اداب ولغة انجليزية -ارجوكم .. [الأرشيف] - منتديات الجلفة لكل الجزائريين و العرب

مشاهدة النسخة كاملة : اداب ولغة انجليزية -ارجوكم ..

XicaWapa

2014-07-20, 18:30

انا شعبة علوم تجريبية .. وجهت لاداب و لغة انجليزية .... لكن انا حبيت مدرسة عليا للاساتذة ..بصح ماقبلونيش ..و انا تاني حبيتها لاني نحب اللغة الانجليزية لكن يظهر لي طموحي ضيق خلاص مع هدا التخصص .. يعني في المتناول و ماهي الافاق المهنية ؟ لانو ديما تاع المدرسة العليا عندهم اولوية في التوضيف ؟ .. و حابا نعاود الباك -لعلى وعسى نجيب معدل مليح- و ندرس تخصص اخر ، لانو هادا لي نقولو انجليزية في لافاك يقولي ..اييي ماشي مليحة خلاص ..وعلاه عليك ؟ احبطوني.. من العائلة للاقارب لصحاباتي .. الناس بكل .. من صباح وانا نبكي تماما نفس اليوم لي خرجت فيه النتائج .. معدلي 13.80 اوووف كرهت
والله محبطة و يائسة جدا ... نفكر نعاود الباكالوريا لكن الخوف من معدل اقل يمنعني .. :( اطمح في الدراسة في الخارج لكن للاسف ..
ممكن اي نصائح من اصحاب الخبرة .. ممكن اي ايجابيات .. من الاخير نحوس واحد يحببني في هاد التخصص !

شكرا مسبقا ..

هيام الروح

2014-07-20, 18:32

ana ne9ra anglais f la fac kima nti ba3d sratli w te9ra m3aya wahd akant science w mo3adlha 14.90 w mdayra anglais

هيام الروح

2014-07-20, 18:49

khti ani mdayra mawdo3 fi 9is el hiwar el akademi w tolabi rohi ltem nfahmek fi kolch

♠صفاء♠

2014-07-20, 18:58

شووووووووووفي وش يساااعدك نتي جامي تسمعي وش يقولولك الخير فيما اختاره الله.....لازمك انت و القدرة تاعك ...انا نقولك صراااحة أي مليحة .....صدقيني
صقصيتم قالولي هااايلة والله رووووووووووعة وان شاء الله يعجبك
ما تبكيش ادعي وقولي الله يسر لي واقضي لي حاجتي

تفضلي بالاك يسااعدك هذااا الموضوع نطلعووولك المووراال هههه ربي يوفقك

http://univ.ency-education.com/sayings-english_modules.html

وين جامعة انتي ؟؟؟؟؟

XicaWapa

2014-07-20, 21:01

شكرا جزيلا لكم .. اني نصبر في روحي

انا في قسنطينة 1 ..

iman95

2014-07-21, 14:33

ana ne9ra anglais f la fac kima nti ba3d sratli w te9ra m3aya wahd akant science w mo3adlha 14.90 w mdayra anglais
انا ثاني عطاوني اغة انجليزية جامعة مستغانيم انتي واش من جامعة؟؟

هيام الروح

2014-07-21, 14:36

انا ثاني عطاوني اغة انجليزية جامعة مستغانيم انتي واش من جامعة؟؟

ana fi constantine 1

هيام الروح

2014-07-21, 14:38

شكرا جزيلا لكم .. اني نصبر في روحي

انا في قسنطينة 1 ..

l3am ljay netlagaw hhhh
wbah ngoulk lmo3aml ta ecrit rahou 4 w orale w grammaire2 w lba9i kaml 1

hichem_nasro

2014-07-21, 16:11

السلام عليكم و رحمة الله و بركاته

أنا كنت نقرا تقني رياضي هندسة كهروبائية جبت الباك ب 12 و درت anglais هذا العام كملت 3 سنين الحمد لله ...ناوي إن شاء الله نكمل

master لأنو لا ليسانس ما فيهاش خدمة .... حسب الولاية ... كاين ولايات عندهم نقص في الأسانذة في المتوسط و الثانوي

بالتوفيق ... أي إستفسار راني هنا ;)

هيام الروح

2014-07-21, 16:13

hichem_nasro

2014-07-21, 16:26

التخصص حتى في الماستر .... كيما في مستغانم كاين 3 ولا 4 تخصصات و قالونا بلي رايحين يزيدوا تخصصات جديدة هذا العام

هيام الروح

2014-07-21, 16:28

hna bsah 3 emme anneé ya3touk tkhayer civilization langue apliqué w lokhra nsitha kayn 3

hichem_nasro

2014-07-21, 16:52

لالا احنا مازال ... جبت الديبلوم تاعي بصح ما قالوناش واش حابين ديروا في الماستر ..... نظن حتى يديروا الترتيب على حساب المعدلات و ادنى معدل للمرور للماستر .... من بعد بالاك يعطونا التخصصات المتوفرة .... من قبل كانت كاينة brit civ ... sociolinguistics ....Didactics و am civ إذا ما رانيش غالط + إضافة تخصصات جديدة على حساب هدرتهم

هيام الروح

2014-07-21, 16:54

hna f la fin ta3 2 em li ya3touna nkhayrou ba ne9rawha f 3 balak mach kifkif

علي82

2014-07-21, 17:04

السلام عليكم
الخيرة في ما ختارالله لتعلمو انه لا يوجد فرق في الجزائر بين الجامعة والمدرسة فقط تلك التي تمنح عقد عمل مباشر فقط
لكن لتعلمو ايضا انه فرص ان تكمل دراسات عليا ماجستير ماستر دكتوراه في الجامعة اكثر
فما عليكم فقط انكم تجتهدو فالجامعة لانها ليست بالامر السهل وسوف تدركون ذلك وتكملو دراستكم ونصيحة لمعدلاتكم في المسار الجامعي دورا مهما في مستقبلكم العلمي والعملي
وانا بحكم الخبرة انه احسن التخصصات في الجامعة ربما تندهشون (الفرنسية، علم المكتبات، الحقوق، العلوم الاقتصادية، الانجليزية، الاعلام الالي) لانها الاكثر طلبا في التوظيف
اخوكم الاستاذ (معلومة لقد سبق لي وان درست في مدرسة وجامعة وادركت ان الجامعة احسن من المدرسة)

hichem_nasro

2014-07-21, 17:55

hna f la fin ta3 2 em li ya3touna nkhayrou ba ne9rawha f 3 balak mach kifkif

إيه ماشي كيف كيف ... وهران ماشي بعيدة على مستغانم بزاف بصح البرنامج ماشي كيف كيف معانا ... هوما يقراو عربية و حتى لغة إسبانية بصح إحنا نقراو غير فرونسي كلغة أجنبية ... و كاين إختلافات بزاف في برنامج السنة الاولى و الثانية و الثالثة مع البرامج الي قريناهم إحنا :/

XicaWapa

2014-07-22, 00:56

l3am ljay netlagaw hhhh
wbah ngoulk lmo3aml ta ecrit rahou 4 w orale w grammaire2 w lba9i kaml 1

ان شاء الله هههه .. قداه جبتي معدلك .؟؟ انا جايتني ساهلة شوية و منعرف ، و حايرة تاني في الخدمة كيفاه ؟؟
ب لاليسانس برك ؟؟ باه نديرو في مسابقات التوظيف تاع الاساتدة و قريت بللي عندهم ماجيستير مايقدروش يديرو في التعليم الثانوي ولا المتوسط ؟
انا خايفة من الشعبة هادي نقرا نقرا و مبعد نقعد بلا خدمة :(

XicaWapa

2014-07-22, 01:06

iman95

2014-07-22, 01:34

التخصص حتى في الماستر .... كيما في مستغانم كاين 3 ولا 4 تخصصات و قالونا بلي رايحين يزيدوا تخصصات جديدة هذا العام
خويا شا رايم في تخصص انجليزية في مستغانيم ؟؟ و في الاقامة تاع البنات.؟؟ انا مانيش باغية نقرا فيها و باغية ندير transfer لى جامعة بومرداس ولا بوزريعة بالجزائر

hichem_nasro

2014-07-22, 03:22

شكرا جزيلا لك اخ هشام و استاد علي ..و كل من مر من هنا ..

انا نحب هده اللغة و مدابيا ندرس في الثانوي ولا نكمل دراسات عليا لتدريس في الجامعة ... لكن بربي ان شاء الله نعاود الباكالوريا لاني حابا و بشدة صيدلة .. بصح في نفس الوقت نقرى هاد التخصص ..

بالتوفيق للجميع
وشكرا مجددا ..

أنا رايي الي يحوس على خدمة كاين تخصصات أفضل من دراسة اللغة الإنجليزية ... لأن عدد المتخرجين هائل و راهم قع بلا خدمة .... بالتوفيق

hichem_nasro

2014-07-22, 03:25

خويا شا رايم في تخصص انجليزية في مستغانيم ؟؟ و في الاقامة تاع البنات.؟؟ انا مانيش باغية نقرا فيها و باغية ندير transfer لى جامعة بومرداس ولا بوزريعة بالجزائر

مشاكل الإقامات في كل مكان ... و كذلك الإكتظاظ خاصة أنتم البنات ... وين تروحي تلقاي الإقامات مملوءة عن آخرها
مستوى الدراسة بزاف يقولوا مستغانم مليحة في تدريس الإنجليزية و الله أعلم بصح بالاك تكون العاصمة خير لكن ما تنسايش ديما كاين مشكل الإكتظاظ

بالتوفيق ^^