المساعد الشخصي الرقمي

مشاهدة النسخة كاملة : سحب شهادة بكالوريا

مُﭔﭥسـّمہ دائمًا ツ
2014-07-17, 11:27
من فضلكم جاوبوني اذا واحد سجل ببكالوريا 2013 في جامعة باب الزوار
ودار غير بطاقة الطالب مادراش ملف المنحة او اي شئ اخر ..وما راحش يقرا ولم يجمد العام ايضا تخلى عن الدراسة فقط..

لانه اعاد البكالوريا والان سيسجل ان شاء الله بهذه البكالوريا 2014 في جامعة اخرى وتخصص اخر
ما هي الاجراءات التي عليه ان يقوم بها ؟
كيفاش يخرج البكالوريا الاخرى ؟ وواش يقوليهم ؟
وهل بكالوريا 2013 كي يخرجها ويخليها عندو الان تصبح بدون فائدة اي ميقدرش يسجل بها في يوم من الايام في كاش تخصص وماشي جامعة باب الزوار ؟
هل يروح يسحب البكالوريا 2013 قبل التسجيل ببكالوريا 2014 ولا لا ؟؟
والوثائق التي عليه ان يقدمها لهم واش هيا ؟

بارك الله فيكم اجيبونا اجوبة قاطعة وربي يجازيكم كل خير
سطايفية بكل فخر
2014-07-18, 14:47
بالنسبة للبارك الاول راهو مسجل بيه وراهو طالب مقصى
اذا حب يعاود يقرا بيه يدير عملية اعادة الادماج ويقرا عادي
+
بالنسبة للباك الجديد يروح يسجل عادي ونتمنى انو ميفيقولوش بلي مسجل من قبل هكا باش يقدر يقرا تخصصين بلا ميخسر واحد من الباكات
واذا فاقولو رايح يضطر لامرين
الاول يسحب الباك لقديم نهائيا وهنا الباك يفقد صلاحيتو وميعودش قادر يقرا بيهم
الامر ثاني يقرا بالباك الاول وميسجلش بالثاني حتى يخلص بالاول باش ميخسرهمش في زوج

اي سوال تفضلي بيه
مُﭔﭥسـّمہ دائمًا ツ
2014-07-19, 06:35
اولا بارك الله فيك اختي في الله وجعله في ميزان حسناتك شكرا لاهتمامك ووقتك

ثانيا ، اختي انا نقولك واش فهمت منك وانت تبعي معايا وصحيحيلي الفكرة ..
هو حاب يقرا تخصص واحد فقط ببكالوريا 2014 في جامعة جديدة
وحاب يسحب باك 2013 ويخليه عندو في الدار
حتى الان الامور صحيحة يعني يقدر يدير هكذا ؟ اذا يقدر قوليلي يعيشك واش هي الوثائق اللي يلزم يقدمها للادارة الجامعة باش يسحب الباك؟

وسؤال الثاني بعد اللي يكمل التخصص تاعو بعد سنوات يعني هل يقدر يعاود يجبد باك 2013 ويسجل به في جامعة اخرى ماشي الجامعة اللي سجل فيها اول مرة وتخصص اخر ايضا ؟ يعني هذا الباك يقدر يزيد يستعملو ؟
سطايفية بكل فخر
2014-07-19, 14:09
اولا بارك الله فيك اختي في الله وجعله في ميزان حسناتك شكرا لاهتمامك ووقتك

ثانيا ، اختي انا نقولك واش فهمت منك وانت تبعي معايا وصحيحيلي الفكرة ..
هو حاب يقرا تخصص واحد فقط ببكالوريا 2014 في جامعة جديدة
وحاب يسحب باك 2013 ويخليه عندو في الدار
حتى الان الامور صحيحة يعني يقدر يدير هكذا ؟ اذا يقدر قوليلي يعيشك واش هي الوثائق اللي يلزم يقدمها للادارة الجامعة باش يسحب الباك؟

وسؤال الثاني بعد اللي يكمل التخصص تاعو بعد سنوات يعني هل يقدر يعاود يجبد باك 2013 ويسجل به في جامعة اخرى ماشي الجامعة اللي سجل فيها اول مرة وتخصص اخر ايضا ؟ يعني هذا الباك يقدر يزيد يستعملو ؟

اه بما انو حاب 2014 اذا راكي صحيحة يسحب 2013ذ
+
لكن للاسف اذا فات وسحبو من الجامعة ميقدرش يزيد يسجل بيه في الجامعات
حتلا الباراميديكال ميقدرش لانو حدوها بعامين وهو ما يجي وين يكمل قرايتو يكون خلاصو العامين
لذلك قوليلو ميسحبش الباك تاع 2013 ويسجل عادي بال 2014 بلاك ميفيقولوش لانو مش في نفس الجامعة
اذا مفاقولوش راهو صوفا باكو الاخر ميضيعش
واذا فاقولو يسحبو ويقرا بالجديد
هل فهمتي ولا نعيد الصياغة باش تفهميني غاليتي
مُﭔﭥسـّمہ دائمًا ツ
2014-07-19, 14:49
صحا اختي فهمت عليك يعني عامين فاتو على الباك ميقدرش يزيد يسجل بيه
هوا داه في 2013 هذا ديجا محسوب عليه عام وزيد يحسبو عام 2014 يعني 2015 ميقدرش يسجل بيه هكا ؟

اذن ما رايك في هذه الفكرة اختي
يجبد الباك الان ويروح يسجل بيه في جامعة تخصص علوم شريعة ويبلوكي العام
ويسجل في جامعة اخرى بالباك 2014 ويقرا بيه والعام الجاي يقرا علوم شريعة + التخصص
لانه هذا العام ميقدرش يقرا التخصصين في نفس الوقت
سطايفية بكل فخر
2014-07-19, 14:55
افهميني اختي
سحب الباك من جامعة يكاشيولو فيه سحب نهائي
ويعني ميقدرش يزيد يسجل بيه
+
خليه وين راهو ويسجل بالباك الجديد وكي ميفيقولوش هذاك الوقت يروح يبلوكي الباك لقديم في الجامعة لقديمة وميقلهمش سبب البلوكاج هو انو يقرا باك اخر رايحين ينحيوهولو
دير سبة اخرى
وكي يخلص بالباك تاع 2014 لقراية ويحب يقرا بالقديم يدير اعادة ادماج ويتحول على روحو لعلوم شريعة
فهمتي الان
نحي من راسك السحب لرانويفقد الباك صلاحيتو
مُﭔﭥسـّمہ دائمًا ツ
2014-07-19, 15:31
يعطيك الصحة اختي
ولكن قالولي كي يقعد الباك( سنوات بزاف )مسجل في تخصص معين يقعد فيه للابد ميقدرش يحول لتخصص واحد اخر
وهو الان مسجل بباك 2013 بيولوجيا وتخلي برك ومبلوكاش يعني يروح يبلوكي وبعد سنواااات يعاود يولي يدير اعادة ادماج ويحول الى علوم شريعة ؟
سطايفية بكل فخر
2014-07-19, 15:55
يعطيك الصحة اختي
ولكن قالولي كي يقعد الباك( سنوات بزاف )مسجل في تخصص معين يقعد فيه للابد ميقدرش يحول لتخصص واحد اخر
وهو الان مسجل بباك 2013 بيولوجيا وتخلي برك ومبلوكاش يعني يروح يبلوكي وبعد سنواااات يعاود يولي يدير اعادة ادماج ويحول الى علوم شريعة ؟

مسمعتش بهذا القانون
+
انا خايفاتو يحول هذا العام يفيقولو
اصلا راهو في احتمال يفيقولو لخاطر راهم مشاو ريزو ناسيونال في ميكرو في الجامعات ويخرج عندهم لي يقرا من قبل
حاجة اخرى
قولو ميسجلش المنحة اذا حاب يخلي باك 2013 لانو بمجرد ميسجل بيها يخرجلهم الكونت بلي راهو يقرا ويديرولو مشكل
مُﭔﭥسـّمہ دائمًا ツ
2014-07-19, 16:13
هو ماسجلش في المنحة ولا نقل ولا اقامة تاع 2013 دار غير بطاقة الطالب راح يسجل المنحة غير في 2014 يعني يخرجلهم ؟؟

وزيد البلوكاج شحال يقدر يقعد من عام ؟
اذا البلوكاج يقدر يقعد بزاف امالا مكالاه يدير سحب
يعني يدير هذا العام ترونسفار من بيولوجي الى علوم شريعة ومعدل القبول تاع 2013 يسمحلو بذلك ويبلوكي العام في علوم شريعة ؟ هذا التخمام صحيح ؟
السحب رانا حابين نديروه على خاطر هذاك القانون اللي سمعنا يعني يخاف لوكان يخليه بيولوجي يقعد في البيولوجي وميقدرش يدير ترونسفار
: (
سطايفية بكل فخر
2014-07-19, 16:18
لا ميخرجلهمش مدام مسجل فيها
+
مقراش مره
اذا مقراش راهو طالب مقى لازم عليه يدير اعادة ادماج باش يقدر يبلوكي
+
يقدر يبلوكي عام اختي ولظروف معينة
+
التخمام صحيح لكن يريسكي بروحو وبالباك تاعو
+
يقعد بيولوجي وميموتلوش الباك السحب في حالتو يكون سحب نهائي
مُﭔﭥسـّمہ دائمًا ツ
2014-07-19, 16:23
اووه امور معقدة

المهم بارك الله فيك يا اختي والله عاونتيني بزاف
ربي يجعله في ميزان حسناتك ويجازيك كل خير
واي تطور يحدث راح نخبرك هنا باذن الله

صحا فطورك
سطايفية بكل فخر
2014-07-19, 16:48
اللعفو واجبي اختي
صح فطوركم
ورايحة نجاوبك بلي نعرف