تسجيل الدخول

مشاهدة النسخة كاملة : لبنات حبيت نسقسيكم على البقلاوة

باسم وبيسان
2014-07-21, 12:31
تعيشو حبيت ندير البقلاوة فى البلاط تاع خبزة تاع الكوشة تاع برا وشحال نكيل من الفرينة باه يجنى الكيل تاع لعجينة قدقد والحشو شحال من كيلو ندير فيه
باسم وبيسان
2014-07-22, 00:23
لبنات انى مازلت نسنى فى الرد
باسم وبيسان
2014-07-22, 23:49
لى هاد الدرجة معندكمش الوقت تردو
ام ندى 87
2014-07-23, 00:38
نصائح الهام للبقلاوة

1- عجينة البقلاوة تتعجن مليح ماشي بزاف كيما الشخشوخة بصح دخليها مليح في بعضاها باش ترجع مطاطية وماتتقطعلكش كي تحليها
- وتخليها تريح باش ماتعبكش في الحلان
- ديريها وسط لاهي جارية لا ناشفة: لو جريها رايحة تعبك في الحلان تلصق في الماشينة ولوكان تيبسيها تعبك ثاني في الحلان ومن بعد كي طيب جيك تتفتت
2- العلو نتاع الحشو : قبل ماتبداي في البقلاوة ترحي اللوز نتاعك وتحطيه في الصينية اللي رايحة تخدمي بيها وتعدليه من بعد ديري ثقبة ف وسط الصينية بصبعك وشوفي العلو نتاع الحشو مالازمش تكون عالية بزاف ماجيش باهية الحبة وجي ثقيلة وممكن يطير العجين من الحشو من بعد كي تطيب و تتقص
- العلو نتاع العجينة : انا ديما ندير 5 ورقات من تحت و 4 من فوق لازم يكون كاين تناسق مابين العلو نتاع العجين والحشو مثلا : ماشي العجين العلو نتاعها خشين والحشو رقيق والعكس ثاني ماشي مليح
قتلك انا ندير 5 من تحت و4 من فوق ونحل بيدي بصح نحلها رقيييييقة كيما ورقة الكراس عندي الماشينة بصح نحلها بيدي نحب نتاكد باللي جات رقيقة ملي مليح.
3- لالا ماتدهنيش الحشو راني فهمتك علاه وحقة كاين سبب آخر وهو ممكن ثاني ماخليتيهاش شربت مليح العسل وتسرعتي وقصيتيها أنا ماما تخليها قداش من يوم حتى تتشرب مليح باش تقصها تبقى متماسكة
4- الحشو : مايكونش جاري ولا ناشف لانو لو يكون ناشف بزاف رايح ينفل عن العجين كيما صراتلك انت ولوكان يكون جاري كي دخليها للفرن يغلي الماء اللي فيه ويرجع سائل لانو السكر يذوب ويخرجلك الحشو ما بين الحبات ومن بعد كي يخرج من النار يتحرق يرجع كاراميل وجيك البقلاوة يابسة
نصيحتي : تخلطي الحشو مسبقا بنص نهار مثلا وتخلطيه مليح باش وتغطيه مليح بكيس بلاستيك ولازوج لانو ينشف بسررررررعة لذلك لازم يتغطى مليح من الهواء وتخليه عدة ساعات يذوب السكر نتاعو هذا أحسن
ماتنحيلوش الكيس حتان تكوني خلصتي طبقات العجين السفلية وتوجدي الطبقة الأولى نتاع العجينة اللي رايحة تحطيها فوق الحشو باش تنحيلو الكيس وتحطيه فوق العجينة ومباشرة تغطيه بورة عجين اللي وجدتيها مسبقا هكذا ماينشفش الحشو
5- اللوز يقشروه فقط بصح مانحمصوهش لالا صراحة انا نحب نرحيه بقشورو وممكن نزيد فيه شوية عطر الجوز كي تشوفيه يبانك لوز وجوز حتى الطعم يبانلي خير بصح كل واحد وذوقو
- أرحيه ماهو خشين ماهو رقيق ياخي مالفة تاكلي البقلاوة ماديريهش رقيق جيك كلي معجنة الحشوة وكون تخليه خشين يجيك الحشو يتفتت وأنت تاكلي في حبة البقلاوة لانو مرحي اللوز خشين مايتماسكش الحشو

أتمنى تكوني استفدت
نقاء قلب
2014-07-23, 00:56
تفضلي هذه ، ما جربتهاش بصح راح نعتمد هاذ الوصفة

بالتوفيق و صحة عيدك : )

http://www.djelfa.info/vb/showthread.php?t=1412073
*ام ادم*
2014-07-23, 01:26
بارك الله فيك المبتدئة شرح ممتاز في ميزان حسناتك يارب راني ستفدت حتى انا شكرا لك

اخت باس سونبوس دري تاع ام انس هايلة جربوها بزاف العضوات
باسم وبيسان
2014-07-23, 10:19
شكرا جميع علر لردودكم وسغطو المبتدئة ربى يجعلها فى ميزان حسناتك صح فطوركم واشكركم مرة اخرى
شموخ امرأة
2014-07-23, 10:34
سلام اختي انا جربت بقلاوة نتاع ام اماني روععععععة تقدري تشوفيها في قناة سميرة لفارس جيدي بتفصيل شوفي تطبيفي راها روعععععة
شموخ امرأة
2014-07-23, 10:36
نصيحة اخرى العجينة خلها ترتاح مليح انا خلطتها صباح ومن بعد المغرب سرحتها ساعدتني بزاف و ما تعبتنيش
nadia mimi
2014-07-24, 22:56
ة الموضوع اروع
يعطيك الصحة