أحسن اطار وزجاج للنظارات

[megueddem]

السلام عليكم ورحمة الله وبركاته

اخواني أريد أن أطلب من صانع النظارات أن يعمل لي نظارات

لكنني حائر في نوعية الاطار والزجاج

فهل بالأمكان أن تدلونني الى أحسن اطار وأحسن زجاج .

[you92cef]

الزجاج للنظارات في الجزائر هو نفسه تقريبا *** نفس الشركة يستوردون منها***

ولكن هناك نوعيات للزجاج

هناك زجاج عادي

وهناك زجاج مضاد للاشعة

وهنا الكثير استشر الطبيب المختص وهو سوف يصف الزجاج المناسب

[سطايفية بكل فخر]

السلام عليكم
اخي ساجيبك لانهم اختصاصي
فقط اعطنيني واش كتبلك الطبيب في الورقة يعني لاكوراكسيون تاعك
واجبني على هذه الاسلئة
عمرك كم اخي
وجهك طويل عريض اوفال او ماذا
اياض قلي اخي
هل تجينيك الشمس ام لا
هل كي تكون تسوق يجينيك الضو خاصة في الليل
تستعمل الحاسوب كثيرا او لا
هل تحب الكادر يكون خفيف او عادي عندك اي كادر
بانتظار اجاباتك وساعطيك بعض الاقتراحات

[سطايفية بكل فخر]

الزجاج للنظارات في الجزائر هو نفسه تقريبا *** نفس الشركة يستوردون منها***

ولكن هناك نوعيات للزجاج

هناك زجاج عادي

وهناك زجاج مضاد للاشعة

وهنا الكثير استشر الطبيب المختص وهو سوف يصف الزجاج المناسب

مساء الخير اخي يوسف
مرات كثيرة الطبيب ميكتبش نوعية الترتمون المودودى في الزجاج وهنا الاوبتيسيان لي لازم عليه يقيدي الباسيون تاعو
مش شرط لازم يرجع للطبيب باش يقولو واش يدير

[megueddem]

شكرا للاخوة : you92cef و سطـايفية بكل فخر على الردود

واعتذر عن التأخر في الرد لأنني كنت منشغل

وبالنسبة للأخت :سطـايفية بكل فخر فكتب لي الطبيب :رؤية عن قرب +1.50 لأنني أرى عن بغد ولا أرى جيدا عن قرب

وعمري 42 سنة ووجهي طويل وأسمر وأخبرني الطبيب بأن أستعمل النظارات للقراءة فقط

وأعاني أيضا من حساسية العينين مع قدوم فصل الصيف وارتفاع درجة الحرارة

ولما أسوق السيارة في الليل يضايقني ضوء السيارات القادمة في الاتجاه المعاكس

واستعمل الكمبيوتر والهاتف لتصفح الأنترنت بمعدل 4 أو 5 ساعات يوميا

في انتضار ردك .تقبلي مني فائق الاحترامات

[سطايفية بكل فخر]

اه راهو عطاك نظارات تاع القراية يعني ديرهم غير لقريب
ومتشوفش بيهم للبعد وهذا بسبب العمر فقط
وهذا النوع الانسان يديرو سامبل لانو يسحقو غير باش يشوف فيه للقرب

[سطايفية بكل فخر]

الان نرجعلك للتفاصيل فلا يعني انك مديرهمش ملاح لانهم للقرب
رايحة نتبع كلامك ونجاوبك

[quote=megueddem;3991242705]شكرا للاخوة : You92cef و سطـايفية بكل فخر على الردود
العفو واجبنا

واعتذر عن التأخر في الرد لأنني كنت منشغل

براحتك اخي ادي الوقت لي يناسبك

وبالنسبة للأخت :سطـايفية بكل فخر فكتب لي الطبيب :رؤية عن قرب +1.50 لأنني أرى عن بغد ولا أرى جيدا عن قرب

وعمري 42 سنة
ربي يعطيك طول العمر
هذا المشكل راهو مشكل عادي بسبب العمر لانو كل ما يتقدم الانسان في العمر ينقص نظرو للقرب ونسميوه presbytie
وانت عندك براسبيتي ضعيفة مش حاجة كبيرة لانو الكروكسيون لي عطاهالك تاع واحد هذا وين دارتلو البراسبيتي حتى عمرك يقول هذا
هي تبدا دير من 40 وروح ساديبون كل شخص والعمل تاعو

ووجهي طويل وأسمر وأخبرني الطبيب بأن أستعمل النظارات للقراءة فقط

بما انو وجهك طويل دير لافورم كاري وديرها سامبل مفيهاش ودير كادر خفيف برك باش يسهل عليك حملو وين تروح وثاني مديروش كبير بزاف حاول ديرو صغير يعني لافورم صغيرة
نعطيك صور لبعض المينتيرات لي تناسبك
كاينين ليكادر فارمي فيهم لي مخدمون بماتيار ميتاليك وفيهم البلاستيك
لبلاسستي
http://i01.i.aliimg.com/photo/v0/107835139/png708_glasses.jpg
http://i00.i.aliimg.com/wsphoto/v0/1392409840/1pcs-stylish-practical-radiation-resistant-font-b-glasses-b-font-computer-font-b-for-b-font.jpg
http://team-optic.fr/cms/media/uploads/2012/10/lunette-optique-de-marque-ray-ban-opticien-team-optic-5.jpg
كاينين كادرات بارسي هادوك لي جايين يتحكمو بالفيس
http://lunettes-foryou.com/images/produits/interm/Minima_Pliante_graphite_1.jpg
وكاينين لي من تحت يتحكمو بالخيط ومن فوق ميتاليك
http://www.lunettes-presbyte.fr/boutique/images_produits/basile-noir_600a-z.jpg
خير وشا حبيت كامل يناسبوك برك دير لكاري كيما قتلك
"كاين حاجة اخرى
كاينين كادرات ميتكسروش حتى لو لويتهم هوما فليكسيبل وكاين حتى لي يطبقو وتثناو ويتخباو في الجيب
شوف عند لي زوبتيسيان بلاك تلقا منهم هوما ايفيكاس بزاف وايكونوميك

http://www.clso.fr/img/p/645-725-thickbox.jpg



وأعاني أيضا من حساسية العينين مع قدوم فصل الصيف وارتفاع درجة الحرارة
ولما أسوق السيارة في الليل يضايقني ضوء السيارات القادمة في الاتجاه المعاكس
واستعمل الكمبيوتر والهاتف لتصفح الأنترنت بمعدل 4 أو 5 ساعات يوميا

ننصحك تلبس نظارات شمسية طبية ومش تاع السوق باش متزيدش تمرضهم وكاين حاجة اسمها نظارات بولاريزي هادو ملاح كيعاد يضايقك الضوء واومام طون تستعملهم للشمس وللضوء
مي راهم شوية غاليين
واذا جاوك غاليين
البس نظارات شمسية وحدهم
واذا حبيت للسوقة وللميكرو للميكرو دير روبوزونت ودير فيهم تراتمون اونتيروفلي
هذدوك لي يبانو خوضر في الضوء
ممكن راك شايفهم
http://www.protegez-vous.ca/pages/images/2011/Septembre/Lunettesenfants/Lunettes_MontureAntirefletAminci_02.jpg
ثاني مرة على مرة دير سيروم لعينين راهو مليح بزاف وينقيهم مليح


في انتضار ردك .تقبلي مني فائق الاحترامات

اي سوال راني هنا

[سطايفية بكل فخر]

كاينة حاجة نسيت مقلتهالكش
النواظر جامي تحطهم تشوف بيهم للبعد رايح ظر عينيك
حطهم في منتصف الانف باش تشوف بيهم غير للقرب
http://i-cms.journaldesfemmes.com/image_cms/original/1009314-les-lunettes-efficaces-a-100.jpg

http://www.lunettes-presbyte.fr/boutique/images_familles/classic_man_200.jpg
jتوله ليهم تلقاهم كي يدنقو للبعد مكانش نظارات
وكي يدنقو للقرب يشوفو بيهم

[megueddem]

بارك الله فيك الأخت :سطـايفية بكل فخر غلى هذا المجهود الكبير و الشامل

لقد وفيت وكفيت وجعلها الله في ميزان حسناتك

[سليماني11]

بالتوفيق لك

[سطايفية بكل فخر]

بارك الله فيك الأخت :سطـايفية بكل فخر غلى هذا المجهود الكبير و الشامل

لقد وفيت وكفيت وجعلها الله في ميزان حسناتك

العفو اخي واجبي
واي شخص عندو استفسار حول العين والنظارات راني هنا للاجابة

[megueddem]

الى الأخت :سطـايفية بكل فخر

السلام عليكم ورحمة الله وبركاته

أود أ، أخبرك بأنني أشتريت النظارات وهي تساعدني في القراءة

لكن بقي لي مشكل :يتمثل في عدم المتابعة والقراءة الجيدة على جهاز الكمبيوتر سواءا باستعمال النظارات أو بدونها

فهل هناك من حال لضوء الكمبيوتر الذي يضايقني؟

ومشكورة على ذلك.

[سطايفية بكل فخر]

الى الأخت :سطـايفية بكل فخر

السلام عليكم ورحمة الله وبركاته

أود أ، أخبرك بأنني أشتريت النظارات وهي تساعدني في القراءة

لكن بقي لي مشكل :يتمثل في عدم المتابعة والقراءة الجيدة على جهاز الكمبيوتر سواءا باستعمال النظارات أو بدونها

فهل هناك من حال لضوء الكمبيوتر الذي يضايقني؟

ومشكورة على ذلك.

وعليكم السلام اخي
بالصحة والهنا اخي وانش اء الله يساعدوك بزاف
+
سوال اخي لما رحت لطبيب العينين قالك راك تشوف 10 على 10 للبعد ولا كتبلك في وصفة كوراكسيون خفيفة
+
وشا من ميكرو راك تستعمل ميكرو بورطابل ولا المكتبي
جاوبني باش نقدر نرد عليك

[megueddem]

السلام عليكم

ﺳﻮﺍﻝ ﺍﺧﻲ ﻟﻤﺎ ﺭﺣﺖ ﻟﻄﺒﻴﺐ ﺍﻟﻌﻴﻨﻴﻦ ﻗﺎﻟﻚ ﺭﺍﻙ ﺗﺸﻮﻑ 10 ﻋﻠﻰ 10 ﻟﻠﺒﻌﺪ ﻭﻻ ﻛﺘﺒﻠﻚ ﻓﻲ ﻭﺻﻔﺔ ﻛﻮﺭﺍﻛﺴﻴﻮﻥ ﺧﻔﻴﻔﺔ

نعم بالضبط

ﻭﺷﺎ ﻣﻦ ﻣﻴﻜﺮﻭ ﺭﺍﻙ ﺗﺴﺘﻌﻤﻞ ﻣﻴﻜﺮﻭ ﺑﻮﺭﻃﺎﺑﻞ ﻭﻻ ﺍﻟﻤﻜﺘﺒﻲ ﺟﺎﻭﺑﻨﻲ ﺑﺎﺵ ﻧﻘﺪﺭ ﻧﺮﺩ ﻋﻠﻴﻚ

أقصد ميكرو المكتبي

[سطايفية بكل فخر]

السلام عليكم

10 10

نعم بالضبط



أقصد ميكرو المكتبي

وعليكم السلام
اه الميكرو المكتبي متقدرش تتكيف معاه مع نظارات القراءة مش كيما البورطابل يكون قريب وتقدر تهبطو وطلعو
اخي ننصحك دير نظارات اخرين روبوزونت لكن ديرهم ناتر يعني الكوراكسيون تاعهم زيرو بما انك تشوف للبعد وديرلهم تراتمون اونتي روفلي
وحطهم كي تكون تسوق ولا كي تكون تستعمل الميكرو فقط راهم يساعدوك بزاف على جال ضو السيارات وضوء الميكرو
نصيح اخرى اخي خفض شدة ضوء الشاش تاعك لانو رايح تعبك
ثاني على جال الحسياسية اخي حاول مرة على مرة تقطر السيروم في عينينك راهو ينضفهم مليح
واذا شفت الحساسية مضايقاتك روح للفرمسيان يمدلك ديقوت ديرهم
بالتوفيق

[algeriano2009]

الأخت سطايفية بكل فخر ماذا تعني هاته النظارة :

OD -0.25
OG -0.25
+

anti reflet

بـــــارك الله فيك.

[سطايفية بكل فخر]

الأخت سطايفية بكل فخر ماذا تعني هاته النظارة :

Od -0.25
og -0.25
+

anti reflet

بـــــارك الله فيك.

تعني راك تشوف مليح ماشاءالله
برك يتعبو عينيك من الضوء او مممكن من التركيز(عمل او دراسة( او السياقة
وممكن من استعمال الميكرو
والطبيب عطاك نواظر روبوزونت باش يتسراحو عينيك ومدلك كوراكسيون خفيفة باش تشوف مليح مليح ودارلك تراتمون اونتيروفلي لي يخلي العين تستراح من الاشعة الزايدة للميكرو واذا كنت تقرا من الروقة
لانو التركيز في ورقة بيضاء لمدة معينة يتعب العين

ديرهم راهم يريحوك ومش شؤط تبقا بيهم ديما لانك تشوف بلا بيهم عادي
وبالمناسبة اناثاني مدايرة نواظر اونتي روفلي هاذي 5 سنوات رغم اني نشوف مليح لكن درتهم على جال لقراية وتفراج والميكرو

[algeriano2009]

ههههههه كلامك كله واقعي تماما.

بــــارك الله فيك و جزاك الله كل الخير.

[سطايفية بكل فخر]

ههههههه كلامك كله واقعي تماما.

بــــارك الله فيك و جزاك الله كل الخير.

ههههه جيد الحمد لله اني مخرفتش عليك بسبب الصيام
+
وفيك بركة اخي
دريهم راهم يفيدوك ويريحوك بزاف

[megueddem]

بارك الله فيك الأخت :سطايفية بكل فخر على التواصل والمجهود

لكن بالنسبة لقولك :(اخي ننصحك دير نظارات اخرين روبوزونت لكن ديرهم ناتر

يعني الكوراكسيون تاعهم زيرو بما انك تشوف للبعد وديرلهم تراتمون اونتي روفلي )

هل أقصد طبيب العينين ليصف لي هذه النظارات أم أتوجه الى opticien مباشرة ؟

هل يمكنني تعويض هذه النظارات من casorec و mutuele أم لا؟

وبأي نوع وشكل لهذه النظارات تنصحينني؟

واعذرينني عن كثرة الأسئلة .ودمت وفية لنا ولهذا المنتدى الرائع .

[سطايفية بكل فخر]

بارك الله فيك الأخت :سطايفية بكل فخر على التواصل والمجهود

لكن بالنسبة لقولك :(اخي ننصحك دير نظارات اخرين روبوزونت لكن ديرهم ناتر

يعني الكوراكسيون تاعهم زيرو بما انك تشوف للبعد وديرلهم تراتمون اونتي روفلي )

هل أقصد طبيب العينين ليصف لي هذه النظارات أم أتوجه الى opticien مباشرة ؟

هل يمكنني تعويض هذه النظارات من casorec و mutuele أم لا؟

وبأي نوع وشكل لهذه النظارات تنصحينني؟

واعذرينني عن كثرة الأسئلة .ودمت وفية لنا ولهذا المنتدى الرائع .

العفو واجبي اخي
+
وعلاش تروح للطبيب ياخي كنت عندو منذ مدة ومكتبلك حتى كوراكسيون للبعد كتبلك غير القرب
هذا يعني انك متحتاجش كوراكسيون للبعد
توجه مباشرة لاوبتيسيان وقولو ديرلي نواظر روبوزونت ناتر اونتي روفلي انكاسابل وخير فورم كاري ثاني لانو توالمك
قولي تاع القراءة واش درتهم فورم مسكرة ولا بالخيط ولا بارسي
باش تبدل شوية
جاوبني ظرك نقلك واش من نوع تخير

+
تاع الميتيال يعوضوهم اخي لكن مش حاجة كبيرة مبلغ رمزي فقط
اما تاع الضمان الاجتماعي لاكناس هو كاين مشروع تاع يرجعو النواظر كيما الدواء ويترومبورساو لكن معلاباليش اذا راهم يطبقو فيه او لا عندي عام مرحتش عند ليزوبتيسيان ومعلاباليش واش دخلوه او لا
+
لا حاشا سقسي كيما حبيت الانسان مش كل يوم يدير نظارات وزيد راهم غالين الواحد يعرف وشا يخير
وراني هنا سقسيو واش حبيتو

[megueddem]

السلام عليكم

http://www.lunettes-presbyte.fr/boutique/images_familles/classic_man_200.jpg

درتهم تقريب كيما هذو في الصورة .انكاسابل .مفيهمش الخيط .منعرفش كاري ولا بارسي

المهم ال :OPTICIEN هو اللي خيرلي وجاوني ب,400.000

وبارك الله فيك

[سطايفية بكل فخر]

السلام عليكم

http://www.lunettes-presbyte.fr/boutique/images_familles/classic_man_200.jpg

درتهم تقريب كيما هذو في الصورة .انكاسابل .مفيهمش الخيط .منعرفش كاري ولا بارسي

المهم ال :OPTICIEN هو اللي خيرلي وجاوني ب,400.000

وبارك الله فيك

مليح المدال بالصحة والهنا
+
ملا الروبوزونت ننصحك ديرهم بارسي تاع الفيز يخرجو هايلين فالاونتي روفلي
كلي مراكش مداير نواظر يمدو انطباع اخر في الوجه وباهيين وخفاف وسامبل وراهم يتناسبو مع عمرك
كيما هاذو
http://team-optic.fr/cms/media/uploads/2012/10/Lunette-optique-de-marque-Ray-Ban-opticien-team-optic-121.jpg
http://team-optic.fr/cms/media/uploads/2012/10/Lunette-optique-de-marque-Ray-Ban-opticien-team-optic-72-610x406.jpg
+
السعر ممكن الكادر غالي لانو مليح
وحاجة صوليد

[الرجل الخفي]

السلام عليكم
مارأيك أخيتي في الزجاج الذي يكون حجمه مقلصا....ايضا هل موديل oga موجود عندكم في سطيف؟

[megueddem]

والله النواضر في الصورتين المرفقتين غير شباب وهذا لخبرتك في المجال .

http://team-optic.fr/cms/media/uploads/2012/10/Lunette-optique-de-marque-Ray-Ban-opticien-team-optic-121.jpg

http://team-optic.fr/cms/media/uploads/2012/10/Lunette-optique-de-marque-Ray-Ban-opticien-team-optic-72-610x406.jpg

ولا نقول ل:OPTICIEN يخدملي روبوزونت ويديرهم بارسي نتاع الفيز فالاونتي روفلي وخلاص

وقداه يسقامو بالتقريب؟

ولو سمحت مافهمتش المصطلح ,:بارسي تاع الفيز

وشكرا

[سطايفية بكل فخر]

السلام عليكم
مارأيك أخيتي في الزجاج الذي يكون حجمه مقلصا....ايضا هل موديل oga موجود عندكم في سطيف؟
وعليكم السلام
واش قصدك بحجمه مقلص اخي باش نعرف نرد عليك وهل انت تعمل في مجال البصريات اخي؟
+
كاين اخي غير هو ومودلات بزاف وراهي مركة مليحة ثاني ومطلوبة بزاف وصوليد ثاني
اجبني اخي لاعرف كيف ارد عليك
احتراماتي
والله النواضر في الصورتين المرفقتين غير شباب وهذا لخبرتك في المجال .

http://team-optic.fr/cms/media/uploads/2012/10/Lunette-optique-de-marque-Ray-Ban-opticien-team-optic-121.jpg

http://team-optic.fr/cms/media/uploads/2012/10/Lunette-optique-de-marque-Ray-Ban-opticien-team-optic-72-610x406.jpg

ولا نقول ل:OPTICIEN يخدملي روبوزونت ويديرهم بارسي نتاع الفيز فالاونتي روفلي وخلاص

وقداه يسقامو بالتقريب؟

ولو سمحت مافهمتش المصطلح ,:بارسي تاع الفيز

وشكرا
هذي لافورم بالذات اخي توالم بزاف الناس لانو خفيفة ومهيش ثقيلة وتجي باهية بزاف في الوجه خاصة اذا كنت مداير زجاج اونتيروفلي تبان مش حاط الزجاج يبان منها ليفيس وليبرا تاع الكادر برك
ننصحك ديرهم خاصة لانو زجاجات مهمش ثقال ورقاق
+
وي روح الاوبتيسيانا قولو حاب ندير روبوزونت ناتر اونتيروفلي وقولو حاب نديرهم في مودال تاع كادر بارسي
هو يمدلك وشا عندو كامل طادر بارسي percé
+
iهو اسمهم اخي percé بارسي وانا زدتلك كلمة فيس باش تفهم وغالطت في الحرف كتبت .ز بلاصت س
قصدت vis
مقصودهم انو هذو النواظر الزجاجة تكون مبارسيا يعني فيها ثقوب وتتحكم بالفيسات كيما راك تشوف في الشكل معندهاش حاجة دايرة حاكمتها او خيط يحكمها تتشبح غير بالفيسات
فهمتني اخي توله للمودالات لي مديتلك تلقلا الزجاجة محكومة من جيهتين فقط ومكان حتى حاحة اخرى
+
بالنسبة للسعر الزجاج مش غالي اخي لكن الكادر حسب لامارك وحسب الولاية ثاني والطاريف لي يمشيو عليه
مثلا حنا في سطيف عندنا هذا النوع كاين من 150 حتى 500 حسب لماركة تاع الكادر
+
انت متزربش روحك شوف ليكادر عند قداش من اوبتيسيان ولي يناسبك ديرو
وربي يسهلك ان شاءالله
اي سوال اخر راني في الخدمة

[megueddem]

الأمت:سطايفية بكل فخر

لقد أجبت عن تساؤلاتنا بمافيه الكفاية وأكثر

نطلب من الله تعالى أن يوفقك وينجحك في حياتك العملية

وجعل الله ذالك في ميزان حسناتك

[سطايفية بكل فخر]

الأمت:سطايفية بكل فخر

لقد أجبت عن تساؤلاتنا بمافيه الكفاية وأكثر

نطلب من الله تعالى أن يوفقك وينجحك في حياتك العملية

وجعل الله ذالك في ميزان حسناتك

امين يارب هذا واش يسحق الواحد دعوة خير
وياريت تكثرو لي منها بلاك تنفك عقدة تخصصي ونقد نزاول مهنتي كابتومتريست حقيقي ماشي غير في المنتديات:1:

[raoufit]

سلام
الأخت سطايفية بكل فخر

أنا راح ندير نظارات تاع البعد
عمري 20 سنة
وجهي أوفال و أسمر البشرة
الشمس ماتجينينيش بزاف
الضوء مايجينينيش كي نسوق فالليل
نستعمل الحاسوب كثيرا بمعدل 6-7 ساعات يوميا

اقترحي عليا كادر يكون يخرج عليا راني حاير و ميرسي عليك

[سطايفية بكل فخر]

سلام
الأخت سطايفية بكل فخر

أنا راح ندير نظارات تاع البعد
عمري 20 سنة
وجهي أوفال و أسمر البشرة
الشمس ماتجينينيش بزاف
الضوء مايجينينيش كي نسوق فالليل
نستعمل الحاسوب كثيرا بمعدل 6-7 ساعات يوميا

اقترحي عليا كادر يكون يخرج عليا راني حاير و ميرسي عليك

وعليكم السلام اخي
وشحال الكوراكسيون تاعك اخي
وهل انت طالب او لا
+
تحب الالوان والمودا
او تحب السامبل

[raoufit]

وعليكم السلام اخي
وشحال الكوراكسيون تاعك اخي
وهل انت طالب او لا
+
تحب الالوان والمودا
او تحب السامبل

-1,00
انعم ايه طالب
لالا نحب السامبل (مع شوية مودا :1: )

كون كيما هكا يجيو ملاح ؟؟؟
https://www.optic2000.com/optic-2000-omp01222-noir.html

بانتظار اقتراحاتك :)

[سطايفية بكل فخر]

-1,00
انعم ايه طالب
لالا نحب السامبل (مع شوية مودا :1: )

كون كيما هكا يجيو ملاح ؟؟؟
https://www.optic2000.com/optic-2000-omp01222-noir.html

بانتظار اقتراحاتك :)

iهههه مليحة هذي سامبل مع شوية موضا هاذي خليها عليت
شوف بما انك طالب وتقرا والميكرو والفايس بوك هههه ننصحك ديري زجاجات انكاسابل اونتيروفلي هذوك لي جاي فيهم لخضورة هكا تحمي عينيك واومامطن يجيوك باهيين
الزجاج رانا تهنينا منو نرجعو للكادر
بما انك صغير في العمر وتحب الموضة السامبل ننصحك دير كادر بلاستيك كيما لي نعتلي في الصورة راهي موضة شباب اليوم ياخي وفيها الوان باهية دير نوار ولا مارون مدامك تحب السامبل ومام يتوالمو مع وجهك ولون بشرتك
+
لي نعتولي في الصورة مليح يخرجلك لانو وجهك اوفال
+
شوف اخي اذا كان وجهك اوفال وجاي بالطول يعني طويل الشوية دير فورم كاري
http://i2.cdscdn.com/pdt2/a/3/9/1/700x700/occ7r9e3985ka39/rw/ray-ban-monture-de-vue-mixte.jpg

واذا ممتلا شوية دير هاذي لافور لي جاية مش كاري وعريضة شوية راهي دارجة بزاف عند الشباب كيما لي نعتلي
على العموم منيش شايفة وجهك انت روح لوبتيسيان وقولو يمدلك الشكلين ولي والم وجهك ديرو
راهم في زوج عصرين وسامبل ومام يغطيو العين بيان

[سطايفية بكل فخر]

اي سوال اخر تفضل بيه

[الدكتور سام]

اي سوال اخر تفضل بيه

بارك الله فيك اختى الكريمة.لقد استفدنا كلنا من شرحك المفصل لكيفية اختيار النظارات.جعلها الله في ميزان حسناتك
و ان شاء الله نهار نخدم نظارات نجى نخدمهم عندك:1:

[سطايفية بكل فخر]

بارك الله فيك اختى الكريمة.لقد استفدنا كلنا من شرحك المفصل لكيفية اختيار النظارات.جعلها الله في ميزان حسناتك
و ان شاء الله نهار نخدم نظارات نجى نخدمهم عندك:1:

اهلا بالسي الطبيب تاع المنتدى
لي زمن طويل لم ارى تحركاتك او انك تعتكف في قسم معين
+
العفو واجبي واي سوال من اي عضو راني هنا نجاو بشي لي نعرف
+
ههههه دعيلنا يخليونا نخدمو على رواحنا وساعتها مرحبا بيك كامل
+
يالله شد الهمة وتخصص طب عيون ونتاعمل معاك هههه:1:
احتراماتي

[سطايفية بكل فخر]

لمزيد من الاستفسارات اخواني والمعلومات لي تفيدكم
راني فتحت موضوع خاص بعد ما شفت الاقبال على هذا الموضوع واهتمامكم بيه
وان شاءالله نكون قد الثقة لي وضعتوها فيا
اليكم الرابط
http://www.djelfa.info/vb/showthread.php?t=1633256

[mtoussa]

وعليكم السلام
اه الميكرو المكتبي متقدرش تتكيف معاه مع نظارات القراءة مش كيما البورطابل يكون قريب وتقدر تهبطو وطلعو
اخي ننصحك دير نظارات اخرين روبوزونت لكن ديرهم ناتر يعني الكوراكسيون تاعهم زيرو بما انك تشوف للبعد وديرلهم تراتمون اونتي روفلي
وحطهم كي تكون تسوق ولا كي تكون تستعمل الميكرو فقط راهم يساعدوك بزاف على جال ضو السيارات وضوء الميكرو
نصيح اخرى اخي خفض شدة ضوء الشاش تاعك لانو رايح تعبك
ثاني على جال الحسياسية اخي حاول مرة على مرة تقطر السيروم في عينينك راهو ينضفهم مليح
واذا شفت الحساسية مضايقاتك روح للفرمسيان يمدلك ديقوت ديرهم
بالتوفيق
الى الاخت سطايفبة بكل فخر

الرجاء تقديم عن كيفية طلب رخصة فتح محل تركيب و اتصليح نظارات طبية:
حاصل على CAP center de formation proffesional 12 mois
- مكان استخراج الرخصة
- الوثائق المطلوبة
- احدى المرات تقربت من مديرية الصحة لولاية خنشلة للاستفسار قتم اخباري بعد جدوى الشهادة - و يلزمني اعادة التاهيل - هل هذا صحيح ام لا مع التوضيح الدقيق بارك الله فيك

[الدكتور سام]

اهلا بالسي الطبيب تاع المنتدى
لي زمن طويل لم ارى تحركاتك او انك تعتكف في قسم معين
+
العفو واجبي واي سوال من اي عضو راني هنا نجاو بشي لي نعرف
+
ههههه دعيلنا يخليونا نخدمو على رواحنا وساعتها مرحبا بيك كامل
+
يالله شد الهمة وتخصص طب عيون ونتاعمل معاك هههه:1:
احتراماتي


السلام عليكم
الله يسلمك شكرا:)
صحيح لم ادخل الى المنتدى لفترة بسبب خلل في الخط الهاتفى.و ها انا قد عدت:rolleyes:
.ان شاء الله رب يوفقك و يسهلك كل امورك لكى تستطيعى العمل
بالنسبة للتخصص.و الله قبل ان ادرس الطب كان حلمى ان اتخصص في طب العيون و لكن بعد التخرج و بداية العمل فقدت دلك الحماس و تكاسلت و ان شاء الله راح نعاود نحضر و نجتاز المسابقة:)
ههههه.اوكى.كنتخصص راح نبعتلك الزبائن و نكتب في الرسالة.الى الاخت سطايفية بكل فخر:)
احتراماتى
صح فطوركم

[سطايفية بكل فخر]

الى الاخت سطايفبة بكل فخر

الرجاء تقديم عن كيفية طلب رخصة فتح محل تركيب و اتصليح نظارات طبية:
حاصل على CAP center de formation proffesional 12 mois
- مكان استخراج الرخصة
- الوثائق المطلوبة
- احدى المرات تقربت من مديرية الصحة لولاية خنشلة للاستفسار قتم اخباري بعد جدوى الشهادة - و يلزمني اعادة التاهيل - هل هذا صحيح ام لا مع التوضيح الدقيق بارك الله فيك

واش قصدك اخي تركيب وتصليح النظارات الطبية
قولي وشا قريتو بالضبط فيها واش كتبولكم في الديبلوم تاع السيافبيا
+
اخي اذا انت قريت عام ومعطاولكش رخصة راني قارية ثلاث سنوات ومعنديشالرخصة باش نحل
راهو كاين بروبلام في الوزارة وراهي مبلوكيا بارتو
+
تاع عندكم حق باش تحلو او لا قولي اخي المواد لي قريتوها
+
باش منخلطوش الموضوع
ادخل هنا اخي لموضوعي وساتناقش معك في اي سوال تطرحه
http://www.djelfa.info/vb/showthread.php?t=1633256
ونوضحلك واش حاب تعرف

[سطايفية بكل فخر]

السلام عليكم
الله يسلمك شكرا:)
صحيح لم ادخل الى المنتدى لفترة بسبب خلل في الخط الهاتفى.و ها انا قد عدت:rolleyes:
.ان شاء الله رب يوفقك و يسهلك كل امورك لكى تستطيعى العمل
بالنسبة للتخصص.و الله قبل ان ادرس الطب كان حلمى ان اتخصص في طب العيون و لكن بعد التخرج و بداية العمل فقدت دلك الحماس و تكاسلت و ان شاء الله راح نعاود نحضر و نجتاز المسابقة:)
ههههه.اوكى.كنتخصص راح نبعتلك الزبائن و نكتب في الرسالة.الى الاخت سطايفية بكل فخر:)
احتراماتى
صح فطوركم

وعليكم السلام
+
مرحبا بيك مجددا اخي
+
امين اجمعين ان شاء الله
+
هههه لحقت للعين مشربتش نورمالمون تشرب وتروا وترجع طبيب عينين ورب يوفقك على تحقيق حلمك
+
شوف اسيدي مالا رايح تبعثلي الزبائن ههههه
لو تلاحظ ردي قتلك نتعامل معاك يعني انا لي نبعثلك الزبائن منيش ابوتيسيان برك
راني نقدر ندير لابارتي تاع لكوراكسيون ثاني :1:واذا لقيت عين الانسان مريضة نبعثو يداوي عندك:1: نقلهم كاين طبيب هو لي يعرف ونكتبلك في الرسالة الى الذكتور البروفيسور الجراح د سام ههه
وانت اذا جاو دارو عندك الكوراكسيون بلا ميفوتو عيلا معليش حولهملي هه
ولا نقلك منتعبوش الزبائن رايحين جاينين انت حل كلينيك ونساميك انا
وهكا نخدم كيفكيف:1:
ربي يوفقك ويوفقني ويوفقك الجميع يارب
احتراماتي اخي
ومرحبا بيك مجددا في بيتك
سررت بالحديث معك

[الدكتور سام]

وعليكم السلام
+
مرحبا بيك مجددا اخي
+
امين اجمعين ان شاء الله
+
هههه لحقت للعين مشربتش نورمالمون تشرب وتروا وترجع طبيب عينين ورب يوفقك على تحقيق حلمك
+
شوف اسيدي مالا رايح تبعثلي الزبائن ههههه
لو تلاحظ ردي قتلك نتعامل معاك يعني انا لي نبعثلك الزبائن منيش ابوتيسيان برك
راني نقدر ندير لابارتي تاع لكوراكسيون ثاني :1:واذا لقيت عين الانسان مريضة نبعثو يداوي عندك:1: نقلهم كاين طبيب هو لي يعرف ونكتبلك في الرسالة الى الذكتور البروفيسور الجراح د سام ههه
وانت اذا جاو دارو عندك الكوراكسيون بلا ميفوتو عيلا معليش حولهملي هه
ولا نقلك منتعبوش الزبائن رايحين جاينين انت حل كلينيك ونساميك انا
وهكا نخدم كيفكيف:1:
ربي يوفقك ويوفقني ويوفقك الجميع يارب
احتراماتي اخي
ومرحبا بيك مجددا في بيتك
سررت بالحديث معك



مرحبا بك مجددا اختى الكريمة
الله يبارك ما شاء الله.فكرتك جيدة:) و هده صفقة تعود بالفائدة لى و لك و للزبائن.ان شاء الله راح ندرس طب العيون و نجى نفتحو العيادة في سطيف.مى عندك تبدلى رايك ممبعد:1:
ربي يوفقنا اجمعين ان شاء الله
و تقبلى منى فائق الاحترام و التقدير
و صح فطوركم

[megueddem]

الاخت :سطايفية بكل فخر

السلام عليكم ورحمة الله وبركاته

أخبرتك فيما سبق بأنني أعاني من حساسية في العينين وأنا أواظب على غسلهم بالسيروم

كما وصف لي الطبيب وكما نصحتيني أيضا.

لكنني أعاني أحيانا من مشكلة .وهي احساسي بتواجد غشاء على العين مما يجعلها مضببة والرؤية غير واضحة

الي أن أقوم بحك العينين ويتلاشى الضباب وتصبح الرؤية واضحة

فهل لك من فكرة واثتراح لهذا المشكل ؟

وشكرا لك .وأرجوا أنني وضحت لك المشكل .

[you92cef]

الاخت :سطايفية بكل فخر

السلام عليكم ورحمة الله وبركاته

أخبرتك فيما سبق بأنني أعاني من حساسية في العينين وأنا أواظب على غسلهم بالسيروم

كما وصف لي الطبيب وكما نصحتيني أيضا.

لكنني أعاني أحيانا من مشكلة .وهي احساسي بتواجد غشاء على العين مما يجعلها مضببة والرؤية غير واضحة

الي أن أقوم بحك العينين ويتلاشى الضباب وتصبح الرؤية واضحة

فهل لك من فكرة واثتراح لهذا المشكل ؟

وشكرا لك .وأرجوا أنني وضحت لك المشكل .

كان عندي نفس المشكل تقريبا

قد يكون بسبب الحساسية
تعمال السيروم ولكن ليس لفترة طويلة

هناك قطرات+مرهم للعين فعاليته جيدة جدا ولكن تكلفته نوعا ما غالية

اذا اردتهم يمكنكي كتابة اسماء الادوية

[سطايفية بكل فخر]

مرحبا بك مجددا اختى الكريمة
الله يبارك ما شاء الله.فكرتك جيدة:) و هده صفقة تعود بالفائدة لى و لك و للزبائن.ان شاء الله راح ندرس طب العيون و نجى نفتحو العيادة في سطيف.مى عندك تبدلى رايك ممبعد:1:
ربي يوفقنا اجمعين ان شاء الله
و تقبلى منى فائق الاحترام و التقدير
و صح فطوركم
هههه الله غالب راسي في افكار لكني منقدرش نطبقها لانو معنديش لاقريمون
+
منبدلش رايي انا راني نحوس عليها بالريق الناشف وكون نلقا اوفطالمولوق نخدم معاه نورمال
عندك برك انت تبدل رايك ومتقراهاش او لما تقراها تولي متعرفنيش
ولا تقولي نحل في ولايتي منجيش عندكم :1:
ربي يوفقنا اخي
وصح فطورك وصح ر:1:مضانك وصح عيدك

الاخت :سطايفية بكل فخر

السلام عليكم ورحمة الله وبركاته

أخبرتك فيما سبق بأنني أعاني من حساسية في العينين وأنا أواظب على غسلهم بالسيروم

كما وصف لي الطبيب وكما نصحتيني أيضا.

لكنني أعاني أحيانا من مشكلة .وهي احساسي بتواجد غشاء على العين مما يجعلها مضببة والرؤية غير واضحة

الي أن أقوم بحك العينين ويتلاشى الضباب وتصبح الرؤية واضحة

فهل لك من فكرة واثتراح لهذا المشكل ؟

وشكرا لك .وأرجوا أنني وضحت لك المشكل .
اهلا اخي مجددا احتمال كبير من الحساسية يخي ميوجعكش راسك كي ديرلك هذيك الضبابة فقط تجيك كيما الغشاء او تحس عينين جافين ؟
+
اذا كثرت ديرلك روح للفرمسيان جيب دوا ليها
لانو السيروم ينضف فقط وميقضيش على السبب الرئيسي للحساسية
+
حاول تبعد على الاشياء لي ديرلك الحسياسية اخي
الروائح لي مش مليحة
الغبار وغيرها
كان عندي نفس المشكل تقريبا

قد يكون بسبب الحساسية
تعمال السيروم ولكن ليس لفترة طويلة

هناك قطرات+مرهم للعين فعاليته جيدة جدا ولكن تكلفته نوعا ما غالية

اذا اردتهم يمكنكي كتابة اسماء الادوية

وانت اخي يوسف مناش كانت مدايريتلك
+
وشا هو الدوا لي راك تحكيلو عليه
+
الله يبارك ملقري تخصصك انفورماتيك مي راك عندك معلومات بزاف على العينين
قولي اخي يوسف ياخي انت لي قتلي قريب طبيب عينين ولا راني غالطة

[you92cef]

هههه الله غالب راسي في افكار لكني منقدرش نطبقها لانو معنديش لاقريمون
+
منبدلش رايي انا راني نحوس عليها بالريق الناشف وكون نلقا اوفطالمولوق نخدم معاه نورمال
عندك برك انت تبدل رايك ومتقراهاش او لما تقراها تولي متعرفنيش
ولا تقولي نحل في ولايتي منجيش عندكم :1:
ربي يوفقنا اخي
وصح فطورك وصح ر:1:مضانك وصح عيدك


اهلا اخي مجددا احتمال كبير من الحساسية يخي ميوجعكش راسك كي ديرلك هذيك الضبابة فقط تجيك كيما الغشاء او تحس عينين جافين ؟
+
اذا كثرت ديرلك روح للفرمسيان جيب دوا ليها
لانو السيروم ينضف فقط وميقضيش على السبب الرئيسي للحساسية
+
حاول تبعد على الاشياء لي ديرلك الحسياسية اخي
الروائح لي مش مليحة
الغبار وغيرها


وانت اخي يوسف مناش كانت مدايريتلك
+
وشا هو الدوا لي راك تحكيلو عليه
+
الله يبارك ملقري تخصصك انفورماتيك مي راك عندك معلومات بزاف على العينين
قولي اخي يوسف ياخي انت لي قتلي قريب طبيب عينين ولا راني غالطة

نعم

سبب الحساسية لا ادركه

ولكن بنسبة كبيرة بسبب الحاسوب +

anesthésie
اجربتها بسبب كسر في اليد ومن وقتها بدات احسن بمشاكل في العينين ولم تمض شهور حتى بدا ضعف النظر



ايضا بسبب الروائح والغبار والاشياء التي تسبب الحساسية مثل الصوف او المواد الكميائية

+

هناك ادوية كثيرة جربتها وتم وصفها لي من طرف فرد من افراد عائلتي تخصصه طبيب عينين وجربتهم لذلك يمكنني ان اساعده ولكن الخيار يكون لطبيب العينين الذي هو يفصل

بخصوص الادوية

فهناك هلامة للعين اسمها

liposic

توضع على العين التي بها حساسية في الليل تقوم بترطيب العين وتنظيفها ** تعمل عمل هلامة+قطرة العين** مفعولها يبقى حوالي 4 ساعات واحيانا اكثر ونفعتني جدا استعملت منها 3 علب وكانت جيدة جدا

هناك ايضا قطرة في شكل هلامة عندها تقريبا نفس مفعول الاولى ولكنها تقوم بالترطيب فقط

اسمها

Siccafluid

+
iهناك قطرات
chbro -cadron

تستعمل مرة الى 3 مرات في اليوم وهناك قطرة اخرى لنفس الشركة اسمها ليس عندي الان ولكنها تكون تقريبا برائحة النعناع وهي حارة جدا ولكنها تقوم بتنقية العين جيدا ** مفعولها ممتاز**

واخيرا هناك قطرة تقوم بتطريب العين ويمكن استعمالها مع العدسات اللاصقة اسمها

NAABAK

وكلها لشركة

othéa

ملاحظة هته الادوية غالبا لا تاخذ الا بوصفة طبية
+

نعم انا هو

الحاسوب يشكل نسبة كبيرة من امراض العينين سواء بسبب الاشعة او ادواته التي يجب غسلها جيدا وتنظيفها مثل لوحة المفاتيح لاسوري واشياء اخرى

وايضا عوامل اخرى مثل نسبة الضوء ونوعيته

وبما انني في هذا المجال والذي قد يكلف اوقات كبيرة امام الحاسوب للبرمجة

فاخذ بهته النصائح وابحث عنها لانها جد مهمة بالنسبة لي ولمن يدرس هذا التخصص

وايضا هناك تخصص في الاعلام الالي تحت اسم

bio-informatique

وفيها مواد ومواد كثيرة وفروع من بينها للعين وتحليل الصور ياخذون بعض الدروس عن عمل العين والضوء

بهدف التعاون مع من يصنع نماذج للعين البرشية او العيون الالية*** قد تكون الترجمة العربية خاطئة** وبرمجتها للتعرف على الاشياء

كمثال

هناك الة تصوير في الشوارع العالمية تربط مع برامج للالعلام الالي بحيث تلتقط هته الالات صور لبعض الاشخاص ** غالبا الوجوه سواء متنكرين او غير متنكرين وتقارنها بالمعلومات التي عندها للمطولبين لديها من سارقين او مطلوبون دوليا وفي حالة وجود تطابق كبير تصدر معلومات للشرطة وتقوم بتتبع تحركات الشخص لغاية الامساك بها

شكرا




بالتوفيق

[سطايفية بكل فخر]

نعم

سبب الحساسية لا ادركه

ولكن بنسبة كبيرة بسبب الحاسوب

ايضا بسبب الروائح والغبار والاشياء التي تسبب الحساسية مثل الصوف او المواد الكميائية

+

هناك ادوية كثيرة جربتها وتم وصفها لي من طرف فرد من افراد عائلتي تخصصه طبيب عينين وجربتهم لذلك يمكنني ان اساعده ولكن الخيار يكون لطبيب العينين الذي هو يفصل
+

نعم انا هو

الحاسوب يشكل نسبة كبيرة من امراض العينين سواء بسبب الاشعة او ادواته التي يجب غسلها جيدا وتنظيفها مثل لوحة المفاتيح لاسوري واشياء اخرى مثل الضوء

وبما انني في هذا المجال فما زلت في هذا المجال لاني له علاقة ايضا بالاعلام الالي


بالتوفيق
الحساسية انواع اخي يوسف وكل وحدة والسبب تاعها وكل وحدة ودرجة خطورتها
+

كل نوع حساسية عندو دوا خاص بيه لذلك قتلك اخي اكتبلي اسماء الادوية لي قلت عليهم لاخونا مقدم
ربما متناسبش حالتو وتكمبليكيهالو
+
جيد راهو ماثرش فيا الزهايمر بزاف :1: وتفكرت بلي انت لي قتلي عندي قريب طبيب عينين
+
هههه جواب مفحم
سررت بالحديث معك

[you92cef]

الحساسية انواع اخي يوسف وكل وحدة والسبب تاعها وكل وحدة ودرجة خطورتها
+

كل نوع حساسية عندو دوا خاص بيه لذلك قتلك اخي اكتبلي اسماء الادوية لي قلت عليهم لاخونا مقدم
ربما متناسبش حالتو وتكمبليكيهالو
+
جيد راهو ماثرش فيا الزهايمر بزاف :1: وتفكرت بلي انت لي قتلي عندي قريب طبيب عينين
+
هههه جواب مفحم
سررت بالحديث معك

تم التعديل على الرد السابق

االكلمة الاخيرة تعود للطبيب

[mariana1]

جزاك الله خيرا الأخت سطايفية بكل فخر

[megueddem]

الأخ : you92cef

نعم . الطبيب قالي عندك حساسية وعطالي القطرات التالية :LEVOPHTA+SICCAFLUID+chbro -cadron +السيروم

درتو مدة 15 يوم وحبستو لأنني لم أجد فيه تحسن رغم أن الطبيب قالي مدة شهرين .لأنه وبصراحة خفت يزيد يأثر في عينيا.

الأخت: سطايفية بكل فخر

نعم مايوجعنيش راسي كي تجيني الضبابة . غير نحس غشاء وعينيا جافين .وتجيني خاصة كي نقعد قدام الحاسوب المكتبي .

+ماقدرتش نعرف الأشياء اللي تسببلي الحساسية هذه باش نبعد منهم .فكيف لي أن أعرف هذه الأشياء؟؟؟

+نعم رحت للفارماسيان قبل مانروح للطبيب وعطالي القطرات :FLUCON COLLYRE fluorometholene

درتهم واحد 7 أيام وحبستهم كذالك لأني تخوفت منهم . يزيدو يضرو عينيا .

[سطايفية بكل فخر]

liposic


siccafluid

+
i
chbro -cadron


naabak

وكلها لشركة

othéa


+

نعم انا هو

الحاسوب يشكل نسبة كبيرة من امراض العينين سواء بسبب الاشعة او ادواته التي يجب غسلها جيدا وتنظيفها مثل لوحة المفاتيح لاسوري واشياء اخرى

وايضا عوامل اخرى مثل نسبة الضوء ونوعيته

وبما انني في هذا المجال والذي قد يكلف اوقات كبيرة امام الحاسوب للبرمجة

فاخذ بهته النصائح وابحث عنها لانها جد مهمة بالنسبة لي ولمن يدرس هذا التخصص

وايضا هناك تخصص في الاعلام الالي تحت اسم

bio-informatique

وفيها مواد ومواد كثيرة وفروع من بينها للعين وتحليل الصور ياخذون بعض الدروس عن عمل العين والضوء

بهدف التعاون مع من يصنع نماذج للعين البرشية او العيون الالية*** قد تكون الترجمة العربية خاطئة** وبرمجتها للتعرف على الاشياء

كمثال

هناك الة تصوير في الشوارع العالمية تربط مع برامج للالعلام الالي بحيث تلتقط هته الالات صور لبعض الاشخاص ** غالبا الوجوه سواء متنكرين او غير متنكرين وتقارنها بالمعلومات التي عندها للمطولبين لديها من سارقين او مطلوبون دوليا وفي حالة وجود تطابق كبير تصدر معلومات للشرطة وتقوم بتتبع تحركات الشخص لغاية الامساك بها

شكرا




بالتوفيق
بالنسبة للدواء الاول والثاني هوما مرطبات العين باش ميصراش جفاف من الميكرو وهي تخفض الام العين وترجع لاسيكريسيون تاع الدموع
+
بالنسبة لدوا الثالث هو اونتي انفلامتوار يمدوه باش يحبس الام العين من الحساسية
+
والناباك هو دوا ينمد للحساسية تاع كونجوكتيف تاع العين نضع اسمو بالعربية ملتحمة اعذروني منعرفش الاسماء بالعربية
+
ريب يوفقك في دراستك بلا مشاكل في العينين ان شاء الله
+
اه تخصص اول مرة نسمع بيه شكرا للمعلومات لي عطيتهمي
بارك الله فيك اخي يوسف
الأخ : You92cef

نعم . الطبيب قالي عندك حساسية وعطالي القطرات التالية :levophta+siccafluid+chbro -cadron +السيروم

درتو مدة 15 يوم وحبستو لأنني لم أجد فيه تحسن رغم أن الطبيب قالي مدة شهرين .لأنه وبصراحة خفت يزيد يأثر في عينيا.

الأخت: سطايفية بكل فخر

نعم مايوجعنيش راسي كي تجيني الضبابة . غير نحس غشاء وعينيا جافين .وتجيني خاصة كي نقعد قدام الحاسوب المكتبي .

+ماقدرتش نعرف الأشياء اللي تسببلي الحساسية هذه باش نبعد منهم .فكيف لي أن أعرف هذه الأشياء؟؟؟

+نعم رحت للفارماسيان قبل مانروح للطبيب وعطالي القطرات :flucon collyre fluorometholene

درتهم واحد 7 أيام وحبستهم كذالك لأني تخوفت منهم . يزيدو يضرو عينيا .
levophta راهم كيما الناباك
ولي شريتو من عند الفارماسيان ثاني يعمل عملهم والباقي راني شرحتهم
+
علاش حبستو اخي راهم ملاح متخافش من تاثيرهم بالعكس يساعدوك بزاف زيد اشري منهم لانو خلاص لوخرين راهم تبيريماو
+
سبب الحساسية تاعك على حساب واش فهمت من الدوا لي عطاهولك الطبيب والاشياء لي خبرتني بيها هوبسب جلوسك لوقت طويل على الميكرو لذلك تحس عينيك تفاتيقاو وجفو وهو عطالك هذا الدوا باش يريحك ويحبسلك الحساسية
+
بعد على الروائح الكريهة وخاصة العرق
بعد على الغبار ايضا
بالنسبة للميكرو حاول كل نص ساعة تقوم من عليه دير دورة وارجع ليه
ودير الدوا لي وصفولك الطبيب مي عاود اشري الجديد واغسل بالسيروم 20 دقيقة قبل الدوا
وان شاء الله تتحسن

[سطايفية بكل فخر]

جزاك الله خيرا الأخت سطايفية بكل فخر


ربي يحفظك اختي اي سوال تفضلي بيه

[رمضان جمال]

اقبل كل شيء أختي الفاضلة أحيك تحية عطرة - السلام عليكم و رحمة الله -

بارك الله فيك وفي والديك اللذين ربوك على حب مساعدة إخوانك في الله و الله تستحقين كل خير على ما تقدمينه من نصائح طبية نافعة تقبلي إحتراماتي،


أما بعد :

أنا أستعمل جهاز الكمبيوتر المحمول ( Laptop) ذو شاشة 15 بوصة ( 15") وذللك لساعات طوال تقريبا 11 ساعة في اليوم و كوني مهندس دولة فإن جل إهتماماتي تصب في المخططات الهندسية أي أقوم بأعمال تستدعي التركيز المستمر ، منذ حوالي عام و نصف أحسست أني قد نقصت في النظر و إنتبهت لذلك عندما جلست على الأريكة لأشاهد التلفاز الموجود في غرفة الضيوف تفاجئت أني لا أستطيع قراءة شريد الأخبار المتحرك كما في السابق، مع العلم أني لا أتفرج على التلفاز كثيرا أي لمدة طويلة و ذلك لأني لدي بطاقة إستقبال القنوات الفضائية ( Carte Satellite) كنت إشتريتها منذ مدة طويلة و عندما أريد الترفيه عن نفسي أنقر على برنامج المشاهدة المثبت على الكمبيوتر. لهذا الأمر أريد الإجابة عن مايلي:
- ما هو سبب النقص الكبير في نظري ؟ هل هو إستخدامي المكثف للكمبيوتر لساعات طوال و خاصة مشاهدة القنوات عن قرب عبر شاشة الكمبيوتر؟
- ما هو سبب جفاف العين إذ أني كثيرا ما أحس بوخز طفيف غير مؤلم كثيرا في عيفي اليسرى مع حكة في العينين و تكون أحيانا مصاحبة بإحمرار يزول بمجرد الخروج للتمشي و النظر في المساحات الخضراء.
- أستخدم كثيرا النظارات الشمسية ( إقتنيتها من السوق) أي ليست طبية و ذلك لأني لا أطيق الشمس حتى في الشتاء ؟
- أريد أن أقتني نظارات شمسية طبية ما هو نوع الزجاج الذي تنصحيني به خاصة اللون (( بإستثناء البني لأنه لا يعجبني )) و ما هو سعره بالتقريب ؟ذ
- ماهي الفائدة الطبية من إستعمال دواء BACICOLINE و هل له أعراض جانبية إذا أستعمل لفترات متذبذبة متباعدة تصل لشهر ؟

حاليا حتى لا أكثر علىيك أختي الفاضلة المحترمة سوف أكتفي مبدئيا بهذه الأسئلة في إنتظار أسئلة أخرى مني إليك.


وفي الأخير أسأل الله لك السعادة في الدنيا و الآخرة

[سطايفية بكل فخر]

اقبل كل شيء أختي الفاضلة أحيك تحية عطرة - السلام عليكم و رحمة الله -

بارك الله فيك وفي والديك اللذين ربوك على حب مساعدة إخوانك في الله و الله تستحقين كل خير على ما تقدمينه من نصائح طبية نافعة تقبلي إحتراماتي،


أما بعد :

أنا أستعمل جهاز الكمبيوتر المحمول ( laptop) ذو شاشة 15 بوصة ( 15") وذللك لساعات طوال تقريبا 11 ساعة في اليوم و كوني مهندس دولة فإن جل إهتماماتي تصب في المخططات الهندسية أي أقوم بأعمال تستدعي التركيز المستمر ، منذ حوالي عام و نصف أحسست أني قد نقصت في النظر و إنتبهت لذلك عندما جلست على الأريكة لأشاهد التلفاز الموجود في غرفة الضيوف تفاجئت أني لا أستطيع قراءة شريد الأخبار المتحرك كما في السابق، مع العلم أني لا أتفرج على التلفاز كثيرا أي لمدة طويلة و ذلك لأني لدي بطاقة إستقبال القنوات الفضائية ( carte satellite) كنت إشتريتها منذ مدة طويلة و عندما أريد الترفيه عن نفسي أنقر على برنامج المشاهدة المثبت على الكمبيوتر. لهذا الأمر أريد الإجابة عن مايلي:
- ما هو سبب النقص الكبير في نظري ؟ هل هو إستخدامي المكثف للكمبيوتر لساعات طوال و خاصة مشاهدة القنوات عن قرب عبر شاشة الكمبيوتر؟
- ما هو سبب جفاف العين إذ أني كثيرا ما أحس بوخز طفيف غير مؤلم كثيرا في عيفي اليسرى مع حكة في العينين و تكون أحيانا مصاحبة بإحمرار يزول بمجرد الخروج للتمشي و النظر في المساحات الخضراء.
- أستخدم كثيرا النظارات الشمسية ( إقتنيتها من السوق) أي ليست طبية و ذلك لأني لا أطيق الشمس حتى في الشتاء ؟
- أريد أن أقتني نظارات شمسية طبية ما هو نوع الزجاج الذي تنصحيني به خاصة اللون (( بإستثناء البني لأنه لا يعجبني )) و ما هو سعره بالتقريب ؟

حاليا حتى لا أكثر علىيك أختي الفاضلة المحترمة سوف أكتفي مبدئيا بهذه الأسئلة في إنتظار أسئلة أخرى مني إليك.


وفي الأخير أسأل الله لك السعادة في الدنيا و الآخرة

تمت الاجابة في موضوعي
راجع الاجابة وان شاء الله تجد الرد الوافي لكل تساؤلاتك

[you92cef]

السلام عليكم

بخصوص الادوية السابقة فانصحك بالمداولة عليها *** كما قلت لك تقريبا 3 علب لان كل علبة تقريبا 21 يوم **

3*21=63 تقريبا شهرين وتحس بتحسن ملحوظ ان شاء الله

الادوية ليس لها اي اعراض واذا اشتكيت منها يمكنك مراجعة الطبيب

بخصوص الوخز +نقص الرؤية بشكل ملحوظ فيعود لعظلات العين والتي يقل عملها مع الوقت ** لذلك احيانا عندما ** تشد او تزير على عينك** تتحسن الرؤية وهذا يعود لعدة اسباب من بينها ان ** شد العين او التدقيق عنده علاقة بعظلات العين والتي تقل مع مرور الوقت لذلك ينصح بالابتعاد عن مصادر الاشعاع وتغير الجو والتركيز في الاشياء البعيدة والقريبة ** عمل نشاط للعين للحفاظ على العمل الطبيعي للعين***

شكرا

[سطايفية بكل فخر]

السلام عليكم

بخصوص الادوية السابقة فانصحك بالمداولة عليها *** كما قلت لك تقريبا 3 علب لان كل علبة تقريبا 21 يوم **

3*21=63 تقريبا شهرين وتحس بتحسن ملحوظ ان شاء الله

الادوية ليس لها اي اعراض واذا اشتكيت منها يمكنك مراجعة الطبيب

بخصوص الوخز +نقص الرؤية بشكل ملحوظ فيعود لعظلات العين والتي يقل عملها مع الوقت ** لذلك احيانا عندما ** تشد او تزير على عينك** تتحسن الرؤية وهذا يعود لعدة اسباب من بينها ان ** شد العين او التدقيق عنده علاقة بعظلات العين والتي تقل مع مرور الوقت لذلك ينصح بالابتعاد عن مصادر الاشعاع وتغير الجو والتركيز في الاشياء البعيدة والقريبة ** عمل نشاط للعين للحفاظ على العمل الطبيعي للعين***

شكرا

اخي يوسف احالتو راهي جفاف العين مش العضلات
لما تجف العين تحس بلي فيها وخز وهذا راجع لاستعمال الكثيف للميكرو