

[*نايلي*]

ايه قالولو تعب فيها مي هي خير درت مدرسة عليا استاد رياضيات ماعطوليش مالغري ديت في مادة الريضيات 19 وشعبة رياضيت
مي الي فيها الخير ربي يجيبها مرسي عليك أختي

[اميرة الجلفة17]

oui s3iba 3olom lmada eshal menha dir chimie w tal9a ro7k bien

[*نايلي*]

أختي lossia علوم المادة اسهل قلتيلي والاخ ايمن قالي هي اصعب ههه
بصح ادا درت علوم المادة نقدر نختار فيزياء ولا كيماء ولا كيفاش فهميني الله يسترك

[اميرة الجلفة17]

ana na9ra st fi djelfa w sm trencommun m3ana
w deuxeme annee nchlh dir specialite
3la 7sab ismek djelfawi kayen fdjelfa chimie organique hadi takhdam fi labo w kayen chimie academique hadi t9ari biha w kayen physique hadi s3iba manans7ekch biha