مشكلتي

[مشكلتي]

بداية تعرفت على شاب في أسبوع تفاهمنا على صغيرة و على الكبيرة و جا لدارنا و كنا متفاءلين بزااااااف و لكن حدث مالم يكن في الحسبان السيد غير رايوا بالرغم من أن والدته قالت لي كل شي بيناتكم انا عليا نجي برك السيد غير رايو وقال ربي ماكتبش و انا ماعرفتش السبة لي سمح فيا على جالها بكييييييييت و تأثرت بزااااااااف لواش صرالي خاصة و ان العايلتين يعرفوا بعضاهم المشكل الحكاية مر عليها حوالي عام و مزال مانسيتش السيد هذاك كل يوم نتفكرو صباح و عشية حاسة بلي اهانني امام عائلتي كي راح و خلاني بلا مانعرف السبة و احيانا نتمنى يرجع ليا لأنني كبيرة في السن وحابة نتزوج و من هذاك الوقت ما تقدم ليا حتى خاطب اصلا هو و مانعرف كيفاه تقدم ليا حظي قليل مع الخطاب بالرغم من انني بنت محافظة و هو بالذات مدح لباسي المحترم الذي يعكس اخلاقي
ادعوا معايا ربي يرزقني الزوج الصالح لي ينسيني فيه عاجلا غير آجلا كرهههههههههههههت و المراة ماتنفعها غير دارها

[feuilleblanche17]

ان شاء الله يرزقك ربي الزوج الصالح
الحي فقط في الدعاء
عليك بالاستغفار و قيام الليل

[تراتيـل صبــح]

ربي يزقك من هو أحسن منه ان شاء الله
شيء صعب ان يترككِ دون توضيح السبب
لكن ربما لا تعرفين أحسن
فليس كل شيء يجب أن يُعرف
مر عام على الحكاية وربما يكون قد واصل حياته مع فتاة اخرى
وهذا ما عليكِ فعله أيضاً
لم يكن من نصيبك فذهب الى سبيله
وقد رأيتِ كيف كانت الأمور مسهلة الى آخر لحظة انتهى فيها كل شيء
فالامور تسير بقضاء الله قدره
ادعي الله ان يرزقكِ الزوج الصالح قريباً ان شاء الله.

[salem1985]

ربي يفرج عليك برجل صالح ويفرج علينا بزوجة صالحة وفي البلاد هادي راه يعاني غير الزوالي صحاب الدراهم يخططوا وحنا نقلدوا فيهم بلا تفكير ولينا كامل انتاع دنيا حتى ول ى الزواج افير الي حب باش يزوج بنتوا لازم يشري على ظهرك طومبيل المهم ربي يهنيك وصح سحورك وربي هو الي للناس كامل ادعي وماتنسايناش في الدعاء روبي يجيب لك ولد حلال ان شاء الله

[ABDOU ELE]

ان شاء الله يرزقك ربي الزوج الصالح
الحي فقط في الدعاء
عليك بالاستغفار و قيام الليل

[khawla.ch]

ان شاااااااااء الله يا رب يبعثلك ولد الحلااااال يا اهتي و يفرح قلبك و تصيري احلى ام ان شااااااااااء الله....

[أيات 333]

ربي يرزقك الحلال في القريب يااارب ربي يفرحك

[imazighn]

ندعو لك الله بالفرج

[ZORRO__DZ]

ربما سمع كلام من هنا او هناكـ، فبعضهم يحب البحث في ماضي الناس !
ربي يفرج عليكــ، ويرزقك بوليد الحلال

[bouchra hakerz]

ان شاء الله اختي انصحك بالرقية الشرعية

[رحمة من المولى]

الله يرزقك ما خير منو ايلا راه مكتوبك يرجع و ايلا مراهش من المكتوب معندك ما تديري الله يفرج عليك

[sabra2009]

حبيبتي ما تبكي ما طيحي دمعتك العزيزة على شبه رجل والله تهنيتي منو، وربي شافلك وبعدو عليك لأن هذا النوع ما يخاف ربي وما يحشم عندو أعراض الناس لعبة صدقيني النوع هذا مريت وعشت معاه لا يقدر لا يحشم الطلاق عندو ساهل.... مالا كي بان على حقيقتو خير أحمدي ربي
إن شاء الله إيجيك سيد سيدو راجل أحطك في عينيه ويقدرك.... إن مع العسر يسرا... ندعيوا ربي يستجيب

[بنت لبحر]

مكتوب ربي

ان شاء الله ربي يعوظك ما خير منو

[----------]

أكثري من الإستغفار أختي و من فعل الخيرات
ساعدي محتاجا ....عودي مريضا...امسحي على رأس يتيم
فلعلك تجدين بستمتك التي ضيعتها عند هؤلاء

[dida rida]

ربي يرزقك بالزوج الصالح و عسى تكرهو شيء وهو خير لكم

[naamane3]

بقي في رمضان 15 يوم
ادعي والحي في الدعاء وتضرعي وابكي
واستغفري وتصدقي وكفي عما يغضب الله
وباذن الله لك فرحتين بعده
فرحة العيد وفرحة الزوج الجديد

[bellaluna]

المرأة ما ينفعها كان ربّي..الرّجل ليس كلّ شيئ خاصّة لو لم يكن في المستوى ستندمين على اليوم الذي أنجبتك فيه أمّك.

[البريئة]

المرأة ما ينفعها كان ربّي..الرّجل ليس كلّ شيئ خاصّة لو لم يكن في المستوى ستندمين على اليوم الذي أنجبتك فيه أمّك.


يا أخت قولي خيرا أو اصمتي لما التشائم الاخت تطلب من الجميع الدعاء لها بتيسير أمرها و ان يرزقها الله الزوج الصالح و ذكرت ذلك في حديثيها وانت تتحدثيت عن رجال من دون مستوى
لا حول ولا قوة الا بالله ، اللهم ارزق صاحبة المشكلة زوجا صالحا تقيا نقيا تقر به عينها و تقر بها عينه و جميع بنات المسلمين

[اسامة رحمون]

سلام ورحمة الله وبركاته انا التاني صراتلي عفسة كيما هادي واحد يخدم معايا بعتلي مع وحدة قالي حاب نخطب قلت معليش مرحب في دار انا نخدم بعيدة على دارنا هو تاني قالي كي نروح دارنا نجيب الوالدين نجي فوتل أخت قاتلي حنا منديش وحدة خدامة لازم تبطل خدمة
من تم وأما منيش قادرة ننساه