تساؤل بالنسبة لتكوين الخاص fs -2014

[an_isma43]

السلام عليكم

خاوتي حاب نسقسيكم عندي ماستر 2 الكترونيك اتصالات من مواليد 89

1- نقدر نحط دوسي في drs

2- هل يوجد تكوين خاص في الدرك الوطني هدا العام

لي عندو معلومة يفيدنا بيها

بارك الله فيكم

ربي يقبل منكم

[فارس القسنطيني]

يعني توظيف على أساس الشهادة ،.

شوف خويا راه كاين الموقع تاع وزارة الدفاع يسجلو فيه ، و راه فيه خانة خاصة بأصحاب الشهادات ، لكن يا أخي السنّ محدّد بـ : 24 سنة فقط .

و هاو ليك الموقع باش تزيد تتأكد مليح ، و تسجّل إن أردت

https://preinscription.mdn.dz/

[da3dou3]

اضن انه سنك كبير بالنسبة للشروط المطلوبة. جماعة 1989 لي دخلوا تكوين خاصص راهم كملوا الستاج عامين و راهم ملازمين اوائل.

[an_isma43]

بارك الله فيكم خاوتي على الرد

يعني الواحد كبر في هادي لبلاد .....

تجي تدخل جيش يقولو راك كبير

تجي تخدم يقولك خبرة ...

مازلنا واقفين ..

والله مافهمنا ياخواتي

ربي يجيب الخير

يعيطكم الصحة

[BouDi9]

راه فاتك العمر

[luky]

مرحبا بيك خويا توحشناك بزاف
انت سجل في الموقع وادفع ملف واتكل على ربي ما تقول فاتني العمر ما والو مزالك صغير
انا راني هنا نعاون في الاعضاء من منطلق الخبرة المكتسبة ههههه في مواقع التسجيلات والملفات المدفوعة والكلام المسموع من هنا وهناك ........... ربي يوفقك وصح فطوركم

[an_isma43]

مرحبا بيك خويا توحشناك بزاف
انت سجل في الموقع وادفع ملف واتكل على ربي ما تقول فاتني العمر ما والو مزالك صغير
انا راني هنا نعاون في الاعضاء من منطلق الخبرة المكتسبة ههههه في مواقع التسجيلات والملفات المدفوعة والكلام المسموع من هنا وهناك ........... ربي يوفقك وصح فطوركم

توحشك الخير خويا luky

هادي غيبة خويا

ان شاء الله تصلح هدا العام خويا

بارك الله فيك ......يعطيك الصحة

صح فطورك