نَصآآئح نَاآآجح باكالورْيآآ 2014 : كَيْفً تتَفوقْ ..؟

[benyahia46]

السلام عليكم

الحمد لله الدي هدانا الى هدا وما كنا من دونه من المهتدين

خاوتي كاين ناسس بزااف شفتها في المنتدى تحوس على نصائح لاجتياز باكالوريا 2015 ان شاء الله


أنآآ (أعود بالله من كلمة أنآآ) ناجح باكالوريا 2014
حبيت نقدم نصائح للمقبلين على باك 2015 انشاء الله
شوفو خاوتي نبداو بالعلوم ::::::
بالنسبة للعلوم ادا صح حاب تقراها وتكون متوفق فيها وتدي علامة ممتازة فانا انصحك بالاستااااد
تبع كل وش يقووول خطوة بخطوووة ماتخلي والوا , عود روحك على تحليل المنحنياااات خاصة المنحيات نعاود ونقووول
والحاجة الثانية الي ممكن تساعدك في الفهم هي الصور الفلاشية الخاصة بالشرح مثلا للمناعة أو التركيب الضوئي أو النقل المشبكي
مرك ماتستغني على الكتااب المدرسي ابداااا واقرا الخلاصة الي فيه تع كل درس صدقني غير تولي انت الاستاااد ركز وركز وركز واقرا في مكان هادي خلاااص

بالنسبة للفيزياء
الفيزياء مادة خداااعة ههههه صدقوني غير خداعة تع الصح مي نتا لازم تكون اخبث منهااااا كيفاه؟
كي تكون مع الاستاد وهو يشرح وانت مافهمتش حاجة : رد باااالك تخليها تفوتك ابدااا ,حبسوا وسقسيه عليها هبلوااا
وأنا أنصحكم بكتاب الزاد النسخة الجديد يتباع 2 أجزاء كيمياء وهو راائع وفيزياء أروع هادوا الي ننصحكم بيهم تع الصح
وحاجة اكيييدة الكتااب المدرسيي الي لازم تقرا منوا الدرس قبل مايدوروا الاستاد هكدا توجد روحك وتلقا روحك هاز مكتسبات قبلية تساعدك في الفم
واعتمد في نهاية كل وحدة تدير انت مخطط ولا تكتب في ورقة قوانين الي قريتها في هاديك الوحدة بلا ماتراجع
اكتب وش كااين في راسك وايلا نسيت ارجع للكراااس
وكثف كثف كثف من حل التماريين طوووول حل على قد ماتقدر تمارين باكالوريات مسااائل ,,قادر تلقا افكار نتا ماتقراهمش ويجوك في الباك صدقوني غير كاينة والله وعن تجربة

بالنسبة لمحبوبتي الرياضيااات
أحسسسسن وأروع مادة عندي هي الريضيات ادا كنت حاب تتفوق فيها تبعنيــــ ::::
اول حاجة ديرها قدامك كتااب المغني في الرياضيات والله سر نجاحي + الجهد + سهر الليالي
تبع الشرح الي في الكتاب خطططوة خططوة وزيد شوف الشرح الي في الكتاب المدرسي ومع شرح الاستادد
وحتى كي تكون مش فاهم الدرس
حاول تحل تمارين ولا ماقدرتش نوورماااال دير كيفي شوف الحل ومن بعد عااود حل
والحاجة الي مليحة في المغني انك تلقا 4 تمارين ولا بفكرة واااحدة يعني كي تشوف انت حل التمرين هداك تروح تحل التمارين الاخرين بنفس الوتيرة تع الحل والله تتعود على الفكرة وماتسنساهاش طوووول
هكدا بالشوية ورااايحة
نزيدلكم سر تاعي في الدالة في الرسم يالتحديد :: شوف قبل ماتدرس تغيرات الدالة حاول ترسمها يعني تعوض في بلاصت اكس ارقام 0.5 0.8 1 1.2 ورايحة وكل اكس يقابلو اقراك y
ارسم الدالة تاعك نووورمال ومن بعد ادرس التغيرات مثلا انت لقيتها نحو + مالانهياة رايحة لل +م ,, وتروح تشوف الرسم تاعك تلقا روحك صحيح ؟ ايا بيا , مي كي تلقا روحك مش كيف الرسم اعرف بلي رااك غاالط أكيــــد

بالنسة للاجتماعيات ::::
خاوتي وصاية مني والله :: انا كي كنت نحفظ فيها والله ماكنت نحفظ كلش لالا طووول ندير روحي في بلاصت الاستاد وندير الاسئلة لي هاهم باينين يجيو مش نظرب الخرطي ونحف كلش ههههه ,, والله عن تجربة واحد صاحبي كان يحفظ في الاجتماعيات كاامل حرف بحرف هههه عقدني والله
وانا كنت نحفظ غير الي باينة والشخصيات غير الي باينين مي في الاخير انا ديت 15 فيها وهو دا 10.5 ؟؟؟
مالا ديروا بالكم في الاجتامعيات احفظو غير الباين , تتسائوا انا منين حفظت؟؟؟ كتاب محمودي عااادل الاخضر هدااك
والله ماتكسرووش راسكم بتع الاستاد صدقوني هزو من عندوا غير المصطلحات والحوايج الاضيافية يعني التلميد لازم يكون دكي ويعرف كيفاه يحفظ وواش يدييير , نعاود أحفضوا من محمودي عادل والله 44444

ومازال نجيبلكم نصائح أخرى ونرفعلكم حتى مخططاتي وأشيائي لعلها تساعدكم شوي لاني والله حاب خاوتي تفرحوا وتنجحوا وتحسوا بفرحة النجاح الي انا حسيت بيها ويما بكات عليها
ربي يوفقكم والله يستركم او ديروا القلب الي يستنا فيكم مش واعر بزااف ومش صعييب رزااف
الي قرا يديي والله ربي وانا شاهد وانا صراتلي الحمد لله تعبت صح صح صح صح ووديت جزائي
ربي يوفق خاوتي واي حاجة تحتاجوها راني هنا وادعيولي يعطوني اللغة الانجليزية
هشام بن يحي باك 2014
السلام عليكم

[~ وائل ~]

السلام عليكم ورحمة الله وبركاته
والله نصائح جد قيمة ...جزاك الله خيرا .عند بعض الاسئلة:
- ماهي الكتب التي استعملتها في مشوارك الدراسي؟
- هل كنت من محبي الدروس الخصوصية والدراسة في النت؟
-كيف تعاملت مع الفلسفة بصفتها مادة جديدة؟
واريد ان اعرف معدلك من باب الفضول.... شكرا مسبقا

[نسْمۃ إِرتقـآء]

السلآلآمُـ عليكمْـ

بآآرك الله فيك علـى هذه النّصآآئح القيّمهْـ

بإنتظآآر بآقي النّصآآئح الأخرى =)

[toprince]

جزاك الله خيرا

[~~ أنون ~~]

بارك الله فيك على النصائح القيمة وجزاك ألف خير

[Altın Kız]

بارك الله فيك
ممكن سؤال يعني.....قدااه كان معدلك في الباك؟؟؟؟

[benyahia46]

السلام عليكم ورحمة الله وبركاته
والله نصائح جد قيمة ...جزاك الله خيرا .عند بعض الاسئلة:
- ماهي الكتب التي استعملتها في مشوارك الدراسي؟
- هل كنت من محبي الدروس الخصوصية والدراسة في النت؟
-كيف تعاملت مع الفلسفة بصفتها مادة جديدة؟
واريد ان اعرف معدلك من باب الفضول.... شكرا مسبقا



بالنسبة لللسؤال :
1- المغني في الرياضيات + الزاد النسخة الجديدة في الفيزياء والكيمياء وهو عبارة عن جزئين + المعاصر في العلوم
2-لم أدخل أو أسجل في أي دروس خصوصية درت كلش وحدي والحمد لله
3-الفلسفة تعاملت معها بالمخططات التلخيصية وخاصة شرح الاستاد
معدلي بالنسبة للسنة تع 2014 14.57 ولكن الفضل يعود فقط للفيزياء والرياضيات

[benyahia46]

بارك الله فيك
ممكن سؤال يعني.....قدااه كان معدلك في الباك؟؟؟؟

14.57 أخي....

[إسـرآء كـوثــر]

نصائح جد جد قيمة ،بارك الله فيك ، و وفقك ~

[شمۋځ أنٹـے »]

شكرا لك بارك الله فيك اخي حقا موضوع ونصائح رائعة
في انتظار القادم من نصائحك

[moon fairy]

بارك الله فيك أخي معلومات رائعة و مديتها لنا بطريقة جميلة
أسال الله أن يوفقك

[دينا11]

ألف مبروك اخي لعقوبة لينا العام الجاي ان شاء الله
بارك الله فيك اخي على النصائح القيمة والدهبية التي قدمتها لنا لعلها تفيدنا ان شاء الله

بأنتظار رفعك لملفات التي كنت تستخدمها ان شاء الله

(من اي ولاية انت اخي من باب الفضول لاننا بنفس اللقب )

[bouchra laila]

ربي يحفظك و يفرحك احتاك لكل ملفاتك التي استخدمتها

[هاجر بو]

شكرا و بارك الله فيك بصح تقدر تقولنا شحال جبت معدلك في الباك؟

[♥قلم و سحر النهى♥]

الف مبروك اخي على النجاح و لعقوبة لما هو اكثر و ان شاء الله يحقق لك كا تطمح له
اخي اعلم ان فرحة النجاح لا مثيل لها و انا احسست بها هذه السنة حين نجحت اختي كانني انا من نجحت حقا شعور لا يوصف و أتمنى ان اجرب شعور نجاحي انا بالمعدل الذي اطمح له

و شكرا اخي على كل النصائح الرائعة

[benyahia46]

لا شكر على واجب أحبتي
ساكن في ولاية باتنة
أنآآآ في خدمتكم في أآآي وقتْ

[djouhar23]

مبروك اخي النجاح

بالنسبة لمرجع الفيزياء اتقصد زاد المعرفة فهو اكثر من رائع وكم كانت نقطتك في الفيزياء

ارجو ان تزودنا بسلاسل الفيزيا التي اعتمدت عليها

وجوزيت كل خير

[Ghada youna]

merciiiiiii khoo baraka allaho fiiiiiiiiik ^^

[حنين~]

شُكْرًآ لَكَ أخِي

جَعلهَآ الله فيِ ميزآنِ حسنآتِكَ ~ ☺ ~

[Amine02Dz]

جزاك الله خيرا

ملاحظة : كتاب محمودي عادل رائع .. حفظت منه و حصلت على 17.5 في التاريخ و الجغرافيا

بالتوفيق

[سمية المستغانمية]

نصاااااائح في القمه أخي

ربي يعطيك لتتمنااااه

[أميرة الاخلاق نور]

ما شاء الله نصائح رووووووووووووووووووووووعه بارك الله فيك
وربي يوفقك في مشوارد الدراسي

قلت بفضل الرياضيات والفيزياء جبت معدل 14 .. وشحال دييت فيهم ؟ ماذا عن المواد الادبية هل انت متوفق فييهم ؟

[sara kh sousou]

بارك الله فيك

[JasonDj]

هل اانت تقصد زاد المعرفة ؟؟؟؟

[imen03]

اولا:الف الف مبرروك اخي النجاح
ثانيا:عقبال للدكتوراه
ثالثا:و الله كي قرين النصائح دياولك راح التوتر و الخوف لي كنت نحس بيه
يعطيك الصحة خويا بارك الله فيك

[JasonDj]

هل اانت تقصد زاد المعرفة ؟؟؟؟

انت لم تجبني !!

[reve]

شكراااااااااااااا

[إسراء -]

الف مبروك و شكراً