رسالة وتوبيخ الى جميع عمال العقود

[hamza bennouioua]

السلام عليكم ورمضان كريم
بما انني حاولت مرار وتكرار التعقيب في مجموعة النقابة - عقود ماقبل التشغيل- في الفايس بوك
لكن للاسف لم اجدد اذانا صاغية
في مسابقة التوظيف لوزارة التربية لاتقبل شهادة العمل لا في نفس القطاع ولا خارج القطاع
وقفاتنا الاحتجاجية السابقة كلها كانت من اجل مصالح مجموعة النقابة ومن اجل عمال الادارة المحلية
واليوم عند احتياجنا لهم اين هم - باه يجيبولنا حقنا احنا نتاع التربية -
لاتقبل شهادة العمل وان قبلت لا تنقيط عليه يمسكونها فقط من اجل تجنب الفوضى ومن بعد تلغى
اين هي الاولوية لعمال العقود في مسابقة التوظيف
اين هي الاولوية لاقدمية الشهادة
اين هي وعودكم ياجماعة تدعيم العهدة الرابعة
اين انت يا سلال وسي بوتفليقة......
انا اليوم نقلكم كل شخص يعمل في العقود يمثل نفسه
واذا لقيت بعد المسابقة جماعة عقود التربية تدعم في الاحتجاجات نعتبرهم شياتين
سلام صح فطوركم

[hmz49]

maan nhar lawal 3labalna bali hadok nta3 tashyat pas plus hna kayn rabi yjiblna 7A9NA fi hada ramdhan inchalah

[آلاء فهد محمد]

حنا في التكوين المهني كان الاولوية للادماج وحسبت نقاط الخبرة

ربي ينصفكم مع ولاد لحرام ياكلو حق الغير

[fouad.1988]

ياو نستاهلوا على خاطر الشعب رخيس

[مروة2011]

هاذي هيا بلادكم الكل رخيص

[spokba]

لا يوجد هناك قانون صريح في هذه الدولة.....كل واحد يعمل كما يحلو له
بالتوفيق للجميع

[karim851]

الله يجيب الخير ، تعبنا ، كرهنا ، من الوعود الكاذبة

و في الاخير يقال لك شهادة العمل في اطار الادماج لا تحتسب .........؟

ظمنوا الكرسي و عندهم الحق يلعبوا بينا لان للاسف شعبنا هو من انتخبهم

و كيلهم ربنا في هذا رمضان .

[mor]

تقرا في الجورنال تحسب بصح ادماج عقود الذل والواقع عكس ذلك الموظفون المثبتون يخلصوا في 02و03 من كل شهر وعقود الذل مين يبغي الشهر يكمل يخلصك شوفوا الظلم ليراهي عايش فيه هذا الفئة حسبنا الله ونعم الوكيل

[المسعدية]

....wama al7al !!!!...........

[siham16000]

يعطيك الصحة يا اخي على هده الحرارة . والله عندك حق لكن ينقصنا التنسيق لكي تكون هناك قوة يحسب لها الامر
يا صديقي نحن عمال عقود ما قبل التشغيل بتربية الوطنية والله مساكين ...تلقى واحد عندو ليسانس التعليم وكي يجي يفوت كنكور يقولوله لازم كونترا تع التعليم و كي يفوت تع الادارة يقولوله انت ليسانس التعليم و الله مساكين هدو قوم معلقين بين السماء والارض ..
و ما شي غير هوما كاين لي تجب فيه كل الشروط بصح والله ما طيرله مع هدو لي بولب تع المديرية التربية ..يحبو يخدمو غير الاولادهم و الاحبابهم و لي ما عندوش العرف لوكان يخدم 10 سنين والله ما يدوها فيه .
قالي احد العمال في المديرية في واحد العام قمت بتجميد منصب ابنتي كانت تدرس في الثالث الثانوي..سبحان الله في خلقه شؤون انظرو بقية المنصب حتي تخرجت من الجامعة وفتحة ونجحت به .
واه عيش تشوف ...وحنا يلعبو بينا كيما يحبو .
يا صديقي طبعا يوجد منك الكثير لاكن يخفون ..من يخاف على منصبه او يخاف من مشاكل مع الدولة ............

[siham16000]

كل الادارات و مؤسسات العمومية باشرت بالادماج الا وزارة التربية

[غليزاني 26 سنة]

اين الادماج
4 مناصب في البلدية عليهم 253 مترشح

[hamza bennouioua]

يعطيك الصحة يا اخي على هده الحرارة . والله عندك حق لكن ينقصنا التنسيق لكي تكون هناك قوة يحسب لها الامر
يا صديقي نحن عمال عقود ما قبل التشغيل بتربية الوطنية والله مساكين ...تلقى واحد عندو ليسانس التعليم وكي يجي يفوت كنكور يقولوله لازم كونترا تع التعليم و كي يفوت تع الادارة يقولوله انت ليسانس التعليم و الله مساكين هدو قوم معلقين بين السماء والارض ..
و ما شي غير هوما كاين لي تجب فيه كل الشروط بصح والله ما طيرله مع هدو لي بولب تع المديرية التربية ..يحبو يخدمو غير الاولادهم و الاحبابهم و لي ما عندوش العرف لوكان يخدم 10 سنين والله ما يدوها فيه .
قالي احد العمال في المديرية في واحد العام قمت بتجميد منصب ابنتي كانت تدرس في الثالث الثانوي..سبحان الله في خلقه شؤون انظرو بقية المنصب حتي تخرجت من الجامعة وفتحة ونجحت به .
واه عيش تشوف ...وحنا يلعبو بينا كيما يحبو .
يا صديقي طبعا يوجد منك الكثير لاكن يخفون ..من يخاف على منصبه او يخاف من مشاكل مع الدولة ............

السلام عليكم
بارك الله فيك اختي
المهم انا قلت واش عندي وانت راك موافقتني في الراي
مستقبلا انشاء الله ماننخدعوش مع جماعة النقابة
احنا وقفنا معاهم واليوم هم وينهم
لازم علينا احنا جماعة عقود نتاع التربية نشكلو خلية وحدنا مستقلة عن باقي القطاعات
لانو اكبر تخلاط هو اللي يصرا داخل مديريات التربية وراكي تعرفي واش كاين
وشكرا وصح فطورك