انصحوني

[مشكلتي]

السلام عليكم
اترددت باش نكتب مشكلتي لكن بقات في قلبي وملقيتش لمن نحكي
انا متزوجة عندي عامين وراجلي يحبني ونحبو الحمد لله
بصح اليوم اكتشفت بلي زوجي عندو غراميات على لنترنات يحكي مع بنات كأنو عازب
مع العلم على واش كان الحديث يدور بينتهم ملفين يتلقاو
خلا حسابو مفتوح فالميكرو وكان يدردش مالهاتف ديالو وانا كونت على المباشر نقرا الحوار لي كان بينتهم ملميكرو
شديت روحي حتي خرج وخرجت واش في قلبي بالبكاء حرت ولا نصارحو ولا نسكت ولا واش ندير
بقيت مشنفة عليه ومقدرتش نخزر فيه بالرغم هو كان يسئلني واش بيا وانا غير نقولو مابيا والووووووو
ياربي والله حرت خفت نصارحو نخسر داري خفت نسكت يكمل في واش راه فيه وتتطور الامور للاسوء
نصحوني اعطوني رايكم في مشكلتي هادي واش ندير
مع العلم اني حاجة متخصني معاه مليح معايا نعم الزوج وهادي لحاجة لخلتني مترددة فقراري معاه

[ayaamira666]

يجب ان تصاريحه بالحقيقة حتى يكف عنها فالدين النصيحة
ارجو ان يتغير للاحسن

[أحمد دواجي]

مادام ما يخصك والو معاه معناها نظن ما تخافيش عليه هادي مجرد نزوات يدفعو ليها الشيطان وتدفعو نفسو اذا كانت قوية عليه
نتي أولا لازم تراجعي نفسك واش راكي مقصرة معاه في أي حاجة
تحاولي تصلحي واش قصرتي وتكوني أفضل
ثم بعد ذلك تصارحينه بالتدريج وتكوني قوية كي تصارحيه
وما تصارحيش كلش مرة واحدة
قوليلي راني حسيت بلي راك تهدر في الانترنت والتيليفون قولي علاه
هو هكدا يبدأ يراجع نفسو ويبطل بلعقل
ثم كل مرة تصارحيه بحاجة جديدة كل مرة حاجة
لكن ليس مرة واحدة
ولازم تكوني قوية شوية
وشيئا فشيئا ترجع المياه لمجاريها

لكن تأكدي أنها وساس الشيطان والنفس الأمّارة بالسوء فقط إن شاء الله

[إيمان احمد]

انقولك اختي ما دام لنت راه يهدد دارك قطعي خيط التيليفون و قوليلو انقطع وحدو و دير الف سبب و سبب و نحي النت

ما ننصحكش تصارحيه ديري روحك ماعلابالك بحتى حاجة انثرفي عادي لانو ايلا صارحتيه راح تفقدي قيمتك ايلا بقا على حالو فهمتيني

[سجل أنا جزائري]

علاش ما تهدريش معاه

ما تخافي ما والو بالعكس كي تقعدي ساكتة اللي يزيد الوضع سوء

فهميه أنك شفتيه صدفة باش ما يقولوش راهي تجسس عليا

و ادي منو عهد باش يزيدش يهدر معهم و ينحي البنات كامل من فيس بوك

[بنت لبحر]

السلامعليكم

انا في راي كون كيشفتيه يحكي على المباشر في الدقيقة هاديك هدرتي معاها و قلتيلو يفهمك واشي هدا


ربي يصلح الاحوال

[fidou1860]

اولا اشكرك على الحكمة
ثانيا اجاسو جاسة حوار واخبريه بهدوء عن سبب فعل دلك وان اعتدر فسامحيه
واكيد بهده الطريقة لن يعود لفعلها ان شاء الله

[sali-sali]

السلام عليكم

فهميه بطريقة غير مباشرة اذا راكي خايفة تواجهيه و تحكي معاه في الامر
مثلا اساليه و اذاانتي مقصرة في حقو .. ولا غلطتي كاش مرة معاه
فهميه بالمعنى .. قال فلانة لقات راجلها يحكي مع وحدة ..وانوهدا ماشي تصرف .. وقوليلو واش رايك في الموضوع
المهم استعملي طريقة لي ماتوصليش روحك للمشاكل بيها

[naamane3]

انصحيه بطريقة غير مباشرة
كأن يسمعك تدعي له في صلاتك بالعفاف
وتدعي له بأن يحفضه الله من كل شر
وان يحفضه لك وحدك
طريقة لها تأثير كبير

[soufianebac]

انقولك اختي ما دام لنت راه يهدد دارك قطعي خيط التيليفون و قوليلو انقطع وحدو و دير الف سبب و سبب و نحي النت

ما ننصحكش تصارحيه ديري روحك ماعلابالك بحتى حاجة انثرفي عادي لانو ايلا صارحتيه راح تفقدي قيمتك ايلا بقا على حالو فهمتيني

لا أنصحك بهذا العمل لأنه سيأزم الوضع

[soufianebac]

ماذام يحبك

الأحسن قوليلو خلينا من لعب الأطفال في الأنترنت ولى راك راحا تخسرني

ونتي حاولي تحسيه بلي راكي واعيا وراكي مستعدة باش تسامحيه بدون ضغينة

وربي إنشاء الله يحللكم المشكلة

[minay.timida]

saraha hiya lahsen

[nibou]

مين تلقايه فالنت حاولي تلهيه

[houda-21]

مين تلقايه فالنت حاولي تلهيه

عندها حق ولا تصارحيه فيتأزم الوضع واستغفري بالآلاف بنية أن يهدي الله زوجك .

[براءة سامية]

صآآرحيه و حاولآ أن تحلآآ المشكل بهدوء...

[- بصمة خير -]

حذاري و المصارحة راكي رايحة تخسريه و تخلي راجلك انت لأمرأة اخرى

لما تصارحية راح يفقد كرامته امامك و كبرياءه و مستحيل ترجع العلاقة معاه جيدة

يجب معالجة المشكل وتتصرفي كأنك لا تعرفي بالأسراره

ابحثي على قصص ناعمة الهاشمي
هبة قطب
فصة فالانتينو العاشق
....

الا المصارحة

[وليد1990]

يا اختي صارحيه وانفجري في وجهه وعبري عن استياءك و عن المرارة التي تجديها في صدرك وعبري بشدة عن الغيرة تجاهه وعن حبك له ومخافة ان تضيعيه
حاولي ان تعرفي منه السبب الذي خانك لأجله وحاولي ان تغيري من نفسك حتى تعيديه الى السكة
احسن من يتمادى في غيه ويوالف اكثر

[وليد1990]

حذاري و المصارحة راكي رايحة تخسريه و تخلي راجلك انت لأمرأة اخرى




هربتلكم لربي اخطونا من المثاليات والله هذا المنتدى شحال عامر بالمثاليات

[first first]

برايي صارحيه.ولو لمحيلو انك قراتي بعض الاسطر....او لمحتي شيا معينا...مي تخبيها في قلبك .والله تكبر.والهوة تزيد بيناتكم وانتي تبقاي تشكي
صارحيه................واكيد مدام يعاملك مليح......................انت في موضع قوة...يعني كون جات العلاقة بيناتكم اشي مليحة.وتزيدي تشوفي حاجة كيما هكا .والله ماتلقاي كيفاش تديري.
يحق لك معاتبته.
ربي يسعدكم ويهنيكم في هته الايام المباركة.