المساعد الشخصي الرقمي

مشاهدة النسخة كاملة : اجرو ليا راني حاصلة

سارة1995
2014-07-11, 13:18
السلام عليكم
لبنات تعيشو اعطوني طريقة تحضير شربية لفريك بالتفصييل ولا soupe تعيشواا:sdf::sdf::sdf::sdf::sdf:
سارة1995
2014-07-11, 13:27
بليييييييييييييييييييز
jojo dj
2014-07-11, 13:29
سلام انا نعطيك طريقتي وكي يجو لبنات يفيدوك الهم في القدر حطي اللحم الزيت تقريبا اربع معالق زيدي شوية بصل وثوم يكون كثر من البصل وحشاوش وشوي شوي كرافص ديريهم مع بعض باش فالاخير تنحيهم وديري الملح فلفل اسود قرفة شوية راس حانوت وزوج طمام حب مرية وطماكم باطة وخليهم يتغلاو مليح مليح ومرقي اذا حبيتي ديري فلفل اخضر حار مي بالاكي يكون مفتوح يحررلك الشربة ديرية مغلوق وفالاخير نحيه او ماديريش. خير. وخليه يغلي في هاذ الوقت تكوني الشربة انتاعك نقيتيها من كاش شوائب واغسليها وقطريها وكي يغلي مليح زيديها وخليها تكمل طياب وكي يكمل الطياب في الاخير. دقيقة قبل ماتغلقي رابي حبة ثوم وديري نعناع يابس هاذي خطوة مهمة وهاذا ماكان
jojo dj
2014-07-11, 13:36
وشربة فارميسال ديري نفس الطريقة ماديريش الثوم برك ديري بصل تقريبا حبة صغيرة مرابية او مرحية هههه وطماطم حب ديري 4حبات مرحية باش نتفاداو الحموضة وزيدي شوية طماطم باطة وديري الملح والقرفة وفلفل اسود برك و كمشة حمص وقرعة متوسطة مقطعة مربعات صغار اذا كان عندك فول يابس ديري كمشة و كي يطيب كلش ديري الفارميسال انتاعك وخليها قريب 5 دقايق وطفي النار وديري شوية نعناع وماديريش كامل الثوم النعناع والحشاوش فقط. وكي يجو لبنات يزيدو يفيدوك
mira43
2014-07-11, 13:47
أهلا

طريقتي هي :لحم + بصلة + ثوم + توابل+ كرافس +ملح + قليل من الزيت حوالي 3 ملاعق

تقليهم على نار هادئة جيداا لما تذبل اليصلة نضيف الطماطم المصبرة + طماطم حب مرحية ونزيد نقليها

لما تنشف نمرق ونترك اللحم يطيب بد ذلك لما تشوفي اللحم نتاعك قريب يطيب صفي المرقة نتاعك في كسكاس

ثم ضعي الفريك نتاعك في المرق وخليه يطيب وكي يقرب يطيب زيدي قرن فلفل حار في المرق باه يطلق الريحة نتاعو


وشهية طيبة
moon fairy
2014-07-11, 13:51
la soupe
هذي طريقة لي نديروها حنا
جيبي الخضر لي حابة بطاطا جزر جريوات حبة فلفل أخضر بصلة سنينات ثوم حبة طماطم معدنوس اغسليهم ومبعد قطعيهم مكعبات وحطيهم في طنجرة أضيفي الملح الفلفل الاسود ملعقة زيت وزيدي فوقهم الماء من الاحسن حتى يتغطاو واذا حبيتيه جاري زيدي شوية وحطيه فوق النار كي يطيبو الخضر ارحيه avec un mixeur عند التقديم رشي شوية نعناع مقطع من فوق اذا حبيتي ماشي لازم و شهية طيبة

صح فطوركم
imane khaled
2014-07-11, 13:53
كيما قاتك الاخت جازاها الله انا فقط ما نديرش راس الحانوت ملح فلفل اسود و قرفة هذا وش ندير
سارة1995
2014-07-11, 13:53
مرسي لبناات
selma2013
2014-07-11, 14:20
سارة أختي صح رمضانك أنا شربة فريك معتمدة طريقة نينافرات من هذا المنتدى وما نبدلهاش تجيني هايلة كيما نحبها خاصة راني من الشرق والشربة تاعنا سامبل يعني ما فيهاش الخضر وهاو ليك الرابط جربيها وما راحش تندمي

http://www.djelfa.info/vb/showthread.php?t=1360481
سارة1995
2014-07-11, 14:53
merci selmaaaaa