Médecine à Alger

[جوجيتي]

السلام عليكم خاوتي les futurs médecins ;) ان شاء الله

نبدا في الموضوع --->

انا كان الطب اول اختيار مي كنت دايرة في بالي نقرا في بليدة و كانت عاجبتني و انا موالفة بليدة و نعرفها و نعرف بزاف لي يقراو طب ثمة ! مي طاولي في العاصمة والحمد لله في الجامعة 1

بليز خاوتي اذا عندكم اي معلومات على القراية ثمة والاقامة و وين جاية exact !!

ماكنتش قاع دايرة في بالي العاصمة :/ ! شفت بزاف تعليقات في عدة مواضيع على الطب في العاصة مي كنت نتخطاهم -_- للاسف

الحاجة المليحة اللي شديتها هي اننو القراية ثما خير D:

ارجوكم افيدوني!!

[DTInfo]

روحي ترقدي
ولا جامي سمعتي بحاجة سمها جوجل؟
O_o
حك راسك دير موضوع

[✗ ┋ وَړْﮃَةُ آلـﭴَزآئـړْ ┋ ✗]

الدراسة في كلية الطب ببن عكنون وهي كلية جديدة فتحت هذه السنة
والاقامة كذلك هناك إقامة البنات ببن عكنون

[sarah1424]

سلاام
اختي الصغيرة سنة 2 طب بالعاصمة وادا عندك اي سؤال نقدر نفيدك ان شاءالله
الاقامة بن عكنون وتقراو تما بعد مش بعيدة بزااف من الاقامة للكلية مشية 10 دقائق
الغرف كاين الي فيها 5 بنات وكاين 4 بنات
اختي راحت مع لولين حكمت غرفة مع 4 اخرين والي جاو متاخرين عطاوهم غرف 4
انت الي تخيري البنات الي معاك يقولولك القاي بنات من ولايتك وسجلي معاهم كل غرفة فيها بنات من نفس الولاية
القراية شوية صعيبة مع انتشار كبييير للدروس الخصوصية

[جوجيتي]

روحي ترقدي
ولا جامي سمعتي بحاجة سمها جوجل؟
O_o
حك راسك دير موضوع

c koii google !!!!!!!!!!!!

j pense mahouch un etre vivant !

ana 7abit na3raf 3la had la fac mn nass 3andhom experience -_-

[جوجيتي]

سلاام
اختي الصغيرة سنة 2 طب بالعاصمة وادا عندك اي سؤال نقدر نفيدك ان شاءالله
الاقامة بن عكنون وتقراو تما بعد مش بعيدة بزااف من الاقامة للكلية مشية 10 دقائق
الغرف كاين الي فيها 5 بنات وكاين 4 بنات
اختي راحت مع لولين حكمت غرفة مع 4 اخرين والي جاو متاخرين عطاوهم غرف 4
انت الي تخيري البنات الي معاك يقولولك القاي بنات من ولايتك وسجلي معاهم كل غرفة فيها بنات من نفس الولاية
القراية شوية صعيبة مع انتشار كبييير للدروس الخصوصية

شكرا اختي مزية لي لقيتك d:
حبيت نسقسيك ختك جابت الباك هدا العام !! تسما بداو يسجلو ولا كيفااه ؟؟

[sarah1424]

شكرا اختي مزية لي لقيتك d:
حبيت نسقسيك ختك جابت الباك هدا العام !! تسما بداو يسجلو ولا كيفااه ؟؟
اختي نجحت باك 2013
وسجلت طب بالجزائر وقرات سنة اولى طب وهاد العام بادن الله سنة تانية
اي سؤال راهي معايا تجاوبك بادن الله

[bahayou]

من أي ولايـــة أنت

[جوجيتي]

اختي نجحت باك 2013
وسجلت طب بالجزائر وقرات سنة اولى طب وهاد العام بادن الله سنة تانية
اي سؤال راهي معايا تجاوبك بادن الله

الله يبارك ^^
و ان شاء الله مايكون غير الخير

من أي ولايـــة أنت

عين الدفلى

[اسراء 2014]

اختي انا عندي زوج حباباتي يقراو في العاصمة جابو لباك 2013 طلعو لعام وهادا لعام ان شاء الله السنة ثانية
الاقامة في بن عكنون الاطعام ناقص ماشي مليح والغرف فيهم 5 بنات الدراسة مليحة في العاصمة من ناحية التطبيق لانو فيها احسن مستشفيات وطن ................
اما بخصوص الدراسة فهي صعبة نوعا ما وكاين دروس خصوصية لكن باهضة الثمن ولي يقراها يطلع العام باحسن المعدلات وهو مرتاح اما من دونهم فيلزمك تعب كبير باه طلعي لعام ...........
على كل ربي يوفقك شيدي الهمة وماكان حتى حاجة مستحيلة .................

[m.abircharef]

je suis etudiante en 2 année medcine dentaire a alger mais le 1 année na9raw m3a medcine 2aye question golihlli w n3awneek nshalah . alger kheer min l blida mais la city rabi sabarna w khlasse

[Amira rose]

slm à tous
kima rani nchouf el7ala tben s3iba chwya
allah ykoun m3ana brk

[رونق المتالقة]

السلااام عليكم

تم توجيهي الى كلية الطب ب وهران و الحمد لله لكني مترددة يشان التحويل الى كلية الطب بالعاصمة فهل من مساعدة :confused: اي الكليتين احسن و ايهما فيها صعوبة :confused: و ماهي الصعوبات في العاصمة :confused:
ارجوكم افيدوني جزاكم الله خيرا

[موتي ولا دمعة أمي]

سلام .... جوجيتي اااكي بعثتيلي رساله عالخااااص لكن مقدرتش نجاوبك مشاااركاتي أقل من 1000

فيما يخص الاسم متقدريش تغيريه لانو اسمك راهو أصلاا بالعربي على كل حال أنا عربتو من هنا http://www.djelfa.info/vb/showthread.php?t=1567613
والموضوع أغلق
أنت كونتي حاسبة تقراي في البليدة وقاسوك في العاصمة وأنا كونت نقول وهران صبت روحي في البليدة والحمد لله تغيير كبير هاد العام راك قلت تعرفي عليها تقدري تقوليلي شوية عليها .........