تابع مصير خطبتي

[مشكلتي]

دروك نفهمكم المشكل الخطاب لي يجيني بابا يقولو لالة منيش عارفة علاه و انا يهمني نسقسي علا هدا الراجل منيش ضد و منيش رايحة نوافق كون تكون فيه حاجة مش مليحة قتلكم بابا يشوف ل 100 حاجة و ربي عالم
المشكل في بعد المسافة و الخدمة بنت واحد مرفه تزوج بانسان قدو قد روحو يخدم طاكسي هدا مكان انا منيش نضحك عليه و لا متيحة من قيمتو انا قبلتت و تنازلتاا لانو قنعني بهدرتو .راني خايفة نندم كون نبعد على الدار ولا ننصدم بواقع اخر انا هدو ناس صح عرفتهم غير فالنت كنت نهدر معاهم بصح وليدهم جامي شفتو ولا شافني حتي كي دارهم عيطو ل ماما باه هدرنا و تفهمنا على بعض الامور و قالي حنا نتوكلو على ربي و لي فيها الخير ربي يجيها
الحمد الله ريحتلو و صراحة هو هدرلي كلشي فالمعقول

[nasser26]

حاجة وحدة برك

متتسرعيش ...متتسرعيش ..خمي مليييييييييييييح

فكري بعقلك ماشي بقلبك وشوفي لكل الجوانب

لان الزواج مراهوش خطبة وخاتم وفرح وعرس وأمور شكلية سرعان ما تزول ... الزواج أكبر من ذلك خمي الى ما بعد كل هذا هذي حياتك ومتتسرعيش خمي مليح

[ليندة ياسمين]

اخطاكي من زواج الانترنت
اوهام في اوهام
وين علابالك اصلا انهم فعلا اهله ؟؟ وانت عمرك ماشفتيه وهو عمرو ماشافك ؟

ممكن يجيبلك فتاة صديقتو ويقوللها يتكلم معاك في الســـكايب او الفــــايسبووك او تلفون على اساس انها ( اختو ) حتى يخدعك وديري ثقة فيه

الدنيا صعابت والناس ماترحمش

باباك يحب مصلاحتك ومكاش اب يحب الشر لبنتو خاصة في مسألة الزواج ..
باباك يحب يزوجك مع راجل يشوفو مناسب ليك حتى ترتاحي معاه ويشوفك فرحانة
انت تريدين الزواج فقط مع اي كان وراني فاهتك اي طفلة تحب تتزوج حتى ترتاح نفسيا وعاطفيا لكن
اصبري حتى يجي مكتوبك وخطاك من النت
انا ولله ننصحك لوجه ربي

نكدب في ناس تتعرف على بعض في النت وتحب بعض وهوما اصلا عمرهم ماشافو بعض !!!! حتى لو يشوفو بعض يبقى العالم الافتراضي شئ والواقع شئ اخر

في النت لا نستطيع معرفة حقيقة الانسان الدي نكلمه لاننا لم نلتقي به اصلا بل التقينا ( بقناع )

[البحث هن العلم]

الاستخارة هي الافضل و اسئلي المولى تعالى اكيد ستلقين عنده الجواب الله يفرحك و يهنيك

[بنت لبحر]

اختي عليك بصلاة الاستخارة

[الباتنية 19]

[QUOTE=مشكلتي;3991253592][size=5]دروك نفهمكم المشكل الخطاب لي يجيني بابا يقولو لالة منيش عارفة علاه

انا على حساب وش فهمت من هاذ العبارة انك حابة تتزوجي وديري دار ماهمك والو معليش ربي يسرلك
شوفي ختي حكايتك كي حالتي انا امي ترفض بحكم الوالد مريض لي يجي ترفضو وانا عندي 25 سنة يعني للقدام وخلاص اخر مرة خطبني خو وحدة حبيبتنا بسيف لاقبلت امي وفرحت كي سقساو عليه لقاوه كارثة شراب مخدرات نساء وقلت معليش اذا كتبلي ربي هكا الحمد لله نحاول نرجعو للطريق بصح بالدعاء والاستخارة بعدو ربي عليا مشافش فيه الخير
حبيت نوصلك فكرة انو كلش بالمكتوب في الدنيا هاذي وباباك راهو يخمم لمبعد ماشي للعرس وخلاص خمي مليح ودعي ربي ويخليهم يجو باه متندميش وتقولي علاه والباقي مكتوب ربي

[اغادير]

الزواااااااااااااااااج ماهوووووووووش لعبة هو بداية لحياة دائمة,,,,,, لا نستطيع الرجوع الى حياتنا السابقة .... كل شيء يتغير انت وعائلتك وحالتك النفسية ومحيطك لراكي فيه............... فلكري جيداااا

[salem1985]

السلام عليكم اختي صح فطورك نصيحة مني لا تعصي امر والديك ولكن يجب ان تقنعيهم ان ك الان اصبحت كبيرة وتحتاجي الي رجل لتسكني اليه ولا بدا من بناء بيت واسرة ولاكن انصحك ان لاتتعجلي لان الزواج كالرصاصة فعندما تخرج لا ترجع فالزواج ليس تجربة وليس هناك مجال للاختبار فعندما تقرري لابدا ان تضحي على من يستحق حتى لا ترتكبي نفس خطاي فانا مثلك الحمد لله اعطاني ربي ما اتمنى من عمل ممتاز وبيت وصحة ولكن نسيت هذه النعم وتلهفت على باب الزواج واصبح همي كله في زوجة لاقصد فتاة واخرى واخرى لتجعلني احداهن اضحوكت امام الناس تركت كل الناس لاجلها لتتركني لاجل الناس رجعت خائبا وقررت ان اغلق هذا الباب لاني عرفت ان الحلال في بلادنا اصبح مستحيل بعد ان طغى الحرام عليه واصبح الحصول على صديقة هوى اسهل من شرب الماء ربي يحفظك لك والديك وربي يوفقك لا تنسينا من دعواتك السلام عليكم

[فارس وجواد]

فــــــــي رأيي زواج فــــاشل بكل المقاييس .
.
.
أولا : طريقة التعارف , عن طريق الأنترنت !!!
ثانيا : لا هو شافك و لا أنت شفتيه , مجرد حديث في الهاتف .
ثالثا : لا هو يعرفك و لا أنت تعرفيه , و الدليل طريقة التعارف , من وراء شاشة .
رابعا : أنت بنت ناس و جاه و الحمد لله , و هو قدو قد حالو .
خامسا : بعد المسافة , هو من ولاية و أنت من ولاية أخرى , و صعوبة التأقلم مع التغييرات .
سادسا: و زيجات مثل هذه تتطلب الكثير و الكثير من الشروط للنجاح , أهمها المعرفة المسبقة و الجيدة بين الطرفين .
سابعا : الأهل و الأقارب يستفسرون عن طريقة التعارف , عن طريق أنترنت !!!!
ثامنا : من يضمن لك هذا الشخص بعد الزواج و التعارف الجيد و التعامل مع أناس لا تعرفونهم .
تاسعا : ليس معنى كل فتاة تريد الزواج و الإستقرار و الأولاد , تذهب إلى من هب و دب .
عـــــاشرا : زواج مثل هذا , يعتبر بمثابة عملية إنتحارية .
و أخيرا : حالك و حال خطيبك , كمن يشتري الحوت في البحــــــر .

[bellaluna]

أكرّر نصيحتي لكِ : أخطاك من هذه الزيجة و أوّلا و آخرا يبقى أمر الله مفعولا.

[doba]

الاستخارة هي الافضل