ابنتي و نوووووم مساعده ارجوكم

[ماسيلا]

السلااام عليكم و صح رمضانكم
ابنتي عمرها شهر و 3 ايام.مشكلتلها انها والفت ترقد في يدين يعني كون نحطها في سريرها تنوض تبكي و مترقدش بسكو تتخلع بزاااف ترقد شوي و تتخلع و تنوض تبكي .و كي نحطها في طرفي ترقد سبات عمييييق.حابه نعرف انتوما واش درتو ادا واجهكم هدا المشكل.بلييييز مساعده لانو مارانيش نرقد مرررره لازم ديما في يدي دونك ديما نايضه معاها
ملاحظه حابه ندير لقماط مي سخانه بزااااف عليها
و اخر سؤال واش درتو في مشكله الغاز و مغص تاع الكرش
شكرااااا ربي يخليكم
صح فطوركم

[أم مهدي و اسلام]

السلام عليكم
في الحقيقة انت سبب المشكلة لان البيبي عﻻى وش تولفيه حاولي تعمليلها تيزانة مهدئة (شوية كمون+شوية كروية) مفيدة للمغص و مهدئة في نفس الوقت و اعمليلها حمام ديري فيه شوية نبتة الخزامى او زيت الخزامى مليح
كيما تقدري تحطيلها منو في مخدتها بلا ما تكثري
و حاولي قدر الامكان تنحيلها هاذ الطبيعة قبل ما تكبر و تحصلي معاها انا وليداتي ما ولفتلهمش الحجر و لله الحمد خرجو عاقلين في مسألة النوم برك وليدي الكبير ضرك ما يقدرش يرقد لو كان ما نكونش معاه مع اني معولة نديرلهم شومبرة وحدهم .
ابداي بعديها عليك بانك ترقديها اولا على رجليك يعني تكسلي رجليك و تحطي وسادة و تحركيها شوية راح توالف تبعد على ريحة صدرك ثم حاولي تحطيهاﻻفي سريرها و حتى و لو بكات شوية معليش و دخلي فقط يدك تحت مخدتها و هزيها حتى ترقد......و من بعد حاولي مش دايما ترضعيها و انت شادتها في حجرك يعني رضعيها و هي راقدة بصح لازم تكوني فاطنة مش ترقدي عليها هههه- لا سمح الله-
حاولي و ما تستسلميش لبكاءها الا ادا كان شديدا. ...
و على القماطة ديريهالها برك في الليل و تكون قطعة واحدة فقط. ... و في النهار تقدري تديريهالها غير ساعتين و الا 3 فقط
نتمنى نكون افدتك و اي سؤال راني نعاود نطل و نجاوب باللي نقدر عليه

[أم مهدي و اسلام]

ايه نسيت نقلك على غازات البطن كاين وحد القطرة في الصيدلية مليحة اسمها gaz bébé تديريلها 5 قطرات في الليل
انا مجربتها مع ابنائي و نفعتني ياسر

[ماسيلا]

شكرا اختي ربي يخليك
هو صح انا ولفتها في يدين مي ديما نقول مزالت صغيره حبيبتي .كان عندها اسبوع ولا اسبوعين في هدا وقت يكون بيبي محتاج امو بزاف متنسايش بلي كان في عالم و خرج لعالم اخر جديد عليه .علابيها نحب ديما نكون معاها باه متخافش و تتحس بامان . و كيما كتبت في مشكلتي راني نجرب نحطها في سريرها و ترقد مي مشكل تتخلع بيديها و رجليها يعني عينيها مغمضين راقده مي تبكي بسكو تخلع روحها كي تحرك يديها و رجليها دونك مشكل مش في ولف برك مشكل ثاني كي تتخلع . و منقدرش ندير لقماط بسكو سخانه بزاف عليها تولي تبكي من سخانه يا اختي حنا و محملناش رواحنا فما بالك بيبي صغير
بالنسبه للحشايش مادا بيك اختي تعطيني مقادير قدقد يعني قداه كميه ماء و كميه حشايش. كل يوم ولا كل يومين...
دوا راني نشربلها مي مكانش تحسن كبير . و زيد منحبش نمدلها كل يوم نخاف عليها
الف شكر اختي ربي يخليلك ولادك صح فطورك

[نينانينا]

والله ياختي انا عندي ١٥ يوم ملي زيدت و بنتي تان تتخلع جوزي برك قدامها تقفز ولازم ترقد في حجري قلت بلاك والفت علي خاطر زيدت بعملية وكنت نرضعها في حجري مي المشكل متصبرش غير تنود تقعد شوية وتبدا تبكي حتي يخرجوحلوقها تولي تغيدني ونرفدها وكي تنود تقعد واحد زوج سوايع ولا كتر باش ترقد و المشكل منقدرش نبعد دقيقة عيت والله يا اختي راني كيما انتي خفت نحصل والله معرفت واش ندير

[ماسيلا]

والله ياختي انا عندي 15 يوم ملي زيدت و بنتي تان تتخلع جوزي برك قدامها تقفز ولازم ترقد في حجري قلت بلاك والفت علي خاطر زيدت بعملية وكنت نرضعها في حجري مي المشكل متصبرش غير تنود تقعد شوية وتبدا تبكي حتي يخرجوحلوقها تولي تغيدني ونرفدها وكي تنود تقعد واحد زوج سوايع ولا كتر باش ترقد و المشكل منقدرش نبعد دقيقة عيت والله يا اختي راني كيما انتي خفت نحصل والله معرفت واش ندير

اولا مبروك عليك و تتربي في عزكم ان شاءلله
يا اختي رانا كيف كيف و ملقيتش واش ندير حطيتلها مصحف تحت راسها و نقرالها قران مي مكان والو انا نحطها و هي تتخلع بيديها و رجليها و تنوض تبكي حتان نهزها باه تقدر ترقد و انا جريت نخليها تبكي نلقاها مسكينه راقده مغمضه عينيها و تبكي كي تتخلع.قلبي يوجعني عليها منقدرش نخليها هكدا و ديما نقول مزالت صغيره و تحتاجني و كيما قلت للاخت من قبل راهي كانت في عالم و خرجت للعالم اخر تحتاج فيه امها باه متخافش .كلشي تبدل عليها منحبش نزيد عليها انا.و علي حساب واش قريت في نت قالو بلي بيبي علي ثلاث اشهر يتبدل و يولي يوالف يرقد وحدو . و انا كي سقسيت بيدياتغ قاتلي مالزمش تخليها تبكي بسكو تولي تتقلق و تبكي علي اي حاجه قاتلي لازم كي تحتاجك تلقاك .

راني نهدر هكدا مي ولله تعبت بصح منقدرش نخليها ضرك الحمدااه راني مع دارنا يعاونوني مي نخمم غدوه كيفاه ندير كي نولي لداري ربي و استر
مهم اختي ربي يكون في عوننا ان شاءلله و حبيت نسقسيك واش راكي مدايره في رضاعه ؟؟؟؟
صح فطورك اختي

[bibicha]

اولا مبروك و تتربى في عزك نتي و الاخت نينا نينا شوفي حنونة اذا والفتلك لحجر راهي كارثة ماتشوفيش روحك ضرك راكي في داركم كاين لي يرفد و يحط كي تروحي لدارك يولو مسؤوليات و غيرها و هكا تحصلي انا ننصحك ديذيلها قفازات في يديها و القماط ماشي شرط انا بنتي ما تقمطتش و نوغمال و ابداي ديري كيما قالت الاخت نزيد اظافة حطيلها تريكو ديالك تكوني لابساتو من قبل باش تشم ريحتك و تبقى مطمئنة و تقدري تبعدي عليها
لي غاز ننصحك ديذيلها ٢حبات كمون ٢حبات زريعة بسباس في بيبغون و اعطيها على ٨ تاع الليل و لا بيبي غاز مليح ولا تيزان عند الفارماسيان وسمها كالم بيبي مليحة

[hope of life]

اختي الصغير الا والفتيه الحجر راهو يباصيك المهم اذا عادت متعلقة بيك بزاف جربي نحي لبستك الدخلانية وفرشيهالها باه تشم ريحتك.... ولي قاز راهم الاخوات ماقصروش

[ماسيلا]

اولا مبروك و تتربى في عزك نتي و الاخت نينا نينا شوفي حنونة اذا والفتلك لحجر راهي كارثة ماتشوفيش روحك ضرك راكي في داركم كاين لي يرفد و يحط كي تروحي لدارك يولو مسؤوليات و غيرها و هكا تحصلي انا ننصحك ديذيلها قفازات في يديها و القماط ماشي شرط انا بنتي ما تقمطتش و نوغمال و ابداي ديري كيما قالت الاخت نزيد اظافة حطيلها تريكو ديالك تكوني لابساتو من قبل باش تشم ريحتك و تبقى مطمئنة و تقدري تبعدي عليها
لي غاز ننصحك ديذيلها 2حبات كمون 2حبات زريعة بسباس في بيبغون و اعطيها على 8 تاع الليل و لا بيبي غاز مليح ولا تيزان عند الفارماسيان وسمها كالم بيبي مليحة
شكرا اختي ربي يخليك.مفهمتش علاه نديرلها قفازات و ولله جربتلها تريكو مي منفعش تحوس لحم في لحم و شكرا علي وصفه غازات
صح عيدك و ربي يخليلك ولادك

[ماسيلا]

اختي الصغير الا والفتيه الحجر راهو يباصيك المهم اذا عادت متعلقة بيك بزاف جربي نحي لبستك الدخلانية وفرشيهالها باه تشم ريحتك.... ولي قاز راهم الاخوات ماقصروش

شكرا اختي ولله عندك الحق و علجال هدا شي حطيت مشكلتي هنا
ولله يا اختي جربت نحطلها لبستي مي منفعش معاها كيما قلت للاخت لازم لحم في لحم ولله معرفت واش ندير بزاف يقولولي كي يولي عمرها ثلاث اشهر تتبدل منعرف صح ولا لالا
صح عيدك و ربي يخليلك ولادك

[أندلس]

ضعي لها جوارب و قفازات و لا تقولي السخانة فالرضع لو لاحظت أيديهم و أرجلهم دائما باردة
بالنسبة للقفازات حتى ما تخلعش روحها لأنها إلى الآن لا تعرف يديها و بالنسبة للجوارب حتى ما يبردوش رجليها لازم تحس بأنها محوطة و مغطاة كما كانت في الرحم

[ماسيلا]

ضعي لها جوارب و قفازات و لا تقولي السخانة فالرضع لو لاحظت أيديهم و أرجلهم دائما باردة
بالنسبة للقفازات حتى ما تخلعش روحها لأنها إلى الآن لا تعرف يديها و بالنسبة للجوارب حتى ما يبردوش رجليها لازم تحس بأنها محوطة و مغطاة كما كانت في الرحم
شكرا اختي

صدقيني انو مره كانت تبكي و ارتفعت شويه حرارتها لاني كنت مقمطتها و كانت سخانه في هداك النهار.اختي رانا في صيف و كي ترتفع سخانه يسخنو لولاد.
و قصه ايادي و رجلين كاينه منها مي كي يكون الحال البارد ولا دافي .اما مع سخانه هادي انا ما لحظتش هادي قصه
الفففففف شكر اختي ربي يجزيك

[أم أحمد عبد الصمد]

مبروك عليك حبيبتي تتربى في عزك
كانت عندي نفس المشكلة مع البيبي الأول تخيلي زاد الثاني و هو بقى يرقد معايا مرات عندما نحس بلي رقد نحطو في بلاصتو ينود يبكي و خوه يرقد في نموسيتو حتى لي كبر شويا و لا عندو عاو وزيادى أقصد الثاني باش وليت نرقدهم مع بعض ، يرقدو عندي مبعد نحطهم فبلاصتهم وين يفطن فالليل يجي عندي
ربي يشفيك و يعطيك القوة في تربيتهم

[sarita22]

والله ياختي نفس المشكلة معايا بنتي في ٣اشهر رجت ماترقدش وغير تنخلع حتى بلقماطه تنوظ ماترقدش حيرت معاها في الشهر التاني كان عندها لغاز كنت نرقدها معايا مي دوك الحمد لله تنحالها كي روحت لدرنا بعدتها عليا ورجعت ترقد في فراشها مي واش مرقاد عشر دقايق تنوظ تبكي تنخلع رقيتلها الما نمسحلها بيه قالي الامام عندها العين وادا مانفعش الما ندهالو يرقيلها انا نكتب وهي راقدة فوق رجليا مي رهي تنخلع مانيش عارفة واش ندير

[حبيبة زوجها]

مزال مجربتش يالحبيبة بصح شفت اختي وليدها مكانش يرقد كامل بليل وامه مسكينة ليل كامل تشوف ياترضع فيه يارافداته
بصح كي وصل 3 اشهر رجع يرقدلها وحده وكي ينوض ترضعو ويرجع يرقد
يقولو 3 اشهر لولين هما الواعرين والصعاب والله اعلم

[أم شاهين]

السلام عليكم ورحمة الله وبركاتهوالله يا اختي نقرا في موضوعك ونتفكر كيفاش عقبت اول شهر وشهرين مع ابني درك عندو 4 اشهر ربي يحفظو ويحفظلك بنتك ان شاء الله انا تاني في اول الايام بل والشهر الاول كان لازم يرقد وصدري في فمو حتى يكون شبعان لازم يكون في فمو من بعد بديت نحيلو فيها بشوية ساعات نخليه يبكي شوية من بعد درتلو السوسات لاباس ولا يرقد بلا صدري بالنسبة للقماط انا مازالني لدرك نقمطو نلبسلو تريكو لحم خفيييف ونديرلو مورسو واحد نتاع قماطة مع لكليماتيزور في الغرفة ونغطيه بدرا خفيف خاطش هو تاني يخلعوه يديه في الاول كنت نديرهالو طول الليل وفي النهار وقت القيلولة نخليه بيها حوالي 5 ساعات درك نحيتهالو في النهار خليتهالو في الليل برك واول ما يفظن نلقاه نحاها وساعات ينحيها قبل ما يرقد نتي اذا خفتي من السخانة غطيها بدرا بصح لميلها يديها يعني الدرا هاداك لويه عليها مليح باش ما تتخلعش
بالنسبة للغازات اكثر شي سوفريت بيه معاه كان ينوضلي من الوحدة حتى للستى نتاع الصباح وهو يبكي وانا ما نعرفش اول طفل عندي درتلو تيزانة كنت كل عشية على السابعة نديرهالو فيها كروية وكمون وساعات نغليلو كمون وحدو حبات برك على روس صباعك نديرهم في البيبرون الصغير خلاص المخصص للتيزانة ويساعدها باش ترقد الكمون وكنت نحط تاني شوية فيجل على روس صباعي في شوية ما نخليه حوالي عشر دقايق نصفي الما من الفيجل ونمدهولو اما وحدو اما نخلطو مع التيزانة قالولي مليح باش يرقد الصغير ومؤخرا سمعت بلي مليح للغازات ايضا بيبي غاز نفعني بزاف هوما قطرات تحطيهم حسب عمر الصغير الصيدلي يفهمك خير ايضا مساج لكرشها يساعدها تخرجهم ولا ترفعي وتنزلي رجليها اذا معاك مرا كبيرة وتعرف تمدلها زيت زيتونة ما تمديهش نتي اذا ما تعرفيش لانو صعب للاطفال الرضع لازم وحدة ذات خبرة ورح تبدا تتبدل في كلشي بعمر شهرين ونص وثلاثة وتنساي هاد الايام لانو فعلا اول ثلاث اشهر هي الصعبة بالنسبة للهزان ما تولفيهاش يا اختي راكي والله ما تلحقي لشي حتى باش تغسلي وجهك رضعاخا وبدليلها وحطيها غير تبدا تبكي حاولي تلهيها شوية لعبيها ولا غنيلها وابداي بعدي بشوية انا كنت نخليه يبكي وما نخلي حتى واحد يهزو المهم نعرف بلي راهو شبعان ونظيف ومتكرع
ربي يقدرك ويقدرنا كامل على تربية اطفالنا التربية الحسنة الصالحة يا رب

[ام ياسمين10]

ربى يحفضلك بنتك قمطيها باش ترقد غير بحاجة خفيفة

[اسماء47]

السلام عليكم
مشكلة النوم كامل كنا نعانيو منها
بنتك ولفتيها بالشد
و ننصحك كي تجي ترضعيها متحطيهاش في حجرك ارقدي بجنبها
انا بنتي ستة اشهر مانيش مولفتها بالحجر و لا الرفود
اما عن الغازات انا جربت كلش منفعها والو غير هاد التيزان هايلة ولات تنعسها و ترقدلي و الغازات راحولها و كرشها تفشت
http://www.mbc66.net/upload/upjpg2/xT852148.jpg (http://www.mbc66.net/upload/)