المساعد الشخصي الرقمي

مشاهدة النسخة كاملة : استفسار بخصوص قلب اللوز باللبن

first1
2014-07-20, 14:51
السلام عليكم حبيباتي

دون اطالة البارح عملت قلب اللوز باللبن
وجاني كيما تاع برة بصح المشكلة انو الدقيق جاتني حبيباتو يابسة
يعني رغم انو مبلل مليح بالشربات وخليتو ليلة كاملة الا انه عند اكله نحس بحبات السميد في الفم يابسة

وينوا المشكل وكيفاش ندير للسميد باش ما يجينيش حباتو يابسين


شكرا مقدما وصحا فطوركم
زنجبيل11
2014-07-20, 15:17
ممكن يكون ماتشربش مليح اثناء التحضير
و الاخوات يفيدوك اكثر
zahou 84
2014-07-20, 19:35
خليه يرتاح نصف ساعة قبل ما طيبيه كيما نصحتنا ام أماني ، انا جربتو أكثر من مرة و جاني هايل
first1
2014-07-20, 20:22
شكرا اختي zahou84
بصح راني خليتوا حوالي ساعة غير ربع
و النتيجة كما قلت حباتوا يابسين
ارجوا المساعدة جميع العائلة في انتضار قلب اللوز اللي رايحة نخدموا
ما تفشلونييييييييييييييييييييش معاهم من فضلكم

انا في الانتضار
zahou 84
2014-07-20, 20:54
حاولي مرة أخرى، ممكن ما شمختيهش بزاف بماء الزهر ، يكون شوية جاري
امال مارية
2014-07-20, 21:11
السلام عليكم اختي طبقيه حرفيا يجي مليح خلطيه وضعيه مياشرة في البلاطو وخليه يريح نصف ساعة ادهني السطح ادا حبيتي بالزيت بالبانس ربما المشكل في العسل خليه لما يهز الغلي مدة 10د لا اكثر ولا اقل يا اختس انا درتو 3 مرات ونجحت في الثالثة ربي يوفقك
first1
2014-07-20, 22:33
شكرا غالياتي على المساعدة ربي يحفظكم راني رايحا نجربوا مرة اخرى حسب نصائحكم وانشاء الله يصلح
ويفرح بيا زوجي هاهاهاهاهاهاهاهاهاهاهاهاهاهاها
هبة ام عبدو
2014-07-21, 14:44
اداحبيته يجيك طري شربيه مليح كي يكون سخوون وراقبيه غير ينشف عاودي شربيه عملية تشراب تكرر 3مرات وكي تكملي غطيه بسنيوة اخرى خلي فتحة صغيرة باش معرقش ورجعيه للفرن يكون طافي خليه يرتاح حوالي 6سا من بعد قطعيها في هذا شهر الفضيل راني ندير قلب اللوز انتع الاخت ليليا 30 والله خير من المشري بالف مرة نتمنى نكون افادتكم
fatimazahra09
2014-07-21, 22:15
السلام عليكم حبيباتي

دون اطالة البارح عملت قلب اللوز باللبن
وجاني كيما تاع برة بصح المشكلة انو الدقيق جاتني حبيباتو يابسة
يعني رغم انو مبلل مليح بالشربات وخليتو ليلة كاملة الا انه عند اكله نحس بحبات السميد في الفم يابسة

وينوا المشكل وكيفاش ندير للسميد باش ما يجينيش حباتو يابسين


شكرا مقدما وصحا فطوركم

حبيبتي
اسمحيلي ماشفت موضوعك حتى للحظة تفظلي الرابط وديري الشاربات لي في اخر الوصفة
وانا هنا اذا ماصلحلكش قلب اللوز
وصفة ناجحة 1000/1000 تبعي الخطوات والمقادير بالظبط
ما يبات كي تخدميه مايبات كي تشربيه
يبرد برك ويتقطع وبصحتكم
راهي كاينا اخت دارت تطبيق شوفيه ادا كنتي حابة
انشاء الله تنجحي فيه
http://www.djelfa.info/vb/showthread.php?t=1596940
fatiha07
2014-07-22, 00:44
السلام عليكم ورحمة الله وبركاته

انا راني معتمدة طريقة احدى الاخوات واللي الله يعطيها الصحة وراهي دارت حالة بيني وبين صحاباتي

في كيلو سميد حرش غليظ ولازم يكون غليظ ( خشين ) -- 700 غ سكر = 17 ملعقة اكل زيت = 12 م ك لبن = 12 م ك حليب =1 ملعقة اكل لفاني انتاع القوطي = 1 كاس شاي ماء الزهر تخلطي كلش مع بعض مليح وتدهني البلا انتاعك بالزبدة وتفرغي الخليط وتسويه بالملعقة وتدهني وجهها بالزبدة او توزعي قطع الزبدة فوقها


ولما تحمريها مليح من تحت ومن فوق تخرجيها من الفرن نهائيا وتسقيها بالشاربات الباردة دفعة واحدة وتخليها تشرب في خاطرها وعند التقديم تقطعيها

اما السيرو فتحضريه من قبل =1 لتر ماء ديري له رطل سكر ولما يبدا يغلي احسبي ربع ساعة وطفي عليه ولما يبرد تماما زيدي له كاس شاي ماء الزهر

صدقيني رائعة وصادقة