اطلقها بعد رمضان 2

[مشكلتي]

السلام عليكم وصحا فطوركم

ياجماعة من الاول راكم قبلتو موضوعي ولكن للاسف كي رجعت ليه لقيتكم حذفتوه غاضتني عمري ساعتين وانا نكتب فيه المهم لقيت مكتوب اعرض نفسك على طبيب نفسي مافهمتش علاه قلتولي هاك انا منيش موسوس ولا ماعندي حتى مرض نفسي مافهمتش وش دخل العلاج النفسي في قصتي ؟
ياناس اسف اسف اسف اذا لقيتو موضعي مش لايق راني كنت هذاك النهار مهموم ومحموم منيش في عقلي منيش حاط هنا خلاص مظغوطة عليا من كل جانب ندخل للدار نلقاها ظلمة مظلمة صدقوني راه وزني نقص
وكي كنت نكتب في الموضوع مكنتش داري بلي بلاصة الموضوع مهيش هنا صدقوني مخي حبس من التخمام خلاص جفت من القنطة 2+2 مش قادر نحسبها في ذيك الساعة وبعد التخمام تفكرت بلي كاين في منتدى الجلفة قسم مشكلتي فقلت خلاص عندي خاوتي في منتدى الجلفة يونسوني فعرضت مشكلتي والله حاولت نهذبها قدر الامكان
ونختار الكلمات المناسبة الي متجرحش واستعملت الكنايـــــــــة والمجاز قدر المستطاع واسف مجددا اذا شفتو موضوعي مش محترم والله عجزت باه نوصفلكم مشكلتي ولوكان مجاتش القنطة الي راها في قلبي مانجي هنا ونزعجكم راني ما لقيت لمن نروح من غيركم وانا نكتب في موضوعي والله الكلافي الي كنت حافظها نسيت بلايص الحروف من قوة الحسرة والغيظ والهم .
ومبعد بعثتو رحت وخليتو مقبول وقلت مبعد نولي ليه بصح كي جيت لقيتو بح حزنت ياسر وتغميت يعني الدنيا gاع رفضتني وزيدو ترفضوني ياناس اذا كانت الحالة الي راني فيها مهيش مشكلة مالا ويناها المشكلة ياناس شاب زوالي تعبو العلاج وتعباتو مصاريفو راحلو الخشوع في صلاتو مش مهني في زواجو راح يطلق مرتو ودارو رايبة ونسابو ناس ملاح مش قادر يقابلهم بعد الطلاق اذا كان هذا الكل مش مشكلة مالا بربكم كيفاه تكون المشكلة
ياناس راني تجولت البارح في المنتدى ولقيت هذا الموضوع


http://www.djelfa.info/vb/showthread.php?p=3991213328#post3991213328

كي قريتو عرفت بلي راكم قبلتوه ودرتو فيه ردود بصح كاين اعضاء فسدوه بالردود يا ناس يعني انا الي تعبت وانا نهذب في موضوعي ونكتب ونمحي نكتب ونمحي باه يجي موضوعي مؤدب وبعد في لتالي يغلطو بعض الاعضاء وما يعرفوش يردو تروحو تحذفو الموضوع بالكامل يعني يروح الصالح في الطالح على الاقل ها احذفولو ردو هو وانا علاااااااااااااااااااه أو على الاقل احذفو نص موضوعي وخلو الموضع باه نشوف ردود على وعسى كاين الي ينفعني راهم الناس كامل شافو الردود وانا صاحب الموضوع المعني بالامر ما شفت والو والووووو والله ماشفت رد يعني كي طارت الطيور جات الهامة تدور

ياناس راني مضرورررررر راني بعد رمضان ان شاء الله كاينة مصحة في العاصمة رايح ليها وهذيك اخر امل واخر محاولة واذا فشلت في العلاج كالعادة فما عليا إلا الأمر المحتوم والله ياناس لوكان جاتني في الفقر لوكان راني بعت كليتي ولا عيني ونجيبلها الدراهم المهم تبقى لالة مولات داري عندي لوكان بيا نعافر عليها بالبارود بصح الله غااالب جاتني في حاجة فوق طاقتي راه مش هاين عليا نتخيل داري فارغة بلا بيها يخي الطلاق يحصل كي تستحال العشرة بصح حنا مطبعيين على بعضانا ومتفاهمين وزيد باباها عزيز عليا كيفاه نرجعلو بنتو وهو عندو كوطة تاع بنات راني رايح نلقاه في الجامع في السوق في الشارع في كل مكان كيفاه نقدر نقابلو بعد الطلاق كيفاه نقدر نتعامل معاه.وزيدوا لوكان تعرف الناس سبة طلاقي يفضحوني ويضحكو عليا اشعرو بيا اعطوني النصائح الي نديرهم بعد الطلااااااااااااااااااق باه منخسرش نسيبي ومانخسرش أختي ونقدر نقنع زوجتي وما نضحكش الناس عليا

ربي يخليــــــــــــــــــــــــــكم ماترفضوش موضوعي راني محتاااااااااااااااجكم ياسر على الاقل خلو خاوتي يدعوووووووووولي وراهم جايين العشر الأواخر ماتساونيش
راني كل مانصلي تخلطلي حتى في التروايح درت واحد في بلاصتي لاني نغلط ياسر وننسى اول مرة تصرالي هذي الحالة في رمضان

[*أم كوثر*]

وعليكم السلام ورحمة الله
أخي الكريم موضوعك تم اخفاؤه ولم يحذف
نظرا لحساسية مشكلتك ولان بها امور لايجب ان تناقش على مرئى الجنسين اظطررنا وبطلب من احد الاعضاء الذكور ان ننقل مشكلتك للقسم المحجوب على البنات
وتفضل اخوة كرام بنصحك
لكن في ذلك القسم يبدو موضوعا بمعرف مشكلتي بغير محله وأعيد الموضوع مرة اخرى الى قسم مشكلتي مع ردود الاخوة الكرام التي ماكانت يجب ن تظهر لكلا الجنسين
وهنا لاحل الا اخفاء الموضوع
ظننا انك قمت بالاطلاع على الردود والنصائح
وتحت طلبك سيتم اعادة فتح الموضوع مع حذف بعض الردود ... ومحتوى الموضوع

[أناييس الربيع]

السلام عليكم ورحمة الله

كنت مطلعة ع موضوعك من بعيد ورأيت ماحدث في ردود بعض

الأعضاء وع إثرها تم حذف الموضوع ،هذا للعدالة فقط حتى

لا تقول أن منتدى الجلفة أجحف في حق موضوعك

والله ترددت في الرد ولكن حتى تعرف الحقيقة فقط

وأدعو الله أن يفرج كربتك ويصلح أحوالك عاجلا

وأتمنى أن الأعضاء لي عند و حل يتفضل والعضوات

أن لا يتدخلن في الموضوع نهائيا

وان تمنيت أخي الفاضل لو سجلت بأي عضوية ودخلت

إلى قسم الرجال أحسن و عذراً من الكل ع تدخلي هنا

[الصديق قروف]

السلام عليكم
تابع ردود موضوعك الدي طرحته المرة الاولة من هنا

http://www.djelfa.info/vb/showthread.php?t=1626774

ربي يشفيك اخي

[KAMAR24]

ربي يشفيك يا اخي
مادام متفاهم مع زوجتك اياك و اياك تطلقها راح تظلمها و تندم

[abdoustar]

لا تكن حساسا أكثر من اللزوم

أنا تابعت موضوعك


و لقيت الناس كل حست بيك و تضمانت معاك وحابة تنصح


و مش حاباتك تروح للطلاق


و بخصوص الموضوع حبو ينقلوه لدردشة رجال با تحكي مع رجال متزوجين

و بخصوص العرض على طبيب نفسي مش معناها راك موسوس لا لا لا بل المعنى أن أصل مشكلتك يمكن أن يكون نفسيا و ليس عضويا


خاصة في مشكلتك الجانب النفسي له دور كبير و انا هذا من رايي أيضا


لاني ارى أنك حكمت على نفسك خلاص و بالتالي رح تفشل قبل ما تبدا

بالتوفيق

[ibissam]

اخي لم يحذف بل تم نقله لدردشة الرجال ان شاء الله مطلقش مرتك لانه زوجة اصلية مكاش مثلها كاين وحد نعرفها 10 ايام خرجت على رجلها مسعفتوش وزيد مكانش لي مقلوش على مشكل ديلها سبتوا أزمة نفسية كبيرة ولا كل رجال يتلاق بيه يسالو فيه هل انت صحيح وان طلقها وعاود خطب من جيد ، وان شاء الله ربي يشفيك ويخليلك زوجتك ويرزقكما الذرية الصالحة

[naamane3]

اولا كان الله في عونك وشفاك الله وعافاك
تقول انك قارئ للقرآن الم تمر عليك آيات الشفاء
اقرئها في كوب ماء واشربها مرة ومرات
ثانيا امر الطلاق ليس بيدك وحدك لذا لا تقدم عليه
ثالثا خجلك هذا مبالغ فيه وهو سبب مشكلتك
حاول ان تتخلص من اغلبه
رابعا الحوار عليك بالتحاور مع الطرف الآخر
كفا جفافا كن عاطفيا وهاشا ياشا
كما كان رسول الله صلى الله عليه وسلم
واخيرا اعلم ان هذا ابتلاء من ربك ليمتحن صبرك
واعلم انه ما ابتلاك الا لانه يحبك
فاصبر فان الصبر مفتاح الفرج

[loufa]

السلام عليكم
لماذا الطلاق وكل هذه الصفات والاخلاق التي تنعم بها زوجتك
اخي حتى زوجتك ليس لديها خبرة كافية وربما لم تفهم شيئا مما يحدث معك لهذا اجلس معها وتحدثا واشرح لها وانك ستحاول العلاج بكل الطرق ان شاء الله
ايضا كيف تقرر الطلاق وحدك ان تشاركها الراي او تطلب منها المشورة ربما هي قابلة تعيش معك لهذا لا تتسرع فانت مخطئ
ماشاء الله حافظ لكتاب الله ارقي نفسك وزوجتك مرات عديدة فانت ادرى بنفعه
الطب تطور اذهب الى اطباء وادخل قسم الدردشة مع الرجال ربما قلة خبرة زايد شوية علاج زايد رقية زايد تشارك همك مع زوجتك ويخف العبء عليك
ادعو الله فهذه ايام مباركة
اسال الله ان يشفيك اخي ويرزقك الذرية الصالحة وتكتب لنا عن اخبارك ان شاء الله

[~فَصَبْرٌ جَمِيلٌ~]

يا أخي لا اخفيك نعم قرأت الموضوع

ليس لي شئ غير هذه الآية تمعن فيها جيدا :

انها على ما اظن في سورة ابراهيم يا حافظ للكتاب
قال تعالى :


قَالَ وَمَن يَقْنَطُ مِن رَّحْمَةِ رَبِّهِ إِلاَّ الضَّالُّونَ
فلا تكن ضالا اخي زيادة على ذلك اظن ان لم تخن الذاكرة تزوجت منذ شهور فقط اصبر يا اخي اصبروان كنت رحيما بزوجتك فلا تطلقها متيقنة انها تفضل ان تصبر عليك على ان تطلقها ......أتعلم حلك الرجوع الا الله (واذا مرضت فهو يشفين)

[bello angel]

انااااا لم افهم سبب المشكلة فاكتفي بالدعاء لك يا اخي صاحب المشكلة
ربي يفرج عليك

اكثر من الدعااااء خاصة في هده الايام المباركة

[first first]

يااخي..................مهما عضمت مشكلتك....................................فتدكر اخي ان الله اعضم.
نحن في ايام مباركة.......................ندعو الله ان يرفع الهم والغم عنك.............................اخي ثق بالله ....واتبع اساليب العلاج.
وحتى لو قيل لك اخي انه لاعلاج.........................لاتياس............. ...........فثقتك بالله كفيلة ان تشفيك.
عمر الله بيتك بالخير والبركة...............................وبادن الله ستاتيك ايام جميلة........................غمة وتزول بادن الله.
وانت تقراء القران في هدا الشهر الكريم..............الم تصادفك اخي ايات تدكرك.ان الله قريب يجيب دعوة الداعي ادا دعا؟؟ الم تصادفك ايات تدكر العبد ان لايقنط من رحمة الله.....انسيت اخي ان الله عند ضن عبده به فليضن به ماشاء.
انا على يقين انك تعلم ان الله قادر على كل شيء...................ثق بالله وادكره فبدكره سيطمئن قلبك....لانك ستثق بزوال همك.
لا الومك اخي.....فكلنا في لحضات الضعف نخطا وننسى.........ولكن ليكن يقينك ان الله يرى حالك....ويسمع انينك...............وان وراء ابتلاءك حكمة.....فاصبر.حتى تفوز برضاه ....اما شفاءك.............فهو ات بادن الله.

اسال الله ان يرفع همك...ويشفي جميع مرضى المسلمين ويفرج كرب الكروبين.

[محمد علي03]

اريد ان اسالك رقيت روحك انت زوجتك ام لا؟
اكيد عملت تحاليل واشقالولك الاطباء و هل كان عندهم نفس الهدرة ولا كل واحد قلك تفسير

[om djanah]

يا اخي علاش الطلاق علاش راك اذا طلقت مرتك تخليها تعيش حالة تاع ضلم كبير من ناحية المجتمع و راك عارف الناس و حديثهم مشكلتك عادية و يعاني منها الكثير من الرجال احسن حل ادخل لعمك قوقل و اكتب الدكتورة هبة قطب راك تستفيد ان شاء الله من برنامجها

[ساري الليل]

شكرا لكم اخوتي ها انا سجلت بعضوية جديدة وشكرا لكل من ساندني ودعى لي

[صبرينة ام الفضل]

صراحة لم افهم الموضوع لاني اول مرة اتطرق اليه

الحاصل ..هناك حالات كثيرة نعتقد بعجز الطب فيها ..متوهمين ..ناسين ان الامر كله لله ..حتى الاسباب من الله

كاين اخ قالولو الاطباء انو مستحيل يجيب ولاد وبقى سنوات وربى طفل يتيم ...قدر الله ورزقه ذرية ...لان الامر بيد الله

وهناك امراة حملت وهي لا تملك رحما ...قدرة الله...من كلامك انت مشوش ..مضطرب ...الجأ الى الله ليعطيك راحة نفسية

واجعل جلسة مع زوجتك للتحاور ..ادعوا الله اخي وقل:

اللهم فوضت امري اليك

اللهم مسني الضر وانت ارحم الراحمين

واعتذر اعتذر عما سأقوله لكن الاخت التي ذكرت حالتها وان زوجها كان ميؤوس منه (كانت لا تعرف اطلاقا ما يحدث بين الزوجين وهي متزوجة من سنوات)......................

[soumi7]

تابعت موضوعك يا الاخ وصراحة مفهمتش المشكل وين المهم انقولك حاجة انسان بمواصفات زوجتك متتخلاش عليها بسهولة على حساب ما راني نشوف انت تحبها و بزافففففف ويلا طلقتتها راك رايح تزيد تتألم والله حبك ليها وتانيب الضمير والوحدة رايح تنضر انت هي كي راهي قابلة و صابرة بوضعك مهما كان فاش راه ضارك الامر لكان خرجت بنت الحرام وسمحت فيك فان لكان ماهيش تعجب ولا جيبها مالتالي وصارحها وشوف رايها بلاك هدرتها تريحك وترفع عليك عاد الغبن وربي يفرج عليك انشالله

[oussama.oussama]

لقد رديت على موضوعك السابق وسأعيد الرد على موضوعك هذا يا أخي أرجوك أرجوك ورجائي من الله أكبر أن يهديك لفعل ما هو صائب
الحوار الحوار لا سبيل لخطوة تقوم بها غير الحوار يا أخي ما المشكل إذا تقدمت لزوجتك الطيبة وحاورتها حول مشكلتك لا تقل لي خجل ما خجل الخجل الأكبر حين تطلقها وتقابل أبوها أو حين تجبر على تبرير موقفك أمام عائلتك وشباب الحي كامل

يا أخي قل أريد إستشارتك حول موضوع مهم ومصيري لكلينا قد أنت تعرفين أن لديا مشكلة تتعلق بالقدرة الجنسية وهذا عيب عضوى وليس عيبا فيا فأنا لم اشتره من السوق قد فكرت كثيرا و وحاولت تجاوز هذا المشكل إلا أنني فشلت عزيزتي لقد أحسست أنني أظلمك بهذا لذا لذا أرى أرى أن أطلقك وأفسح المجال لكي للعيش مع شخص أخر أفضل فما رأيك . يا صديقي هذا واجب شرعي أن تستشيرها و تحاورها بل أنك وانت الذي قلت انك حافظ لكتاب الله ما شاء الله تفعل شيء محرم نعم محرم تطلقها من غير بأس فيها لو كانت هي من طلبت الطلاق أقول ممكن لأن لها حجة أما أنت فلا حجة لك في تطليقها بل أنت ظالم ظاااالم نعم يا أخي لا تقل خجل ما خجل الخجل الكبير هو من الله أن تكسر قلبها وأن تكسر قلك والدها و أسرتك الخجل حينما تظهر أمام الجميع كصعلوك طلق زوجته من غير شيء فيها لا أظن ان المجتمع سوف ينظر لك كبطل بل سوف ينظرون لك كقانط من رحمة الله جبان

أيضا الطبيب النفسي خيار أخر لدي صديق طبيب أمراض نفسية وعصبية يحضر في شهادة إسمها المشاكل الجنسية المتعلقة بالنفس هناك من يعانون من مشاكل جنسية لكن المشكل الحقيقي يكمن في امور نفسية على رأسها الإكتئاب فباشر بالبحث

في الأخير أذا لم تستطع حوارها مباشرة أكتب لها رسالة وأتركها لتقرأها وتترك لك الرد أرجو العفو على عباراتي لكنني أحس فعلا لحالك كما أحس بالعضب لضعفك مع انك مسلم الرجاء المتابعة فحالتك حقا تهمني شكرا

[ضحى333]

لقد تابعت موضوعك منذ البداية لكن لم اشارك لاني لم اكن عضوة هنا.
اقول لك لاداعي لتحزن كل هذا الحزن اعرف ان لديك ضغوط كبيرة فهذه من اصعب المشاكل التي يمكن ان يواجهها الرجل
وفي نفس الوقت انصحك انصحك ان لا تطلق زوجتك فلا داعي ان تعيش وحيدا مع هاذه المشكلة خاصة ان زوجتك لم تعلن رغبتها في تركك
كما اقول لك ان لاتقنط من رحمة الله وان تبعد عنك الوساوس وان تثق بنفسك .انا ارى انها تنقصك الثقة بالنفس هي نصف حل لمشكلتك والله اعلم
وان حاولت وفقدت الامل من نفسك نهائيا وقررت زوجتك التخلي عنك. فانا اقولها لك انني مستعدة للزواج منك لكي لا تبقى وحيدا وسوف اصونك واحترمك .فلا داعي لان تحزن او تقول ان الدنيا كامل رافضاتك

[* عبد الجليل *]

السلام عليكم
اخي الكريم ربي يفرجها ان شاء الله
لا تقلق ولا تقنط من رحمة الله
انصحك بالرقية وان تقوم بالحفاظ على زوجتك
ومعاملتها بالحسنى والله المستعان
موفق بإذن الله