مساعدة في طلية لعرايش

[noor ala noor]

السلام عليكم حبيباتي
سؤالي باين من عنوانه
راني حابة نخدم لعرايش لكن الطلية راني خايفة منها psq جربت وحدة و مصدقتليش جاتني سايلة و مجمدتش
من فضلكن لي عندها وصفة طلية و مجربتها تحطهالي
و شكرا مسبقا:):):):):):)

[kajomati]

اولا صحا رمضانك ثانيا ربي يعاونك
بالنسبة للقلاصاج يعني الطلية انا نوريلك الطريقة انتاعي ساهلة و ماهلة و متديش وقت طويل
ايا نبداو
انا موالفا نحط الساشي انتاعي انتاع السكر المرطب من نوعية المرجان في طبسي و نبدأنزيد بالمقرف الكبيرة حليب المرة الاولا راهي تخلعك باسكوا تتكمشلك لكن بشوية بشوة يعودلك هايل وكذلك ديري عصير الليمون باه يعطي ذوق هايل و بعدها ديري اللون لي حابتيه وهذه
انا درة لي عليا و عاونتك وانت ربي يكون في عونك
و متنسايش تخلطي بالملعقة ماشي بالباتور سلام

[noor ala noor]

ربي يحفظك و يوفيلك ماراكي تتمناي حبيبتي
لكن راني نشوف بلي مافيهش بياض البيض و يخرج شباب؟؟؟؟؟؟

[kajomati]

تسلمي على الرد هذا هو الهدف انتاعي على ما اظن راني قتلك ساهل و ماهل و ميديش وقت و انا منحبش ريحة البيض على بيها نديروا هاكذا
اسمعيني انتي باه تتاكدي من الوصفة ربيها في شوية سكر مرطب و شوية حليب منها با تتاكدي و منها باه تعرفيلها
وانا متاكدة بلي تنجحلك وانتي جربي في عبار صغير و واش خاسرة كي تجربي

[omranesouhila]

اسمعيني روحي متهنية مرة انا ثاني درة موضوع على وصقة القلاصاج
ردتلي الاخت الكريمة kajomati وعطاتلي هذي الوصفة وصح كي جربتها خرجتلي اكثر من رائع ومن هذاك الوقت و انا كل ما نديروا ندعيلها بالخير
وربي يعاونك

[noor ala noor]

شكرا جزيلا ربي يخليك
نجربها باذن الله و نردلك لخبر :)

[noor ala noor]

اسمعيني روحي متهنية مرة انا ثاني درة موضوع على وصقة القلاصاج
ردتلي الاخت الكريمة kajomati وعطاتلي هذي الوصفة وصح كي جربتها خرجتلي اكثر من رائع ومن هذاك الوقت و انا كل ما نديروا ندعيلها بالخير
وربي يعاونك
شكرا حبيبتي على مرورك جازاك الله خيرا
kajomati راكي شايعة هههههههههههههه


ربي يهنيكم

[kajomati]

ههههههه تعيشي كي تجربه قوليلي
ربي يعيشك ادعيلي باه ننجح في قرايتي و خدمتي و الله محتاجة دعاء

[noor ala noor]

روحي يا kajomati ربي ينجحك في قرايتك و يسهلك في خدمتك و تنالي لي فبالك و يرزقك بولد حلال خدام و عنده دار و طوموبيل و تعيشو la vie en rose
ريحتي هاكا كخكخكخكخ

[kajomati]

هههههه ربي يحفظك هههههه قتلك على قرايتي و خدمتي ماشي على الزواجج هههههه مازاللللل
المهم انتي ثاني ربي يهنيك معا راجلك و يرزقكم بولاد لحلال ليهنولك خاطرك و يسعدوك دنيا و أخرة
بارك الله فيكي و اكثر من امثالك

[noor ala noor]

هههههههههههه متقوليش مازال
فكرتيني في روحي كخكخكخكخكخ
غير البارح و انا نقرا و لي يجي يخطب نقولو لااااااااااااااااااااااا انا نكمل قرايتي و نخدم الزواج والو ماشي دروك
ايا فاتو ايام و جاو ايام كي غمضة العين لقيت روحي في دار راجلي
على العموم ربي يفرحك يا الجيجلية
كاش كهوة و لا والو

[amouna18]

ميرسي على الوضفة تاع القلاصاج باسكو انا ثاني جامي صلحلي


ربي يهنيكم يا لبنات راكم دايرين جماعة باهية هنا,,, ربي يوفقكم كااامل

[kajomati]

ههههههههههه الله يبارك عليك لا لا راني صح منيش نخمم فيه ذركي كي نكمل لي راهي في راصي وقتها ربي يفرج
كهوة مكانششششششششش ولواااااااااا يخي راكي صايما ولا نسيتيييي السهرة اهلا و سهلا بيكي

[kajomati]

ميرسي على الوضفة تاع القلاصاج باسكو انا ثاني جامي صلحلي


ربي يهنيكم يا لبنات راكم دايرين جماعة باهية هنا,,, ربي يوفقكم كااامل

شكرا بارك الله فيكي ادخلي احكي معانا انتي ثاني ربي يعاونك وكي تجربيه قوليلي وربي يهنيك

[louli2007]

noor ya3tik sahha ..........hatta ana jat fi bali glassage lyoum w golti nsaksi lebnet hna


ya3tik sahha khti elli 3tat recette
inchallah rabi ykammelelk maraki metmaniya ya rab

[ممتي نايا]

اولا صح رمضانكم وتقبل الله صيامكم , راه نعطيك وصفة قلاصاج مجربتها من قبل ونجحتلي وان شاء الله نديرها المرة هذه ايضا باسم الله
المقادير : كيلة حليب سائل ،كيلة ماءزهر ، كيلة زيت ، واذا حبيتي زيديلها شوية قارص أ الفاني والسكر حسب الحاجة خلطي كل هذه المقادير ومن بعد ابدي جربي ديريها فوق كعبة القاطو اذا ساحت زيديلها السكر واذا جاتك جامدة ( تحطيها فوق الكعبة وما تنزلش أي ما تعمش عل كعبة القاطو باكملها ) في هذه الحالة زيديلها شوي ماء زهر شوي شوي مع التجريب حتي تجيك قد قد وان شاء الله تتوفقي فيها والله ان قولك هذه الوصفة ماشاء الله أنا من فبل ندير القلاصاج ولكن بمقادير اخر ى وتجيني المرة الاول هايلة ومن بعد تقساحلي ارميها عل الحائط تبق كما هي ههههههههههههه ولكن بعد ما جربت هذة الوصفة ا للللللللللللللللللللللللله ربي بارك

[noor ala noor]

noor ya3tik sahha ..........hatta ana jat fi bali glassage lyoum w golti nsaksi lebnet hna


ya3tik sahha khti elli 3tat recette
inchallah rabi ykammelelk maraki metmaniya ya rab
لولي عمري نورتي الصفحة يا الشابة نتاع غيلياسبانيا كخكخكخكخكخ

[noor ala noor]

ههههههههههه الله يبارك عليك لا لا راني صح منيش نخمم فيه ذركي كي نكمل لي راهي في راصي وقتها ربي يفرج
كهوة مكانششششششششش ولواااااااااا يخي راكي صايما ولا نسيتيييي السهرة اهلا و سهلا بيكي
وش راكي حبيبتي ان شاء الله بخير
حبيت نقولك اني انا ثاني من منطقة في الغرب حرف ق نقولولو ك كيما ناس جيجل
و ربي يحفظك على الدعوة كي لي سهرت معاك مشكورة

[noor ala noor]

اولا صح رمضانكم وتقبل الله صيامكم , راه نعطيك وصفة قلاصاج مجربتها من قبل ونجحتلي وان شاء الله نديرها المرة هذه ايضا باسم الله
المقادير : كيلة حليب سائل ،كيلة ماءزهر ، كيلة زيت ، واذا حبيتي زيديلها شوية قارص أ الفاني والسكر حسب الحاجة خلطي كل هذه المقادير ومن بعد ابدي جربي ديريها فوق كعبة القاطو اذا ساحت زيديلها السكر واذا جاتك جامدة ( تحطيها فوق الكعبة وما تنزلش أي ما تعمش عل كعبة القاطو باكملها ) في هذه الحالة زيديلها شوي ماء زهر شوي شوي مع التجريب حتي تجيك قد قد وان شاء الله تتوفقي فيها والله ان قولك هذه الوصفة ماشاء الله أنا من فبل ندير القلاصاج ولكن بمقادير اخر ى وتجيني المرة الاول هايلة ومن بعد تقساحلي ارميها عل الحائط تبق كما هي ههههههههههههه ولكن بعد ما جربت هذة الوصفة ا للللللللللللللللللللللللله ربي بارك
ربي يحفظك حبيبتي و يناولك الي في بالك
نورت الصفحة

[karimakoukou]

السلام عليكم ورحمة الله وبركاته

رمضان كريم كل عام وانتم بخير

بعد الصلاة علي النبي

عندي وصفة جيدة ومجربةهاا شخصيا وناجحة ضعي ملعقة كبيرة حليب وملعقة ك ماء الزهر ملعقة ك زيت ملعقة ك عصير الليمون ملعقة ك بياض البيض ثم اجمعي بالسكر قلاصي باش تعرفي بلي الخليط ماخصوش السكر بضهر ملعقة الاكل ارفعي القليل من الخليط وشوفي سماكته اذا نزل بسرعة وبان ضهر الملعقة زيدي شوية واذا فوتي في السكر ضفي قطرة فقط من الحليب

بالتوفيق

[kajomati]

تسلمي وصحا صحورك مالا رانا جاراةةةة ايا مليح والله يشرفني