المساعد الشخصي الرقمي

مشاهدة النسخة كاملة : مسآآع ــــدة ؟ حلويآآت لـ عيد الفطر 2014

براءة سامية
2014-07-17, 16:07
سلآآم عليكم حبيباتي،،
هذه أول مرة رح ندير قاطو العيد وحدي يعني راني مبتدئة:confused:..شفت بزآآف انواع قاطو و ع ــجبوني و تخلطت علياا الحالة في مخي ههههههه:sdf: حرت وش ندير و وش نخلي إذاا ممكن يعني كيفاه لازم نسق بين الأنوااااع نتع القااااطو ؟؟.. و ادا سمحتوو كل وحدة تكتب وش رح تدير و ادا قدرت تحط الوصفة تاني:o
عسل الجنة
2014-07-17, 16:12
وعليكم السلام اختاه
اناايضا رايحة ندير قاطو العيد وحدي بدي تساعدوني
يا اهل الخير
براءة سامية
2014-07-17, 16:15
ان شاء الاخوات العضوات يساعدونا و ما يبخلو علينآآآآآآآ....شكرآآ على مرورك ختي بانتظار باقي العضوات
{ٲُمّنيَــ㋡ ـــــةٌ}
2014-07-17, 16:18
السلام عليكم حتى انا راني كيفكم ههه مبتدئة انا شفت هادي وجنجربها ان شاء الله
http://www.djelfa.info/vb/showthread.php?t=950850
براءة سامية
2014-07-17, 16:20
شكرآآآآ أمينة ،، على مرورك شرفتي الموضوووع
ايمان نور الجزائر
2014-07-17, 16:21
قوليلي داركم واش يحبو انواع؟
مثلا حنا دارنا يحبو الحلويات المسكرة والمعسلة وكاين لي يحب الجافة وكل واحد كيفاش
وعلى هذيك راح ندير البقلاوة التشاراك لعرايش كعيكعات مقروط اللوز ومقروط المقلة
ان شاء الله ربي يقدرني وتاني انواع من لي قاطو ساك
نتي شوفي داركم واش يحبو تاني ضياف عندكم بزاف والا شوية؟ وبهذا تقدري تعرفي واش تديري
براءة سامية
2014-07-17, 16:25
عمومااا حنا في الدار كاين كتليتين هههه الكتلة الأولى يحبو الحلويااات المعسلة و المسكرة و الكتلة التااانية يحبو الحلويااات الهشة و الخفيفة
براءة سامية
2014-07-17, 16:26
ربي يعاااونك ختي هادو كامل ديرهم وحد ’ك
لحن الحياة.
2014-07-17, 17:02
انا رايحة نجرب هاذا يبان سهل و زين
http://im47.gulfup.com/KJA13s.jpg


هاهو الرابط

http://www.djelfa.info/vb/showthread.php?p=1056599141
براءة سامية
2014-07-17, 18:25
مرسي جيل على مرورك...ممم يبان بنين مام انا عجبنب بلاك نديرو
أميرة الاخلاق نور
2014-07-17, 19:35
بما اننا كامل مبتدئاات ههه شوفي انا راح نديير حلوة الجلجلانية هااااااايلة

هاكي الرابط

http://www.djelfa.info/vb/showthread.php?t=1137219
youya :)
2014-07-18, 01:42
انا تاني كيفكم حوست بزاف بالاك ندير صابلي هاي الوصفة من المنتدى
الصابلي " وصفة السيدة بن بريم "
http://alfaris.net/up/89/alfaris_net_1383074412.PNG
الصابلي عندو وصفات و كيفيات متنوعة بزاااااف ،، و كل واحده و لمستها الخاصة
و طريقتها الي متعودة عليها
أولا ... المقادير :
250 غ مارغرين ،، الأفضل إيليو أو فلوريال
150 غ سكر عادي " ماشي سكر ناعم "
100 غ مايزينة
3 صفار بيض
قرصة ملح
1 خميرة كيميائية
450 غ فرينة
و فانيليا ،، أنا هنا عندي سر
تحبو الصابلي ديالكم ريحتو تعبّق و يتشهاه الواحد قبل ما ياكلو استعملو فانيليا + عطر الفراولة
هذا
http://alfaris.net/up/89/alfaris_net_1383072139.PNG
يسوى 80 دج ،، بصح يعطي ريحة سوووبر مميزة للصابلي ،، و تقدري ماتستعمليهش فالعجينة
تستعمليه فالمعجون ممبعد ،، تديري ملون أحمر للمعجون و قطرات من عطر الفراولة
ثاني يجي ذوقو رااااااائع
طريقة التحضير :
السر الثاني
و هاذ الخطوة تعلمتها من ام رامي ربي يحفظها و يخليهالنا كاامل ان شاء الله ..... المارغربن اخبطيها بيدك
اخبطيها بمعنى عمري يدك بالمارغرين بعد ماتكوني حركتيها ،، و اخبطيها فالليان الي راكي تخلطي فيه
ارفدي ،، اضربي
فهمتيني ؟؟
كي تجربي تفهمي اكثر ،، تولي المارغرين طرية بزاااف و تحسيها خفييييفة ،، تزيديلها السكر و تحركي بيدك عااادي ،، أومبعد تزيدي صفار البيض ،، قرصة الملح ،، ديري الفانيليا و عطر الفراولة ،، مايزينة ..... فرينة + خميرة
حركي بلا ماتعجني
شفتي العجانة الكهربائية كيفاش تلم العجين ؟؟ ياخي تدور برك ،، ماتعركوش
هاكذاك ديري بيدك
زيدي الفرينة بشوية و دوري دوري دوري حتى تحسي العجينة بدات تتماسك ،، اجمعيها برك يعني افتحي يديك و اجمعيها فوق بعضها ،، بضغط قليييل ،، ماشي تعجني ،، ماهيش مطلوع
ديريها في صاشي عادي ولاّ كيس غذائي
و خليها ترتاح
أنتِ في هاذ الوقت روحي اشعلي الكوشة ،، ديريها تسخن على حرارة 160 درجة
وجدي الطوابع الي رايحة تخدمي بيهم ،، أنا استعملت هاذو
http://alfaris.net/up/89/alfaris_net_1383073974.PNG
أدي شوية عجينة ،، و البقية خليها فالصاشي باش ماتيبسش
ذري الفرينة على طاولة العمل ،، العجينة اضغطي عليها شوية بيدك ،، و ذري شوية فرينة عليها أو مايزينة و بداي تحلي بالحلال
تشوفيها ماهيش مسطحة ،، يعني شكلها غير متجانس ذري المايزينة و حلّي غير بلعقل
السمك تاعها يكون تقريبا 1 سم ،، يعني ماشي شفافة ماشي عريضة بزااااف
شوفوا شكل العجينة كي حليتها مافيهاش حتى شقوق
و راهي تتحل بسهولة غييير ماتخافيهاش ،، بصح بلعقل عليها
http://alfaris.net/up/89/alfaris_net_1383074285.PNG
الطوابع تاعك حطيهم فالفرينة أومبعد اخدمي بيهم ،، و كي تحطيهم فالعجينة ماتبقايش تجيبي فيهم شمااااال يمييييين
حطي الطابع ،، اضغطي عليه شوية ،، اضربيه بيدك مليييح بلا ما تحركيه ، ولاّ مرري فوقو الحلال (( تلقاي الحبة خرجت بلا ما يتغير شكلها
شوفوا الصورة
http://alfaris.net/up/89/alfaris_net_1383074910.PNG
أرفديهم غير بلعقل و حطيهم في سنيوة مرشوشة بالفرينة
http://alfaris.net/up/89/alfaris_net_1383075136.PNG
و دخليها للفرن الي يكون مسخن ديجا على حرارة 160 درجة
عسييييييييييييييييييييييييييييييييييييييها ،، لأنها حلوى حساسة بزاااااف و بين دقيقة و أخرى ممكن تنجح أو تفسد
في الغالب يقولك الصابلي يطيب بيض ،، بصح انا نحبو احمر
" خرجوه ابيض اذا حبيتو " ^^ المهم يكون طاب ،، يعني مسي الحبة برفق اذا لقيتيها نشفت نحيها
و مباشرة نحيها من السنيوة بررررفق ،، بلالالالاعقل ،، فيييييييي غرضك باش ماتتكسرش
خليها تبرد تماما ،، و لصقي بالمعجون
كاين الي يحب يزينها بالسكر الناعم ،، و كاين الي يزينها بخطوط الشوكولاطة ،، و كاين الي يذري عليها مكسرات مرحية ،، ظوكا تبقى مسألة أذواق " مايهمش
المهم الذوق الراااااااااااااااااااااااااااااائع بشهادة كل من ذاقو
ريحتو تشهيك قبل ما تاكليه صدقيني ،، و جااي هش و خفيييييييييف ،، و بنيييييييييييييييين
بصحة كل واحدة رايحة تاكلو
~ ْ ~
أسرار فشل الصابلي :
1 - المارغرين تكون باردة ،، أو تستعملي لابال .. صدقيني تخرجلك وصفة اخرى
2- تكثري الفرينة حتى تيبس العجينة ،، تخرجلك عجب ،، تجي تحليها تتكسر ،، كي تطيب تجي يابسة و ماشي مليحة .
3 - الكوشة ماتكونش مسخنة مليح ،، أو تكون أعلى من 180 درجة ،، قلنا الصابلي بالرغم من أنو قاطو معروووف جدا و سهل يتعمل إلاّ أنو أكيييييد مارايحش يخرج صابلي و عليه الكلام اذا جا محروق ^^ ولاّ يابس
4 - تخليه فالسنيوة بعد ما طاب مدة طويلة أومبعد تنحيه ،، تلقايه بقدرة قادر " لصق " ،، و تجي تمسيه يتفتت .
براءة سامية
2014-07-18, 11:40
شكرا اميرة الاخلاق نور و يويا ع مروركم نورتوا الصفحة
ايمان نور الجزائر
2014-07-18, 13:52
ربي يعاااونك ختي هادو كامل ديرهم وحد ’ك
موالفة ندير القاطو ...عايلتنا كل حاكمها هبال القاطو
وهاد المرة تعاوني اختي :1:
وراح ندير بزيادة لانو راح نعمل حفلة لاختي لي ربحت الباك
واذا ربي قدرني نصور ونحط واش عملت
ايمان نور الجزائر
2014-07-18, 13:57
عمومااا حنا في الدار كاين كتليتين هههه الكتلة الأولى يحبو الحلويااات المعسلة و المسكرة و الكتلة التااانية يحبو الحلويااات الهشة و الخفيفة
ديري تشاراك بالعجينة السحرية حطتها احدى الاخوات في المنتدى ومن نفس العجينة اعملي عرايش وتكوني عملتي نوعين
والعجينة السحرية تنجح للكل
اعملي ايضاااا في المعسل قنيدلات او دزيريات واذا لقيتي لي يعاونك اعملي بقلاوة
بالنسبة للحلويات الهشة
اعملي قاطو تاني حطاتو احدى الاخوات هنا يسموه قاطو كحلوشي لمعسل ديري في البحث يخرجلك رائع جدا
ويمكن تعملي صابلي وتاني قاطو بالشوكولا
مثلا قاطو رولي بالشوكولا او مربعات بحلوة الترك والشوكولا او قاطو لي زورسان
واذا بغيتي واحدة منهم قوليلي نكتبلك الوصفة وطريقة التحضير
رحاب 007
2014-07-18, 14:06
السلام عليكم
انا تاني اختي راني كيفك
شفت بزاف وصفات وراني حايرة
راهي غابنتني الميزانية هههههههه
في الحق عايلتي ماشي بزاف ومايحبوش القاطو المعسل والمسكر
بصح اختي راهي جاية عنا وراح تعاود نفاس ..
كي يدخلو عنا الغاشي بزاف لازم نحطلهم قاطو شباب
ولكن قاطو العيد ماشي موالفين نكترو
السنة هاذي راني روحي ....واش يسلكني
اخواتي ساعدونااااا ..
راح ندير صابلي وصفة السيدة بن بريم
و راح ندير صابلي من نوع اخر لقيتو في هذا الموضوع http://www.djelfa.info/vb/showthread.php?t=1380287
ومشوك ...وراني حايرة واش ندير تاني
براءة سامية
2014-07-18, 14:23
أنااااااااا رايحة ندير قاطووو نص بنص نتع الأخت أم أماني و مازلت ما خيرت القاطوات لخرين
http://www.djelfa.info/vb/showthread.php?t=1532438 (http://www.djelfa.info/vb/showthread.php?t=1532438)
رحاب 007
2014-07-18, 14:34
راح ندير قاطة مربعات الشكولاطة بحلوة الترك للاخت نور الايمان
http://www.djelfa.info/vb/showthread.php?t=1605888

وقاطو les surprises
http://www.djelfa.info/vb/showthread.php?t=1630094
براءة سامية
2014-07-18, 14:42
أخت رحاااب راني نلاحظ رح ديري 2 أنواع فيهم شيكولا(مممممممممم):D؟ علاه ما تنوعيش:confused: .. مثلا نوع نتع شيكولا و آخر نتع جلجلانية... و هكذاا... و لا تحبي الشيكولا:1:....
انا في هذي اللي تلفتلي..:mad: الأنوااع أكل بالشيكولاااا و انا حابة ننوع:rolleyes:
رحاب 007
2014-07-18, 14:51
هههههه
انا نحب الشيكولا بزاااااف
وصراحة ماراهش هامني ندير نواع بزاف
بالاك نزيد ندير هادي الوصفة
http://www.djelfa.info/vb/showthread.php?t=972655
NOUR IMAYA
2014-07-18, 14:53
الظاهر كامل راح نديرو وحدنا
ربي يقدرنا
مازال ما قررتش مع ماما وش نديرو
ربي يوفقكم
om rofida
2014-07-18, 15:10
السلام عليكم انا خدمت المقروض وحابة ندير قاطو الملفوف تع ام اماني وش رايكم فيه الي جرباتو تجاوبني من فضلكم ان امكن وشكرا
raoufnina
2014-07-18, 15:29
يعطيك الصحة على التطبيق
سارة1995
2014-07-18, 15:50
السلام عليكم
انا تاني كيفكم لبنات كل عيد ندير وحدي لانني الفتاة الوحيدة ههه امي جوست دير المقروط
الوغ انا مش راح نكتر على روحي بزاف راح ندير مقروط و صابلي و قاطو تاع نيسلي بنيين يهبل و نزيد قاطو ميطيبش و بالاك لقطايف
هادا قاطو تاع نيسلي
http://im36.gulfup.com/MVPiW.jpg
أمل عربية
2014-07-18, 16:14
حلويات جزائرية لعيد 2014 (http://www.djelfa.info/vb/showthread.php?t=1631003)
حمدا لله كثير
2014-07-21, 18:35
اعملي قاطو السنيوات الي يتحشا بنيسلي و لا نيتيلا

مبيح و للمبتدات ساهل و يعمر العيننننننن
براءة سامية
2014-07-29, 09:16
شكرآآ لكل من مرت هنآآآ