قهرني

[مشكلتي]

السلام عليكم
انا فتاة مخطوبة من 4 سنين و خطيبي يشتغل و له بيت و لكنه ياخر الزواج كل مرة بسبب انه يبني في نفسه
يصرف ماله يمينا و شمالا لدرجة انا الي اشتريت غرفة النوم و خاتم الزواج
و كي اهلي الحو عليه يا الفرقة يا الزواج قررنا ان يكون عرسنا يوم 9 اوت
تخيلو لحد الان لم ياتو ليعقدو و ليست بالمشكلة
المهم اتصل بي اول بارح لكي يقول لي انه سوف سفر ابوه الى مكة و ان كل ما عنده راح يعطيه لابيه لكي يعمر
رديت عليه و قوتلو قوم عرسك و الى بقا لك عمرلو قالي انتي مش متربية
على هته الكلمة جعلني اتذكر كل انتظاري له فقلت له حسبي الله و نعم الوكيل في تمسخيرك ليا انشالله تخرج فيك نيتي و تجيك في اعز حاجة فيك
في هته اللحظة قالي انتي طالق بالثالث مع العلم اني مانيش مفتحة فهي كلمة لا تجوز
و لكن الي غاضتني كل صبري
لم استطع ان احكي لاهلي اشياء كهذي لانني يتيمة و ليس لدي اخ يعني حقرني لانو ماكاش رجالة
حكيت لاختي الكبيرة و قاتلي ماتزيديش تهدري معاه و نصبرو ايامات الا معتذرش كلش انتها بينا و بين عايلتهم
انا مش عارفة واش نقول للناس
4 سنين خطوبة و كي بقى اقل من شهر كلش انتهى و منو هو ؟
يعني كان يلعب بيا ماكاش ناويني
حسبي الله ونعم الوكيل

[وسيمツ]

تنتظري منه ليعتذر ؟؟

"..قالي انتي مش متربية .."

اختي هذا انسان وقح و ما يحشمش على روحو ، لاكان ف الخطوبة دار الشيئ هذا أكل مالا بعد الزواج كيفاه ؟ ناس متزوجين و جامي قال هذ الكلمة لمرتو، هذه الكلمة تقولها لشخص تحس أنه لا ينتمي إليك ، فكيف في تقال في أوطد العلاقات الزواج ؟؟!!
و أيضا الرجل عندما يماطل في الخطوبة اعلمي أنه كان يبحث على سبب باه يفسخ الخطوبة لأنو من المفروض كان يعجل لو كان يريدك زوجة فعلا،

أختــــي ، لا تذلي نفسك له أو لأي أحد فالله أعزك بالاسلام قبل كل شيئ
لا أقول لكي اتركيه بل تخلصي منه !
صح ظروفك صعبة و ربي يفرّج عليك أختي ، لكن مهما كان مدام دارك الشيئ هذا أديري وجهك !

و الله أنا قلقت في بلاصتك
المهم صحا فطورك و ربي يقبل الصيام و القيام

[Napia]

ربي يوفك اللي فيه الخير راني مع قول الأخ وسيم

[lalib40]

بما انه قال لك هذه الكلمة كيف سيكون حالكما بعد الزواج

[رجل الخفاء]

ربما أنت يتيمة وليس لك أخ لكني أنا هنا أخوك ولا تنسى أن الله مع اليتيم وهذا الشخص سيدفع الثمن غاليا على فعلته، لا تقلقي ففي هذه الدنيا رب يحمي الولايا وسيحميك ويرزقك الخير كله، لا تعاودي الإتصال به وإن أراد أن يعود إليك فعليه الإعتذار وأظن أنه يتمسخر والله أعلم لهذا أقول لك مبروك عليك فراقه لأنك تهنيتي من سافل والله يرزقك بوليد لحلال وصح فطورك :)

[mounaminou]

للاسف كاين بزاف اللي خاطبين كي يلقاو لبنات عاقلات يتكسلو عليهم ....في الحق يحطك فوق راسو و مايفرطش فيك خلاص ....عليها لبنات ولاو طايرات .....نضن في وقتنا هدا اللي تسكت في الاول و تحمل في قلبها واحد مايقدرها كيما يلزم

انا نقولك بللي معاك ربي سبحانو ....و مادام عندك كرامة و شخصية ماتخافيش .....ربي يعوضك ماخير منو خاصة لاكان ما اعتدرش و ماطلبش السماح و بين بللي ندم علي هدرتو .....

[بلسم غرام2018]

اولا صح فطورك
تانيا وعسى ان تكرهوا شيئا وهو خير لكم
حبيبتي ربما الله اراد لكي خيرا في هدا الامر انكم تتفارقوا ورفق بيك من بليه راح توقع اذا تزوجتي بيه فالحمد لله على كل حال
والكاتب ليك يجيك واستخيري ربي قبل متتركيه
وكلام الناس ميهمكش فيه لانهم يجكوافي كل الحالات وبالتالي ديريه تحت الصباط حشاك وراحتك اهم من هدرة الناس فهمتيني

[amina260]

السلام عليكم ورحمة الله وبركاته
صح فطورك ختي ربي يهنيك ويجيبلك لي فيه الخير ليك واذا مكاش فيه الخيرربي يبعدهعليك ويرزقك الاحسن منو
ربي يفرحك متقلقيش روحك

[dalal 28]

ربي يكون معاك اختي احمدي ربي انك تهنت منه الان

[محبة الله الجزائرية]

ربي يكون معاك اختي

[أناييس الربيع]

خيرو في غيرو

وزيد والله أنا يا أختي ضد خطوبة لمدة طويلة

حنا عندنا الخطبة ماتفوتش شهر

قليل وين تقعد البنت لمدة أشهر بحجة تكمل الدراسة

أو توجد جهازها فقط

معندناش المراة تستنى خطيبها يبني روحو

وربي يعوضك واستخيري اختي

[شلال فرح]

اختي هاد الراجل راهو باين و واضح وضوح الشمس انو كان يماطل حتى تكرهي و تبطلي انتي و يدي هو كلشي و يخرج بدون خسائر كان حاب تجي اي سبة باش يفسخ العلاقة

يرحم والديك جنس مثل هاذا واش ديري بيه مادارش ولو ادتى اعتبار لعشرة 4 ستوات

وكلي عليه ربي كل وقت قولي حسبي الله و نعم الوكيل فيك و في لي ظلمني و حب يقهرني و تشوفي جزاء ربي كيفاش

ربي يعوضك خير اختي و هاذي تعطيك درس فالمستقبل علاش تتنازلي و تشري الشومبرة و حاجة خلاف رح تدي راجل يتحمل مسؤوليتك و لا طرطور يستناك تصرفي عليه

خمي مليح اختي و ربي يفرج عليك ادعي ربي ديما يا ربي فرج يا ربي فرج

[محبة رسول الله]

الحمد لله اختي مزلتي على البر ومتتزوجتيش بيه
وعذبك في دارو
وتاني شي لازم القدر بين الزوجين والاحترام
تأكدي اختي انو الزواج مكتوب من عند ربي سبحانو
ربي يكون معاك لانو 4 سنين مرو من عمرك مش ساهليين وانتي صابرة عليه وعاونتيه
بصح معليش مزلتي على البر والحمد لله لي ربي هناك منو
ربي يزيل عنك الهموم ويفرح قلبك

[امينة النايلية]

السلام عليكم
انا فتاة مخطوبة من 4 سنين و خطيبي يشتغل و له بيت و لكنه ياخر الزواج كل مرة بسبب انه يبني في نفسه
يصرف ماله يمينا و شمالا لدرجة انا الي اشتريت غرفة النوم و خاتم الزواج
و كي اهلي الحو عليه يا الفرقة يا الزواج قررنا ان يكون عرسنا يوم 9 اوت
تخيلو لحد الان لم ياتو ليعقدو و ليست بالمشكلة
المهم اتصل بي اول بارح لكي يقول لي انه سوف سفر ابوه الى مكة و ان كل ما عنده راح يعطيه لابيه لكي يعمر
رديت عليه و قوتلو قوم عرسك و الى بقا لك عمرلو قالي انتي مش متربية
على هته الكلمة جعلني اتذكر كل انتظاري له فقلت له حسبي الله و نعم الوكيل في تمسخيرك ليا انشالله تخرج فيك نيتي و تجيك في اعز حاجة فيك
في هته اللحظة قالي انتي طالق بالثالث مع العلم اني مانيش مفتحة فهي كلمة لا تجوز
و لكن الي غاضتني كل صبري
لم استطع ان احكي لاهلي اشياء كهذي لانني يتيمة و ليس لدي اخ يعني حقرني لانو ماكاش رجالة
حكيت لاختي الكبيرة و قاتلي ماتزيديش تهدري معاه و نصبرو ايامات الا معتذرش كلش انتها بينا و بين عايلتهم
انا مش عارفة واش نقول للناس
4 سنين خطوبة و كي بقى اقل من شهر كلش انتهى و منو هو ؟
يعني كان يلعب بيا ماكاش ناويني
حسبي الله ونعم الوكيل

<واش نقول للناس> عندك الحق في هاذي الناس مايرحموش ومايعذروش خلاص . بصح واش اديري كاتبة .
في الاول كل واحد يقعد يتفلسف ويحلل وحدة تقلك وين راها انوثتك ولخره وقيلة زعفتيه.... بصح ديري في بالك اذا مرجعش الزمن يداويك نقصد تنساي مع مرور الوقت وحتى الناس يلهاو بكاش حاجة اخرى واذا رجع ماتنسايش تعرضينا.

[امينة النايلية]

ربما أنت يتيمة وليس لك أخ لكني أنا هنا أخوك ولا تنسى أن الله مع اليتيم وهذا الشخص سيدفع الثمن غاليا على فعلته، لا تقلقي ففي هذه الدنيا رب يحمي الولايا وسيحميك ويرزقك الخير كله، لا تعاودي الإتصال به وإن أراد أن يعود إليك فعليه الإعتذار وأظن أنه يتمسخر والله أعلم لهذا أقول لك مبروك عليك فراقه لأنك تهنيتي من سافل والله يرزقك بوليد لحلال وصح فطورك :)



عجبني ردك كيقلتلها راني هنا نعاونك.
بصح بنتلي متناقض في حاجة! ياك راك تقول لبنات ماهمش ملاح ومافيهم حتى ثقة !!!

[غليزاني 26 سنة]

سبحان الله اضاع لك كم من سنة من شبابك

[SKYALGERIA]

إحمدي الله أنك إرتحت منه لأن شخص كهذا لا يستحق أن يكون زوجك و سندك و ظهرك الذي تتكئي عليه . أنصحك بأن تبتعدي عنه نهائيا و تنهي كل شيء بينكما حتى و لو إعتذر لا ترجعي له . ربي يوفقك إن شاء الله

[الزمان 03]

يأختي لا تسمعي للناس ركزي على مصلحتك الشخصية وكلي ربي يأخذ لك حقك ، ولا تنظري لنفسك بأن أنت الخاسرة في هذا الامر لأن مشكلتنا في مثل هذه الامور أن نرى بأن خسرنا إنسان لكن في الحقيقة هي ربحنا انفسنا بالتوفيق و إن شاء الله يفتح عليك برجل كريم بالتوفيق

[نجاة85]

السلام
ربي يفرج انا انصحك بالاستخارة وغادي تخرج فيه

[رجل الخفاء]

عجبني ردك كيقلتلها راني هنا نعاونك.
بصح بنتلي متناقض في حاجة! ياك راك تقول لبنات ماهمش ملاح ومافيهم حتى ثقة !!!

شوفي يا أختنا النايلية، نعم هي يتيمة ويسعدني أن أكون أخوها وأتشرف بذلك وأنا ضد الحقرة لأنه صح لو كان عندها إخوة لما تمسخر بها هذا التافه وأنا ضد حقرة اليتيم كان ذكر أو أنثى

ثم مسالة أني متناقض في حاجة، أختي لكي تفهميني يجب عليك أن تخدمي مخك شوية، أنا في ردودي أقول الصراحة وأستمدها من الواقع ولا أخترع الأمور من نفسي ونعم أختاه لم تعد لنا ثقة في بنات اليوم ولكن هذا لا يعني أن بنات الفاميليا إنقرضوا، هناك دوما بنات لحلال وولاد لحلال ونعم بنات لحلال راهم قلال بزاف بزاف بزاف

ومع ذلك مثلا لو حدث وأن كانت أمامي إحداهن وتهجم عليها مثلا حيوان مفترس هل سأقف أتفرج فيه وهو يأكل في لحمها، أكيد سندافع عنها أما مسألة عدم الثقة فيهن فهي تخص أننا لم نعد نراهن يصلحن للزواج ولا يمكنكن تغيير نظرة الشباب هذه بالكلام على المنتديات أو على الصحف وإنما بتغيير الأحوال، حينما نصبح نرى ونسمع قصص الفحلات وبكثرة في مجتمعنا بعدها سنستعيد ثقتنا في بنات اليوم أما حاليا فللأسف الثقة في تقهقر مستمر ولا تلمن الرجال في هذا

ملاحظة : كنتي قد أضفتي رد في موضوع الأخ الذي ينوي تطليق زوجته بعد رمضان لأن في عيب (الموضوع نقل إلى فسم دردشة الرجال) وأنت المسكين إنهلت عليه بالتهجم وأنا أتفهم ردك لأنك لم تفهمي قصده لكن صدقيني ظلمتيه، هو يعاني المسكين من متلازمة نفسية لها حل ولا تخص أو تنقص من رجولته بل المشكل يكمن في أنه حشام بزاف والمسكين لم يتطلع على تلك الأمور قبل الزواج لأنه نية وحشام بزاف لهذا الأمر جديد عليه ولم يستطيع التحكم في قدراته وإن شاء الله سنعمل على إعادة ثقته بنفسه وستكون الأمور على ما يرام لهذا لا تتسرعي في الحكم على الغير :)

صح سحوركم :dj_17:

[salem1985]

السلام عليكم وصح فطوركم اقول لك اختي اصبري وفكري بعقلك واتركي قلبك جانبا نحن في زمان لايرحم الناس ملاح ربي يصبروا يعي يبلع في الكلام حتى قلبوا يطرطق قلبوا ماعلبالهمش بالي الكلمة تجرح اكثر من اي حاجة انا الي قال لي موش مربي يعرف بالي الجنازة انتاعوا وجدة ممكن نسمع اي هدرت في انا وتغضني ونصبر بصح كي واحد يقيسك في التربيه راه قاسك في الوالدين علاش السنة الناس ماترحمش وتترجل على الطفلة ليتيمة ربي يرحم والديها عقابك عند الله عظيم يا ولي يبكي ليتيم وين تهرب شوفي اختي قتلني وما تقول لي كلمة تجرحني طول حياتي بصح المشكل راهم كيف كيف لارحمة في رجال ولا في نساء انا راني كتبت في المنتدى على المشكلة انتاعي اليوم الناس الي قيمتها ونويت وتعبت على جالها كي قلت ليها نتقدم لداركم قالت لي انت اخر راجل في الكون نفكر باش نتزوج به وعندها 29 سنة تحساب روحها صغيرة والله غير نصعقت اشكون انت باش نتزوج بك والله غير الكلمة تحرق القلب واش نقول لك ربي يصبرك والى ما حبتيش تكملي معاه حياتك رانا هنا وقت الي تحبي نساعدوك والبلاد مزال فيها الرجال ورحم الله والديك واسكنهم فسيح الجنان

[hope91]

أنت يتيمة لكن بما أن الله معك فلا تحتاجين أحدا فقط ضعي كامل ثقتك فيه فأنا مثلك أ أب و لا أخ ، أما فيما يخص خطيبك هذا هللأسف أنت لا تعنين له شيئا فالإنسان عندما يحب يعد الأيام و الساعات ثانية بثانية ليجمع الله بينه و بين محبوبه فلا يختلق الأعذار ليبتعد عنك ، و كلامه عن قلة الترية دليل قاطع على أنه لا يريدك بل و إنه يشتم والديك من خلال هاته الكلمة و أن يقول الناس ''لعب بيها خير من تديه و تعيشي في الهم و الدمار و في االلخر تطلقي و الله يمهل و لا يهمل تأكدي أنك ستنصفين م الله و سيندم يوم لا ينفع الندو و بغذن الله سترزقين بسيد سيدو اللي يحطك في عينيه و يقفل عليك و يتوجك ملكة على عرش قلبه و ليس جارية يستعبدها

[وردة حياتي]

ربما أنت يتيمة وليس لك أخ لكني أنا هنا أخوك ولا تنسى أن الله مع اليتيم وهذا الشخص سيدفع الثمن غاليا على فعلته، لا تقلقي ففي هذه الدنيا رب يحمي الولايا وسيحميك ويرزقك الخير كله، لا تعاودي الإتصال به وإن أراد أن يعود إليك فعليه الإعتذار وأظن أنه يتمسخر والله أعلم لهذا أقول لك مبروك عليك فراقه لأنك تهنيتي من سافل والله يرزقك بوليد لحلال وصح فطورك :)


و الله عندك الحق هذا لكلام المناسب راهي تهانت منو ماعندها علاش تندم